សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បន្ទាប់ពីរាជរដ្ឋាភិបាលបានបើកសេដ្ឋកិច្ចលើគ្រប់វិស័យ ជាពិសេសការប្រកាសបញ្ចប់ព្រឹត្តិការណ៍២០កុម្ភៈកាលពីពេលថ្មីៗនេះ វិស័យអចលនទ្រព្យបានចាប់ផ្តើមមានសកម្មភាពជាបណ្តើរៗឡើងវិញ ដែលក្នុងនោះទីផ្សារនៃការទិញលក់ក៏ចាប់មានភាពមមាញឹកឡើងវិញផងដែរ។
នៅពេលនិយាយពីការវិនិយោគនៅក្នុងក្នុងទីផ្សារអចលនទ្រព្យរួមមានដី លំនៅដ្ឋាន ឃ្លាំង ជាដើម គឺជាការសំដៅទៅលើការទិញសម្រាប់អភិវឌ្ឍ ឬទិញទុកលក់បន្តយកចំណេញ។ ប៉ុន្តែមិនមែនរាល់ការវិនិយោគសុទ្ធតែមានឱកាសចំណេញទាំងអស់ដូចគ្នានោះទេ។
លោកឧកញ៉ាបណ្ឌិត តេង រិទ្ធី អគ្គនាយកក្រុមហ៊ុន R Investment បានមានប្រសាសន៍ថា ការវិនិយោគនៅក្នុងទីផ្សារអចលនទ្រព្យអាចសម្រេចភាពជោគជ័យ ឬទទួលបានផលចំណេញគឺអាស្រ័យទៅលើការពិចារណាត្រឹមត្រូវចំនួន៤ ចំណុច ដែលអាចចាត់ទុកដាជាសសរស្តម្ភយ៉ាងសំខាន់។
លោកឧកញ៉ាបានបញ្ជាក់ថា គន្លឹះសំខាន់ខ្លះៗសម្រាប់លោកអ្នកដែលមានបំណងចង់វិនិយោគក្នុងវិស័យអចលនទ្រព្យរួមមាន ៖
– ទី១- ទីតាំងភូមិសាស្ត្រ ៖ គឺជាតំបន់ដែលមានរំហូរចរាចរណ៍ល្អព្រមទាំងអាចមានលទ្ធភាពលើការអភិវឌ្ឍន៍ជាពហុបំណង ដូចជាផ្សារ សាលារៀន រោងចកក្រសហគ្រាសជាដើម។ ដោយសារតំបន់ទាំងនេះនឹងមានការចាប់អារម្មណ៍ខ្លាំងពីសំណាក់អ្នកទិញ និងអ្នកវិនិយោគ ជាពិសេស ងាយស្រួលសម្រាប់ប្រកបអាជីវកម្ម។
– ទី២- ប្រព័ន្ធហេដ្ឋារចនាសម្ព័ន្ធ ៖ ទីតាំងដីត្រូវមានហេដ្ឋារចនសម្ព័ន្ធស្រាប់ ដែលងាយស្រួលក្នុងការធ្វើដំណើរក្នុងនោះក៏ត្រូវមើលអំពីប្រព័ន្ធទឹក ភ្លើង លូ ហើយដីត្រូវមានចម្ងាយមួយដែលសមស្របពីកន្លែងមួយចំនួនដូចជា សាលារៀន ផ្សារ និងសេវាសាធារណៈផ្សេងៗ ។ល។
– ទី៣- ផែនការមេអភិវឌ្ឍន៍របស់រដ្ឋាភិបាល ៖ ត្រូវប្រាកដថា តំបន់ដីនឹងមានគម្រោងផែនការមេរបស់រដ្ឋាភិបាល ដូចជាការបង្កើតគំរោងថ្មី(ទីក្រុងរណបថ្មី )ការស្ថាបនាផ្លូវជាដើម នេះមានន័យថា ដីនឹងមានតម្រូវការខ្ពស់ ហើយតម្លៃក៏នឹងកើនឡើងលឿនផងដែរ។
– ទី៤- បញ្ហាផ្លូវច្បាប់ ៖ មុននឹងសម្រេចចិត្តទិញដីធ្លី លោកអ្នកមិនគួរមើលរំលងផ្នែកច្បាប់នោះទេ។ លោកអ្នកត្រូវបា្រកដថា ដីធ្លីនោះមានសុវត្ថិភាពដែលទទួលស្គាល់ពេញលេញត្រឹមត្រូវដោយច្បាប់ ជាពិសេសពីអាជ្ញាធរ និងការទទួលស្គាល់ដោយថ្នាក់ជាតិ (ក្រសួងដែនដី) ទាំងទំហំដី ក្បាលដី ប្លង់ទន់ និងប្លង់រឹង។ នៅពេលដែលមានការពិចារណាគ្រប់ជ្រុងជ្រោយទៅលើចំណុចសំខាន់ៗទាំង៤ដូចបានរៀបរាប់ខាងលើនេះ នោះការវិនិយោគរបស់លោកអ្នកនឹងមានឱកាសទទួលបានផលចំណេញច្រើនជាងភាពប្រឈមជាក់ជាមិនខាន៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content