fbpx

របរចិញ្ចឹមចៀមងាយៗ តែផ្ដល់ផលបានច្រើនលើសលប់

កំពង់ឆ្នាំង ៖ ប្រជាកសិករខ្មែរភាគច្រើននិយមចិញ្ចឹមសត្វដូចជា មាន់ ទា ជ្រូក គោ ក្របី ជាដើមដើម្បីទ្រទ្រង់ជីវភាពជីវភាពគ្រួសារ ក៏ដូចជាការប្រើប្រាស់ដើម្បីជាជំនួយកម្លាំងក្នុងការភ្ជួររាល់ផងដែរ។ ប៉ុន្តែបងប្អូនមិនទាន់ដឹងទេថា ក្រៅពីសត្វទាំងអស់ខាងលើ ប្រទេសកម្ពុជាក៏អាចចិញ្ចឹមសត្វចៀមបានយ៉ាងល្អ និងអាចទទួលផលបានច្រើនលើសពីការស្មាន។

លោក ប៊ុន ចាន់វីរៈ ជាម្ចាស់កសិដ្ឋានចិញ្ចឹមចៀមមួយកន្លែងស្ថិតនៅក្នុងខេត្តកំពង់ឆ្នាំង លើផ្ទៃដីប្រមាណជាង10ហិចតា។ លោកបានប្រាប់ពីមូលហេតុដែលគាត់ចិញ្ចឹមចៀមថា៖« ខ្ញុំចិញ្ចឹមចៀម ដោយសារពួកខ្ញុំគិតថាវាថ្មី ប្លែក យើងចង់សាកល្បងចិញ្ចឹមចៀមដោយសារតែគោគេចិញ្ចឹមច្រើនហើយ ឯសាច់ចៀមក៏ពេញនិយមនៅប្រទេសគេ គេចិញ្ចឹមយកសាច់ ហើយតម្លៃរបស់វាថ្លៃជាងសាច់គោទៅទៀត។

លោក ចាន់វីរៈ

មួយវិញទៀត ប្រទេសខ្លះគេរៀបចំរមណីយដ្ឋានឱ្យភ្ញៀវមកលេង ហើយយើងក៏មានគម្រោងបង្កើតរមណីយដ្ឋានផង អ៊ីចឹង ទម្រាំយើងធ្វើហើយ យើងមានចៀមច្រើន អាចទទួលភ្ញៀវគាត់មកលេងបានតែម្ដង។ ចៀមជាសត្វស្រួលចិញ្ចឹម វារស់នៅជាហ្វូង ហើយអាកាសធាតុក្ដៅក៏គ្មានបញ្ហា ដោយយើងចិញ្ចឹមពូជយកសាច់ មិនត្រូវការអាកាសធាតុត្រជាក់ដូចពូជយករោម និងយកទឹកដោះទេ»។

ម្ចាស់កសិដ្ឋានរូបនេះបានប្រាប់ផងដែរថា គាត់រៀនបច្ចេកទេសចិញ្ចឹមចៀមនេះដោយខ្លួនឯងនៅផ្ទះលក្ខណៈជា homeschool ដែលយើងអាចទិញមេរៀនគេមករៀនដោយខ្លួនឯងបាន។ មួយវិញទៀត ដោយសារលោកកាន់សាសនាគ្រឹស្ត និងមានមិត្តភក្ដិជាជនជាតិបរទេសច្រើននៅក្នុងសមាគមផង លោកក៏ទទួលបានចំណេះដឹងពីមិត្តរបស់លោកបានខ្លះផងដែរ។ ក្រៅពីនេះ គាត់ក៏ធ្លាប់ទៅសិក្សាជំនាញកសិកម្មវគ្គខ្លីៗនៅក្រៅប្រទេសដូចជា ថៃ ម៉ាឡេស៊ី ហ្វីលីពីន និងវៀតណាមជាដើម។

លោក ចាន់វីរៈ បានចាប់ផ្ដើមដំណើរការចិញ្ចឹមដំបូងកាលពី 3ឆ្នាំមុន ដោយចាប់ផ្ដើមពីសត្វចៀមញី10ក្បាល និងឈ្មោល1ក្បាលក្នុងទំហំដើមទុនប្រមាណ 3,300ដុល្លា ដោយសត្វចៀមមួយក្បាលមានតម្លៃប្រមាណ300ដុល្លា។ ដំបូងឡើយ លោកបានធ្វើទ្រង់បណ្ដោះអាសន្ន ដោយប្រើរោងដាក់ឥវ៉ាន់មានដំបូល និងព័ទ្ធសំណាញ់ធម្មតាៗប៉ុណ្ណោះ។ ចំណែកការឱ្យចំណីគាត់បានព្រលែងចៀមឱ្យទៅស៊ីស្មៅនៅចម្ការដូងរបស់គាត់ ពោលគឺការចិញ្ចឹមចំណាយអស់ភាគច្រើនតែទៅលើការទិញពូជប៉ុណ្ណោះ ហើយចំណីគឺងាយស្រួលណាស់ វាអាចស៊ីបានទាំងស្មៅធម្មជាតិ ស្មៅដាំ ស្មៅក្រៀម ឬស្លឹកឈើក៏បាន។

ចំពោះដំណើរការចិញ្ចឹមត្រូវបានម្ចាស់កសិដ្ឋានរូបនេះបញ្ជាក់ថា សត្វចៀមជាសត្វដែលស្រួលចិញ្ចឹម ហើយឆាប់បានផលទៀតផង។ តួយ៉ាង កាលដែលគាត់ចាប់ផ្ដើមដំបូងត្រឹមតែរយៈពេល 5ខែ ចៀមញីកើតកូនដែលមានន័យថា វាអាចមានកូនបាន 2ដងក្នុងឆ្នាំ។ លុះដល់កូនដែលកើតមកនោះមានអាយុត្រឹម 6-8ខែ វាក៏ចាប់ផ្ដើមរកបង្កាត់ពូជពោលគឺតែ1ឆ្នាំទៅ 1ឆ្នាំ2ខែ វាក៏ចាប់ផ្ដើមកើតកូនដែរ។ ឯចៀមឈ្មោល ត្រឹម 6-8ខែក៏អាចបង្កាត់ពូជបាន តែបើមានឈ្មោលច្រើន យើងអាចលក់ចេញ ព្រោះចៀមញី 20-30 ក្បាលត្រូវការតែឈ្មោល1ក្បាលប៉ុណ្ណោះ។ ត្រឹមអាយុខាងលើចៀមមានទម្ងន់ជាមធ្យម 30គីឡូក្រាម ឯការលក់ក្នុងទីផ្សារគឺ 1គីឡូក្រាមមានតម្លៃ 7-8ដុល្លាដែលអាចទូរទាត់បានថា ចៀមមួយក្បាលលក់បានតម្លៃពី 210-240 ដុល្លា។

មកដល់ពេលបច្ចុប្បន្ន កសិដ្ឋានរបស់លោកកំពុងផ្ទុកនូវចៀមប្រមាណ500ក្បាល ក្នុងនោះមាន300ក្បាលសម្រាប់ចិញ្ចឹម និង 200ក្បាលទៀតសម្រាប់លក់។ ជាមួយគ្នានេះ លោកក៏មានគម្រោងពង្រីកកសិដ្ឋានដោយបន្ថែមមេដល់600ក្បាល និងកូន 600ក្បាល ខណៈដែលសព្វថ្ងៃកំពុងពង្រីកការដាំស្មៅប្រមាណជាង20ហិចតាបន្ថែមទៀត។ លោកបានប្រាប់បន្ថែមថា សម្រាប់វាលស្មៅធម្មជាតិក្នុង 1ហិចតា អាចព្រលែងចៀមឱ្យស៊ីបាន 20ក្បាល ឯស្មៅដាំវិញគេអាចដាក់ចៀមបានពី 60-100 ក្បាល។
ម្យ៉ាងវិញទៀត សត្វចៀមមានទីផ្សារល្អណាស់ ដែលធ្វើឱ្យកសិដ្ឋាននេះផ្គត់ផ្គង់តម្រូវការទីផ្សារមិនបានគ្រប់គ្រាន់នោះទេ ដោយគ្រាន់តែលក់ជាពូជឱ្យកសិករមកទិញដើម្បីចិញ្ចឹមបន្តនោះមិនគ្រប់ផង។ ចំណែកឯទីផ្សារក្រៅប្រទេសក៏មិនធម្មតាដែរ ដោយមានការចាប់អារម្មណ៍ពីហាងនៅសហរដ្ឋអាម៉េរិក ញ៉ូហ្សាលែន និងអូស្រ្តាលីទៀតផងដែរ ប៉ុន្តែម្ចាស់កសិដ្ឋានមិនអាចផ្គត់ផ្គង់តម្រូវការបាន ដោយសារសូម្បីតែទីផ្សារក្នុងស្រុកផ្គត់ផ្គង់មិនគ្រប់ផងនោះ។

សម្រាប់អ្នកដែលចង់ចិញ្ចឹមចៀមនេះ អាចូលទៅកាន់ផេកហ្វេសប៊ុក Organic Sheep Farm កសិដ្ឋានកូនចៀមធម្មជាតិ ដើម្បីមើលពីរបៀបចិញ្ចឹមដែលម្ចាស់កសិដ្ឋានបានបង្ហោះជាសាធារណៈ។ អ្នកក៏អាចទាក់ទងទិញពូជចៀមពីគាត់ផ្ទាល់បានដោយក្នុង1ក្បាលតម្លៃប្រមាណ 300ដុល្លា ដោយមានការចាក់វ៉ាក់សាំង 3មុខឱ្យរួចជាស្រេច ហើយលោកក៏រីករាយនឹងចែករំលែកចំណេះដឹង ព្រមទាំងលើកទឹកចិត្តដល់ប្រជាពលរដ្ឋទាំងឡាយណាដែលចាប់អារម្មណ៍ក្នុងការចិញ្ចឹមចៀមយកសាច់នេះ ព្រោះវាងាយស្រួលចិញ្ចឹម និងលក់បានថ្លៃ។

គួរបញ្ជាក់ផងដែរថា ម្ចាស់កសិដ្ឋានរូបនេះមិនមែនមានតែចៀមមួយមុខនោះទេ តែមានទាំងចិញ្ចឹមជន្លេន ចញ្ចឹមរុយ រួមជាមួយនឹងដំណាំចម្រុះ និងចម្ការដូងក្រអូបជាដើម៕

ព្រឹត្តិការណ៍, សេដ្ឋកិច្ច

ADB កាត់បន្ថយការព្យាករសេដ្ឋកិច្ចកម្ពុជាមកត្រឹមកំណើន១,៩%ក្នុងឆ្នាំនេះ

ធនាគារអភិវឌ្ឍន៍អាស៊ី (ADB) នៅថ្ងៃទី២២ ខែកញ្ញា ឆ្នាំ២០២១ បានកាត់បន្ថយការព្យាករមកលើសេដ្ឋកិច្ចប្រទេសកម្ពុជាថានឹងកើនឡើងត្រឹម ១,៩% ក្នុងឆ្នាំ ២០២១នេះ
ព្រឹត្តិការណ៍, សេដ្ឋកិច្ច

អ្នកជំនាញសេដ្ឋកិច្ច ៖ បញ្ហាប្រេងឡើងថ្លៃនៅកម្ពុជា នៅមិនទាន់ឈានដល់ចំណុចគួរឲ្យបារម្ភពេកនោះទេ

នៅត្រឹមរយៈពេលជាង១សប្ដាហ៍ចុងក្រោយនេះតម្លៃប្រេងនៅកម្ពុជាបានបន្តកើនឡើងជាបន្តបន្ទាប់ រហូតមានពលរដ្ឋខ្លះរអ៊ូរទាំដោយដាក់បន្ទុកទៅលើរាជរដ្ឋាភិបាលកម្ពុជា…..
ព្រឹត្តិការណ៍, សេដ្ឋកិច្ច

ស្រូវជាង1 លានតោន និងផលិតផលកសិផលជាច្រើនទៀតត្រូវបាននាំចេញទៅប្រទេសវៀតណាមតាមខេត្តចំនួន2

រដ្ឋមន្ត្រីកសិកម្ម រុក្ខាប្រមាញ់ និងនេសាទ ឯកឧត្តម វេងសាខុន បានបង្ហាញរបាយការណ៍តាមរយៈបណ្តាញទំនាក់ទំនងអេឡិចត្រូនិចថា ការនាំចេញផលិតផលកសិកម្មតាមរយៈខេត្តចំនួនពីររបស់កម្ពុជាទៅកាន់ប្រទេសវៀតណាមមានសកម្មភាពយ៉ាងមមាញឹក ជាពិសេសស្រូវដែលមានបរិមាណជាង1លានតោននៅក្នុងរយៈពេលជិត3ខែកន្លងទទៅនេះ។
ព្រឹត្តិការណ៍, សេដ្ឋកិច្ច

ឯកឧត្តម សាយ សំអាល់ ៖ កម្ពុជាប្តេជ្ញាចំពោះគោលការណ៍ផែនការខៀវ (Blue Print) ប្រកបដោយចីរភាព

ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានមានប្រសាសន៍ថា កម្ពុជាប្តេជ្ញាចំពោះគោលការណ៍ផែនការខៀវ ប្រកបដោយចីរភាព សមធ៌ម និងភាពធន់ សម្រាប់ការ
ព្រឹត្តិការណ៍, សេដ្ឋកិច្ច

ចិនចាប់ខ្លួនមនុស្សជាង ១,០០០ នាក់ពាក់ព័ន្ធនឹងករណីលាងលុយតាមរយៈរូបិយបណ្ណអេឡិចត្រូនិក

បរទេស៖ ក្រសួងទទួលបន្ទុកកិច្ចការងារសន្តិសុខសាធារណៈរបស់ប្រទេសចិននៅថ្ងៃចុងសប្តាហ៍កន្លងទៅនេះបានប្រកាសថាបានចាប់ខ្លួនមនុស្សប្រមាណជា 1,100 នាក់ដែលមានការ…..
ព្រឹត្តិការណ៍, អាជីវកម្មថ្មី និងនវានុវត្ត

ទស្សនៈ ៖ បន្តិចម្តងៗសិង្ហបុរីនឹងក្លាយជាមជ្ឈមណ្ឌលឧស្សាហកម្មនាំមុខគេរបស់ពិភពលោក

បច្ចុប្បន្ននេះ សិង្ហបុរី ត្រូវបានបណ្តាប្រទេសនានានៅលើសាកលលោកទទួលស្គាល់ថាជាប្រទេសដែលមានភាពជឿនលឿន និងនាំមុខគេនៅក្នុងតំបន់អាស៊ីអាគ្នេយ៍ ហើយនឹង
ព្រឹត្តិការណ៍, អចលនទ្រព្យ

អ្នកជំនាញ ៖បច្ចុប្បន្ននៅតែជាឱកាសទទួលបានចំណេញពីការវិនិយោគសម្រាប់អ្នកមានលុយគ្រប់គ្រាន់

អ្នកជំនាញនៅក្នុងវិស័យអចលនទ្រព្យបានអះអាងថា បច្ចុប្បន្ននេះ បើទោះជាបញ្ហាកូវីដនៅអូសបន្លាយ ប៉ុន្តែសម្រាប់អ្នកវិនិយោគដែលមានលុយគ្រប់គ្រាន់ក្នុងដៃ នៅតែមានឱកាសទទួលបាន
ព្រឹត្តិការណ៍, ហិរញ្ញវត្ថុ

ចំណេះដឹងហិរញ្ញវត្ថុ ៖ តើអ្វីជាចលនា F.I.R.E ?

F.I.R.E គឺជាអក្សរកាត់នៃឃ្លាជាភាសាអង់គ្លេសពេញថា Financial Independence, Retire Early ដែលយើងអាចបកប្រែជាខេមរភាសាថា ឯករាជ្យភាពផ្នែកហិរញ្ញវត្ថុ ការចូលនិវត្តន៍មុន
ចំណេះដឹងទូទៅ, ជំនួញ, ព្រឹត្តិការណ៍

សម្រាប់អ្នកចង់រកលុយតាម YouTube គួរមើលទិន្នន័យសម្រាប់ឆ្នាំ2021ទាំងនេះ

ឆ្នាំ2020 គឺជាឆ្នាំដែលអាក្រក់បំផុតរបស់ពិភពលោក និងមនុស្សភាគច្រើន ប៉ុន្តែក៏ជាឆ្នាំដ៏ល្អបំផុតសម្រាប់កម្មវិធីបច្ចេកវិទ្យាធំៗលើពិភពលោកដោយក្នុងនោះរួមមានទាំង​កម្មវិធី Zoom,…
ព្រឹត្តិការណ៍, សេដ្ឋកិច្ច

រាជរដ្ឋាភិបាល នឹងចាក់បញ្ចូលទុនជាង ៩ ពាន់លានដុល្លារក្នុងកម្មវិធីវិនិយោគសាធារណៈ ៣ឆ្នាំរំកិល

រាជរដ្ឋភិបាលគ្រោងចាក់បញ្ចូលបរិមាណទុនសរុបចំនួន ៩ ២០១ លានដុល្លារអាមេរិក ក្នុងកម្មវិធីវិនិយោគសាធារណៈ ៣ឆ្នាំរំកិល ២០២២-២០២៤ ដើម្បីជំរុញកំណើន

AMS ECONOMY
@amseconomy