ភ្នំពេញ ៖ ពហុកីឡដ្ឋានជាតិមរតកតេជោ ស្ថិតនៅខណ្ឌជ្រោយចង្វារ រាជធានីភ្នំពេញ ដែលកំពុងសម្រុកដំណើរការសាងសង់ហេដ្ឋារចនាសម្ព័ន្ធក្រៅពីកីឡដ្ឋានធំ ដែលកំពុងសម្រេចបាន 95ភាគរយគ្រោងនឹងបញ្ចប់ការសាងសង់ទាំងស្រុងនៅដំណាច់ខែឧសភា ឆ្នាំ2021ខាងមុខនេះ។
នៅត្រឹមរយៈពេលជិត២ខែទៀតតែប៉ុណ្ណោះ កម្ពុជានឹងមានសមិទ្ធផលថ្មីជាប្រវត្តិសាស្ត្រនូវពហុកីឡាដ្ឋានជាតិមរតកតេជោ ដែលមានតម្លៃប្រមាណ160លានដុល្លារ ដែលត្រៀមរៀបចំមហាព្រឹត្តិការណ៍កីឡាស៊ីហ្គេមលើកទី32 ក្នុងឆ្នាំ2023 ខាថមុខនេះ។
អគ្គលេខាធិការគណៈកម្មាធិការជាតិ ឯកឧត្តម វ៉ាត់ ចំរើន បានថ្លែងថា៖
“ហេដ្ឋារចនាសម្ព័ន្ធមួយភាគធំបានរៀបចំរួចរាល់សម្រាប់ការប្រកួតកីឡាស៊ីហ្គេម លើកទី32 ឆ្នាំ2023 នៅព្រះរាជាណាចក្រកម្ពុជា ដែលក្នុងនោះក្រៅពីការសាងសង់កីឡដ្ឋានធំសម្រេចបាន95ភាគរយហើយនោះ គឺនៅផ្នែកខាងក្រៅកីឡដ្ឋានធំ ក៏មានការសាងសង់ទីលានកីឡាមួយចំនួនទៀតសម្រាប់បម្រើដល់ប្រភេទកីឡាក្នុងសាល ដូចជាកីឡាវាយកូនឃ្លីលើតុ វាយសី ហុកគី រួមទាំងទីលានមួយចំនួនទៀត កំពុងត្រូវបានសាងសង់បំពេញបន្ថែម”
ពហុកីឡាដ្ឋានជាតិមរតកតេជោ គឺជាកាដូដ៏ធំស្កឹមស្កៃតម្លៃប្រមាណជា160លានដុល្លារអាមេរិកពីសាធារណរដ្ឋចិន មានទំហំផ្ទៃក្រឡាកីឡដ្ឋានរហូតដល់ទៅ 16.22 ហិកតានិងផ្ទៃក្រឡាសំណង់ ទំហំប្រមាណជា 8.24ម៉ឺនម៉ែត្រការ៉េ អាចផ្ទុកអ្នកទស្សនាបានរហូតដល់ទៅ 6ម៉ឺននាក់។ ពហុកីឡដ្ឋានជាតិមរតកតេជោ គឺជាកន្លែងប្រារព្ធពិធីបើក-បិទព្រឹត្តិការណ៍កីឡាស៊ីហ្គេម លើកទី32 ក្នុងឆ្នាំ2023 ខាងមុខនេះ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧Kukula Solar ធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍ក្រីក្រ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 25/04/2024
គំរូអាជីវកម្មបរិយាបន្នរបស់ Kukula Solar គឺការធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍មូលដ្ឋាន ដើម្បីជំរុញការធ្វើទីផ្សារផលិតផលពន្លឺព្រះអាទិត្យ និងផ្តល់ការគាំទ្របន្ថែមដូចជាការជួសជុល និងសេវាកម្មអតិថិជនក្នុងសហគមន៍របស់ពួកគេ