fbpx

តម្លៃអចលនទ្រព្យតាមបណ្ដោយផ្លូវម៉ៅសេទុងនៅមិនទាន់ឈានដល់ចំណុចឆ្អែតនៅឡើយ

ស្ថិតនៅក្នុងទីតាំងដែលប្រមូលផ្ដុំទៅដោយក្រុមហ៊ុន ហាងលក់ទំនិញគ្រប់ប្រភេទ និងជាតំបន់ដែលប្រជុំទៅដោយអាជីវកម្មធំៗផងដែរនោះ តម្លៃអចលនទ្រព្យ​នៅ​តា​មបណ្ដោយផ្លូវម៉ៅសេទុងនៅតែស្ថិតក្នុងកម្រិតខ្ពស់ បើប្រៀបធៀបទៅនឹងតម្លៃអចលទ្រព្យដែលស្ថិតនៅតាមផ្លូវផ្សេងៗក្នុងខណ្ឌចំការមនដូចគ្នា។

រូបភាព ៖ សំណង់ពាណិជ្ជកម្មធំៗនៅតាមបណ្តោយផ្លូវម៉ៅសេទុង ក្នុងខណ្ឌចំការមន រាជធានីភ្នំពេញ

ដោយសារតែវត្តមានរបស់ក្រុមហ៊ុនជាតិ និងអន្តរជាតិធំៗ ក៏ដូចជាបណ្តាហាងលក់ទំនិញសម្ភារប្រើប្រាស់ទំនើបៗទាំងនោះហើយ បានធ្វើឲ្យតំបន់នេះ​មាន​សភាពអ៊ូអរ និងកាន់តែមានភាពងាយស្រួលក្នុងការធ្វើអាជីវកម្ម ព្រមទាំងក្លាយជាគោលដៅដ៏សំខាន់សម្រាប់អ្នកវិនិយោគក្នុងវិស័យអចលនទ្រព្យនៅ​រាជធានី​ភ្នំពេញ។

លោក អ៊ា ចរិយា អគ្គនាយកក្រុមហ៊ុនអចលនទ្រព្យ AP Real Estate Co.L.T.D បានមានប្រសាសន៍ថា៖

រូបភាព ៖ លោក អ៊ា ចរិយា អគ្គនាយកក្រុមហ៊ុនអចលនទ្រព្យ AP Real Estate Co.L.T.D

«ទាក់ទិននឹងតម្លៃអចលនទ្រព្យនៅលើបណ្ដោយផ្លូវម៉ៅសេទុង ដែលរាប់ចាប់ពីចំណុចផ្សារដើមគរ រហូតទៅដល់ចំណុចស្តុបបូកគោគឺមានតម្លៃមិនដូចគ្នាទេ ដែលវាអាស្រ័យទៅតាមទីតាំង និងទំហំ»

«តម្លៃដីនៅតាមផ្លូវម៉ៅសេទុង ចាប់ពីចំណុចផ្លូវបំបែកផ្សារដើមគររហូតទៅដល់ស្តុបបូកគោស្ថិតនៅចន្លោះពី 5,000-8,000 ដុល្លារ អាស្រ័យទៅតាមប្រភេទដី មុខធំ មុខតូច ហើយវាអាចខុសគ្នាទៀត ចំពោះតំបន់កាច់ជ្រុង និងតំបន់ដែលមានការលក់ដូរច្រើន»


លោកបានបន្ថែមទៀតថា ៖

«មូលហេតុដែលជម្រុញឲ្យតម្លៃដី ក៏ដូចជាអចលនទ្រព្យនៅផ្លូវនេះមានតម្លៃខ្ពស់ដោយសារតែផ្លូវនេះជាផ្លូវមេនៅក្នុងរាជធានីភ្នំពេញ ហើយវាមានភាពងាយស្រួលក្នុងការប្រកបអាជីវកម្ម ឬក៏ដូចជាបើកជាការិយាល័យក្រុមហ៊ុនផ្សេងៗជាដើម ហេតុដូច្នេះហើយបានជាយើងឃើញមានក្រុមហ៊ុនធំៗជាច្រើនបើកការសាងសង់នៅតាមដងវិថីមួយនេះ»

ដោយឡែកសម្រាប់អចលនទ្រព្យ ក៏ដូចជាដីធ្លីដែលស្ថិតនៅតាមបណ្តោយផ្លូវសំខាន់ៗផ្សេងទៀតដូចជា ផ្លូវព្រះមុនីវង្ស ផ្លូវសម្ដេចព្រះនរោត្តម និងផ្លូវព្រះសីហនុ ក៏មានតម្លៃមិនចាញ់គ្នាប៉ុន្មាននោះដែរ ដោយសារតែវាជាប្រភេទផ្លូវធំៗ និងសំខាន់ៗរបស់រាជធានីភ្នំពេញដែលមានការធ្វើចរាចរណ៍ច្រើន។

បើទោះយ៉ាងណាក៏ដោយ អ្នកជំនាញទីផ្សារអចលនទ្រព្យរូបនេះបានអះអាងថា តម្លៃដីធ្លី និងអចលនទ្រព្យនៅតំបន់ទាំងនេះនឹងនៅតែបន្តកើនឡើង ទាំងការជួល ក៏ដូចជាការទិញលក់ ព្រោះរាជធានីភ្នំពេញកាន់តែមានការអភិវឌ្ឍន៍ តម្រូវការប្រើប្រាស់អចលនទ្រព្យកាន់តែកើនឡើង ដែលជាទូទៅកំណើនតម្លៃបានកើនឡើងក្នុងរង្វង់ប្រមាណ 10-15ភាគរយជាប្រចាំឆ្នាំ៕


ជំនួញ, ព្រឹត្តិការណ៍, អត្ថបទ

នំកន្រ្ទាំខ្មែរ មានទីផ្សារ និងតម្រូវការខ្ពស់ក្នុងរដូវបុណ្យភ្ជុំបិណ្ឌ

នំកន្រ្ទាំខ្មែរ ដែលទទួលបានការពេញនិយមនៅក្នុងពិធីផ្សេងៗសម្រាប់ទទួលភ្ញៀវធ្វើជាចំណី ឬអាហារសម្រន់នោះ បាន និងកំពុងមានប្រជាប្រិយភាពខ្ពស់ ជាពិសេសនៅក្នុងរដូវបុណ្យដាក់បិណ្ឌ
ព្រឹត្តិការណ៍, សេដ្ឋកិច្ច, អត្ថបទ

វិស័យឯកជនស្នើរឲ្យមានការបញ្ជាក់ផ្លូវការលើការបើកទេសចរណ៍ឡើងវិញដើម្បីងាយស្រួលត្រៀមខ្លួន

វិស័យឯកជនបានស្នើដល់ក្រសួងទេសចរណ៍ចេញសេចក្ដីជូនដំណឹងផ្លូវការពីពេលវេលាចំពោះផែនការទេសចរណ៍វ៉ាក់សាំង ដើម្បីឲ្យវិស័យឯកជនងាយស្រួលក្នុងការត្រៀមខ្លួ
ព្រឹត្តិការណ៍, ហិរញ្ញវត្ថុ, អត្ថបទ

ចំណេះដឹង ៖ ស្វែងយល់ពីតួនាទីធនាគារកណ្តាលអឺរ៉ុប (ECB)

ធនាគារកណ្តាលអឺរ៉ុប (ECB) គឺជាធនាគារកណ្តាលដែលទទួលខុសត្រូវចំពោះគោលនយោបាយរូបិយវត្ថុរបស់បណ្តាប្រទេសជាសមាជិកសហភាពអឺរ៉ុបដែលបានអនុម័តរូបិយប័ណ្ណអឺរ៉ូ។
ព្រឹត្តិការណ៍, អត្ថបទ, អាជីវកម្មថ្មី និងនវានុវត្ត

ក្រុងប៉េកាំងមានស្ថានីយ៍ 5G ជាង៤៥ម៉ឺនកន្លែង

គិតត្រឹមចុងខែសីហាកន្លងទៅនេះ ទីក្រុងប៉េកាំងមានវត្តមាននៃស្ថានីយ៍តភ្ជាប់អ៊ីនធឺណេតបច្ចេកវិទ្យាចុងក្រោយ 5G ដល់ទៅ ៤៥ ០០០កន្លែង ដែលមានមនុស្សប្រមាណជា ១២លាននាក់
ព្រឹត្តិការណ៍, ហិរញ្ញវត្ថុ, អត្ថបទ

សមាគមចំនួន៣សហការគ្នាលើកកម្ពស់ចំណេះដឹងហិរញ្ញវត្ថុដល់សហគ្រិនវ័យក្មេង និង SMEs នៅកម្ពុជា

សមាគមចំនួន៣បានចុះហត្ថលេខាសហការគ្នាដើម្បីលើកកម្ពស់ និងផ្តល់ចំណេះដឹងហិរញ្ញវត្ថុ ទៅសហគ្រិនវ័យក្មេង ក៏ដូចជាសហគ្រាសធុនតូច និងមធ្យម (SMEs) នៅកម្ពុជា ឲ្យកាន់តែទូលំ
ព្រឹត្តិការណ៍, សេដ្ឋកិច្ច, អត្ថបទ

៣០ឆ្នាំចុងក្រោយនេះវៀតណាមប្រើយុទ្ធសាស្ត្រ៣ដើម្បីកសាងសេដ្ឋកិច្ច

ក្នុងរយៈពេល៣០ឆ្នាំ វៀតណាម បានប្រែក្លាយប្រទេសពីភាពក្រីក្រក្នុងតំបន់ ក៏ដូចជាពិភពលោក មកជាប្រទេសដែលមានការអភិវឌ្ឍន៍លើគ្រប់វិស័យ ជាមួយនឹងការផ្តល់ជូននូវជីវភាពល្អដល់
ព្រឹត្តិការណ៍, អចលនទ្រព្យ, អត្ថបទ

កម្ពុជា – អូស្ត្រាលីបង្កើនសហប្រតិបត្តិការពង្រឹងសុវត្ថិភាពការងារក្នុងវិស័យសំណង់

ជាការចូលរួមលើកកម្ពស់ និងពង្រឹងគុណភាពនៅក្នុងវិស័យសំណង់កម្ពុជា រដ្ឋាភិបាលអូស្ត្រាលី តាមរយៈស្ថានទូតប្រចាំនៅកម្ពុជាបានចុះកិច្ចព្រមព្រៀងជួយពង្រឹងសុវត្ថិភាពការងារក្នុង
ជំនួញ, ព្រឹត្តិការណ៍, អត្ថបទ

កូរ៉េខាងត្បូងពិន័យGoogle១៧៧លានដុល្លារពីបទរារាំងការអភិវឌ្ឍន៍កម្មវិធីប្រព័ន្ធប្រតិបត្តិការ Android

កូរ៉េខាងត្បូងពិន័យ Google ចំនួន ១៧៧ លានដុល្លារពីបទរារាំងការអភិវឌ្ឍន៍កម្មវិធីរបស់គូប្រជែងក្នុងប្រព័ន្ធប្រតិបត្តិការ Android ដោយគាំទ្រដល់យុទ្ធនាការមួយផ្តោតលើភាព
ព្រឹត្តិការណ៍, អត្ថបទ, អាជីវកម្មថ្មី និងនវានុវត្ត

ក្រុមហ៊ុនរុករករ៉ែមាសនៅខេត្តត្បូងឃ្មុំនឹងចាប់ផ្ដើមដំណើរការ បើមិនមានការប៉ះពាល់ដល់បរិស្ថាន

ប្រសិនបើលទ្ធផលនៃការសិក្សាបញ្ជាក់ថា មិនមានផលប៉ះបាល់ទៅដល់បរិស្ថាននោះទេ ក្រុមហ៊ុនរុករករ៉ែមាស អាចនឹងចាបផ្តើមដំណើរការក្នុងពេលឆាប់ៗខាងមុខនេះ
បទយកការណ៍, របាយការណ៍, អចលនទ្រព្យ

ក្រុមហ៊ុនអចលនទ្រព្យធំបំផុតរបស់ចិនប្រមូលផលលក់បានជាង១០០ពាន់លានដុល្លារក្នុងសម័យកាលកូវីដ១៩

យោងតាមសេចក្តីប្រកាសរបស់ក្រុមហ៊ុន Evergrande Group ដែលជាក្រុមហ៊ុនអចលទ្រព្យដ៏ធំបំផុតរបស់ប្រទេសចិន…

AMS ECONOMY
@amseconomy