រាជរដ្ឋាភិបាលគ្រោងវិភាជន៍ថវិការហូតប្រមាណ ១,៥៥៧ លានដុល្លារអាមេរិកសម្រាប់ឆ្នាំ២០២១

ភ្នំពេញ ៖ នៅក្នុងឆ្នាំ២០២១ ដែលទទួលរងនូវវិបត្តិនៃការ​រីករាលដាលនៃជំងឺកូវីដ-១៩ និងដើម្បី​ស្តារសម្បទា​សេដ្ឋកិច្ច​ឡើង​វិ​ញ រាជរដ្ឋាភិបាលកម្ពុជា បានបង្កើនខ្ទង់ចំណាយវិភាជន៍ថវិការដែលអាចកើនដល់ប្រមាណ ១ ៥៥៧លានដុល្លារ ជាមួយនឹងការត្រៀមសម្រាប់ឆ្នាំ២០២២ ប្រមាណ ៩៩០លានដុល្លារ។

ឯកឧត្តម វង្សី វិស្សុត រដ្ឋមន្រ្តី​ប្រតិភូ​អម​នាយករដ្ឋមន្រ្តី និ​ងជារដ្ឋលេខាធិការប្រចាំការក្រសួងសេដ្ឋកិច្ច និងហិរញ្ញវត្ថុ នៅក្នុង​កិច្ចប្រជុំ​លើកទី៣របស់គណៈ​កម្ម​ការ​​គោលនយោបាយសម្រាប់កម្មវិធី​ឆ្លើ​យ​ត​​​ប​នឹងការហៅកាត់ថា CARES តា​ម​រយៈប្រព័​ន្ធវីដេអូ បានបង្ហាញឱ្យដឹងថា រាជរដ្ឋាភិបាលបានវិភាជន៍ថវិកាអាចនឹងឈានដល់ប្រមាណ ១,៥៥៧ លានដុល្លារអាមេរិក ក្នុ​ង​ឆ្នាំ២០២១នេះ ហើយបានគ្រោងប្រមាណ ៩៩០ លានដុល្លារអាមេរិកទៀត សម្រាប់ឆ្នាំ២០២២ខាងមុខនេះ។

ឯកឧត្តមបានបញ្ជាក់ថា ៖

«កន្លងមក រាជរដ្ឋាភិបាលបានវិភាជន៍ថវិកាប្រមាណ ៨​៤​០ លានដុល្លារអាមេរិកក្នុងឆ្នាំ២០២០ និងអាចឈានដល់ប្រមាណ ១,៥៥៧ លានដុល្លារអាមេរិក ក្នុ​ង​ឆ្នាំ២០២១នេះ ហើយបានគ្រោងប្រមាណ ៩៩០ លានដុល្លារអាមេរិកទៀត សម្រាប់ឆ្នាំ២០២២ខាងមុខនេះ»

មន្ត្រីជាន់ខ្ពស់ក្រសួងសេដ្ឋកិច្ចរូបនេះបានបញ្ជាក់ទៀតថា កិច្ចប្រជុំលើកទី​២ របស់គណៈកម្មការនេះនៅខែមេសា ឆ្នាំ២០២១ កន្លងមក កម្ពុជាបានឆ្លងកាត់បញ្ហាប្រឈមជាច្រើន ដោ​យ​សា​រ​ការរាតត្បាតនៃជំងឺកូវីដ-១៩ ដែល​បាន​ធ្វើឱ្យ​កំណើន​​​​សេដ្ឋកិច្ចធ្លាក់ចុះ ហើយអាជីវកម្មត្រូវប៉ះពាល់ ជាពិ​សេសឱកាស​រក​ប្រាក់ចំណូល ការងារ និង​ជីវភាព​រស់នៅ​ប្រចាំថ្ងៃរបស់​ប្រជាជនត្រូវ​ទទួលរង​ផលប៉ះពា​ល់​ខ្លាំង។

ជាក់ស្តែង គិតមកទល់នឹងពេលនេះ ករណីឆ្លងថ្មីបានធ្លាក់ចុះ កម្ពុជា​​នៅ​តែអាចរក្សាសភាពការ​ណ៍នៃការឆ្លងរាលដាលនៃជំងឺកូវីដ-១៩ ឱ្យស្ថិតនៅ​​ក្នុ​ង​កម្រិត​​ដែល​អាច​គ្រប់គ្រង​បាន។ រាជរដ្ឋាភិបាលក៏បានដាក់ចេ​ញនូវវិធានការអន្តរាគមន៍ខាងផ្នែកសេដ្ឋកិច្ចនិងសង្គមជាបន្តបន្ទាប់ ដើ​ម្បីជួយរក្សាលំនឹងធុរកិច្ច និងជី​វ​​ភាពរស់នៅរបស់ប្រជាជន ជាពិសេសជីវភាពកម្មករ-​និយោជិត និង​គ្រួសារ​ក្រីក្រព្រមទាំង​​ក្រុមជន​​​​​ងា​យ​រងគ្រោះ ដែល​រងផលប៉ះពាល់​ពី​វិបត្តិនៃជំងឺកូវីដ-១៩។

បច្ចុប្បន្នកម្ពុជាបា​ន ​និងកំពុងអនុវត្តកម្មវិធីចាក់វ៉ាក់សំាងបង្ការជំងឺកូវីដ-១៩ ស្របទៅតាមផែនការចាក់វ៉ាក់សាំង និងផែនការល​​ទ្ធកម្មវ៉ាក់សាំងរបស់ខ្លួន ដែលគិតមកទល់នឹងពេលនេះ កម្ពុជាបានទទួល វ៉ាក់សាំងចំនួន ៣៧ ៥៩៩ ១​០០ ដូស និងបានចាក់វ៉ាក់សាំងជូនប្រជាពលរដ្ឋប្រមាណជាង ១៣,​៦ លាននាក់ ដែលស្មើនឹងប្រ​មា​ណ ៨៤,៩១ % នៃចំនួនប្រជាពលរដ្ឋក្រុមគោលដៅប្រមាណ ១៦ លាននាក់។

ឯកឧត្តម វង្សី វិស្សុត ​បានគូសប​ញ្ជា​​ក់ថា ភាពជោគជ័យដ៏ធំធេងរបស់កម្ពុជាពាក់ព័ន្ធនឹងយុទ្ធសាស្រ្តវ៉ាក់សាំង បាននិងកំពុងនាំមកនូវក្តីស​ង្ឃឹមនៃការវិលត្រឡប់មករកភាពប្រក្រតីថ្មីវិញ។ ជាក់ស្តែង រាជរដ្ឋាភិបាលបានបន្ធូរបន្ថយការចត្តាឡី​ស័ក សម្រាប់អ្នកដែលបានចាក់វ៉ាក់សាំងពេញលេញចូលក្នុងប្រទេសពី ១៤ ថ្ងៃមកនៅចន្លោះពី ៧ ទៅ​៣ថ្ងៃប៉ុណ្ណោះ។

ឯកឧត្តម Ahmed Muneeb Saeed ក្នុងនាម ADB បានវាយតម្លៃខ្ពស់ចំពោះកិ​ច្ច​ខិតខំប្រឹងប្រែង​របស់​រាជរ​ដ្ឋា​ភិបាល ក្នុងការទប់ស្កាត់នៃការរីករាលដាលនៃជំងឺកូវីត​-១៩ ជាពិសេសយុទ្ធនាការចាក់វ៉ាក់សាំងជូ​ន​​ប្រជាពលរដ្ឋ ក្នុងសន្ទុះមួយដ៏លឿន ធ្វើឱ្យកម្ពុជាឈរនៅលំ​ដា​ប់​ជួរមុខ ធៀបនឹងប្រទេសដទៃទៀត ក្នុង តំបន់ ក៏ដូចជាលើសកលលោក ដែលនាំឱ្យកម្ពុជាអាចចាប់ផ្តើម​បើ​​​កសកម្មភាពសេដ្ឋកិច្ច និងប្រទេសឡើងវិញតាមគន្លងថ្មី ក្នុងពេលដ៏ឆាប់ខាងមុខ។

គួរបញ្ជាក់ដែរថា កម្មវិធីឆ្លើយតប​នឹងការ​រីករាលដាលនៃជំងឺកូវីដ-១៩ និង​ការស្តារ​សម្បទា​​​​​​​សេដ្ឋកិច្ច​ឡើ​ង​​វិ​ញ (CARES) ដែលមាន​ទឹកប្រាក់​សរុបប្រមាណ ២៥០ លានដុល្លារអាមេរិក និង​ការចូលរួមបដិភាគរ​ប​​ស់ JICA ប្រមាណ ២៣៨ លានដុល្លារអាមេរិក និងមូលនិធិ EDCF របស់សាធារណរដ្ឋកូរ៉េប្រមាណ ៥​០​លានដុល្លារអាមេរិក​ទៀត ធនាគារពិភពលោកប្រមាណ ​២០០លានដុល្លារអាមេរិក​ ដើម្បី​ជួយ​គាំ​ទ្រ​​ដ​ល់​​ការ​អនុវត្តកម្មវិធី CARES នេះ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្ពុជា​ត្រូវការ​ថវិកា​ប្រមាណ​១១,៦​ពាន់លានដុល្លារ​សម្រាប់​អនុវត្ត​គម្រោង​វិនិយោគ​សាធារណៈ​ ៣ឆ្នាំ​រំកិល​ ២០២៥-២០២៧

ព្រឹត្តិការណ៍, អចលនទ្រព្យ

• 19/03/2024

ពីឆ្នាំ ២០២៥ដល់២០២៧ កម្ពុជា​ត្រូវការ​ថវិកា​ប្រមាណ១១,៦​ពាន់លានដុល្លារ​អាមេរិក​សម្រាប់អនុវត្ត​ន៍គម្រោង​វិនិយោគសាធារណៈ​ចំនួន៦១៧គម្រោង​

Erikagen Inc.,ម្ចាស់ពានរង្វាន់ធុរកិច្ចបរិយាបន្នដំបូងបង្អស់របស់អាស៊ានកំពុងពង្រីកខ្លួនជាង៧០០សាខា

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 19/03/2024

ម្ចាស់ពានរង្វាន់ធុរកិច្ចបរិយាបន្នអាស៊ានដំបូងគេនៅក្នុងព្រឹត្តិការណ៍លើកទី១ ដែលជាអាជីវកម្មលក់ឱសថ និងលក់យីហោ Erikagen Inc.,កំពុងមមាញឹកខ្លាំងនៅហ្វីលីពីន

បច្ចេកទេសថ្មី ប្រើអេប៉ុងលាងចានធម្មតាទាញយកកម្ទេចមាសចេញពីកាកសំណល់អេឡិចត្រូនិក

ព្រឹត្តិការណ៍, អាជីវកម្មថ្មី និងនវានុវត្ត

• 19/03/2024

Mint Innovation បានស្រាវជ្រាវរកឃើញនូវរបកគំហើញថ្មីមួយដែលអាចទាញយកសារធាតុមាសចេញពីកាកសំណល់អេឡិចត្រូនិកដោយប្រើប្រាស់អេប៉ុងលាងចានជាវត្ថុធាតុដើម

រាជរដ្ឋាភិបាលអាណត្តិទី៧ បន្តចាត់ទុកវិស័យទេសចរណ៍ជាវិស័យអាទិភាព រួមចំណែកដល់ការអភិវឌ្ឍសង្គម-សេដ្ឋកិច្ចជាតិ

ព្រឹត្តិការណ៍

• 18/03/2024

សម្តេចធិបតី បានបង្ហាញពីសុទិដ្ឋិនិយមថា វិស័យទេសចរណ៍នឹងនៅតែជាវិស័យចន្ទល់សេដ្ឋកិច្ចមួយដ៏សំខាន់ក្នុងការបង្កើតឱកាសការងារ មុខរបរ ប្រាក់ចំណូល

សិប្បកម្មកែច្នៃត្រីងៀតក្នុងស្រុក ចង់បង្កើនវិសាលភាពទីផ្សារ និងពង្រឹងស្តង់ដារ ដើម្បីប្រកួតប្រជែងលើទីផ្សារសេរី

ជំនួញ, ព្រឹត្តិការណ៍

• 18/03/2024

ម្ចាស់សិប្បកម្មកែច្នៃត្រីងៀត ប្រហុក ផ្អក ជាច្រើនប្រភេទ បង្ហាញពីមហិច្ឆតាចង់បង្កើនវិសាលភាពទីផ្សារ និងពង្រឹងគុណភាព រសជាតិ ផលិតផលស្របតាមស្តង់ដារ ដើម្បីផ្គត់ផ្គង់ទីផ្សារ

ស្វែងយល់ពីប្រទេសផលិតគ្រាប់ពេជ្រកំពូលទាំង ៥ របស់ពិភពលោក

ព្រឹត្តិការណ៍, សេដ្ឋកិច្ច

• 18/03/2024

កាលពីឆ្នាំ ២០២២ ទីផ្សារពេជ្រពិភពលោកមានតម្លៃ ១០០,៤ ពាន់លានដុល្លារ ជាមួយនឹងការព្យាករណ៍ដែលបង្ហាញពីការកើនឡើងដល់ ១៥៥,៥ ពាន់លានដុល្លារនៅឆ្នាំ ២០៣២

ធនាគារ​ពិភពលោក​អនុម័ត​កម្ចី​ចំនួន​៣៥​លានដុល្លារ​បន្ថែម​សម្រាប់កម្ពុជា​អភិវឌ្ឍន៍​ផ្លូវ​នៅតាមជន​បទក្នុង​ខេត្ត​ចំនួន​៣

ព្រឹត្តិការណ៍, អចលនទ្រព្យ

• 18/03/2024

ដោយសារតែផ្លូវ​នៅតាមជនបទមានសារ​សំខាន់ក្នុងការ​ជំរុញសកម្មភាព​សេដ្ឋកិច្ច​ ជាពិសេស​តភ្ជាប់​តំបន់​ជនបទទៅតំបន់ទី​ប្រជុំ​ធនាគារពិភពលោក​បានផ្តល់កម្ចីសម្រាប់លើកកម្ពស់ផ្លូវ

ស្ថានភាពបំណុលសាធារណៈកម្ពុជានៅតែមាន “ចីរភាព” និង “ហានិភ័យកម្រិតទាប”

ព្រឹត្តិការណ៍, ហិរញ្ញវត្ថុ

• 18/03/2024

ស្ថានភាពបំណុលសាធារណៈកម្ពុជា គិតត្រឹមដំណាច់ឆ្នាំ២០២៣ នៅតែស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប”

បុណ្យទន្លេ៣ថ្ងៃនៅសៀមរាប ទាក់ទាញទេសចរជាង៥៥ម៉ឺននាក់

Uncategorized, ព្រឹត្តិការណ៍, សេដ្ឋកិច្ច

• 18/03/2024

បុណ្យទន្លេ៣ថ្ងៃនៅខេត្តសៀមរាប ចាប់ពីថ្ងៃទី១៥ ដល់ ១៧ ខែមីនា ឆ្នាំ២០២៤ បានទាក់ទាញទេសចរជាតិ និងអន្តរជាតិ ជាង ៥៥ ម៉ឺននាក់។

ប្រជាកសិករក្រីក្រជាង១៥០០គ្រួសារផ្គត់ផ្គង់អង្ករ ផ្លែឈើ ដល់ក្រុមហ៊ុន លីលី សម្រាប់ផលិតនំ និងផ្លែឈើក្រៀម

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 18/03/2024

ក្រុមហ៊ុនលីលីហ៊្វូត ដែលឈ្នះពានរង្វាន់អាជីវកម្មបរិយាបន្នអាស៊ានឆ្នាំ២០២២ ផ្ដោតសំខាន់លើការជួយដល់អ្នកក្រីក្រនៅបាតពីរ៉ាមីតឱ្យមានជីវភាពប្រសើរជាងមុន