អុីស្លង់ ៖ ជាការបង្ហាញពីការប្តេជ្ញាចិត្តរបស់ខ្លួនក្នុងការប្រយុទ្ធប្រឆាំងទៅនឹងបម្រែបម្រួលអាកាសធាតុនោះ ប្រទេសអុីស្លង់ទើបតែបានប្រកាសបើកឲ្យដំណើរការនូវរោងចក្រធំជាងគេបំផុតលើកដំបូងលើពិភពលោក ដែលមានជំនាញក្នុងការកម្ចាត់ឧស្ម័នកាបូនិច (CO2) ចេញពីបរិយាកាស និងស្រូបយកទៅកប់ចោលនៅក្រោមដីបានយ៉ាងមានប្រសិទ្ធភាព។
រោងចក្រដ៏អស្ចារ្យនេះអាចធ្វើការបំផ្លាញចោលនូវឧស្ម័នកាបូនិចពីបរិយាកាសដល់ទៅជាង ៤ ០០០តោនជារៀងរាល់ឆ្នាំ ដែលវាស្មើទៅនឹងទំហំនៃឧស្ម័នពុលដែលត្រូវបានបញ្ចេញដោយរថយន្តយ៉ាងហោចណាស់ ៨៧០គ្រឿងក្នុងរយៈពេលមួយឆ្នាំ។
ដំណើរការរបស់រោងចក្រនេះនឹងធ្វើឡើងតាមរយៈការទាញយកឧស្ម័នកាបូនិចចេញពីខ្យល់អាកាសដោយប្រើប្រាស់បច្ចេកវិទ្យាទំនើបនៃកង្ហារធំៗរបស់ខ្លួន ហើយបន្ទាប់មកយកកាបូនិចដែលប្រមូលបានយកទៅលាយជាមួយនឹងទឹកក្នុងចំនួនកំណត់មួយ ហើយក៏បាញ់បញ្ចូលវាទៅក្រោមដីដែលក្រុមអ្នកវិទ្យាសាស្ត្របានរកឃើញថាក្នុងរយៈពេលណាមួយវានឹងប្រែក្លាយទៅជាដុំថ្មជំនួសវិញ។
រោងចក្រដ៏ទំនើបមួយនេះមានឈ្មោះថា Orca ដែលមកដល់ពេលបច្ចុប្បន្នរោងចក្របានទទួលយកគម្រោងធំៗជាច្រើនមកហើយក្នុងការកាត់បន្ថយឧស្ម័នកាបូនិចនៅតាមបណ្តាក្រុមហ៊ុនយក្ស ដូចជា Microsoft និង Audi ជាដើម។
គួរឲ្យដឹងដែរថា គិតត្រឹមឆ្នាំ២០២០ប៉ុណ្ណោះ ឧស្ម័នកាបូនិច(CO2) បានបំភាយចេញទៅកាន់បរិយាកាសផែនដីសរុបដល់ទៅ ៣១,៥ពាន់លានតោន ហើយពិភពលោកមានពេលតិចតួចណាស់ដើម្បីប្រយុទ្ធប្រឆាំងទៅនឹងបញ្ហានេះ និងរារាំងមិនឲ្យស្ថានភាពនៃការប្រែប្រួលអាកាសធាតុនឹងកាន់តែធ្ងន់ធ្ងរជាងនេះដោយក្នុងនោះត្រឹមឆ្នាំ២០៣០ ពិភពលោកចាំបាច់ត្រូវតែកាត់បន្ថយការបំភាយឧស្ម័នពុលនេះឲ្យបាន ៧,៦ភាគរយជារៀងរាល់ឆ្នាំ ដែលវាអាចនឹងជួយឲ្យកំដៅភពផែនដីរក្សាបានភាពត្រជាក់មកវិញប្រមាណ ១,៥ អង្សារ។ ទោះបីជាយ៉ាងណាក្តី មកទល់សព្វថ្ងៃនេះ រោងចក្រដែលដំណើរការដើម្បីកំចាត់ឧស្មន័កាបូនិចបែបនេះមានត្រឹមតែ១៥កន្លែងប៉ុណ្ណោះ ដែលកំពុងដំណើរការនៅទូទាំងសកលលោកក្នុងទ្រង់ទ្រាយតូច ហើយអាចបំផ្លាញ CO2 សរុបត្រឹមតែ ៩ ០០០តោនប៉ុណ្ណោះក្នុងមួយឆ្នាំ ដែលវាជាចំនួនតិចតួចបំផុតធៀបទៅនឹងទំហំនៃការបំភាយនៅក្នុងពិភពលោកទាំងមូលជារៀងរាល់ឆ្នាំ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧Okra គំរូធុរកិច្ចបរិយាបន្ន ដើម្បីដោះស្រាយបញ្ហាថាមពលស្អាតតម្លៃទាប សំដៅសហគមន៍ក្រីក្រនៅកម្ពុជា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 29/03/2024
Okra ជាគំរូធុរកិច្ចបរិយាបន្នមួយនៅកម្ពុជាដែលមានដំណើរអាជីវកម្មតាមរយៈការជួយគាំទ្រ និងផ្គត់ផ្គង់ថាមពលស្អាត តម្លៃទាបសំដៅសហគមន៍ក្រីក្រ
ក្រុមហ៊ុន ហ្វតតេ ឡាយហ្វ៍ និងសាលារៀនជំនាន់ថ្មី វិទ្យាល័យព្រះស៊ីសុវត្ថិ ចុះ MOU ដើម្បីជួយលើកកម្ពស់ការអប់រំ និងចំណេះដឹងហិរញ្ញវត្ថុ
ព្រឹត្តិការណ៍, អត្ថបទពាណិជ្ជកម្ម
• 29/03/2024
ក្រុមហ៊ុន ហ្វតតេ ឡាយហ្វ៍ និងសាលារៀនជំនាន់ថ្មី វិទ្យាល័យព្រះស៊ីសុវត្ថិ ចុះ MOU ដើម្បីជួយលើកកម្ពស់ការអប់រំ និងចំណេះដឹងហិរញ្ញវត្ថុ
អាជីវកម្មបរិយាបន្ន VinaSamex ជួយសម្រួលជីវភាពប្រជាជនក្រីក្រនៅខេត្តភាគខាងជើងនៃប្រទេសវៀតណាម
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 29/03/2024
អាជីវកម្មបរិយាបន្ន VinaSamex កំពុងជួយជីវភាពប្រជាជនក្រីក្រនៅខេត្តភាគខាងជើងនៃប្រទេសវៀតណាមឱ្យមានលទ្ធភាពធូរធាជាងមុន
My Dream Home ធរុកិច្ចបរិយាបន្នបង្កើតឡើងដើម្បីបំពេញក្តីសុបិនពលរដ្ឋដែលមានជីវភាពខ្វះខាតអាចសាងសង់ផ្ទះផ្ទាល់ខ្លួន
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 29/03/2024
My Dream Home ជាអ្នកជំនាញផលិតឥដ្ឋបរិស្ថាន ឬ Eco-brick ដែលមានតម្លៃទាប ងាយស្រួលប្រើប្រាស់ និងពុំចាំបាច់មានជំនាញក្នុងការងារជាជាងសំណង់ឡើយ