ភ្នំពេញ ៖ រាជរដ្ឋាភិបាលកម្ពុជាបានកំណត់យកកំពង់ផែធ្វើជាទិសដៅនៃតំបន់អភិវឌ្ឍន៍ឧស្សាហកម្ម សម្រាប់ការពង្រីកលើការដឹកជញ្ជូនទំនិញទៅ​កាន់ទីផ្សារ​បណ្តាប្រទេសនានានៅក្នុងតំបន់ ក៏ដូចជានៅក្នុងពិភពលោកទាំងមូលផងដែរ។

ក្រសួងសាធារណៈការ និងដឹកជញ្ជូនកាលពីថ្ងៃចុងសប្ដាហ៍កន្លងទៅនេះបានអះអាងថាក្នុងរយៈពេលប៉ុន្មានឆ្នាំចុងក្រោយនេះ  សកម្មភាពដឹកជញ្ជូនតាមផ្លូវ​ទឹក​របស់កម្ពុជាមានវិសាលភាពយ៉ាងធំធេង ជាពិសេសការលើកដាក់ទំនិញនៅកំពង់ផែក្រុងព្រះសីហនុកំពុងមានសកម្មភាពយ៉ាងមមាញឹក​ជាមួយនឹង​បទពិសោធន៍ និងមានការទទួលខុសត្រូវខ្ពស់របស់កំពង់ផែ។

តាមរយៈសេចក្ដីប្រកាសរបស់ក្រសួងសាធារណៈការ និងដឹកជញ្ជូនបានបញ្ជាក់ថា កំពង់ផែស្វយ័តក្រុងព្រះសីហនុ កំពុងដើរតួនាទីយ៉ាងសំខាន់ក្នុងការកសាងជាតិមាតុភូមិ ដោយបានរួមចំណែករក្សាកំណើនសេដ្ឋកិច្ចជាតិប្រចាំឆ្នាំក្នុងរង្វង់ 7ភាគរយប្រកបដោយចីរភាព ជាកំពង់ផែទឹកជ្រៅតែមួយគត់របស់កម្ពុជា ក្នុងនាមជាដង្ហើមសេដ្ឋកិច្ចដ៏សំខាន់បំផុត បានជំរុញកំណើនសេដ្ឋកិច្ចជាតិឱ្យឆ្ពោះទៅមុខ មានទីតាំងអំណោយផលឋិតនៅក្នុងតំបន់ឆ្នេរសមុទ្រ ខេត្តព្រះសីហនុ ដែលជាទីតាំងល្អបំផុត និងធានាបាននូវការការពារដ៏រឹងមាំពីគ្រោះធម្មជាតិ។ បរិមាណទំនិញឆ្លងកាត់ឧបករណ៍លើកដាក់នៅក្នុងកំពង់ផែនេះ មានការកើនឡើងគួរឱ្យកត់សម្គាល់ពីមួយឆ្នាំទៅមួយឆ្នាំ ធ្វើឱ្យប្រាក់ចំណូលរបស់កំពង់ផែ ក៏ដូចជាប្រាក់ចំណូលរបស់ជាតិមានការកើតឡើងជាលំដាប់។

ស្របពេលជាមួយគ្នានេះដែរ បច្ចុប្បន្នក្រសួងសាធារណការ និងដឹកជញ្ជូនកំពុងរៀបចំការពង្រីកកំពង់ផែ និងបង្កើតប្រព័ន្ធកំពង់ផែ EDI (Electronic Data Intercharge) ដែលនឹងជួយសម្រួលដល់នីតិវិធីផ្លូវ ការនៃនាវាចេញចូលកំពង់ផែកម្ពុជាក្នុងគោលបំណងពន្លឿននីតិវិធី និងកាត់បន្ថយថ្លៃដើមដឹកជញ្ជូនទំនិញ តាមផ្លូវសមុទ្រ ការស្តុកទំនិញ និងអាចឆ្លើយតបទៅនឹងកំណើនវិនិយោគពីបរទេស ជាពិសេស សំដៅធ្វើ ឱ្យកម្ពុជាក្លាយជាទីតាំងយុទ្ធសាស្ត្រមួយប្រកបដោយការប្រកួតប្រជែងនៅតំបន់អាស៊ី ទាក់ទងនឹងវិស័យ ភស្តុភារកម្ម និងការដឹកជញ្ជូន។

• 

• 

ជាងនេះទៅទៀត កម្ពុជាគ្រោងនឹងពង្រីកសមត្ថភាពកំពង់ផែស្វយ័តក្រុងព្រះសីហនុបន្ថែមទៀត តាមរយៈ ការកសាងចំណតផែកុងតឺន័រថ្មីមួយជម្រៅទឹក14.5ម៉ែត្រ ប្រវែង350ម៉ែត្រ ដែលនឹងធានាដល់ការចូល ចតនាវាកុងតឺន័រខ្នាតធំៗ មានចំណុះរហូតដល់ទៅ 60.000តោន ឬស្មើនឹង93ភាគរយ នៃចំនួននាវាប្រចាំ តំបន់អាស៊ី-ប៉ាស៊ីហ្វិក នៅដើមឆ្នាំ2023 ដើម្បីឆ្លើយតបទៅនឹងការកើនឡើងនៃបរិមាណកុងតឺន័រ ឆ្លងកាត់កំពង់ផែមួយនេះក្នុងពេលបច្ចុប្បន្ន និងនាពេលអនាគត។

សុខសន្តិភាព និងស្ថិរភាពនយោបាយ ក្រោមការដឹកនាំប្រកបដោយគតិបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា កម្ពុជាត្រូវបានគេចាត់ទុកជាប្រទេសដែលមានកំណើនសេដ្ឋកិច្ចរីកចម្រើនឆាប់រហ័សនៅក្នុងតំបន់អាស៊ាន៕

កម្មវិធីពិសេសរបស់ AMS ECONOMY

• មើលទាំងអស់ ➧

S1:E20

គ្រោះថ្នាក់នៃការបង្ហាញអត្តសញ្ញាណ និងលេខគណនីធនាគារជាសាធារណៈ

S1:E19

គ្រោះថ្នាក់នៃការប្រើប្រាស់ Fintech ជាមួយ Wifi សាធារណៈ

S1:E18

ការបោកប្រាស់កម្ចីតាមប្រព័ន្ធអនឡាញ (SCAM)

S1:E17

កម្ចីអ្នកចងការ និងសេវាហិរញ្ញវត្ថុផ្លូវការ

S1:E16

កម្ចីមិនត្រូវការទ្រព្យធានា

S1:E15

សុវត្តិភាពកាត

S1:E14

ឱកាស និងហានិភ័យនៃការបង់រំលោះ

S1:E13

គ្រឹះស្ថានហិរញ្ញវត្ថុ និងទ្រព្យបញ្ចាំ

S1:E12

អត្ថប្រយោជន៍នៃធានារ៉ាប់រង

S1:E11

តួនាទីរបស់គ្រឹះស្ថានធនាគារ និងគ្រឹះស្ថានមីក្រូហិរញ្ញវត្ថុ

S1:E10

សិទ្ឋិនិងកាតព្វកិច្ចរបស់អ្នកប្រើប្រាស់កម្ចី

S1:E9

តួនាទីរបស់ប្រព័ន្ឋចែករំលែកព័ត៌មានឥណទាន

S1:E8

ដំណោះស្រាយឥណទានមានហានិភ័យ និង បញ្ហាលទ្ឋភាពសង

S1:E7

ការគ្រប់គ្រងហិរញ្ញវត្ថុសម្រាប់ MSMEs