fbpx

ស្វែងយល់ ៖ Robert T. Kiyosaki មូលដ្ឋានគ្រឹះទាំង ៤ នៃចំណេះដឹងហិរញ្ញវត្ថុ

បរទេស ៖ លោក Robert T. Kiyosaki ត្រូវបានគេស្គាល់ថា ជាអ្នកនិពន្ធសៀវភៅ Rich Dad Poor Dad ដែលជាសៀវភៅហិរញ្ញវត្ថុផ្ទាល់​ខ្លួនលក់​ដាច់បំផុត​ក្នុងលោក។ Robert Kiyosaki បានផ្លាស់ប្តូររបៀបដែលមនុស្សរាប់លាននាក់នៅជុំវិញពិភពលោកគិតអំពីលុយ ឬហិរញ្ញវត្ថុផ្ទាល់ខ្លួន។ គាត់គឺជាសហគ្រិន អ្នកអប់រំ និងវិនិយោគិនដ៏មានឥទ្ធិពលម្នាក់ ហើយគាត់បានបង្ហាញនូវមូលដ្ឋានគ្រឹះទាំង ៤ នៃចំណេះដឹងហិរញ្ញវត្ថុដូចខាងក្រោម។

១៖ ភាពខុសគ្នារវាងទ្រព្យ និងបំណុល ៖ មានមនុស្សជាច្រើនយល់ច្រឡំរវាងទ្រព្យ និងបំណុល។ ឧទាហរណ៍ អ្នកប្រហែលជាគិតថាផ្ទះរបស់​អ្នកគឺជា​ទ្រព្យ​សម្បត្តិ ប៉ុន្តែវាមិនមែនទេ។ ការពិតគឺថាទ្រព្យមាននិយមន័យពីរ។ គណនេយ្យករប្រើនិយមន័យមួយ ដែលតម្រូវឱ្យមានការរៀបចំឯកសារ​ហិរញ្ញវត្ថុជាច្រើន​ដើម្បី​ធ្វើឱ្យបុគ្គលនិងក្រុមហ៊ុនមានអារម្មណ៍ថាខ្លួនមានទ្រព្យសម្បត្តិច្រើនជាងអ្វីដែលពួកគេមាន។ ចំណែកឯអ្នកមានប្រើនិយមន័យផ្សេងដោយ​ផ្អែកលើ​ភាព​សាមញ្ញនិងការពិត។ ទ្រព្យគឺជាអ្វីដែលរកលុយចូលក្នុងហោប៉ៅរបស់អ្នក ហើយបំណុលគឺជាអ្វីដែលយកលុយចេញពីហោប៉ៅរបស់អ្នក។

ផ្ទះរបស់អ្នកមិនមែនជាទ្រព្យទេ ព្រោះវាយកលុយចេញពីហោប៉ៅរបស់អ្នករៀងរាល់ខែ។ ទោះបីជាអ្នកជាម្ចាស់ផ្ទះក៏ដោយអ្នកនៅតែត្រូវបង់ពន្ធ ថ្លៃថែទាំផ្ទះ និងអ្វីៗជាច្រើនទៀតចេញពីហោប៉ៅផ្ទាល់ខ្លួនរបស់អ្នក។ ប៉ុន្តែប្រសិនបើអ្នកជាម្ចាស់អចលនទ្រព្យជួលនោះវាជាទ្រព្យសម្បត្តិ ប្រសិនបើវារកលុយចូលក្នុង​ហោប៉ៅរបស់អ្នករៀងរាល់ខែក្នុងទម្រង់ជារំហូរសាច់ប្រាក់។ នៅពេលអ្នកជួលបង់ថ្លៃជួលផ្ទះ ពួកគេជួយបង់ប្រាក់លើការថែទាំ ថ្លៃពន្ធ និងអ្វីៗជាច្រើន​ទៀត​របស់អ្នក។ ការអប់រំផ្នែកហិរញ្ញវត្ថុពិតប្រាកដនឹងបង្រៀនមនុស្សពីភាពខុសគ្នាដ៏សាមញ្ញរវាងទ្រព្យ និងបំណុល ហើយវាមានសារៈសំខាន់​ក្នុងការ​បង្កើន​ទ្រព្យសម្បត្តិច្រើនតាមដែលអាចធ្វើទៅបាន។

២៖ រំហូរសាច់ប្រាក់ និងការចំណេញដើមទុន ៖ មនុស្សភាគច្រើនវិនិយោគដើម្បីចំណេញដើមទុន។ អ្នកមានវិនិយោគលើរំហូរសាច់ប្រាក់។ និយាយ​​ដោយសាមញ្ញការវិនិយោគដើម្បីចំណេញដើមទុនគឺដូចជាល្បែងស៊ីសង។ អ្នកវិនិយោគលុយរបស់អ្នក ហើយសង្ឃឹមថាតម្លៃនឹងកើនឡើង។ ឧទាហរណ៍ មនុស្សជាច្រើនទិញផ្ទះដោយសង្ឃឹមថាពួកគេនឹងអាចលក់វាបានប្រាក់នៅពេលក្រោយ។ ក្នុងពេលជាមួយគ្នានេះពួកគេត្រូវបង់ប្រាក់​រំលស់ទិញផ្ទះនិង​ការ​ចំណាយក្នុងផ្ទះរបស់ពួកគេ។ នោះលុយចេញពីហោប៉ៅរបស់ពួកគេ  ដែលវាក្លាយជាបំណុល។ បញ្ហាគឺថានៅពេលអ្នកវិនិយោគដើម្បីចំណេញដើមទុន អ្នកមិនអាចគ្រប់គ្រងថាតើតម្លៃផ្ទះឡើងឬចុះទេ ហើយបញ្ហាធំជាងនេះគឺប្រសិនបើអ្នកចំណេញ អ្នកត្រូវបង់ពន្ធខ្ពស់ផងដែរ។

ផ្ទុយទៅវិញអ្នកមានវិនិយោគដើម្បីលំហូរសាច់ប្រាក់។ ឧទាហរណ៍គេទិញអចលនទ្រព្យ វិនិយោគដោយប្រើលុយរបស់អ្នកដទៃ រួចស្វែងរកអ្នកជួល និងប្រមូលថ្លៃជួលជារៀងរាល់ខែ នោះវាក្លាយជាទ្រព្យសម្បត្តិ។ ហើយប្រសិនបើមានការចំណេញដើមទុន(ពេលលក់ចេញ) នោះគឺជាប្រាក់រង្វាន់។ តាមរយៈការវិនិយោគដើម្បីបង្កើតលំហូរសាច់ប្រាក់ជំនួសឱ្យការចំណេញដើមទុន អ្នកមានបានគ្រប់គ្រងលើប្រាក់ចំណូលរបស់ខ្លួន ហើយបង់ពន្ធទាបបំផុត ហើយមានពេលខ្លះមិនមានពន្ធផងក៏មាន។ ទោះជាយ៉ាងណា ការវិនិយោគបែបលំហូរសាច់ប្រាក់នេះ តម្រូវឱ្យមានចំណេះដឹងហិរញ្ញវត្ថុខ្ពស់ ។ ការ​អប់រំ​ផ្នែកហិរញ្ញវត្ថុពិតប្រាកដនឹងបង្រៀនមនុស្សពីរបៀបបង្កើតប្រាក់ចំណូលអកម្មជាជាងមិនធ្វើសកម្មភាពអ្វីចំពោះការវិនិយោគរបស់ពួកគេ។


៣៖ ប្រើបំណុលនិងពន្ធ ដើម្បីបង្កើនទ្រព្យសម្បត្តិ ៖ អ្នកប្រឹក្សាហិរញ្ញវត្ថុរបស់អ្នកនឹងប្រាប់អ្នកថាបំណុលអាក្រក់ និងការបង់ពន្ធគឺជៀសមិនរួច។ ប៉ុន្តែ​អ្នក​មានយល់ថាទាំងបំណុល និងពន្ធអាចត្រូវបានប្រើដើម្បីបង្កើនទ្រព្យសម្បត្តិ។ បើនិយាយពីបំណុល បំណុលមានពីរប្រភេទគឺបំណុលអាក្រក់​ និងបំណុលល្អ។ នៅពេលអ្នកប្រឹក្សាហិរញ្ញវត្ថុរបស់អ្នកប្រាប់អ្នកឱ្យជៀសពីបំណុល នោះមានន័យថាជៀសពីបំណុលអាក្រក់។

បំណុលអាក្រក់កើតមានជាទម្រង់នៃការខ្ចីប្រាក់សម្រាប់ការចំណាយដូចជាការប្រើកាតឥណទាន ដើម្បីទិញទូរទស្សន៍ ឬដើរលេង និងអ្វីៗជាច្រើនទៀត។

ការជៀសពីបំណុលអាក្រក់គឺជាដំបូន្មានល្អ ប៉ុន្តែបញ្ហាគឺថាទីប្រឹក្សាហិរញ្ញវត្ថុរបស់អ្នកនឹងមិនប្រាប់អ្នកអំពីបំណុលល្អនោះទេ។ បំណុលល្អគឺជាបំណុល​ដែលត្រូវបានប្រើដើម្បីទិញទ្រព្យ ដូចជាអចលនទ្រព្យសម្រាប់ជួលបន្តជាដើម។ នៅពេលអ្នកប្រើលុយធនាគារដើម្បីទិញអចលនទ្រព្យ អ្នកប្រើលុយ​ផ្ទាល់​ខ្លួនតិច ដោយគ្រាន់តែបង់រំលស់បន្តិចម្តងៗ ហើយចំណូលពីការជួលជួយសងបំណុលរបស់អ្នក ខណៈពេលអ្នកជាម្ចាស់ទ្រព្យ និងយកផលចំណេញ។

នៅពេលនិយាយអំពីពន្ធ អ្នកមានយល់ថារដ្ឋាភិបាលយកពន្ធក្នុងគោលដៅជាក់លាក់មួយ។ ប្រសិនបើរដ្ឋាភិបាលចង់ឱ្យអ្នកសាងសង់លំនៅដ្ឋានដែល​មាន​តម្លៃសមរម្យ រដ្ឋនឹងកាត់បន្ថយពន្ធផ្ទះកម្រិតមធ្យម។ ប្រសិនបើរដ្ឋចង់លើកទឹកចិត្តដល់ការរុករកប្រេង រដ្ឋនឹងកាត់បន្ថយពន្ធប្រេង។ ប្រសិនបើរដ្ឋចង់​ឃើញ​អត្រាការងារខ្ពស់ រដ្ឋនឹងកាត់បន្ថយពន្ធក្នុងទម្រង់ជួយដល់វិស័យការងារជាដើម។ ចំណុចពិសេសមួយគឺការបន្ទូរបន្ថយពន្ធភាគច្រើនត្រូវបានធ្វើឡើង​ដើម្បី​ជួយដល់សហគ្រិន និងវិនិយោគិន។ ជាមួយនឹងការអប់រំផ្នែកហិរញ្ញវត្ថុឲ្យបានត្រឹមត្រូវ អ្នកក៏អាចប្រើលក្ខខណ្ឌពន្ធ​ដា​មិនត្រឹមតែដើម្បីមានទ្រព្យសម្បត្តិ​ប៉ុណ្ណោះ​ទេ ប៉ុន្តែថែមទាំងមិនបង់ពន្ធទៀតផង។ ការប្រើប្រាស់បំណុលល្អ និងបង្កើនទ្រព្យតាមរយៈការបង់ពន្ធត្រូវការ​កម្រិត​ខ្ពស់នៃភាពវៃឆ្លាត​ផ្នែក​ហិរញ្ញវត្ថុ។ ប៉ុន្តែអ្នកអាចរៀននិងដាក់គោលការណ៍ទាំងនេះទៅក្នុងការអនុវត្តបាន។ ការអប់រំផ្នែកហិរញ្ញវត្ថុពិតប្រាកដ​នឹងបង្រៀនមនុស្សពីវិធីជាច្រើន​ទាំង​បំណុលនិងពន្ធដែលអាចត្រូវបានប្រើដើម្បីក្លាយជាអ្នកមាន។


៤៖ ធ្វើការសម្រេចចិត្តលើហិរញ្ញវត្ថុផ្ទាល់ខ្លួន ៖ នៅពេលអ្នកខ្វះចំណេះដឹងហិរញ្ញវត្ថុ អ្នកអនុញ្ញាតឱ្យអ្នកដទៃធ្វើការសម្រេចចិត្តលើហិរញ្ញវត្ថុរបស់អ្នក។ អ្នកអនុញ្ញាតឱ្យឈ្មួញកណ្តាលសម្រេចចិត្ត ថាតើប្រាក់របស់អ្នកគួរវិនិយោគយ៉ាងដូចម្តេច។ អ្នកអនុញ្ញាតឱ្យធនាគាររបស់អ្នកប្រាប់អ្នកពីអត្រាការ​ប្រាក់​ដែលសមនឹងអ្នក។ អ្នកធ្វើតាមនិន្នាការវិនិយោគណាដែលមានប្រជាប្រិយនៅក្នុងសារព័ត៌មាន។


អ្នកមានមិនដើរតាមគន្លងនេះទេ។ អ្នកមានកំណត់និន្នាការមួយហើយនិន្នាការនោះប្រែក្លាយជារឿងសំខាន់សម្រាប់សាធារណៈជន។ តើគេមានអាថ៌កំបាំង​អ្វី? គឺគេគិតអំពីលុយដោយខ្លួនឯង ហើយធ្វើការសម្រេចចិត្តលើហិរញ្ញវត្ថុផ្ទាល់ខ្លួន ព្រោះគេមានភាពវៃឆ្លាតផ្នែកហិរញ្ញវត្ថុខ្ពស់។ គន្លឹះក្នុងការបង្កើនទ្រព្យ​សម្បត្តិគឺត្រូវមានចំណេះដឹងខ្ពស់ក្នុងការធ្វើសកម្មភាពណាដែលផ្តល់ប្រយោជន៍បំផុត។ ចំណេះដឹង និងប្រាជ្ញាប្រភេទនេះកើតឡើងតាមរយៈភាពវៃឆ្លាត​ផ្នែក​ហិរញ្ញវត្ថុខ្ពស់ដែលទទួលបានពីការអនុវត្តន៍ខ្លួនឯង។ ការអប់រំផ្នែកហិរញ្ញវត្ថុពិតប្រាកដនឹងបង្រៀនមនុស្ស​ពីរបៀបគិតគូរដោយខ្លួនឯងអំពីលុយ និង​ការវិនិយោគ។

ប្រភព៖ Rich Dad


ព្រឹត្តិការណ៍, សេដ្ឋកិច្ច

ចិននៅតែឈរលំដាប់លេខ១ ក្នុងការបណ្តាក់ទុនវិនិយោគ

រហូតមកដល់ដើមត្រីមាសទី៣ ឆ្នាំ២០២១នេះ មហាមិត្តចិន នៅតែជាប្រទេសដែលទម្លាក់ទុនវិនិយោគនៅកម្ពុជាច្រើនជាង និងស្ថិតនៅលេខរាងកំពូលដដែល
ព្រឹត្តិការណ៍, ហិរញ្ញវត្ថុ

យល់ដឹងពីការប្តូរប្រាក់រៀលចាស់ៗនៅធនាគារជាតិនៃកម្ពុជា

សាធារណជនអាចប្តូរប្រាក់រៀល ឬកាសដែលចាស់ៗបាននៅធនាគារជាតិនៃកម្ពុជា ដែលជាអាជ្ញាធររូបិយវត្ថុ និងត្រួតពិនិត្យប្រព័ន្ធធនាគារនៅកម្ពុជា ប៉ុន្តែក្នុងករណីខ្លះធនាគារជាតិក៏
ព្រឹត្តិការណ៍, អចលនទ្រព្យ

អាជ្ញាធររាជធានីភ្នំពេញបង្កើតក្រុមការងារត្រួតពិនិត្យ និងវាយតម្លៃសំណង់ចាស់ៗដើម្បីថែរក្សាជាអគារបេតិកភណ្ឌ

រដ្ឋបាលរាជធានីភ្នំពេញបានសម្រេចបង្កើតក្រុមការងារត្រួតពិនិត្យ និងវាយតម្លៃសំណង់អគារបុរាណនៅតាមខណ្ឌទាំង១៤ ដើម្បីពង្រឹងយន្តការដែលមានស្រាប់ក្នុងការការពារ ថែរក្សាជាអគារ
ព្រឹត្តិការណ៍, អាជីវកម្មថ្មី និងនវានុវត្ត

សិង្ហបុរីដាក់មហិច្ឆិតានាំចូលអគ្គិសនីដែលបញ្ចេញកាបូនកម្រិតទាបឲ្យបាន៣០ភាគរយ

ប្រទេសសិង្ហបុរីបានធ្វើការប្រកាសបង្ហាញអំពីផែនការដ៏ធំមួយក្នុងការនាំចូលអគ្គិសនីមកប្រើប្រាស់ក្នុងប្រទេសឲ្យបានទៅដល់ទំហំ៤ជីហ្គាវ៉ាត់ (GW) ដែលមានកម្រិតកាបូនទាបនៅត្រឹម
ព្រឹត្តិការណ៍, សេដ្ឋកិច្ច

វិស័យធំៗចំនួន៣ នឹងជំរុញឱ្យកំណើនសេដ្ឋកិច្ចកម្ពុជាសម្រេចបានអត្រា៤,៨% សម្រាប់ឆ្នាំ២០២២

ភ្នំពេញ ៖ រាជរដ្ឋាភិបាលបានព្យាករណ៍ថា សេដ្ឋកិច្ចកម្ពុជានឹងសម្រេចបានក្នុងកំណើននៃអត្រា ៤,៨% សម្រាប់ឆ្នាំ២០២២ ដោយសារតែកំណើននៃវិស័យចំនួន ៣ធំៗ ក្នុងនោះរួមមានវិស័យឧស្សាហកម្ម វិស័យសេវាកម្ម និងវិស័យកសិកម្ម ខណៈសេដ្ឋកិច្ចកម្ពុជានៅឆ្នាំ២០២១ ត្រូវបានប៉ាន់ស្មានថាមានកំណើនក្នុងអត្រា ២,៤%។ សេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២…
ជំនួញ, ព្រឹត្តិការណ៍

លោក Trump បង្កើតបណ្តាញសង្គមដ៏ធំមិនចាញ់ Facebook ជាការប្តូរកំហឹង និងការអន់ចិត្តរបស់ខ្លួន

អតីតប្រធានាធិបតីសហរដ្ឋអាមេរិក លោក Donald Trump បាន និងកំពុងបង្កើតបណ្តាញសង្គមដ៏ធំមួយ ដើម្បីប្រកួតប្រជែងជាមួយ facebook និង Twitter រួមនឹងបណ្តាញសង្គមផ្សេងទៀត
ព្រឹត្តិការណ៍, ហិរញ្ញវត្ថុ

សេវាធានារ៉ាប់រងឥណទានប្រៀបបានសំណាញ់សុវត្តិភាពហិរញ្ញវត្ថុដើម្បីធានាលទ្ធភាពទូទាត់ឥណទាន

សេវាធានារ៉ាប់រងឥណទានបានផ្តល់នូវសំណាញ់ សុវត្តិភាពហិរញ្ញវត្ថុ ដែលនឹងធានាពីលទ្ធភាពទូទាត់សងបំណុល។ នេះជាការលើកឡើងរបស់មន្ត្រីជាន់ខ្ពស់ធនាគារជាតិនៃកម្ពុជា ។
ព្រឹត្តិការណ៍, អចលនទ្រព្យ

ទីផ្សារការិយាល័យជួលនឹងកើនឡើងវិញក្រោយរដ្ឋាភិបាលបើកសេដ្ឋកិច្ច

យ៉ាងយូរនៅត្រឹមដើមឆ្នាំ២០២២ ទីផ្សារ និងការផ្គត់ផ្គង់អគារការិយាល័យជួលនៅកម្ពុជា នឹងមានការកើនឡើង ខណៈតម្រូវការជួលនឹងមានកំណើន បន្ទាប់ពីរាជរដ្ឋាភិបាលបើកសេដ្ឋ
ព្រឹត្តិការណ៍, សេដ្ឋកិច្ច

JICA ផ្តល់ថវិកា ៥៨ លានដុល្លារអាមេរិកសម្រាប់ផ្គត់ផ្គង់ទឹកស្អាតនៅសៀមរាប

រដ្ឋាភិបាលជប៉ុន តាមរយៈអង្គការ JICA បានផ្តល់ជំនួយដល់រាជរដ្ឋភិបាលកម្ពុជាសម្រាប់គម្រោងពង្រីកសមត្ថភាពផ្គត់ផ្គង់ទឹកស្អាតសៀមរាបចំនួន ៦
ព្រឹត្តិការណ៍, សេដ្ឋកិច្ច

រាជរដ្ឋាភិបាលគ្រោងវិភាជន៍ថវិការហូតប្រមាណ ១,៥៥៧ លានដុល្លារអាមេរិកសម្រាប់ឆ្នាំ២០២១

រាជរដ្ឋាភិបាលកម្ពុជា បានបង្កើនខ្ទង់ចំណាយវិភាជន៍ថវិការដែលអាចកើនដល់ប្រមាណ ១ ៥៥៧លានដុល្លារ ជាមួយនឹងការត្រៀមសម្រាប់ឆ្នាំ២០២២

AMS ECONOMY
@amseconomy