fbpx

ទឹកជ្រលក់ Steak Sauce ម្ចាស់ដើម Model Angkor Resort កំពុងបង្កើនកេរ្តិ៍ឈ្មោះក្នុងស្រុក

ដោយសារបញ្ហានៃការរីករាលដាលនៃជំងឺកូវីដ១៩ ធ្វើឱ្យជំនួញមួយចំនួនធំជួបនូវបញ្ហា ឬរហូតដល់ក្ស័យធនក៏មាន។ ផ្ទុយទៅវិញ វាក៏ជាពេលដែលមនុស្សអាចសម្ងំស្រាវជ្រាវ រិះរកវិធី ក៏ដូចជាប្រើប្រាស់ចំណេះជំនាញរបស់ខ្លួនក្នុងការស្វែងរកអ្វីថ្មីៗពិសេសគឺប្រើប្រាស់នូវធនធានដែលមានស្រាប់។

លោក ស៊្រន់ ហ៊ាត ជាម្ចាស់ Model Angkor Resort និងជាស្ថាបនិកម្នាក់របស់ផលិតផលទឹកជ្រលក់ស្ទេកដែលគេហៅថា Steak Sauce បានមានប្រសាសន៍ថា ៖

« មួយរយៈពេលរាំងខ្ទប់នេះបានបង្រៀនយើងច្រើនណាស់ក្នុងការរៀបចំផែនការ ក៏ដូចជាយកជំនាញរបស់ខ្លួនមកអភិវឌ្ឍថាតើយើងអាចធ្វើអ្វីបាន។ ក្នុងពេលនេះយើងយកជំនាញជាដើមទុន ហើយគិតថាយើងអាចធ្វើអ្វីចំពោះជំនាញរបស់យើងបាន?»

ក្នុងកំឡុងនៃការបិទខ្ទប់ធ្វើឱ្យជំនួញផ្នែកសណ្ឋាគាររបស់លោកបានជួបការរាំងស្ទះ ណាមួយលោកធ្លាប់ធ្វើការងារផ្នែកអាហារ និងភេសជ្ជៈជាច្រើនឆ្នាំទៀតនោះ លោក និងមេចុងភៅក៏បានច្នៃនូវសម្ភារដែលមានស្រាប់ដូចជាចង្ក្រានដុត ផលិតនូវទឹកជ្រលក់ស្ទេកដែលមានឈ្មោះថា មីស្ទ័រស្នេក( Mr. Snack) តាំងពីខែខែមិថុនាមកម្ល៉េះ ក្នុងក្ដីសង្ឃឹមថាអាចមានអ្វីដែលប្លែក ល្អ និងមានប្រយោជន៍។

លោកបានបញ្ជាក់ផងដែរ ថា ៖

« ខ្ញុំបង្កើត steak sauce នេះដោយសារខ្ញុំចូលចិត្តហូបស្ទេក ហើយពេលខ្ញុំចង់ហូបម្ដងៗគឺពិបាករកទឹកជ្រលក់ ព្រោះទឹកជ្រលក់តែមួយកូនចានត្រូវចំណាយពេល ២-៣ថ្ងៃទើបផលិតបាន ចុះសម្រាប់អ្នកចូលចិត្តហូបស្ទេកដូចជាខ្ញុំគឺពិបាកណាស់ ហើយភោជនីយដ្ឋានក៏ដូចជាសណ្ឋាគារក៏បិទអស់ទៀត»

ហេតុនេះទើបគាត់បានធ្វើនូវទឹកជ្រលក់ស្ទេកនេះ ដែលដើមឡើយគាត់គ្រាន់តែធ្វើសាកឱ្យមិត្តភក្ដិ បងប្អូនជួយសាក និងបញ្ចេញយោបល់។ ជាលទ្ធផល ទឹកជ្រលក់នេះក៏ទទួលបានការពេញចិត្ត និងសរសើរគ្រប់ៗគ្នា ទើបគាត់ និងមេចុងភៅសហការគ្នាផលិតទឹលជ្រលក់មីស្ទ័រស្នេកនេះឡើង ដោយបានធ្វើការតេស្តសាកល្បងហើយសាកល្បងទៀតទម្រាំចេញជាផលិតផលសម្រេចបាន។

ទឹកជ្រលក់ស្ទេក ឬក៏ Steak Sauce យីហោមីស្ទ័រស្នេកនេះមាន៣ប្រភេទគឺ ទឹកជ្រលករស់ជាតិម្រេចខ្ចី ទឹកជ្រលក់រសជាតិស្រាក្រហម និងទឹកជ្រលក់រសជាតិរូសមេរី ដែលត្រូវបានផលិត និងវេចខ្ចប់ប្រកបដោយអនាម័យ រសជាតិ និងសុវត្ថិភាពដើម្បីបំពេញតម្រូវការជាពិសេសអ្នកដែលចូលចិត្តបរិភោគស្ទេកទាំងឡាយ។ ចំពោះចំណុះវិញ ក្នុងមួយដបទឹកជ្រលក់នេះមានចំណុះ ២០០ក្រាម និងមានតម្លៃ ៣,៥ដុល្លារ និងអាចរក្សាទុកបានរយៈពេល ៣ខែ។

ចំពោះទំហំផលិត​ លោកបន្តទៀតថា លោកផលិតទៅតាមតម្រូវការអតិថិជនពុំទាន់ធំដំនៅឡើយទេ ដែលអាចផលិតបាន ១០០ក្រឡក្នុង ១ថ្ងៃ ដែលត្រូវបានចែកចាយនៅរាជធានីភ្នំពេញ និងខេត្តសៀមរាប។

លោកបន្តទៀតថា ការចែកចាយនេះក៏ត្រូវមើលទៅតាមបរិបទ និងតំបន់ផងដែរថា តើគាត់ចេះហូបទឹកជ្រលក់ប្រភេទនេះ ឬក៏ចេះរបៀបហូបស្ទេក ឬអត់ ព្រោះបងប្អូនប្រជាជនខ្មែរមិនមែននិយមហូបស្ទេកទាំងអស់នោះទេ។

ទាក់ទងទៅនឹងការផលិត យើងត្រូវការគ្រឿងផ្សំច្រើន និងចង្ក្រានដុតត្រឹមត្រូវទើបអាចផលិតទឹកជ្រលក់មួយដែលមានរសជាតិឆ្ងាញ់។ គ្រឿងផ្សំរួមមានឆ្អឹងគោ បន្លែដូចជាការ៉ុត ខ្ទឹមបារាំង យកទៅដុត រំងាស់ និងលាយគ្រឿងដែលត្រូវប្រើរយៈពេលប្រមាណ ១២ម៉ោង បន្ទាប់មកគេច្រោះ យកកាកមកកិន លាយគ្រឿងតាមប្រភេទ ទើបវេចខ្ចប់ដាក់ដប។ ទម្រំតែចេញជាទឹកជ្រលក់ 1ដបនេះគេត្រូវចំណាយពេលប្រមាណពីរថ្ងៃទើបរូចរាល់។ នេះជាអ្វីដែលស្ថាបនិកខាងលើបានរៀបរាប់ប្រាប់។ ក្រៅពីទឹកជ្រលក់ស្ទេក មីស្ទ័រស្នេក ក៏មានទឹកជ្រលក់សម្រាប់ហូបជាមួយសាឡាដ៣មុខផ្សេងទៀតផងដែរ។ ទៅថ្ងៃមុខ លោកក៏មានមានគម្រោងពង្រីកជាសិប្បកម្មដែលមានការទទួលស្គាល់ជាទូទៅនិងគិតគូរពីសុខភាពដល់អតិថិជនជាអ្នកប្រើប្រាស់។ ចុងក្រោយ លោកក៏សូមឱ្យប្រជាជនខ្មែរងាកមកប្រើប្រាស់ក៏ដូចជាគាំទ្រផលិតផលខ្មែរដែលជាផ្នែកមួយជួយដល់ចរន្តសេដ្ឋកិច្ច៕


ព្រឹត្តិការណ៍, អចលនទ្រព្យ

ទីផ្សារការិយាល័យជួលនឹងកើនឡើងវិញក្រោយរដ្ឋាភិបាលបើកសេដ្ឋកិច្ច

យ៉ាងយូរនៅត្រឹមដើមឆ្នាំ២០២២ ទីផ្សារ និងការផ្គត់ផ្គង់អគារការិយាល័យជួលនៅកម្ពុជា នឹងមានការកើនឡើង ខណៈតម្រូវការជួលនឹងមានកំណើន បន្ទាប់ពីរាជរដ្ឋាភិបាលបើកសេដ្ឋ
ព្រឹត្តិការណ៍, សេដ្ឋកិច្ច

JICA ផ្តល់ថវិកា ៥៨ លានដុល្លារអាមេរិកសម្រាប់ផ្គត់ផ្គង់ទឹកស្អាតនៅសៀមរាប

រដ្ឋាភិបាលជប៉ុន តាមរយៈអង្គការ JICA បានផ្តល់ជំនួយដល់រាជរដ្ឋភិបាលកម្ពុជាសម្រាប់គម្រោងពង្រីកសមត្ថភាពផ្គត់ផ្គង់ទឹកស្អាតសៀមរាបចំនួន ៦
ព្រឹត្តិការណ៍, សេដ្ឋកិច្ច

រាជរដ្ឋាភិបាលគ្រោងវិភាជន៍ថវិការហូតប្រមាណ ១,៥៥៧ លានដុល្លារអាមេរិកសម្រាប់ឆ្នាំ២០២១

រាជរដ្ឋាភិបាលកម្ពុជា បានបង្កើនខ្ទង់ចំណាយវិភាជន៍ថវិការដែលអាចកើនដល់ប្រមាណ ១ ៥៥៧លានដុល្លារ ជាមួយនឹងការត្រៀមសម្រាប់ឆ្នាំ២០២២
ព្រឹត្តិការណ៍, សេដ្ឋកិច្ច

អ្នកវិភាគ ៖ តម្លៃប្រេងឆៅលើទីផ្សារសកលលោកអាចនឹងឡើងថ្លៃដល់ ១០០ដុល្លារក្នុង១បារ៉ែល

ខណៈដែលបណ្តាប្រទេសនានានៅលើសាកលលោកកំពុងព្យាយាមងើបឡើងវិញពីវិបត្តិសេដ្ឋកិច្ចជាបណ្តើរៗនោះ តម្លៃប្រេងឆៅនៅលើទីផ្សារជាសាកលកំពុងកើនឡើងនូវតម្លៃយ៉ាងខ្ពស់មិន
ព្រឹត្តិការណ៍, អាជីវកម្មថ្មី និងនវានុវត្ត

របកគំហើញ ៖ រោងចក្រដ៏ធំបំផុត និងលើកដំបូងលើពិភពលោកអាចទាញយកកាបូនិចទៅចាក់ចោលនៅក្រោមដីបាន

ប្រទេសអ៊ីស្លង់ បានបង្កើតរោងចក្រធំជាងគេបំផុតលើពិភពលោក ដែលមានជំនាញក្នុងការកម្ចាត់ឧស្ម័នកាបូនិច (CO2) ចេញពីបរិយាកាស និងស្រូបយកទៅកប់ចោលនៅក្រោមដីបាន
ជំនួញ, ព្រឹត្តិការណ៍

ស្ត្រីខ្មែរក្នុងសហគមន៍មួយ នៅបន្តស្នាដៃកែច្នៃដើមក្រចៅធ្វើជាសម្ភារប្រើប្រាស់ និងដាក់លក់លើទីផ្សារ

ស្ត្រីមួយក្រុម ភាគច្រើនមានវ័យចំណាស់បាននាំគ្នាបន្តអាជីព និងជំនាញក្នុងនាមជាអ្នកផលិតសម្ភារប្រើប្រាស់ និងគ្រឿងតុបតែងលម្អធ្វើឡើងដោយដៃ ដែលកែច្នៃពីដើមក្រចៅសម្រាប់ដាក់
ព្រឹត្តិការណ៍, ហិរញ្ញវត្ថុ

វិស័យធានារ៉ាប់រងនៅកម្ពុជា សង្ឃឹមថានឹងមានកំណើន ១០ភាគរយ នៅត្រឹមដំណាច់ឆ្នាំ២០២១

កាលពីឆ្នាំ២០២០ វិស័យធានារ៉ាប់រងកម្ពុជា បានរក្សាកំណើនវិជ្ជមានប្រមាណ ៨ភាគរយ ហើយនៅឆ្នាំ២០២១នេះ រំពឹងថានៅតែមានភាពល្អប្រសើរជាមួយនឹងការទទួលបានកំណើនប្រមាណ ១០ភាគរយ
ព្រឹត្តិការណ៍, អចលនទ្រព្យ

លោកឧកញ៉ា ម៉ាន់ ច័ន្ទឌី គាំទ្រឲ្យមានការប្រកួតប្រជែងទីផ្សារលំនៅដ្ឋានកាន់តែខ្លាំងនៅដើមឆ្នាំក្រោយ

លោកឧកញ៉ា ម៉ាន់ ច័ន្ទឌី ដែលជាអ្នកអភិវឌ្ឍន៍លំនៅដ្ឋានបានគាំទ្រឲ្យមានការប្រកួតប្រជែងគ្នា ព្រោះការប្រកួតប្រជែងគ្នាបានបង្កើតឲ្យមានផលប្រយោជន៍ និងមានផលល្អដល់វិស័យ
ជំនួញ, ព្រឹត្តិការណ៍

ឲ្យតែមានគំនិត លក់នំខ្មែរត្រឹមតែមួយថាស ក៏អាចចិញ្ចឹមចៅកំព្រា៤នាក់ឱ្យរៀនសូត្របានគ្រប់គ្នា

ស្ត្រីវ័យចំណាស់ម្នាក់មានវ័យ៦៨ឆ្នាំ កំពុងតស៊ូជាមួយមុខរបរវេចនំអន្សមលក់ ដើម្បីទទួលបានកម្រៃគ្រាន់ចិញ្ចឹមជីវិត និងត្រូវចិញ្ចឹមចៅកំព្រារហូតដល់៤នាក់ទៀត
ព្រឹត្តិការណ៍, ហិរញ្ញវត្ថុ

«សេវាប៊េងកាសួរេន» កំពុងផ្តល់ភាពងាយស្រួលដល់សាធារណជនក្នុងការទទួលបានសេវាធានារ៉ាប់រង

ធនាគារជាតិនៃកម្ពុជាបានអនុញ្ញាតឲ្យធនាគារចំនួន ២២ និងគ្រឹះស្ថានមីក្រូហិរញ្ញវត្ថុចំនួន ៤ ផ្តល់សេវា ប៊េងកាសួរេន តាមរយៈម៉ូលឌែលណែនាំអតិថិជន តាមរយៈម៉ូលឌែលភ្នាក់ងារ

AMS ECONOMY
@amseconomy