ភ្នំពេញ៖ កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ដែលជាកិច្ចព្រមព្រៀងពាណិជ្ជកម្មសេរីធំជាងគេលើពិភពលោក នឹងចូលជាធរមានជាផ្លូវការចាប់ពីថ្ងៃទី ១ ខែមករា ឆ្នាំ២០២២តទៅ បន្ទាប់ពីត្រូវបានចុះហត្ថលេខាស្នើដោយសមាជិកអាស៊ានទាំង ១០ និងប្រទេសជាដៃគូចំនួន ៥ កាលពីខែវិច្ឆិកា ឆ្នាំ២០២០ នៅប្រជុំកំពូលអាស៊ានលើកទី ៣៧ ដែលវៀតណាមធ្វើជាប្រធាន។
បណ្តាប្រទេសអាស៊ាន រួមទាំងប្រទេសកម្ពុជា និងវៀតណាម និងប្រទេសហត្ថលេខីចំនួន ៤ រួមមានចិន ជប៉ុន អូស្ត្រាលី និងនូវែលសេឡង់ បានដាក់ឯកសារដែលផ្តល់សច្ចាប័នលើកិច្ចព្រមព្រៀងនេះទៅអគ្គលេខាធិការអាស៊ានរួចរាល់។ កិច្ចព្រមព្រៀង RCEP នឹងចូលជាធរមានក្នុងរយៈពេល ៦០ ថ្ងៃ បន្ទាប់ពីកិច្ចព្រមព្រៀងនេះត្រូវបានផ្តល់សច្ចាប័នដោយសមាជិកអាស៊ានយ៉ាងតិចប្រាំមួយ និងប្រទេសហត្ថលេខីចំនួនបីផ្សេងទៀត។
លោកឧកញ្ញ៉ា លឹម ហេង អនុប្រធានសភាពាណិជ្ជកម្មកម្ពុជា បានថ្លែងប្រាប់ AMS ថា នៅពេលណាកម្ពុជាមានកិច្ចព្រមព្រៀងពាណិជ្ជកម្មកាន់តែច្រើន វាកាន់តែមានភាពល្អប្រសើរសម្រាប់កម្ពុជា ក្នុងការបើកទីផ្សារពាណិជ្ជកម្មឱ្យកាន់តែមានភាពទូលំទូលាយ។
លោកឧកញ្ញ៉ាបានថ្លែងបន្តថា ៖
«កិច្ចព្រមព្រៀង RCEP គឺមានអាស៊ានបូកនឹងប្រទេសចំនួន៥ ដែលមានសេដ្ឋកិច្ចជឿនលឿន និងផ្តល់ផលល្អសម្រាប់កម្ពុជា ក្នុងការធ្វើទំនាក់ទំនងសេដ្ឋកិច្ចទៅកាន់ទីផ្សារ និងតំបន់ថ្មីៗ»
លោកឧកញ៉ាបានថ្លែងបន្តថា ជាមួយគ្នានេះដែរ កិច្ចព្រមព្រៀង RCEP នេះនឹងជួយបំពេញបន្ថែម ក៏ដូចជាការតភ្ជាប់ទំនាក់ទំនងសេដ្ឋកិច្ចក្នុងតំបន់អាស៊ានតាមរយៈការអនុវត្តគោលនយោបាយសមាគមសេដ្ឋកិច្ចអាស៊ាន។
ដោយបានចុះហត្ថលេខានៅថ្ងៃទី១៥ ខែវិច្ឆិកាឆ្នាំ២០២០ RCEP គឺជាកិច្ចព្រមព្រៀងពាណិជ្ជកម្មដ៏ធំមួយរវាងប្រទេសជាសមាជិកអាស៊ានទាំង ១០ (កម្ពុជា ព្រុយណេ ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម) និងដៃគូកិច្ចព្រមព្រៀងពាណិជ្ជកម្មសេរីរបស់ខ្លួនរួមមាន ចិន ជប៉ុន កូរ៉េខាងត្បូង អូស្ត្រាលី និងនូវែលហ្សេឡង់។
កិច្ចព្រមព្រៀង RCEP នឹងក្លាយជាតំបន់មួយដែលមានផលិតផលសរុបក្នុងស្រុកសរុប (GDP) ចំនួន ២៦.២ ទ្រីលានដុល្លារអាមេរិក ឬប្រហែល ៣០ ភាគរយនៃផលិតផលក្នុងស្រុកសរុបពិភពលោក កិច្ចព្រមព្រៀង និងជាកិច្ចព្រមព្រៀងពាណិជ្ជកម្មធំបំផុតលើពិលោក និងមិនធ្លាប់មានពីមុនមក ដែលនឹងផ្តល់ផលប្រយោជន៍ដល់ប្រទេសហត្ថលេខី។ នៅពេលចូលជាធរមាន កិច្ចព្រមព្រៀងនេះនឹងលុបចោលពន្ធលើទំនិញ ៩០ ភាគរយ ក្នុងការធ្វើពាណិជ្ជកម្មរវាងប្រទេសហត្ថលេខីរបស់ខ្លួន៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧បុរសម្នាក់កែច្នៃត្រឡោកដូងទៅជាធ្យូងអនាម័យ ជួយដល់សុខមាលភាពប្រជាជន
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
ជំនួសឱ្យការយកឈើទៅដុត បុរសម្នាក់បានប្រមូលយកត្រឡោកដូងដែលគេកោសសាច់រួច ទៅដុតឱ្យចេញជាធ្យូងអនាម័យ។
Hilltribe Organics ជួយបង្កើនប្រាក់ចំណូលជនជាតិភាគតិចនៅប្រទេសថៃជាង ៥០០ ដុល្លារក្នុងមួយខែពីការចិញ្ចឹមមាន់យកស៊ុតសរីរាង្គ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Hilltribe Organics បានរួមបញ្ចូលជនជាតិដើមភាគតិចដែលចិញ្ចឹមមាន់យកស៊ុតទៅក្នុងខ្សែសង្វាក់តម្លៃនៃផលិតផលសរីរាង្គរបស់ខ្លួន និងបានជួយបង្កើនប្រាក់ចំណូលរបស់ពួកគេបីដង ឬជាង ៥០០ ដុល្លារក្នុងមួយខែ
Doi Kham ក្រុមហ៊ុនធុរកិច្ចបរិយាបន្នថៃផ្តោតសំខាន់ជួយគាំទ្រជីវភាពក្រុមកុលសម្ព័ន្ធភ្នំ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Doi Kham បានជួយគាំទ្រដល់ក្រុមពលរដ្ឋកុលសម្ព័ន្ធជាច្រើនរយពាន់គ្រួសារតាមរយៈការទទួលទិញគ្រាប់កាហ្វេដែលមានគុណភាពខ្ពស់ដោយផ្ទាល់ពីសហគមន៍ទាំងនេះ