fbpx

ផ្សារទំនើបលក់រាយ (Mart) ជាទិសដៅថ្មីនៃការវិនិយោគនៅកម្ពុជា

ភ្នំពេញ ៖ ផ្សារម៉ាត (Mart) ឬផ្សារលក់រាយ ត្រូវបានមនុស្សភាគច្រើនទទួលស្គាល់ថា ជាផ្សារទំនើបទំហំតូចល្មមដែលមាន​លក់ទំនិញ​ចម្រុះ និងមានការ​ត្រួត​ពិនិត្យគុណភាព និងកាលកំណត់ច្បាស់លាស់។ បច្ចុប្បន្ន ផ្សារប្រភេទនេះកំពុងរីកដុះដាល់ច្រើននៅ​ក្នុងទីក្រុងភ្នំពេញ និងនៅតាមទីរួមខេត្តធំៗ ដែលអាច​ធ្វើឲ្យផ្សារបែបបុរាណរបស់ខ្មែរកែប្រែទម្លាប់តាមខ្លះ។

ផ្សារទំនើបលក់រាយខ្នាតតូច ឬហៅថា ម៉ាត (Mart) ផ្ដល់ភាពងាយស្រួលច្រើនក្នុងការទិញទំនិញ ជាពិសេសចំពោះស្ថានភាពកូវីដ១៩នេះ ដោយការកាត់បន្ថយនូវការទិញទំនិញប្រជ្រៀតគ្នា។ ចំណែក​ឯការកើនឡើងជាបន្តបន្ទាប់នៃផ្សារប្រភេទនេះ​ ក៏ត្រូវបានអ្នកជំនាញមើលឃើញពីភាពល្អប្រសើរនៃសេដ្ឋកិច្ចកម្ពុជាផងដែរ។

អ្នកស្រី អាន សុធីតា អ្នកជំនាញអចលនទ្រព្យលំដាប់អន្តរជាតិបានសាទរចំពោះវត្តមានផ្សារម៉ាតល្បីៗដែលសម្រេចចិត្តម​កដាក់​សាខា​របស់​ខ្លួននៅកម្ពុជា​ និងបន្តលើកទឹកចិត្តឲ្យ​ប្រជាពលរដ្ឋក្នុងស្រុក​រៀនផ្លាស់ប្ដូរទម្លាប់លក់ដូររបស់ខ្លួនទៅជាប្រភេទផ្សារម៉ាតវិញ ព្រោះបើអាចផ្លាស់ប្ដូរទម្លាប់ពីការលក់ដូរ​ទំនិញ​បែបលក្ខណៈគ្រួសារនៅផ្ទះ ឬស្ដង់ក្នុងតំបន់មកជាប្រភេទផ្សារបែបនេះ អាជីវកម្មរបស់ពួកគេក៏អាចបង្កើនទំនុកចិត្តច្រើនជាងមុន ហើយពលរដ្ឋខ្លួនឯង​មិនចាំបាច់ភ័យព្រួយរឿងគុណភាពទំនិញដែលខ្លួនទិញយកមក​ប្រើប្រាស់អស់សុពលភាព ឬប៉ះពាល់​ដល់​សុខភាពនោះដែរ។

អ្នកស្រីបញ្ជាក់ថា ៖

«ការចូលមកជាបន្តបន្ទាប់នូវផ្សារម៉ាតធំៗមកកម្ពុជានេះ បង្ហាញពីតម្រូវការរបស់​ប្រជាជនក្នុងស្រុកកើនឡើងខ្ពស់ និងមានជម្រើសទៅ​លើ​ទំនិញមានគុណភាព ខុសពីគ្រាមុនដែលពួកគេខ្វល់ខ្វាយតែពីបញ្ហាតម្លៃជាការសំខាន់។ ម៉្យាងទៀត ប្រជាជនបច្ចុប្បន្នមានចំណេះដឹង​ច្រើនលើផ្នែក​សុខភាព ដូច្នេះពួកគេសុខចិត្តចំណាយ​ប្រាក់លើសថ្លៃបន្តិចបន្តួចដើម្បីសុខមាលភាពក្នុងការដើរទិញទំនិញរបស់ពួកគេ»

ជាមួយគ្នានេះ អ្នកស្រី អាន សុធីតា ក៏បានលើកឡើងផងដែរថា អគាពាណិជ្ជកម្មទំនើបៗនៅកម្ពុជាក៏ជាទីផ្សារធំមួយសម្រាប់ផ្សារម៉ាតដែល​ផ្គត់ផ្គង់សម្ភារៈលក្ខណៈស្តង់ដារ ហេតុនេះអ្នកស្រីជឿថាផ្សារទាំងនោះនឹងបន្តពង្រីកសាខារបស់ខ្លួនបន្ថែមទៀតដើម្បីឆ្លើយតបទៅនឹងតម្រូវការដែលតែងមានការកើនឡើងទាំងនេះ។

គួរបញ្ជាក់ថា កាលពីពេលថ្មីៗនេះវត្តមានផ្សារលំដាប់អន្តរជាតិធំៗចំនួនពីរបានមកដាក់សាខារបស់​ខ្លួននៅកម្ពុជា រួមមានផ្សារ 7Eleven និង ផ្សារ Big C ខណៈដែលផ្សារនីមួយៗសុទ្ធតែមានទិសដៅ និងផែនការពង្រីកសាខារាប់​រយទីតាំងបន្ថែមទៀតនៅពាសពេញប្រទេសកម្ពុជាដើម្បីឈានទៅ​បំពេញតម្រូវ​ការដល់ទីផ្សារក្នុងស្រុកបានគ្រប់ទិសទី។

វត្តមានផ្សារទំនើបខ្នាតតូចទាំងនេះបានរួមចំណែកជួយដល់សេដ្ឋកិច្ចកម្ពុជាតាមរយៈការបង់ពន្ធនាំចូលទំនិញ ការផ្ដល់ការងារដល់ប្រជាជនក្នុងស្រុក ជាចំណែកនៃភាពរីកចម្រើននៃវិស័យអចលនទ្រព្យ ក៏ដូចជាការផ្គត់ផ្គង់​ទំនិញមានគុណភាពផងដែរ៕


ព្រឹត្តិការណ៍, សេដ្ឋកិច្ច

ចិននៅតែឈរលំដាប់លេខ១ ក្នុងការបណ្តាក់ទុនវិនិយោគ

រហូតមកដល់ដើមត្រីមាសទី៣ ឆ្នាំ២០២១នេះ មហាមិត្តចិន នៅតែជាប្រទេសដែលទម្លាក់ទុនវិនិយោគនៅកម្ពុជាច្រើនជាង និងស្ថិតនៅលេខរាងកំពូលដដែល
ព្រឹត្តិការណ៍, ហិរញ្ញវត្ថុ

យល់ដឹងពីការប្តូរប្រាក់រៀលចាស់ៗនៅធនាគារជាតិនៃកម្ពុជា

សាធារណជនអាចប្តូរប្រាក់រៀល ឬកាសដែលចាស់ៗបាននៅធនាគារជាតិនៃកម្ពុជា ដែលជាអាជ្ញាធររូបិយវត្ថុ និងត្រួតពិនិត្យប្រព័ន្ធធនាគារនៅកម្ពុជា ប៉ុន្តែក្នុងករណីខ្លះធនាគារជាតិក៏
ព្រឹត្តិការណ៍, អចលនទ្រព្យ

អាជ្ញាធររាជធានីភ្នំពេញបង្កើតក្រុមការងារត្រួតពិនិត្យ និងវាយតម្លៃសំណង់ចាស់ៗដើម្បីថែរក្សាជាអគារបេតិកភណ្ឌ

រដ្ឋបាលរាជធានីភ្នំពេញបានសម្រេចបង្កើតក្រុមការងារត្រួតពិនិត្យ និងវាយតម្លៃសំណង់អគារបុរាណនៅតាមខណ្ឌទាំង១៤ ដើម្បីពង្រឹងយន្តការដែលមានស្រាប់ក្នុងការការពារ ថែរក្សាជាអគារ
ព្រឹត្តិការណ៍, អាជីវកម្មថ្មី និងនវានុវត្ត

សិង្ហបុរីដាក់មហិច្ឆិតានាំចូលអគ្គិសនីដែលបញ្ចេញកាបូនកម្រិតទាបឲ្យបាន៣០ភាគរយ

ប្រទេសសិង្ហបុរីបានធ្វើការប្រកាសបង្ហាញអំពីផែនការដ៏ធំមួយក្នុងការនាំចូលអគ្គិសនីមកប្រើប្រាស់ក្នុងប្រទេសឲ្យបានទៅដល់ទំហំ៤ជីហ្គាវ៉ាត់ (GW) ដែលមានកម្រិតកាបូនទាបនៅត្រឹម
ព្រឹត្តិការណ៍, សេដ្ឋកិច្ច

វិស័យធំៗចំនួន៣ នឹងជំរុញឱ្យកំណើនសេដ្ឋកិច្ចកម្ពុជាសម្រេចបានអត្រា៤,៨% សម្រាប់ឆ្នាំ២០២២

ភ្នំពេញ ៖ រាជរដ្ឋាភិបាលបានព្យាករណ៍ថា សេដ្ឋកិច្ចកម្ពុជានឹងសម្រេចបានក្នុងកំណើននៃអត្រា ៤,៨% សម្រាប់ឆ្នាំ២០២២ ដោយសារតែកំណើននៃវិស័យចំនួន ៣ធំៗ ក្នុងនោះរួមមានវិស័យឧស្សាហកម្ម វិស័យសេវាកម្ម និងវិស័យកសិកម្ម ខណៈសេដ្ឋកិច្ចកម្ពុជានៅឆ្នាំ២០២១ ត្រូវបានប៉ាន់ស្មានថាមានកំណើនក្នុងអត្រា ២,៤%។ សេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២…
ជំនួញ, ព្រឹត្តិការណ៍

លោក Trump បង្កើតបណ្តាញសង្គមដ៏ធំមិនចាញ់ Facebook ជាការប្តូរកំហឹង និងការអន់ចិត្តរបស់ខ្លួន

អតីតប្រធានាធិបតីសហរដ្ឋអាមេរិក លោក Donald Trump បាន និងកំពុងបង្កើតបណ្តាញសង្គមដ៏ធំមួយ ដើម្បីប្រកួតប្រជែងជាមួយ facebook និង Twitter រួមនឹងបណ្តាញសង្គមផ្សេងទៀត
ព្រឹត្តិការណ៍, ហិរញ្ញវត្ថុ

សេវាធានារ៉ាប់រងឥណទានប្រៀបបានសំណាញ់សុវត្តិភាពហិរញ្ញវត្ថុដើម្បីធានាលទ្ធភាពទូទាត់ឥណទាន

សេវាធានារ៉ាប់រងឥណទានបានផ្តល់នូវសំណាញ់ សុវត្តិភាពហិរញ្ញវត្ថុ ដែលនឹងធានាពីលទ្ធភាពទូទាត់សងបំណុល។ នេះជាការលើកឡើងរបស់មន្ត្រីជាន់ខ្ពស់ធនាគារជាតិនៃកម្ពុជា ។
ព្រឹត្តិការណ៍, អចលនទ្រព្យ

ទីផ្សារការិយាល័យជួលនឹងកើនឡើងវិញក្រោយរដ្ឋាភិបាលបើកសេដ្ឋកិច្ច

យ៉ាងយូរនៅត្រឹមដើមឆ្នាំ២០២២ ទីផ្សារ និងការផ្គត់ផ្គង់អគារការិយាល័យជួលនៅកម្ពុជា នឹងមានការកើនឡើង ខណៈតម្រូវការជួលនឹងមានកំណើន បន្ទាប់ពីរាជរដ្ឋាភិបាលបើកសេដ្ឋ
ព្រឹត្តិការណ៍, សេដ្ឋកិច្ច

JICA ផ្តល់ថវិកា ៥៨ លានដុល្លារអាមេរិកសម្រាប់ផ្គត់ផ្គង់ទឹកស្អាតនៅសៀមរាប

រដ្ឋាភិបាលជប៉ុន តាមរយៈអង្គការ JICA បានផ្តល់ជំនួយដល់រាជរដ្ឋភិបាលកម្ពុជាសម្រាប់គម្រោងពង្រីកសមត្ថភាពផ្គត់ផ្គង់ទឹកស្អាតសៀមរាបចំនួន ៦
ព្រឹត្តិការណ៍, សេដ្ឋកិច្ច

រាជរដ្ឋាភិបាលគ្រោងវិភាជន៍ថវិការហូតប្រមាណ ១,៥៥៧ លានដុល្លារអាមេរិកសម្រាប់ឆ្នាំ២០២១

រាជរដ្ឋាភិបាលកម្ពុជា បានបង្កើនខ្ទង់ចំណាយវិភាជន៍ថវិការដែលអាចកើនដល់ប្រមាណ ១ ៥៥៧លានដុល្លារ ជាមួយនឹងការត្រៀមសម្រាប់ឆ្នាំ២០២២

AMS ECONOMY
@amseconomy