បញ្ហាបម្រែបម្រួលអាកាសធាតុរបស់ពិភពលោកបាននឹងកំពុងធ្វើឲ្យមានផលប៉ះពាល់យ៉ាងខ្លាំងរហូតស្ទើរតែឈានដល់ការប្រកាសអាសន្ន ខណៈដែលកិច្ចប្រជុំធំបំផុត COP26 ត្រូវបានធ្វើឡើង ដើម្បីស្វែងរកដោះស្រាយទើបតែបញ្ចប់ទៅនៅក្នុងប្រទសស្កុតឡេនកាលពីពេលថ្មីៗកន្លងទៅនេះ។
គិតរាប់ចាប់តាំងពីតំបន់អាហ្វ្រិក អាស៊ីទៅដល់អ៊ឺរ៉ុប បញ្ហាបម្រែបម្រួលអាកាសធាតុកំពុងបង្កផលប៉ះពាល់ទៅដល់បណ្តាប្រទេសមួយចំនួន ហើយក្នុងនោះសូម្បីតែប្រទេសអភិវឌ្ឍន៍ និងសេដ្ឋកិច្ចខ្ពស់ ដូចជាប្រទេសស្វីសជាដើមក៏គេចមិនផុតនោះដែរ។
ជាផ្នែកមួយនៃកិច្ចខិតខំប្រឹងប្រែងប្រយុទ្ធប្រឆាំងទៅនឹងការបម្រែបម្រួលអាកាសធាតុ រដ្ឋាភិបាលនៃប្រទេសស្វីសបាននឹងកំពុងតែបន្តអនុវត្តនូវគំនិតដ៏ច្នៃប្រឌិតមួយដែលត្រូវបានហៅថា “ភួយដណ្តប់ផ្ទាំងទឹកកក” ខណៈវាមានប្រសិទ្ធភាពយ៉ាងខ្លាំងក្នុងការទប់ស្កាត់ការរលាយផ្ទាំងទឹកកកដល់ទៅ៧០ភាគរយជារៀងរាល់ឆ្នាំ។
ផ្ទាំងភួយដ៏ធំមួយនេះត្រូវបានក្រុមការងាររៀបចំជារៀងរាល់ឆ្នាំដើម្បីគ្របដណ្តប់ទៅលើភ្នំ Titlies ក្បែរតំបន់ Lucerne ហើយដោយឡែកសម្រាប់ឆ្នាំ២០២១នេះ វាមានទំហំរហូតទៅដល់ជាង ១០០ ០០០ម៉ែត្រការ៉េ ឬប្រហាក់ប្រហែលទៅនឹងតារាងបាល់ទាត់ចំនួន១៤កន្លែងបញ្ចូលគ្នា ហើយវាត្រូវបានផលិតចេញពីស្បែកសត្វយ៉ាងក្រាស់បំផុតសម្រាប់ប្រើសម្រាប់ផលិតជាអាវរងាក្នុងតំបន់ត្រជាក់ផងដែរ។
សមត្ថភាពដ៏អស្ចារ្យរបស់ផ្ទាំងភួយយក្សនេះគឺអាចជះកំដៅព្រះអាទិត្យត្រឡប់ចូលទៅក្នុងបរិយាកាសវិញ ហើយថែរក្សាផ្ទាំងទឹកកកដែលនៅពីក្រោមវាមិនឲ្យរលាយឆាប់ពេកនោះទេ ពោលគឺអាចការពារល្បឿនរលាយទឹកកករហូតទៅដល់៧០ភាគរយទោះនៅក្នុងរដូវក្តៅក្តី។
តាមរបាយការណ៍ស្រាវជ្រាវដោយ AFP និងត្រូវបានយកមកចេញផ្សាយដោយ WeForum ផ្ទាំងភួយដណ្តប់ទឹកកកនេះត្រូវបានរដ្ឋាភិបាលស្វីសបង្កើនទំហំជារៀងរាល់ឆ្នាំ ហើយក្នុងឆ្នាំ២០២១នេះមានទំហំកើនឡើងបន្ថែម ៣០ ០០០ ម៉ែត្រការ៉េពីឆ្នាំចាស់។ ទោះបីជាយ៉ាងណាក្តី បច្ចេកវិទ្យាបែបនេះគឺត្រូវបានរដ្ឋាភិបាលស្វីសអះអាងថា គឺជាដំណោះស្រាយបណ្តោះអាសន្នតែប៉ុណ្ណោះ ពីព្រោះថាវានឹងមិនអាចទប់ស្កាត់នូវការរលាយផ្ទាំងទឹកកកទាំងអស់បាននោះទេ ខណៈដែលដុំផ្ទាំងទឹកកកនៅទូទាំងប្រទសស្វីសបច្ចុប្បន្នមានរហូទទៅដល់ ១ ៥០០កន្លែង ហើយរដ្ឋាភិបាលស្វីសបានព្រមានថាវានឹងអាចរលាយស្ទើរតែ៩០ភាគរយនៅត្រឹមចុងសតវត្សរ៍នេះប្រសិនបើវិធានការទប់ស្កាត់ការកើនឡើងនៃកំដៅពិភពលោកនឹងមិនទទួលបានប្រសិទ្ធភាពទេនោះ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧ឧកញ៉ា គិត ស៊ូឡា កូនប្រុសរបស់អ្នកឧកញ៉ា គិត ម៉េង ត្រូវបានតែងតាំងជានាយកគ្រប់គ្រងផ្នែកប្រតិបត្តិការក្រុមហ៊ុន រ៉ូយ៉ាល់គ្រុប អន្តរជាតិ
ព្រឹត្តិការណ៍, អត្ថបទពាណិជ្ជកម្ម
• 19/04/2024
ឧកញ៉ា គិត ស៊ូឡា កូនប្រុសរបស់អ្នកឧកញ៉ា គិត ម៉េង ត្រូវបានតែងតាំងជានាយកគ្រប់គ្រងផ្នែកប្រតិបត្តិការក្រុមហ៊ុន រ៉ូយ៉ាល់គ្រុប អន្តរជាតិ
Dytech Limited ជួយបង្កើនចំណូលសហគមន៍នៅប្រទេសហ្សំប៊ីពីការផលិតទឹកឃ្មុំ និងការពារជីវៈចម្រុះ
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 18/04/2024
Dytech Limited បានធ្វើការជាមួយសហគមន៍នៅក្នុងតំបន់ដីសើមក្នុងការផលិតទឹកឃ្មុំ ដើម្បីឲ្យអ្នកភូមិចៀសឆ្ងាយពីការកាប់ដើមឈើ និងសកម្មភាពបរបាញ់ ដែលនាំឱ្យប៉ះពាល់ដល់ជីវៈចម្រុះ