បាងកក ៖ សមាគមន៍ធនាគារថៃ Thai Banker’s Assocation(TBA) នៅថ្ងៃពុធនេះបានធ្វើការប្រកាសអំពីផែនការក្នុងការបញ្ចេញកម្ចីបន្ថែមប្រមាណ 100ពាន់លានបាត ឬប្រហែលជា 3,198 លានដុល្លារទៀតដើម្បីសង្គ្រោះអាជីវកម្មខ្នាតតូច និងមធ្យម SME ក្នុងការប្រើប្រាស់សម្រាប់រយៈពេល 6 ខែខាងមុខទៀត។
ជាមួយនឹងទំហំកម្ចីនេះត្រូវបាន TBA បញ្ជាក់ថា ស្ថិតនៅក្រោមកម្មវិធីមួយរបស់រដ្ឋាភិបាល ខណៈដែលធនាគារកណ្តាលរបស់ថៃបានបញ្ជាក់ថាកម្ចីសម្រាប់អាជីវកម្មខ្នាតតូច និងមធ្យមទាំងនេះគួរតែត្រូវបានពន្លឿន ពីព្រោះរហូតមកដល់ពេលនេះទំហំកម្ចីសរុបនៅមិនទាន់មានចំនួនដូចគោលដៅដែលរដ្ឋាភិបាលចង់បាននៅឡើយនោះទេ។
ប្រធានសមាគមន៍ TBA លោក Payong Srivanich បានបញ្ជាក់ថា TBA កំពុងរៀបចំផែនការដើម្បីសហការជាមួយនឹងគណៈកម្មការពាណិជ្ជកម្ម និងឧស្សាហកម្មធនាគារក្នុងការបង្កើនភាពងាយស្រួលទៅដល់ SME ទាំងឡាយណាដែលកំពុងរងផលប៉ះពាល់ខ្លាំងដោយសារបញ្ហារាតត្បាតនៃវីរុសកូវីដតាមរយៈការប្រើប្រាស់កម្មវិធីកញ្ចប់ជំនួយកាត់បន្ថយបំណុលរបស់ធនាគារជាតិរបស់ថៃ។
គួរបញ្ជាក់ថា រហូតមកដល់ពេលនេះ TBA បានធ្វើការស្នើទៅដល់សហព័ន្ធឧស្សាហកម្ម និងសភាពាណិជ្ជកម្មរបស់ថៃរួចរាល់ហើយ ក្នុងការប្រមូលយកឈ្មោះរបស់ SME ទាំងឡាយណាដែលចង់ចូលរួមក្នុងកម្មវិធីកម្ចីដែលវានឹងអាចជួយឲ្យ TBA បង្កើនល្បឿននៃការបញ្ចេញកម្ចីនេះបាន និងស្របតាមគោលដៅរបស់ខ្លួន៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧Barefoot College ជួយផ្លាស់ប្តូរជីវភាពសហគមន៍ក្រីក្រ និងជួយបណ្តុះបណ្តាលស្ត្រីទៅជាវិស្វករក្នុងវិស័យថាមពលសូឡា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 24/04/2024
Barefoot College បាន និងបន្តបេសកកម្មរបស់ខ្លួនទៅតាមគោលការណ៍អភិវឌ្ឍប្រកបដោយចិរភាព ហើយបានចូលរួមក្នុងកិច្ចការងារជាច្រើនជាមួយប្រជាសហគមន៍ក្រីក្រ
កម្ពុជាអំពាវនាវឱ្យមានកិច្ចសហប្រតិបត្តិការជាសាកលក្នុងវិស័យវិទ្យាសាស្ត្រ បច្ចេកវិទ្យា និងនវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 24/04/2024
ក្នុងសន្និសីទរដ្ឋមន្ត្រី OECD ប្រទេសកម្ពុជាបានអំពាវនាវឱ្យមានកិច្ចសហប្រតិបត្តិការជាសាកលក្នុងវិស័យវិទ្យាសាស្ត្រ បច្ចេកវិទ្យា និងនវានុវត្តន៍ ។