fbpx

អ្នកប្រកបរបររត់តាក់ស៊ី និងដឹកជញ្ជូនភ្ញៀវទេសចរនៅតែបន្តភាពប្រឈមនឹងវិបត្តិហិរញ្ញវត្ថុ

បើទោះជារាជរដ្ឋាភិបាលកម្ពុជាបានអនុញ្ញាតឲ្យមានការធ្វើចរាចរណំ៍ឆ្លងកាត់ពីខេត្តមួយទៅខេត្ត និងបន្តចូលដល់រាជធានីភ្នំពេញយ៉ាងណាក៏ដោយ ប៉ុន្តែសម្រាប់​អ្នកប្រកបមុខរបរដឹកជញ្ជូនភ្ញៀវដោយរថយន្ត ឬតាក់ស៊ីជាច្រើននៅតែបន្តភាពប្រឈមទៅនឹងវិបត្តិហិរញ្ញវត្ថុ បាត់បង់ចំណូលប្រចាំថ្ងៃ ខណៈដែលការឆ្លងរាលដាល​នៃ​ជំងឺកូវីដនៅតែបន្តកើតមានទាំងក្នុងក្រុង និងតាមបណ្តាខេត្តជាបន្តបន្ទាប់ ហើយប្រសិនបើបញ្ហានៃការឆ្លងនៅតែបន្ត នោះពួកគេអាចនឹងផ្លាស់ប្ដូរមុខរបរជា​មិន

លោក វ៉េន ឌឿន ជាអ្នករត់រថយន្តឈ្នួល ខេត្តកំពង់ចាម-ភ្នំពេញ បានប្រាប់ AMS ថាបច្ចុប្បន្ននេះទីផ្សារដឹកជញ្ជូនមានការធ្លាក់​ចុះយ៉ាងខ្លាំង​រហូតដល់​ប្រមាណ​ជិត50ភាគរយ ដោយសារតែការធ្វើដំណើររបស់មនុស្សត្រូវបានកាត់បន្ថយ និងធ្វើឱ្យប្រភពចំណូលមានការធ្លាក់ចុះស្ទើរមិនគ្រប់ការចំណាយ​ថ្លៃសាំង​ក៏មាន។

លោកបានបញ្ជាក់ថា ៖

“ទោះជាគេបើកឱ្យមានការដឹកជញ្ជូនភ្ញៀវឡើងវិញ ប៉ុន្តែមិនសូវមានអ្នកជិះនោះទេ ហើយបើមានក៏មិនច្រើនដែរ ព្រោះមនុស្សហ៊ានជិះ​ក្នុង​ឡាន(ប្រភេទទេសចរណ៍ខ្នាតតូច)រួមគ្នាមិនលើសពី5-6នាក់តែប៉ុណ្ណោះ ហើយថ្ងៃខ្លះដឹកមនុស្សបានតែ2-3នាក់ក៏មាន ខុសគ្នាឆ្ងាយកាលពីមុនផ្ទុយពី​ពេល​មុន ដែលឡានធ្លាប់ដឹកមនុស្សមួយជើងមិនក្រោមន10នាក់នោះទេ។ នៅក្នុងស្ថានការណ៍នេះ គឺវាលំបាកមែនទែន គេមិនហ៊ានជិះតែម្ដង បូកផ្សំនឹងវិធានការការពារកូវីដមិនឱ្យមនុស្សជិះប្រជ្រៀតគ្នា រក្សាគម្លាតទៀត ហើយប្រសិនបើយើងដឹកតាមផ្លូវមានមនុស្សដែលគេសង្ស័យ គេនឹងយកទៅសួរនាំ ឬធ្វើតេស្ត និងឈានទៅដល់ការធ្វើចត្តាឡីស័ក 14ថ្ងៃនៅពេលទៅដល់ខេត្ត ឬមកដល់ភ្នំពេញ”

លោក វ៉េន ឌឿន ប្រាប់ឱ្យដឹងថា ដោយសារតែចំនួនអ្នកធ្វើដំណើរមានការធ្លាក់ចុះ បច្ចុប្បន្នលោកបានទទួលដឹកទំនិញបន្ថែមដើម្បីធ្វើយ៉ាងណា​អាចរកបាន​ចំណូល​សម្រាប់ផ្គត់ផ្គង់ចំណាយហូបចុកប្រចាំថ្ងៃ និងសន្សំត្រៀមទុកបង់ធនាគារមួយចំនួនទៀត។

ស្រដៀងគ្នានេះ លោក មិន សុផល ជាអ្នករត់តាក់ស៊ីភ្នំពេញ-ពាមរក៍ ខេត្តព្រៃវែង ក៏បានប្រាប់ឱ្យដឹងថា ដោយសារតែអ្នកធ្វើដំណើរមិនសូវមាន ពេលនេះ​លោក​បានទទួលដឹកតែអីវ៉ាន់ជំនួសតែប៉ុណ្ណោះ ព្រោះមានអ្នកផ្ញើច្រើនជាងអ្នកជិះ។

លោកបានមានប្រសាសន៍ថា៖

“ចាប់តាំងពីគេបិទក្រុងថ្ងៃដំបូង ខ្ញុំមិនបានចេញរត់នោះទេ ព្រោះខ្ញុំត្រូវមកឈប់ទម្លាក់អីវ៉ាន់នៅផ្សារអូឡាំពិក ហើយត្រឡប់​ទៅ​ឈប់​នៅផ្សារច្បារអំពៅចាំដឹកម៉ូយទៅខេត្តវិញ តែនៅពេលគេបិទក្រុងមិនអាចចូលបាន ខ្ញុំក៏សម្រាកតែម្ដង។ ពីមុនខ្ញុំមានមនុស្សជិះខ្លះ ប៉ុន្តែឥលូវស្ទើរតែរាល់ថ្ងៃគឺមានតែឥវ៉ាន់ប៉ុណ្ណោះដែលជាប្រភពចំណូល។ មិនថាតិច ឬច្រើននោះទេ គឺទទួលយក ទទួល​ដឹក​ទាំងអស់ឱ្យតែបានលុយ។ ខ្ញុំគិតថា ប្រសិនបើស្ថានភាពបច្ចុប្បន្ននៅតែបន្តយូរទៀត មិនមែនតែខ្ញុំនោះទេ អ្នកផ្សេងទៀតក៏ដូចជាគ្នា អាចប្ដូររកមុខរបរថ្មី ព្រោះ​ចំណូលបានពីការដឹកឥវ៉ាន់បានមិនច្រើនទេ ហើយក៏អ្នកផ្ញើភាគច្រើនគេមានម៉ូយគេ ដូច្នេះយើងបានតែអ្នកផ្ញើររបស់តូចៗត្រឹម4,000-5,000 រៀលអីប៉ុណ្ណឹង”

លោក ឌី រដ្ឋា ជាអ្នកជួលរថយន្តសម្រាប់ដឹកភ្ញៀវទេសចរនៅតាមបណ្តាខេត្តទេសចរណ៍មួយចំនួនដូចជាខេត្តរតនគិរី មណ្ឌលគិរី ក្រុងព្រះសីហនុ ក៏បានបង្ហាញពីក្ដីកង្វល់ក្នុងការបន្តមុខរបររបស់ខ្លួនផងដែរ ហើយអាចនឹងលក់រថយន្តចេញវិញដើម្បីយកទុនទៅបង្វិលក្នុងមុខរបរថ្មីវិញ។

លោក រដ្ឋា បាននិយាយថា កាលពីចុងឆ្នាំ2020 ទោះជាគ្មានទេសចរបរទេស ក៏មានទេសចរជាជនជាតិខ្មែរក្នុងស្រុកជួលដែរ អាចមានជាក្រុម និងជាលក្ខណៈគ្រួសារ ប៉ុន្តែចាប់តាំងពីផ្ទុះព្រឹត្តិការណ៍20កុម្ភៈរហូតមកដល់ពេលនេះ ស្ទើរតែគ្មានអ្នកជួលតែម្ដង។

លោកបញ្ជាក់ថា ៖

“ខ្ញុំមិនអាចប៉ាន់ស្មានបានថានឹងបែបណានោះទេ ចេះតែនៅរង់ចាំមើលស្ថានការណ៍ដែរ ប៉ុន្តែប្រសិនបើស្ថានភាពលំបាកដូចដែលខ្ញុំលើកឡើងនេះនៅតែបន្តយូរទៀត ច្បាស់ជាត្រូវប្ដូរមុខរបរ ព្រោះឡានទិញមករកស៊ី ហើយត្រូវបង់ធនាគារទៀត ដូច្នេះ បើមិនលក់ឡានចេញ ក៏ត្រូវរកមុខរបរថ្មីដែលត្រូវប្រើប្រាស់ឡានដែលមានស្រាប់នេះដែរ”

ព្រឹត្តិការណ៍, អាជីវកម្មថ្មី និងនវានុវត្ត

សិង្ហបុរីប្រើបច្ចេកវិទ្យា បង្កើតប្រព័ន្ធត្រជាក់ធំបំផុតលើលោកមួយដែលអាចបញ្ចុះសីតុណ្ហភាពក្នុងទីក្រុង

រដ្ឋាភិបាលសិង្ហបុរី បានជំរុញ និងគាំទ្រក្រុមអ្នកវិទ្យាសាស្ត្រវ័យក្មេងមួយក្រុម ដែលបង្កើតគម្រោង Cooling Singapore ដែលអាចបង្កើតប្រព័ន្ធធ្វើឲ្យត្រជាក់ បន្ថយសីតុណ្ហភាពនៅក្នុងទី
ព្រឹត្តិការណ៍, សេដ្ឋកិច្ច

អាសន្ន ៖ ប្រជាជនម៉ាឡេស៊ីលើកទង់សនៅក្រៅផ្ទះដើម្បីស្វែងរកជំនួយខណៈពេលកំពុងបិទខ្ទប់

ក្រោមឥទ្ធិពលនៃការរាតត្បាតជំងឺកូវីដ-១៩ ដែលកំពុងឆ្លងក្នុងសហគមន៍រហូតបណ្តាលឲ្យរដ្ឋាភិបាលម៉ាឡេស៊ីបិទប្រទេសជាលើកទី២ ហើយពលរដ្ឋដែល….
ព្រឹត្តិការណ៍, សេដ្ឋកិច្ច

សមាគមវារីវប្បករនៅកម្ពុជាស្នើរដ្ឋាភិបាលរឹតបណ្តឹងការនាំចូលត្រី ដើម្បីដោះស្រាយផលលំបាកអ្នកចិញ្ចឹម

បើទោះជារាជរដ្ឋាភិបាលកម្ពុជាបានសម្រេចអនុញ្ញាតឱ្យមានការធ្វើចរាចរណ៍ ជួយសម្រួលដល់ការដឹកជញ្ជូននានានៅទូទាំងប្រទេសឡើងវិញយ៉ាងណា​ក៏​ដោយ ភាពប្រឈមទៅនឹងការខាតបង់…
ព្រឹត្តិការណ៍, អាជីវកម្មថ្មី និងនវានុវត្ត

ទីផ្សារស្ករសពិភពលោកនឹងបន្តកើនឡើងជាង ២០០លានតោនក្នុងមួយឆ្នាំ

បច្ចុប្បន្ន ទីផ្សារស្ករសជាសកលនៅតែមានតម្រូវការកើនឡើងជាបន្តបន្ទាប់សម្រាប់ប្រើប្រាស់ជាគ្រឿងផ្សំនៅក្នុងវិស័យចំណីអាហារទូទៅ ហើយនឹងបន្តកើនឡើងរហូតដល់ ២០០លានតោន
ព្រឹត្តិការណ៍, សេដ្ឋកិច្ច

ក្រុងម៉ានីល ខាតបង់ជិត៣ពាន់លានដុល្លារជារៀងរាល់សប្តាហ៍ក្រោយការបិទក្រុង

តំបន់ទីប្រជុំនៃក្រុងមួយចំនួនរបស់ទីក្រុងម៉ានីលបានខាតបង់ប្រមាណ៣ពាន់លានដុល្លាររៀងរាល់សប្ដាហ៍ក្រោយរដ្ឋាភិបាលសម្រេចបិទទ្វារ…
ព្រឹត្តិការណ៍, សេដ្ឋកិច្ច

ការផ្គត់ផ្គង់ទីផ្សារសាច់ជ្រូកក្នុងស្រុកផ្តើមមានកំណើនបន្ទាប់ពីទប់ស្កាត់ការនាំចូលពីក្រៅប្រទេស

​ផ្ទុះឡើង​នៃ​ជំងឺ​ប៉េស្ត​ជ្រូក​អាហ្វ្រិក​ដែលគួរឲ្យព្រួយបារម្ភនោះ បច្ចុប្បន្នការផ្គត់ផ្គង់សាច់ជ្រូកក្នុងស្រុកចាប់ផ្តើមមានកំណើនកើនឡើងជាបណ្តើរៗ និងបានផ្តល់​នូវផលចំណូលដល់អ្នកចិញ្ចឹម
ជំនួញ, ព្រឹត្តិការណ៍

ត្រឹមតែ ១ ខែ ក្រុមហ៊ុនជប៉ុនជាង ៤០០ បានប្រកាសក្ស័យធន

ការស្រាវជ្រាវទៅលើឯកសារផ្លូវការដោយក្រុមហ៊ុនឥណទានមួយរបស់ប្រទេសជប៉ុន…
ព្រឹត្តិការណ៍, ហិរញ្ញវត្ថុ

មូលហេតុធំៗចំនួន៣ ដែលសេដ្ឋីនៅជុំវិញពិភពលោកនិយមទុកលុយនៅប្រទេសស្វីស

ប្រព័ន្ធធនាគារនៅប្រទេសស្វីសត្រូវបានគេចាត់ទុកថាជាទីកន្លែងដែលមានសុវត្ថិភាពបំផុតក្នុងការរក្សាទុកទ្រព្យសម្បត្តិមិនថាជាសាច់ប្រាក់ ឬរបស់មានតម្លៃដូចជាមាសជាដើម
ព្រឹត្តិការណ៍, អាជីវកម្មថ្មី និងនវានុវត្ត

ប្រធានក្រុមហ៊ុនអចលនទ្រព្យដ៏ល្បីរបស់អាមេរិកនិយាយពីបុគ្គលិកចូលចិត្តធ្វើការពីផ្ទះ និងចូលចិត្តមកធ្វើការនៅកន្លែង

លោក Sandeep Mathrani ជាប្រធាននាយកប្រតិបត្តិនៃក្រុមហ៊ុនភ្នាក់ងារអចលនទ្រព្យដ៏ល្បីមួយរបស់អាមេរិកដែលមានឈ្មោះថា WeWork បានបង្ហាញពីទស្សនផ្ទាល់ខ្លួនពាក់ព័ន្ធទៅនឹងទំនោរចិត្ត ក៏ដូចជាគុណសម្បត្តិរវាងបុគ្គលិក…
ជំនួញ, ព្រឹត្តិការណ៍

ផលិតផលខ្មែរចាប់ផ្តើមអនុវត្តធ្វើទីផ្សារថ្មីតាមប្រព័ន្ធឌីជីថលលើការនាំចេញ

មន្ត្រីជាន់ខ្ពស់ក្រសួងពាណិជ្ជកម្មបានអះអាងថា ក្រសួងពាណិជ្ជកម្ម គាំទ្រពេញទំហឹងចំពោះបេសកកម្មនាំចេញផលិតផលខ្មែរទៅកាន់ទីផ្សារថ្មីតាមប្រព័ន្ធឌីជីថលនៅតំបន់មជ្ឈឹមបូព៌ា

AMS ECONOMY
@amseconomy