សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ថៃកំពុងជួបបញ្ហាវឹកវរខ្លាំងដោយសាររលកវាយប្រហារពីសំណាក់កូវីដបំប្លែងខ្លួនសាជាថ្មីដែលវាកំពុងធ្វើឲ្យប្រទេសជួបនឹងបញ្ហា ជាច្រើនបន្តបន្ទាប់ ដោយក្នុងនោះសកម្មភាពអចលនទ្រព្យក៏កំពុងគាំងខ្លាំងផងដែរ។
គិតត្រឹមថ្ងៃទី ៤ ខែសីហា ឆ្នាំ២០២១ សណ្ឋាគារជាច្រើនបានបង្ខំចិត្តជ្រើសយកជម្រើសមួយគឺប្តូរសកម្មភាពប្រតិបត្តិការ និងសេវារបស់ខ្លួនទៅជាទីតាំងសម្រាប់ព្យាបាលអ្នកជំងឺកូវីដប្រភេទស្រាល ឬ Hospitel មកពីពាក្យ hospital-cum-hotels វិញជំនួសឲ្យប្រតិបត្តិការផ្តល់សេវាកម្មបដិសណ្ឋារកិច្ច។
យោងតាមការស្រាវជ្រាវដែលធ្វើឡើងដោយសមាគមសណ្ឋាគាររបស់ប្រទេសថៃនៅក្នុងខែកក្កដាកន្លងមកថ្មីៗនេះ សណ្ឋាគារចំនួន ៥ ទីតាំងក្នុងចំណោមសណ្ឋាគារ ២០០ទីតាំង គឺបានសម្រេចចិត្តប្តូរខ្លួនទៅជា Hospitel ដោយសារតែចំនួនគ្រែក្នុងមន្ទីរពេទ្យពេញស្ទើរគ្រប់ទីកន្លែង ហើយការវាយប្រហារដោយកូវីដក៏កាន់តែអាក្រក់ឡើង ប៉ុន្តែទោះបីជាយ៉ាងណាម្ចាស់សណ្ឋាគារក៏នៅមានជម្រើសមួយទៀតដែរ បើមិនចង់ប្តូរទៅជាកន្លែងព្យាបាលអ្នកជំងឺនោះគឺជម្រើសក្នុងការបិទទ្វារអាជីវកម្មតែម្តង។
បន្ទាប់ពីការប្រកាសបិទទ្វារនៅក្នុងខេត្ត និងទីក្រុងជាច្រើនរួចមកហើយនោះ នៅសប្តាហ៍នេះថៃក៏បានប្រកាសក្នុងការបន្តបិទតំបន់ទាំងនោះបន្ថែមទៀតក្នុងរយៈពេល ១៤ ថ្ងៃបន្ថែមទៀតផងដែរហើយជាលទ្ធផលសណ្ឋាគារប្រមាណជា ៦០ ភាគរយនៃសណ្ឋាគារសរុប ១៦ ២៨២ កន្លែងបានប្រកាសបិទទ្វារបណ្តោះអាសន្ននៅក្នុងពេលដ៏តានតឹងនេះ ហើយក៏បានធ្វើឲ្យអត្រាអ្នកអត់ការងារធ្វើបានកើនឡើងទៅដល់ជិត ៧០ ភាគរយផងដែរនៃចំនួនបុគ្គលិកធ្វើការនៅក្នុងវិស័យនេះសរុប ៩០០ ០០០ នាក់។
ប្រធានសមាគមសណ្ឋាគារថៃ Thai Hotels Association (THA) លោកស្រី Marisa Sukosol បានបញ្ជាក់ថា បុគ្គលិកដែលអាចបន្តធ្វើការជាមួយនឹងសណ្ឋាគារភាគច្រើនសុទ្ធតែសុខចិត្តទទួលយកការកាត់ប្រាក់ខែដើម្បីអាចបន្តការងារ ឬទទួលយកការឈប់សម្រាកបណ្តោះអាសន្នដោយមិនទទួលបានប្រាក់ខែ ឬ Leave Without pay ខណៈដែល THA ក៏បានធ្វើការស្នើសុំទៅរដ្ឋាភិបាល ដើម្បីជួយដោះស្រាយបញ្ហាហិរញ្ញវត្ថុទៅដល់ក្រុមបុគ្គលិកដែលកំពុងបន្តធ្វើការងារតាមរយៈការជួយកាត់បន្ថយថ្លៃចំណាយលើទឺកភ្លើងជាដើម៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
Kukula Solar ធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍ក្រីក្រ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 25/04/2024
គំរូអាជីវកម្មបរិយាបន្នរបស់ Kukula Solar គឺការធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍មូលដ្ឋាន ដើម្បីជំរុញការធ្វើទីផ្សារផលិតផលពន្លឺព្រះអាទិត្យ និងផ្តល់ការគាំទ្របន្ថែមដូចជាការជួសជុល និងសេវាកម្មអតិថិជនក្នុងសហគមន៍របស់ពួកគេ
ពិភពលោកឆ្ពោះទៅរកថាមពលកាបូនកម្រិតទាប ប៉ុន្តែត្រូវគ្រប់គ្រងឲ្យមានប្រសិទ្ធភាពលើវត្ថុធាតុដើមកម្រ
ព្រឹត្តិការណ៍, អាជីវកម្មថ្មី និងនវានុវត្ត
• 25/04/2024
ពិភពលោកឆ្ពោះទៅរកថាមពលកាបូនកម្រិតទាប ប៉ុន្តែត្រូវគ្រប់គ្រងឲ្យមានប្រសិទ្ធភាពលើវត្ថុធាតុដើមកម្រ
Barefoot College ជួយផ្លាស់ប្តូរជីវភាពសហគមន៍ក្រីក្រ និងជួយបណ្តុះបណ្តាលស្ត្រីទៅជាវិស្វករក្នុងវិស័យថាមពលសូឡា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 24/04/2024
Barefoot College បាន និងបន្តបេសកកម្មរបស់ខ្លួនទៅតាមគោលការណ៍អភិវឌ្ឍប្រកបដោយចិរភាព ហើយបានចូលរួមក្នុងកិច្ចការងារជាច្រើនជាមួយប្រជាសហគមន៍ក្រីក្រ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content