fbpx

កម្ពុជាសម្បូរទៅដោយសត្វព្រៃ និងជីវៈចម្រុះប្រភេទកម្រលើពិភពលោកជាច្រើន

ភ្នំពេញ ៖ ព្រះរាជាណាចក្រកម្ពុជាត្រូវបានគេទទួលស្គាល់ថាជាប្រទេសដែលសម្បូរដោយជីវៈចម្រុះ ដែលរហូតមកទល់ពេលនេះ ជីវៈចម្រុះចំនួន ៦ ១៤៩ ប្រភេទត្រូវបានកត់ត្រា។ ចំនួនជីវៈចម្រុះនេះអាចនឹងមានការកើនឡើងទៀត ដោយសារតែមានការរកឃើញជាបន្តបន្ទាប់នូវជីវៈចម្រុះថ្មីៗបន្ថែមទៀត។

ឯកឧត្តម នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថានបានថ្លែងឱ្យដឹងថា កម្ពុជាជាប្រទេសសម្បូរទៅដោយជីវៈចម្រុះដែលបាន​បង្ហាញ​វត្តមានប្រភេទថនិកសត្វ ១៦២ប្រភេទ សត្វស្លាប ៦០១ ប្រភេទ ឧរង្គសត្វ ​១៧៣ ប្រភេទ រុក្ខជាតិតូចធំ ចំនួន ៣ ១១៣ ប្រភេទ  ត្រី ១ ៣៥៧ ប្រភេទ សត្វឆ្អឹងខ្នង ៦៧១ ប្រភេទ ថលជលិក ៧២ ប្រភេទ ក្នុងនោះក៏មានផ្កាថ្មរឹង ២៤ប្រភេទ ផ្កាថ្មទន់១៤ប្រភេទ ស្មៅសមុទ្រ១០ប្រភេទ។ នៅក្នុងចំណោមជីវៈចម្រុះទាំងនោះក៏មានប្រភេទជីវៈចម្រុះ ដែលបងប្អូនប្រជាពលរដ្ឋធ្លាប់ឃើញតាមរយៈភាពយន្តឯកសារបរទេស។

ប្រជាជនជាង ៣.៦លាននាក់ បាន និងកំពុងពឹងផ្អែកដោយផ្ទាល់ ឬដោយប្រយោលលើធនធានធម្មជាតិនៃឋបនីយជីវមណ្ឌលបឹងទន្លេសាប។ តំបន់នេះ​ជា​តំបន់មួយដែលមានជីវៈចម្រុះយ៉ាងសម្បូរបែប​នៅក្នុងតំបន់ ក៏ដូចជានៅក្នុង​ពិភពលោក ដែលបាន​ផ្តល់ជា​ទីជម្រក​ដល់​រុក្ខជាតិ និង​សត្វ​ជាង ៨០០ប្រភេទ។

បឹងទន្លេសាប គ្របដណ្តប់លើផ្ទៃដីទំហំជាង ១.៤លានហិកតា ត្រូវបានទទួលស្គាល់ជាឋបនីយជីវមណ្ឌលរបស់អង្គការយូណេស្កូក្នុងឆ្នាំ ១៩៩៧ ដែលជាផ្នែកមួយនៃកម្មវិធីមនុស្ស និងជីវមណ្ឌលរបស់អង្គការយូណេស្កូ ដើម្បីបង្កើនទំនាក់ទំនងរវាងមនុស្ស និងបរិស្ថាន។ ចាប់ផ្តើមក្នុងឆ្នាំ១៩៧១ កម្មវិធីមនុស្ស និងជីវមណ្ឌល គឺជាកម្មវិធីអន្តររដ្ឋាភិបាលបែបវិទ្យាសាស្រ្ត ដែលត្រូវបានប្រារព្ធខួបលើកទី ៥០ឆ្នាំ ក្នុងឆ្នាំ ២០២១ នេះផងដែរ ។

ឋបនីយជីវមណ្ឌលបឹងទន្លេសាប គឺជាកន្លែងសិក្សាសម្រាប់ការអភិវឌ្ឍប្រកបដោយចីរភាព ដោយរួមបញ្ចូលនូវមុខងារសំខាន់ៗចំនួនបី៖១- ការអភិរក្សជីវៈចម្រុះ និងភាពសម្បូរបែបនៃវប្បធម៌   ២-ការអភិវឌ្ឍសេដ្ឋកិច្ចដោយធានាបាននូវនិរន្តរភាពសង្គម វប្បធម៌ និងបរិស្ថាន និង ៣- ផ្តល់ចំណេះដឹងដល់ការអភិវឌ្ឍតាមរយៈការស្រាវជ្រាវ ការត្រួតពិនិត្យ ការអប់រំ និងការបណ្តុះបណ្តាល។

យោងតាមអង្គការខ្មែរ ដាហ្វគ្រុប បានផ្តល់ឱ្យឧបករណ៍ជ្រមុជទឹក ទូក និងឧបករណ៍ផ្សេងទៀតដែលត្រូវការសម្រាប់ អង្គការអភិរក្សផ្កាថ្មកម្ពុជា  ដើម្បីធ្វើការ​ងារដ៏សំខាន់របស់ពួកគេ។  ការចំណាយសម្រាប់ពួកយើងគឺមានតម្លៃ សម្រាប់ វិស័យជ្រមុជទឹក នេសាទ និងទេសចរណ៍ផ្សេងទៀតនៅកោះរ៉ុង។

ក្រុមអ្នកជ្រមុជទឹករបស់ខ្មែរ ដាហ្វគ្រុប បានបង្ហាញនូវមោទនភាពយ៉ាងខ្លាំងក្នុងការរៀបចំធ្វើឯកសារផែនទីព្រំដែនថ្មប៉ប្រះទឹកនៅកូនកោះ  ជាមួយនឹង SMB និង GPS ដើម្បីបង្កើតផែនទីលម្អិតសម្រាប់ការងារអភិរក្សនាពេលអនាគតដែល អង្គការអភិរក្សផ្កាថ្មកម្ពុជា  បានគ្រោងសម្រាប់តំបន់នោះ។ ជាមួយគ្នានេះកាលពីថ្មីៗអង្គការសម្ព័ន្ធមិត្តសត្វព្រៃ (Wildlife Alliance)  បានចុះហត្ថលេខាលើគម្រោងរយៈពេលបីឆ្នាំ ស្តីពីការអនុវត្ត «កម្មវិធីសង្រ្គោះ និងថែរក្សាសត្វព្រៃ» នៅមជ្ឈមណ្ឌលសង្គ្រោះសត្វព្រៃភ្នំតាម៉ៅ និងខេត្តផ្សេងៗទៀតនៅទូទាំងប្រទេសជាមួយក្រសួងកសិកម្ម ដែលពិធី​ចុះ​ហត្ថនឹងដំណើរការពីឆ្នាំ ២០២២ ដល់ឆ្នាំ ២០២៤ ដោយមានតម្លៃជាង២,៨ លានដុល្លារ។ ការចំណាយថវិកាសម្រាប់ការអនុវត្តកម្មវិធីសង្គ្រោះ និងអភិរក្សសត្វព្រៃពីឆ្នាំ ២០០១ ដល់ឆ្នាំ ២០២១ នៅទូទាំងប្រទេសមានចំនួនជាង ១៩ លានដុល្លារ។ បើតាមក្រសួងកសិកម្ម គម្រោងខាងលើនេះ អាចនឹងប្រើប្រាស់កញ្ចប់ថវិកាសរុប ២ ៨២៣ ៤០០ ដុល្លារ។ ពាក់ព័ន្ធនឹងគម្រោងនេះ គឺអនុវត្តនៅមជ្ឈមណ្ឌលសង្គ្រោះសត្វព្រៃភ្នំតាម៉ៅ និងគ្រប់ខេត្តក្រុងទាំងអស់ក្នុងប្រទេសកម្ពុជា ដោយអនុវត្តពីឆ្នាំ២០២២-២០២៤ និងមានការចូលរួមអនុវត្តគម្រោងពីរដ្ឋបាលព្រៃឈើនៃក្រសួងកសិកម្ម រុក្ខាប្រមាញ់ និងនេសាទ និងអង្គការសម្ព័ន្ធមិត្តសត្វព្រៃ៕


ព្រឹត្តិការណ៍, សេដ្ឋកិច្ច

សហគ្រិនខ្មែរ និងសមាគមមីក្រូហិរញ្ញវត្ថុកម្ពុជារួមគ្នាលើកកម្ពស់លទ្ធភាពទទួលបានហិរញ្ញវត្ថុសម្រាប់ SMEs

សហគ្រិនខ្មែរ និងសមាគមមីក្រូហិរញ្ញវត្ថុកម្ពុជា បានសហការគ្នាសំដៅលើកកម្ពស់លទ្ធភាពទទួលបានហិរញ្ញវត្ថុក្នុងប្រព័ន្ធអេកូឡូស៊ីនៃវិស័យ SME និងធុរកិច្ចថ្មីៗ ក្នុងប្រព័ន្ធអេកូឡូស៊ីនៃកម្ពុជា
ជំនួញ, ព្រឹត្តិការណ៍

តម្លៃប្រេងសកលបានកើនឡើងបន្តិចវិញនៅដើមសប្តាហ៍នេះមុនជំនួបរបស់ OPEC

តម្លៃប្រេងនៅតាមបណ្តាប្រទេសជាច្រើននៅលើសកលភាគច្រើននៅដើមសប្តាហ៍នេះមានការកើនឡើងបន្តិចវិញធៀបទៅនឹងកាលពីសប្តាហ៍មុន ដោយក្នុងនោះបណ្តាក្រុមហ៊ុនធំៗរបស់
ព្រឹត្តិការណ៍, ហិរញ្ញវត្ថុ

គួរស្វែងយល់ ៖ ដឹងទេថា ធនាគារវិនិយោគអឺរ៉ុប (EIB) បង្កើតនៅពេលណា មានគោលបំណងអ្វីខ្លះ?

ធនាគារវិនិយោគអឺរ៉ុបភាគច្រើនបានផ្តល់ប្រាក់កម្ចីដល់ប្រទេសក្នុងសហភាពអឺរ៉ុប ប៉ុន្តែកម្ពុជាយើងក៏ទទួលបានប្រាក់កម្ចីពីធនាគារនេះផងដែរ ជាមួយនឹងការផ្តោតសំខាន់ទៅលើវិស័យ
ព្រឹត្តិការណ៍, សេដ្ឋកិច្ច

មន្ត្រីជាន់ខ្ពស់អាកាសចរស៊ីវិលកម្ពុជា៖ ការបិទជើងហោះហើរតភ្ជាប់មកពីអាហ្វ្រិក មិនប៉ះពាល់ខ្លាំងដល់កម្ពុជានោះទេ

មន្ត្រីជាន់ខ្ពស់ និងជាអ្នកនាំពាក្យអាកាសចរស៊ីវិលបានអះអាងថា ទោះជាមានការបិទជើងហោះហើរពីអាហ្វ្រិកក៏ដោយ ក៏មិនបានជះឥទ្ធិពលអាក្រក់ដល់វិស័យអាកាសចរកម្ពុជានោះទេ
ព្រឹត្តិការណ៍, អចលនទ្រព្យ

អគារបៃតងកាន់តែច្រើនបានជួយពិភពលោកសម្រេចគោលដៅបន្ថយបម្រែបម្រួលអាកាសធាតុ

ការសាងសង់អគារបៃតង គឺជាវិធីសាស្ត្រដ៏ល្អ និងគួរតែធ្វើដែលអាចកាត់បន្ថយឧស្ម័នកាបូនិកចេញពីសំណង់អគារ និងអចលនទ្រព្យទាំងឡាយនឹងអាចជួយឲ្យពិភពលោកសម្រេច
ព្រឹត្តិការណ៍, អាជីវកម្មថ្មី និងនវានុវត្ត

ភួយដណ្តប់ផ្ទាំងទឹកកកតែមួយគត់លើពិភពលោកនៅប្រទេសស្វីសអាចទប់ស្កាត់ការកើនកំដៅប្រចាំឆ្នាំបាន

ក្នុងកិច្ចខិតខំប្រឹងប្រែងប្រយុទ្ធប្រឆាំងទៅនឹងការបម្រែបម្រួលអាកាសធាតុ រដ្ឋាភិបាលនៃប្រទេសស្វីស បាន និងកំពុងបន្តអនុវត្តនូវគំនិតច្នៃប្រឌិតមួយ គឺការបង្កើត ភួយដណ្តប់ផ្ទាំង
ព្រឹត្តិការណ៍, សេដ្ឋកិច្ច

សាលារាជធានីភ្នំពេញ សម្រេចអនុញ្ញាតឲ្យក្រុមអាជីវកម្ម ខារ៉ាអូខេ រង្គសាល និងឌីស្កូតែក ដំណើរការ

បន្ទាប់ពីមានការស្រាកស្រាន្ត និងគ្រប់គ្រងការឆ្លងជំងឺកូវីដ-១៩មានភាពល្អប្រសើរ រដ្ឋបាលរាជធានីភ្នំពេញបានសម្រេចប្រកាសឱ្យក្រុមអាជីវកម្ម ខារ៉ាអូខេ រង្គសាល និងឌីស្កូតែក បើកដំណើរ
ជំនួញ, ព្រឹត្តិការណ៍

រដ្ឋាភិបាលប្រទេសឆែក សន្យាជំរុញអ្នកវិនិយោគមកបណ្តាក់ទុននៅកម្ពុជា

រដ្ឋាភិបាលប្រទេសឆែក តាមរយៈឯកអគ្គរដ្ឋទូតប្រចាំនៅកម្ពុជា បានសន្យាជួយផ្សព្វផ្សាយ និងជំរុញអ្នកវិនិយោគរបស់ខ្លួនឲ្យមកបណ្តាក់ទុននៅកម្ពុជាក្រោយពេលដែលវិបត្តិជំងឺកូវីដ
ព្រឹត្តិការណ៍, សេដ្ឋកិច្ច

មណ្ឌលកម្សាន្តឆ្នេរសមុទ្រក្រុងព្រះសីហនុនឹងជួយជំរុញកំណើនសេដ្ឋកិច្ច និងអភិវឌ្ឍទេសចរណ៍

មណ្ឌលកម្សាន្តឆ្នេរសមុទ្រ ជាផ្នែកមួយដែលអាចនឹងក្លាយជាអត្តសញ្ញាណទីក្រុងថ្មីនៃខេត្តព្រះសីហនុ ក៏ដូចជារួមចំណែកដល់ការអភិវឌ្ឍទេសចរណ៍នៅក្នុងខេត្តជាប់ឆ្នេរសមុទ្រមួយនេះ
ព្រឹត្តិការណ៍, ហិរញ្ញវត្ថុ

វិស័យមីក្រូហិរញ្ញវត្ថុនៅកម្ពុជាត្រៀមខ្លួនរួចជាស្រេចក្នុងការឈានទៅរកការប្រើប្រាសប្រព័ន្ធឌីជីថល

វិស័យគ្រឹះស្ថានមីក្រូហិរញ្ញវត្ថុនៅកម្ពុជាបានត្រៀមជាស្រេចដើម្បីឈានទៅរកឌីជីថលនីយកម្ម ដោយទទួលយកបច្ចេកវិទ្យាដែលកំពុងរីកចម្រើនមកពង្រឹងការអនុវត្ត

AMS ECONOMY
@amseconomy