របកគំហើញ ៖ ការស្រាវជ្រាវមួយដែលត្រូវបានធ្វើឡើងដោយ DW Planet A បានពណ៌នាថា ភពផែនដីយើងបានកកើតឡើងជាច្រើនពាន់លានឆ្នាំមកហើយ គឺជាទីកន្លែងដែលពោរពេញទៅដោយ សារជាតិគិមី មានជាតិពុលពាសពេញបរិយាកាសគ្មានជីវិត និងគ្មានរុក្ខជាតិណាដែលអាចដុះដាលបាននោះឡើយ។
ប៉ុន្តែអ្វីៗបានចាប់ផ្តើមប្រែប្រួលគឺនៅពេលដែលសារាយខៀវដែលយើងគ្រប់គ្នានិយមហៅថាសារាយសមុទ្របានចាប់កំណើតកាលពី ៣,៥ លានឆ្នាំមុនដោយវាបានធ្វើឲ្យមានការផ្លាស់ប្តូរស្ទើរគ្រប់យ៉ាងនៅលើភពផែនដីយើងនេះ។ បាក់តេរីម្យ៉ាងដែលមាននៅក្នុងសារាយសមុទ្រ ឬគេហៅថា Cyanobacteria ក្រោយមកវាបានបង្កើតទៅជាព្រឹត្តិការណ៍ដ៏អស្ចារ្យបំផុតមួយដែលត្រូវបានដាក់ឈ្មោះថា Great Oxygenation Event គឺជាពេលវេលានៃកំណើតអុកស៊ីសែនដំបូងបំផុតក្នុងប្រវត្តិសាស្ត្រនៃភពផែនដីយើងនេះ។ នេះបើយោងតាមការស្រាវជ្រាវដោយលោក Moritz Koch អ្នកជំនាញមីក្រូជីវៈវិទ្យានៅសកលវិទ្យាល័យ British Columbia ។
បាក់តេរី Cyanbacteria បានចាប់ផ្តើមផលិតអុកស៊ីសែន ហើយក៏ជាអ្នកជួយបើកផ្លូវឲ្យមានកំណើតជិវិតមនុស្សលោកមកទល់បច្ចុប្បន្ននេះផងដែរ។ ជាទូទៅសារាយនៅក្នុងសមុទ្រ ឬនៅលើគោកក្តី តួនាទីរបស់វាគឺទាញយកឧស្ម័នកាបូនឌីអុកស៊ីត និងសំយោគវាជាមួយនឹងពន្លឺព្រះអាទិត្យដើម្បីបង្កើតជាខ្យល់អុកស៊ីសែន ហើយបើទោះបីជានៅក្នុងពេលសម័យទំនើបនេះក្តីក៏វានៅតែបន្តកិច្ចការងារដ៏អស្ចារ្យរបស់ខ្លួនបែបនេះដដែល។
ក្រុមការងារស្រាវជ្រាវជីវិតបាតសមុទ្រ អ្នកនាង Mar Fernandez Mendez បាននិយាយថា សារាយសមុទ្រមានតួនាទីសំខាន់ណាស់តាំងតែពីកំណើតភពផែនដី ហើយមកដល់បច្ចុប្បន្ននេះក្តីវាក៏នៅតែបន្តស្រូបយកឧស្ម័នកាបូនឌីអុកស៊ីត CO2 ដល់ទៅ ១ ភាគ ៣ នៃការបំពុលបរិយាកាសជារៀងរាល់ឆ្នាំផងដែរ។
ដោយឡែកសម្រាប់មនុស្សជាតិវិញការប្រើប្រាស់សារាយសមុទ្រនៅក្នុងជីវភាពប្រចាំថ្ងៃក៏មានប្រវត្តិរាប់ពាន់ឆ្នាំមកហើយដែរគិតចាប់រាប់តាំងពីជនជាតិដើមរបស់អាមេរិករហូតទៅដល់អាស៊ីខាងកើត ហើយវាក៏ធ្លាប់ត្រូវបានគេរៀបរាប់នៅក្នុងឯកសារមួយដ៏ចំណាស់របស់ប្រទេសជប៉ុនផងដែរអំពីសារៈប្រយោជន៍របស់វា។ ប្រភពខ្លះទៀតនៅហ្វាំងឡង់ក៏បានបញ្ជាក់អំពីប្រវត្តិកាលដ៏យូរលង់នៃការប្រើប្រាស់សារាយសមុទ្រផងដែរ វាត្រូវបានប្រើប្រាស់យ៉ាងខ្លាំងក្លា ជាពិសេសនៅក្នុងដំណាក់កាលសម័យគ្រោះអត់ឃ្លានដ៏ធំមួយកាលពីអំឡុងទសវត្សរ៍ឆ្នាំ១៨៤០ ។
មកដល់បច្ចុប្បន្នកាលនេះ សារាយសមុទ្រនៅតែជារុក្ខជាតិដ៏ចាំបាច់ និងផ្តល់ប្រយោជន៍ដល់មនុស្សលោកកាន់តែខ្លាំងឡើងថែមទៀតដោយវាត្រូវបានគេយកទៅច្នៃប្រើប្រាស់ជាផលិតផលប្រចាំថ្ងៃ ដូចជាថ្នាំដុសធ្មេញ គ្រឿងសំអាង អាហារបំប៉ន ព្រមទាំងឱសថទ្រទ្រង់សុខភាពរាងកាយផងដែរ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧ចិន គឺជាប្រភពទុនវិនិយោគបរទេសធំជាងគេរបស់កម្ពុជា និងរួមចំណែកប្រមាណ ៨៨% នៃទុនវិនិយោគបរទេសសរុប
ព្រឹត្តិការណ៍, អត្ថបទពាណិជ្ជកម្ម
• 29/03/2024
ចិន គឺជាប្រភពទុនវិនិយោគបរទេសធំជាងគេរបស់កម្ពុជា និងរួមចំណែកប្រមាណ ៨៨% នៃទុនវិនិយោគបរទេសសរុប
ក្រុមហ៊ុន លីហ៊្វូដ សឺវីស ចាប់ដៃជាមួយក្រុមហ៊ុន យូនីលឹវើ ខេមបូឌា ដើម្បីលើកកម្ពស់ការផ្តល់ជូនផលិតផលនៅកម្ពុជា
ព្រឹត្តិការណ៍, អត្ថបទពាណិជ្ជកម្ម
• 28/03/2024
ក្រុមហ៊ុន លីហ៊្វូដ សឺវីស ចាប់ដៃជាមួយក្រុមហ៊ុន យូនីលឹវើ ខេមបូឌា ដើម្បីលើកកម្ពស់ការផ្តល់ជូនផលិតផលនៅកម្ពុជា
អាជីវកម្មបរិយាបន្នចំនួន ៤ ដែលជួយដល់កសិករខ្នាតតូចនៅប្រទេសឥណ្ឌា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 28/03/2024
ស្របពេលដែលអាជីវកម្មបរិយាបន្នបន្តរីកចម្រើន និងច្នៃប្រឌិត ពួកគេមិនត្រឹមតែលើកកំពស់កសិករប៉ុណ្ណោះទេ ប៉ុន្តែថែមទាំងអាចជួយត្រួសត្រាយសម្រាប់កសិកម្មឥណ្ឌាផងដែរ