សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ឥណ្ឌា ៖ បញ្ហាកាកសំណល់បានកើតឡើងស្ទើរគ្រប់ទីកន្លែងទាំងអស់លើពិភពលោក ប៉ុន្តែនៅទីកន្លែងខ្លះបញ្ហានេះបានប្រែក្លាយទៅជាឱកាសរកលុយសម្រាប់អ្នកដែលមានគំនិតច្នៃប្រឌិតទៅវិញ។ ក្រុមហ៊ុនខ្លះបានកែច្នៃសំបកកង់រថយន្តចាស់ៗ ក្រុមហ៊ុនខ្លះកែច្នៃសំរាមប្លាស្ទិកទៅជាសម្ភារប្រើប្រាស់ ហើយមានក្រុមហ៊ុនខ្លះទៀតបានកែច្នៃសម្លៀកបំពាក់ចាស់ៗ និងទាញបានចំណូលរាប់ពាន់ដុល្លារពីអាជីវកម្មបែបនេះ។
ក្រុមមួយក្នុងចំណោមក្រុមហ៊ុនទាំងនោះ មានអាជីវកម្មមួយដែលកាន់តែទាក់ទាញបំផុត គឺការផលិតស្បែកជើងប៉ាតា (Sneaker) ដោយការទាញយកវត្ថុធាតុចេញពីកាកសំណល់ជាថង់ប្លាស្ទិក និងដបជ័រ។ ក្រុមហ៊ុនអាជីវកម្មថ្មីរបស់ឥណ្ឌាមួយនេះមានឈ្មោះថា Thaely ដែលកំពុងមានដំណើរការប្រតិបត្តិការអាជីវកម្មកែច្នៃ និងផលិតជាស្បែកជើង Sneaker មួយនេះទើបតែដំណើរការពេញលេញនៅពាក់កណ្តាលឆ្នាំ២០២១នេះប៉ុណ្ណោះ ប៉ុន្តែបើនិយាយពីចំណូលវិញគឺកំពុងតែចំណេញខ្លាំងមែនទែន។
ស្ថាបនិកក្រុមហ៊ុនដែលមានឈ្មោះថា Ashay Bhave ក្នុងវ័យទើបតែ២៣ឆ្នាំគាត់បានបង្កើតក្រុមការងារដ៏ធំមួយដែលអាចទាញយកចំណូលតាមរយៈការលក់ស្បែកជើងកែច្នៃពីកាកសំណល់ទាំងនេះ ដោយតម្លៃស្បែឬកជើងមួយគូប្រមាណ ១១០ដុល្លារ និងកំពុងលក់ទៅកាន់បណ្តាប្រទេសនានាលើពិភពលោកដោយមិនព្រួយបារម្ភរឿងបញ្ហាទីផ្សារឡើយ។ កាន់តែអស្ចារ្យជាងនេះ Bhave បានអះអាងថាសម្រាប់ស្បែកជើងប៉ាតាមួយគូគេត្រូវការកាកសំណល់ជាថង់ប្លាស្ទិកចំនួននតែ១០ថង ហើយដបជ័រត្រឹមតែ ១២ដបប៉ុណ្ណោះ។
Bhave បានលើកឡើងថា កាលពីដំបូងឡើងអាជីវកម្មមួយនេះបានជួបបញ្ហាលំបាកជាច្រើនដោយសារតែការប្រមូលសំរាមនៅឥណ្ឌាមានចំនួនច្រើនប្រភេទខ្លាំងពេក ដូច្នេះវាទាមទារឲ្យមានក្រុមការងារច្រើនផ្នែកថែមទៀតដើម្បីប្រមូលយកតែវត្ថុធាតុដើមចាំបាច់ដូចរៀបរាប់នេះមកចូលផលិតកម្ម។ ក្រុមហ៊ុនបានជួលទាំងក្រុមកម្មករដើមប្រមូលសំរាមផង និងមានឃ្លាំងដើម្បីប្រមូលទិញផង និងក្រុមការងារមួយផ្នែកទៀតជាអ្នកជ្រើសរើសប្រភេទកាកសំណល់ដោយធ្វើការចាប់ពីម៉ោង៦ព្រឹកដល់ម៉ោង៧ល្ងាច។
ក្រៅពីនោះក្រុមការងារផ្សេងទៀតដែល Thaely មានដូចជាក្រុមការងារសំអាត និងសម្ងួត និងបន្ទាប់មកអ៊ុតថង់ ហើយប្លាស្ទិកទាំងនោះឲ្យទៅជាបន្ទះវត្ថុធាតុដើមទំហំប៉ុនគ្នានឹងបញ្ចូលវាទៅកាន់រោងចក្រផលិតរបស់ខ្លួនដែលបច្ចុប្បន្នមានកម្មករប្រមាណជា១៧០នាក់ ហើយសមត្ថភាពផលិតនៅទីនោះគឺអាចធ្វើបានរហូតទៅដល់ ១៥ ០០០គូជារៀងរាល់សប្តាហ៍។
ក្រៅតែពីផលិតស្បែកជើងផលិតពីថង់ប្លាស្ទិកហើយនោះ Thaely ក៏បាន និងកំពុងខិតខំរកវិធីសាស្ត្រក្នុងការកែច្នៃកាកសំណល់ជាច្រើនប្រភេទផ្សេងទៀត ឲ្យក្លាយទៅជាផលិតផលដែលមានតម្រូវការក្នុងទីផ្សារផងដែរ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ទទួលផលពីអាជីវកម្មបរិយាបន្ន សហគមន៍កសិកម្មមួយអាចផ្គត់ផ្គង់បន្លែបានជាង១តោន ក្នុងមួយខែ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 19/04/2024
អាជីវកម្មបរិយាបន្ន គឺជាប្រភេទអាជីវកម្មគំរូថ្មីមួយដែលអាចផ្ដល់អត្ថប្រយោជន៍ជាច្រើនដល់អ្នកពាក់ព័ន្ធ និងអាចជំរុញសេដ្ឋកិច្ចទាំងក្នុងសហគមន៍ និងប្រទេសជាតិមួយ។
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
e-Choupal ជាវេទិកាអនឡាញធំបំផុតនៅឥណ្ឌាជួយនាំចេញកសិផលដោយផ្ទាល់ពីកសិករក្រីក្ររាប់លាននាក់
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
e-Choupal គែជាច្រកនាំចេញកសិផលដ៏ធំបំផុតមួយរបស់ឥណ្ឌាតាមរយៈបណ្តាញអ៊ិនធឺណេតដោយគិតមកដល់ពេលនេះមានកសិករក្រីក្រប្រមាណជា៤លាននាក់កំពុងអាស្រ័យផល
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content