fbpx

សម្ដេចតេជោ ហ៊ុន សែន សំណូមពរដល់ម្ចាស់ម្ចាស់ជួលមេត្តាផ្អាកយកថ្លៃឈ្នួលពីកម្មករ កម្មការិនីនៅតំបន់បិទខ្ទប់

សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានធ្វើការសំណូមពរទៅដល់ម្ចាស់ផ្ទះជួល បន្ទប់ជួលមេត្តាយោគយល់ដោយការ​ផ្អាកការ​យក​ថ្លៃ​ឈ្នួលពីបងប្អូនកម្មករ កម្មការិនីមួយចំនួនដែលស្ថិតនៅក្នុងតំបន់បិទខ្ទប់កំពុងជួបការលំបាកមួយរយៈពេលសិន។

នៅក្នុងពិធីថ្លែងសារជូនជនរួមជាតិនៅព្រឹកថ្ងៃទី8 ខែឧសភា ឆ្នាំ2021នេះ សម្ដេចតេជោ ហ៊ុន​ សែន បានមានប្រសាសន៍លើកឡើងថា នៅក្នុងដំណាក់​កាល​នេះបងប្អូនប្រជាពលរដ្ឋទូទៅ ជាពិសេសកម្មករ កម្មការិនី ដែលស្ថិតនៅក្នុងតំបន់បិទខ្ទប់ពិតជាជួបភាពលំបាក ជាពិសេសនៅក្នុងតំបន់ក្រហមដែល​មាន​ការ​ហាមដាច់​ខាតមិនឱ្យចាកចេញពីផ្ទះដើម្បីទប់ស្កាត់ការឆ្លងរាលដាលជំងឺកូវីដ-19។

សម្ដេចបន្ត កាលពីពេលកន្លងទៅនេះក៏មានម្ចាស់ផ្ទះជួល បន្ទប់ជួលខ្លះ សម្រេចមិនយកថ្លៃឈ្នួលពីបងប្អូនកម្មករមួយរយៈ ឬក៏បញ្ចុះថ្លៃ ហើយមានមួយ​ចំនួន​ទៀត​​ក៏មានការឱ្យប្រើប្រាស់ក្នុងរយៈពេលវែង ដែលសម្ដេចបានធ្វើលិខិតថ្លែងអំណរគុណរួចហើយ ប៉ុន្តែក៏នៅសេសសល់បងប្អូនមួយចំនួនដោយខ្វះការ​យោគយល់បង្កើតឱ្យមានបញ្ហាឡើង។

សម្ដេចតេជោ ហ៊ុន សែន បានមានប្រសាសន៍បញ្ជាក់ថា ៖

ខ្ញុំអង្វរកម្ចាស់ផ្ទះ និងបន្ទប់ជួលទាំងឡាយ សូមផ្អាកជាបណ្តោះអាសន្ននូវការ​យកប្រាក់​ឈ្នួល​ពី​កម្មករ កម្មការិនី ក្នុងពេលកម្មករ កម្មការិនី មិនទាន់បានបើកប្រាក់ឈ្នួលពីថៅកែនៅឡើយ។ ហើយបើសិនម្ចាស់ផ្ទះឈ្នួលទាំងឡាយ អាចនឹងធ្វើទៅ​បាន​រួម​គ្នាធ្វើ ដើម្បីជួយដល់កម្មករ កម្មការិនីរបស់យើង ឧទាហរណ៍ការបញ្ចុះថ្លៃប្រាក់ថ្លៃឈ្នួលផ្ទះដែលកំពុងស្នាក់នៅក្នុងចំនួនប៉ុន្មានភាគរយ ចំនួនតិច ឬចំនួន​ច្រើន​​តាម​លទ្ធភាព​តាមអាចធ្វើទៅបាន ហើយបើសិនជាម្ចាស់ផ្ទះជួលខ្លះអាចលើកលែងទៅបានក្នុង1ខែ 2ខែ ឬ3ខែ ក៏សូមធ្វើការលើកលែង

ជាមួយនឹងការសំណូមពរខាងលើនេះ សម្ដេចក៏បានលើកពីផលលំបាករបស់ម្ចាស់ផ្ទះជួល និងបន្ទប់ជួលមួយចំនួនផងដែរថា ៖ «ពិតហើយខ្ញុំ​ដឹងថា​ម្ចាស់​ផ្ទះជួលខ្លះទៅខ្ចីលុយធនាគារយកមកសាងសង់ផ្ទះជួលទាំងនោះ បងប្អូនពិតជាមានការលំបាកដូចគ្នា ដោយម្ខាងជាកូនបំណុល ហើយម្ខាងទៀតក៏ជាម្ចាស់បំណុល ប៉ុន្តែសង្ឃឹមថាម្ចាស់ផ្ទះជួលទាំងអស់នឹងអាចយោគយល់បាននូវការលំបាករួម ហើយស្ថានភាពនេះមិនមែនគ្រាន់តែនៅរាជធានីភ្នំពេញទេ បើអាចធ្វើបាន សូមធ្វើនៅគ្រប់ទីកន្លែងទាំងអស់នៅក្នុងប្រទេសរបស់យើង នៅក្នុងតំបន់បិទខ្ទប់។ ខ្ញុំនិយាយនេះ គឺក្នុងតំបន់បិទខ្ទប់ ហើយកម្មករ កម្មការិនីមិនទាន់បានបើកប្រាក់បៀរវត្ស ប្រាក់ថ្លៃឈ្នួលរបស់ខ្លួននៅឡើយ ដែលសូមឱ្យមានការយោគយល់»៕

ព្រឹត្តិការណ៍, អចលនទ្រព្យ

លំនៅដ្ឋានកម្រិតអភិជនរបស់សកលលោកស្ទុះខ្លាំងជាង៨ភាគរយក្នុងត្រីមាសទី២

ខុសប្លែកពីផ្នែកមួយចំនួនដែលស្ថិតនៅក្នុងវិស័យអចលនទ្រព្យកំពុងទទួលរងនូវផលប៉ះពាល់យ៉ាងដំណំពីវិបត្តិជំងឺកូវីដ សម្រាប់តែទីផ្សារលំនៅដ្ឋានកម្រិតខ្ពស់ និងលំដាប់អភិជនមាន
ព្រឹត្តិការណ៍, អាជីវកម្មថ្មី និងនវានុវត្ត

សិង្ហបុរី ដំណើរការរ៉ូបូតម្យ៉ាងជំនាញខាងអង្កេតសកម្មភាពមនុស្សខុសច្បាប់នៅទីសាធារណៈ

Xavier គឺជារ៉ូបូតដែលប្រើបច្ចេកវិទ្យាចុងក្រោយ ដែលត្រូវបានរដ្ឋាភិបាលសិង្ហបុរីអនុញ្ញាតឲ្យដំណើរការ ក្នុងតំបន់ Toa Payoh ស្ថិតនៅភាគខាងជើងនៃប្រទេសសម្រាប់តាមដានសកម្មភាព
ព្រឹត្តិការណ៍, អាជីវកម្មថ្មី និងនវានុវត្ត

ក្រុមហ៊ុន SpaceX ទទួលបានកិច្ចសន្យាដ៏សំខាន់មួយទៀតពីអង្គការណាសា

មន្រ្តីអង្គការណាសាបានបញ្ជាក់ពីយានអវកាស Europer Clipper មានតម្លៃ ៤,២៥ ប៊ីលានដុល្លារនឹងបាញ់បង្ហោះរ៉ុក្កែត SpaceX Falcon ធុនធ្ងន់ទៅកាន់ព្រះច័ន្ទរបស់ភព
ព្រឹត្តិការណ៍, សេដ្ឋកិច្ច

កម្ពុជាគួរបង្កើនកម្លាំងពលកម្មជំនាញវិជ្ជាជីវៈក្នុងស្រុក ដើម្បីទាញវិនិយោគិនអន្តរជាតិមកបន្ថែម

អ្នកជំនាញសេដ្ឋកិច្ចជាច្រើនបានអះអាងថា បច្ចុប្បន្ននេះ កម្លាំងជំនាញវិជ្ជាជីវៈក្នុងស្រុករបស់កម្ពុជាគឺមានតិចតួច ខណៈដែលពលរដ្ឋកម្ពុជាបានមើលរំលងមុខជំនាញមួយនេះ ហើយទៅ
ព្រឹត្តិការណ៍, អត្ថបទពាណិជ្ជកម្ម

គម្រោងវិនិយោគអភិវឌ្ឍន៍ទេសចរណ៍ធម្មជាតិខ្នាតតូចជិត ២០០គម្រោងកំពុងគ្រប់គ្រងដោយក្រសួងបរិស្ថាន

ផ្អែកតាមការផ្សព្វផ្សាយរបស់ក្រសួងព័ត៌មានបានឲ្យដឹងថា បច្ចុប្បន្នក្រសួងបរិស្ថានបាន និងកំពុងគ្រប់គ្រងគម្រោងវិនិយោគអភិវឌ្ឍន៍ទេសចរណ៍​ធម្មជាតិ​ខ្នាតតូច (ទំហំដី…
ព្រឹត្តិការណ៍, សេដ្ឋកិច្ច

Elon Musk ប្រកាសបរិច្ចាគ100លានដុល្លារសម្រាប់បច្ចេកវិទ្យាថ្មីដែលអាចលុបបំបាត់កាបូនឌីអុកស៊ីតពីផែនដី

មហាសេដ្ឋីល្បីបំផុតលើពិភពលោក ដែលជាម្ចាស់​ក្រុមហ៊ុនរថយន្តអគ្គិសនី Tesla លោក Elon Musk បានប្រកាសបរិច្ចាកប្រាក់រហូតទៅដល់ 100​ លានដុល្លារ ដោយមានឈ្មោះថា…
ព្រឹត្តិការណ៍, សេដ្ឋកិច្ច

រដ្ឋាភិបាលថៃអនុម័តគម្រោងវិនិយោគថ្មីជាង 1,440លានដុល្លារទៀតដើម្បីជំរុញកំណើនសេដ្ឋកិច្ច

យោងតាមសេចក្តីប្រកាសរបស់លោកនាយករដ្ឋមន្ត្រីថៃកាលពីថ្ងៃអង្គារម្សិលមិញនេះបានឲ្យដឹងថាកញ្ចប់ទុនវិនិយោគថ្មីទំហំប្រមាណជា 45 ពាន់លានបាត ស្មើនឹងប្រមាណ 1,440…
ព្រឹត្តិការណ៍, សេដ្ឋកិច្ច

សេដ្ឋកិច្ចឌីជីថលក្នុងតំបន់អាស៊ីអាគ្នេយ៍នឹងស្ទុះឡើង២ដងក្នុងរយៈពេល៥ឆ្នាំ និង ៣ដង ១០ឆ្នាំខាងមុខ

មានការសិក្សាថ្មីមួយបានបង្ហាញថា សេដ្ឋកិច្ចបែបអនឡាញ ឬឌីជីថលរបស់តំបន់អាស៊ីអាគ្នេយ៍ទាំងមូលក្នុងឆ្នាំ២០២៥ខាងមុខនេះអាចនឹងមានការស្ទុះឡើងខ្លាំងដល់ទៅទ្វេដង
ព្រឹត្តិការណ៍, សេដ្ឋកិច្ច

ការផ្គត់ផ្គង់បន្លែក្នុងរាជធានីភ្នំពេញចាប់ផ្តើមមានកំណើនឡើងវិញ

មិនថាចំពោះការបោះដុំបន្លែ ឬការលក់រាយនៅតាមភូមិសាស្ត្ររាជធានីភ្នំពេញនោះទេ (លើកលែងតំបន់ក្រហម) ចាប់ផ្តើមមានភាពធូស្រាលជាងមុនបន្តិច ខណៈ​ដែលរាជរដ្ឋាភិបាលសម្រេច…

AMS ECONOMY
@amseconomy