រួមគ្នា ផ្តល់ឈាម ផ្តល់ក្តីសង្ឃឹម ដើម្បីសង្គ្រោះជីវិតពលរដ្ឋដែលមានតម្រូវការឈាមនៅក្នុងប្រទេស

ភ្នំពេញ ៖ ក្នុងគោលបំណងចម្បងនៃការចូលរួមចំណែកសកម្មភាពមនុស្សធម៌សម្រាប់ប្រជាពលរដ្ឋនៅក្នុងប្រទេសកម្ពុជា ជាពិសេស អ្នកដែលមានគ្រោះថ្នាក់ និងមានតម្រូវការឈាមក្នុងពេលសង្គ្រោះអាយុជីវិត ក្រុមហ៊ុន APSARA Media Service (AMS) បានសហការជាមួយសហភាពសហព័ន្ធយុវជនកម្ពុជា រាជធានីភ្នំពេញ (ស.ស.យ.ក រាជធានីភ្នំពេញ) និង BNI Happy Chapter រៀបចំកម្មវិធី «ផ្តល់ឈាម ផ្តល់ក្តីសង្ឃឹម» ដោយមានការស្ម័គ្រចិត្តចូលរួមបរិច្ចាកឈាមពីសមាជិក បុគ្គលិក និងភាគីពាក់ព័ន្ធជាច្រើននាក់។

មានប្រសាសន៍នៅក្នុងកម្មវិធីដែលប្រព្រឹត្តទៅនៅថ្ងៃទី១៥ ខែវិច្ឆិកា ឆ្នាំ២០២១ អ្នកស្រី នុត រដ្ឋា (Clara) នាយិកាប្រតិបត្តិក្រុមហ៊ុន APSARA Media Service (AMS) បានមានប្រសាសន៍ថា សកម្មភាពមនុស្សធម៌គឺជាការចូលរួមដោយស្ម័គ្រចិត្តរបស់មនុស្សគ្រប់គ្នា ដើម្បីចូលរួមជាប្រយោជន៍ និងចែករំលែកនូវធនធានផ្ទាល់ខ្លួនទៅកាន់អ្នកដែលកំពុងមានតម្រូវការចាំបាច់។

អ្នកស្រីបានបន្តថា ៖

«សម្រាប់ការបរិច្ចាកឈាមទៅដល់មជ្ឈមណ្ឌលជាតិផ្តល់ឈាមនៅពេលនេះ ខ្ញុំតំណាងក្រុមការងារ និងបុគ្គលិករបស់ AMS ពិតជាមានក្ដីសោមនស្ស និងរីករាយក្នុងការចូលរួមជាមួយគ្នា។ ការបរិច្ចាគ១ដង ស្មើនឹងជួយជីវិតមនុស្សបាន១នាក់ តាមរយៈសកម្មភាពដ៏ប្រពៃនៃយើងទាំងអស់គ្នាក្នុងនាមជាពលរដ្ឋគំរូល្អ»

ប្រធាន BNI Happy Chapter អ្នកស្រី ពុធ ធីតា ដែលបានដឹកនាំសមាជិកចូលរួមបរិច្ចាកឈាមក្រោមគោលការណ៍ស្ម័គ្រចិត្ត «ផ្តល់ឈាម ផ្តល់ក្តីសង្ឃឹម»ក៏បានមានប្រសាសន៍ផងដែរថា ការបរិច្ចាគឈាម ដោយស្ម័គ្រចិត្ត និងទៀងទាត់ ជារឿងដ៏ប្រសើរ និងគួរលើកទឹកចិត្ត។​​​ សម្រាប់សមាជិករបស់ BNI Happy Chapter តែងចូលរួមធ្វើការបរិច្ចាកឈាមដោយស្ម័គ្រចិត្តជារៀងរាល់ឆ្នាំ ព្រោះជាសកម្មភាពដែលពិតជាអាចស្រោចស្រង់ជីវិតមនុស្សបាន !​ ការផ្ដល់ឈាម គឺជាផ្នែកមួយ នៃការសង្គ្រោះជីវិតមនុស្ស។

អ្នកស្រី ពុធ ធីតា បានមានប្រសាសន៍បន្តថា ៖

«ក្នុងនាមខ្លួនខ្ញុំផ្ទាល់ដែលជាប្រជាពលរដ្ឋ និងជាប្រធាន BNI Happy Chapter សូមលើកទឹកចិត្តដល់សាធារណជនទូទៅ ដែលមានធនធាន មានសុខភាពល្អ គួរចូលរួមជាមួយសកម្មភាពមនុស្សធម៌ដោយការផ្តល់ឈាមក្នុងលក្ខខណ្ឌស្ម័គ្រចិត្ត ដើម្បីអាចជួយសង្គ្រោះអាយុជីវិតប្រជាពលរដ្ឋ ក៏ដូចជាអ្នករងគ្រោះ អ្នកជំងឺដែលកំពុងទទួលការព្យាបាល និងមានតម្រូវការឈាមចាំបាច់ ដើម្បីអាចរស់រានមានជីវិត»

លោក សុំ មនោរម្យ ប្រធានលេខាធិការដ្ឋាន ស.ស.យ.ក រាជធានីភ្នំពេញ បានមានប្រសាសន៍ថា ៖

«ទន្ទឹមនឹងសកម្មភាពសង្គមទូទៅ ដែល ស.ស.យ.ក រាជធានីភ្នំពេញតែងតែបានចូលរួមចំណែកនៅក្នុងសង្គមជាតិជាប់ជាប្រចាំ នៅមានសកម្មភាព និងការលើកទឹកចិត្តដល់សមាជិក រួមជាមួយសាធាណជនទូទៅឱ្យចូលរួមចំណែកក្នុងការបរិច្ចាកឈាមដើម្បីសង្គ្រោះជីវិតពលរដ្ឋ ដែលត្រូវបានធ្វើឡើងជាប្រចាំរៀងរាល់ឆ្នាំ ដោយមានកិច្ចសហការយ៉ាងជិតស្និទ្ធជាមួយមជ្ឈមណ្ឌលជាតិផ្តល់ឈាម»

លោកបានបញ្ជាក់ថា ​៖

«ជារៀងរាល់ឆ្នាំ ស.ស.យ.ក រាជធានីភ្នំពេញ តែងបង្កើតកម្មវិធីបរិច្ចាកឈាមដោយស្ម័គ្រចិត្តក្រោមការចូលរួមពីសំណាក់សមាជិកផ្ទាល់ និងសហការជាមួយបណ្តាសកលវិទ្យាល័យ និងក្រុមហ៊ុនវិស័យឯកជននានានៅក្នុងរាជធានីភ្នំពេញ ដើម្បីធ្វើយ៉ាងណាបានចូលរួមជួយដល់ភាពខ្វះខាត និងចាំបាច់របស់មជ្ឈមណ្ឌលជាតិផ្តល់ឈាមដែលមានតម្រូវការខ្ពស់សម្រាប់សង្គ្រោះជីវិតមនុស្សប្រចាំថ្ងៃ»

លោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្ដល់ឈាម កាលពីពេលកន្លងទៅធ្លាប់បានប្រាប់ឱ្យដឹងថា ក្នុងមួយថ្ងៃនៅទូទាំងប្រទេស ត្រូវការឈាមច្រើនជាងឈាមដែលទទួលបានពីសប្បុរសជន ប៉ុន្តែប្រជាពលរដ្ឋសព្វថ្ងៃនេះ នៅមិនទាន់បានយល់ច្បាស់អំពីការបរិច្ចាកឈាមនៅឡើយទេ ដោយសារពួកគាត់យល់ថា ការបរិច្ចាគឈាមធ្វើឱ្យប៉ះពាល់ដល់សុខភាព ។ 

លោកបានបញ្ជាក់ថា ៖

«បើក្រឡេកមើលអត្រានៃអំណោយឈាមនៅក្នុងចំណោមប្រជាជន ១ពាន់នាក់ យើងឃើញថាមានតែប្រជាជនតែ៤នាក់ប៉ុណ្ណោះដែលបានបរិច្ចាកឈាម ។ ស្ថានភាពតម្រូវការឈាមក្នុងឆ្នាំ២០២០កន្លងទៅនេះ រៀងរាល់៦នាទីម្ដង មានតម្រូវការឈាមចំនួនមួយប្លោកដើម្បីជួយសង្គ្រោះជីវិតអ្នកជំងឺ ខណៈដែលតម្រូវការឈាមប្រចាំថ្ងៃនៅក្នុងរាជធានីភ្នំពេញគិតជាមធ្យមចំនួនរហូតដល់ប្រមាណ២៥០ប្លោក »


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ស្ថានីយវិទ្យុ និងទូរទស្សន៍អប្សរា និងក្រុមហ៊ុន អប្សរា មេឌាសឺវីស (AMS) សម្ពោធដាក់ឱ្យប្រើប្រាស់មជ្ឈមណ្ឌលបំពេញការងារប្រមូលផ្តុំទំនើប

ព្រឹត្តិការណ៍, សេដ្ឋកិច្ច

• 29/03/2024

នស្ថានីយវិទ្យុ និងទូរទស្សន៍អប្សរា និងក្រុមហ៊ុន AMS សម្ពោធដាក់ឱ្យប្រើប្រាស់មជ្ឈមណ្ឌលបំពេញការងារប្រមូលផ្តុំទំនើប

ធនាគារជាតិនៃកម្ពុជាចេញសេចក្តីបំភ្លឺអំពីប្រតិបត្តិការទូទាត់ឌីជីថលនៅកម្ពុជា

ព្រឹត្តិការណ៍, ហិរញ្ញវត្ថុ

• 29/03/2024

ប្រតិបត្តិការទូទាត់ឌីជីថលនៅកម្ពុជា បានកើនឡើងយ៉ាងឆាប់រហ័ស ក្នុងរយៈពេលប៉ុន្មានឆ្នាំចុងក្រោយនេះ ស្របពេលដែលការប្រើប្រាស់ទូរស័ព្ទទំនើបមានកំណើនខ្ពស់ និងគំនិតផ្តួចផ្តើមថ្មីៗកាន់តែច្រើនពីធនាគារជាតិនៃកម្ពុជា

Okra គំរូធុរកិច្ចបរិយាបន្ន ដើម្បីដោះស្រាយបញ្ហាថាមពលស្អាតតម្លៃទាប សំដៅសហគមន៍ក្រីក្រនៅកម្ពុជា

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 29/03/2024

Okra ជាគំរូធុរកិច្ចបរិយាបន្នមួយនៅកម្ពុជាដែលមានដំណើរអាជីវកម្មតាមរយៈការជួយគាំទ្រ និងផ្គត់ផ្គង់ថាមពលស្អាត តម្លៃទាបសំដៅសហគមន៍ក្រីក្រ

ក្រសួងពាណិជ្ជកម្មកម្ពុជា-កូរ៉េ ពិភាក្សាលើការជំរុញ និងបង្កើនទំហំពាណិជ្ជកម្មទ្វេភាគី

ព្រឹត្តិការណ៍, សេដ្ឋកិច្ច

• 29/03/2024

មន្ត្រីជាន់ខ្ពស់កម្ពុជា បានជួបពិភាក្សាការងារជាមួយរដ្ឋមន្ត្រីក្រសួងពាណិជ្ជកម្មនៃសាធារណរដ្ឋកូរ៉េ ដើម្បីពិភាក្សាអំពីវឌ្ឍនភាពនៃទំនាក់ទំនងពាណិជ្ជកម្មរវាងប្រទេសទាំង២

លោកស្រី យូ បូរី ៖ ឌីជីថលពិតជាសំខាន់ក្នុងការជំរុញអាជីវកម្មធុនតូច និងមធ្យម ក៏ដូចជាជំនួញ

ជំនួញ, ព្រឹត្តិការណ៍

• 29/03/2024

បច្ចុប្បន្ននេះ ឌីជីថល បានដើរតួយ៉ាងសំខាន់ក្នុងការបម្រើសេចក្ដីត្រូវការបស់មនុស្ស ដូច្នេះ ចង់ ឬមិនចង់ ប្រជាជនគ្រប់ស្រទាប់ត្រូវតែសម្របខ្លួនឱ្យទាន់បរិបទ

តម្លៃប្រេងឡើងថ្លៃលើសពី ៨៥ ដុល្លារក្នុងមួយបារ៉ែល ខណៈដែលការផ្គត់ផ្គង់នៅតែបន្តមានភាពតឹងតែង

ព្រឹត្តិការណ៍, សេដ្ឋកិច្ច

• 29/03/2024

តម្លៃប្រេងឆៅម៉ាក Brent បានឡើងថ្លៃដល់ ៨៧,៣០ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) បានឡើងថ្លៃ ៨២,៦៣ ដុល្លារក្នុងមួយបារ៉ែល

ដំណឹងល្អ ! ស្ពានអាកាស​មរតក​តេជោ​ ដំណាក់កាលទី​១ នឹង​ដាក់ឱ្យ​ប្រើប្រាស់​បណ្តោះអាសន្នចាប់ពីថ្ងៃទី០១ ខែមេសា​តទៅ

ព្រឹត្តិការណ៍, អចលនទ្រព្យ

• 29/03/2024

ដំណឹងល្អ ! ស្ពានអាកាស​មរតក​តេជោ​ ដំណាក់កាលទី​១ នឹង​ដាក់ឱ្យ​ប្រើប្រាស់​បណ្តោះអាសន្នចាប់ពីថ្ងៃទី០១ ខែមេសា​តទៅ

ក្រុមហ៊ុន ហ្វតតេ ឡាយហ្វ៍ និងសាលារៀនជំនាន់ថ្មី វិទ្យាល័យព្រះស៊ីសុវត្ថិ ចុះ MOU ដើម្បីជួយលើកកម្ពស់ការអប់រំ និងចំណេះដឹងហិរញ្ញវត្ថុ

ព្រឹត្តិការណ៍, អត្ថបទពាណិជ្ជកម្ម

• 29/03/2024

ក្រុមហ៊ុន ហ្វតតេ ឡាយហ្វ៍ និងសាលារៀនជំនាន់ថ្មី វិទ្យាល័យព្រះស៊ីសុវត្ថិ ចុះ MOU ដើម្បីជួយលើកកម្ពស់ការអប់រំ និងចំណេះដឹងហិរញ្ញវត្ថុ

អាជីវកម្មបរិយាបន្ន VinaSamex ជួយសម្រួលជីវភាពប្រជាជនក្រីក្រនៅខេត្តភាគខាងជើងនៃប្រទេសវៀតណាម

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 29/03/2024

អាជីវកម្មបរិយាបន្ន VinaSamex កំពុងជួយជីវភាពប្រជាជនក្រីក្រនៅខេត្តភាគខាងជើងនៃប្រទេសវៀតណាមឱ្យមានលទ្ធភាពធូរធាជាងមុន

My Dream Home ធរុកិច្ចបរិយាបន្នបង្កើតឡើងដើម្បីបំពេញក្តីសុបិនពលរដ្ឋដែលមានជីវភាពខ្វះខាតអាចសាងសង់ផ្ទះផ្ទាល់ខ្លួន

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 29/03/2024

My Dream Home ជាអ្នកជំនាញផលិតឥដ្ឋបរិស្ថាន ឬ Eco-brick ដែលមានតម្លៃទាប ងាយស្រួលប្រើប្រាស់ និងពុំចាំបាច់មានជំនាញក្នុងការងារជាជាងសំណង់ឡើយ