បរទេស ៖ នៅក្នុងទិន្នន័យមួយដែលត្រូវបានបង្កើតឡើងដោយវិទ្យាស្ថានជាតិស្រាវជ្រាវសន្តិភាពអន្តរជាតិនៃទីក្រុង Stockholm ទៅលើការចំណាយសម្រាប់វិស័យយោធាតាមបណ្តាប្រទេសទាំងអស់លើពិភពលោកបានបង្ហាញថា កាលពីឆ្នាំ២០២០កន្លងទៅនេះ បានបញ្ជាក់ពីខ្ទង់ចំណាយយ៉ាងលើសលប់របស់ប្រទេសអភិវឌ្ឍន៍ចំនួន៥ ដែលមានទំហំបញ្ចូលគ្នារាប់រយពាន់លានដុល្លារ។
សម្រាប់ប្រទេសដែលបានចំណាយលើវិស័យោធា និងការពារជាតិច្រើនបំផុតរបស់សកលលោកកាលពីឆ្នាំ២០២០ចំនួន៥នោះរួមមានដូចជា ៖
១.ចក្រភពអង់គ្លេស ៖ កាលពីឆ្នាំ២០២០ អង់គ្លេសបានចំណាយប្រាក់រហូតទៅដល់ ៥៩,២ពាន់លានដុល្លារទៅលើវិស័យយោធា និងជាប្រទេសក្នុងតំបន់អ៊ឺរ៉ុបដែលបានចំណាយថវិកាច្រើនជាងគេបំផុត ឬប្រហែលជា ២,២ ភាគរយនៃ GDP សរុបរបស់ខ្លួន
២.រុស្សី ៖ រុស្សីបានចំណាយថវិកាសរុបប្រមាណជា ៦១,៧ពាន់លានដុល្លារ ឬស្មើនឹង ៣,៤ ភាគរយនៃ GDP សរុបរបស់ប្រទេសកាលពីឆ្នាំ២០២០
៣.ឥណ្ឌា ៖ ជាប្រទេសស្ថិតនៅក្នុងចំណាត់ថ្នាក់លេខរៀងទី៣ដែលបានចំណាយថវិកាជាតិច្រើនបំផុតទៅលើវិស័យយោធាប្រមាណជា៧២,៩ពាន់លានដុល្លារ ដែលស្មើទៅនឹង GDP សរុបរបស់ខ្លួនប្រមាណជា ២,៩ភាគរយ
៤.ចិន ៖ ចិនបានចំណាយលុយយ៉ាងច្រើនកាលពីឆ្នាំ២០២០ ដើម្បីអាចទប់ទល់ទៅនឹងសំពាធដែលបានកើតមានឡើងជាមួយនឹងមហាយក្សអាមេរិក ហើយជាលទ្ធផលរបាយការណ៍បានបង្ហាញថា ថវិការហូតទៅដល់ ២៥២ពាន់លានដុល្លារ ត្រូវបានបញ្ចេញ ហើយវាមានទំហំច្រើនជាងឥណ្ឌាចំណាយរហូតទៅដល់ ២៥០ភាគរយ ឬក្នុងទំហំស្មើទៅនឹងប្រមាណ ១៣ភាគរយនៃការចំណាយសរុបរួមគ្នារបស់បណ្តាប្រទេសទាំងអស់លើសកលលោកទៅលើវិស័យយោធា
៥.សហរដ្ឋអាមេរិក ៖ មហាយក្សអាមេរិកនៅតែជាប់ឈ្មោះជាអ្នកចំណាយលុយលើយោធាច្រើនបំផុតលើលោក ខណៈដែលឆ្នាំ២០២០កន្លងទៅនេះកញ្ចប់ថវិការបស់ខ្លួនដែលបានចំណាយមានការកើនឡើងរហូតទៅដល់ ៧៧៨ពាន់លានដុល្លារ ច្រើនជាង ៣ដង ដែលចិនបានចំណាយ ហើយស្មើទៅនឹង ៣៩ភាគរយនៃការចំណាយយោធាសរុបរបស់ប្រទេសទាំងអស់លើសកលលោកផងដែរ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧ទទួលផលពីអាជីវកម្មបរិយាបន្ន សហគមន៍កសិកម្មមួយអាចផ្គត់ផ្គង់បន្លែបានជាង១តោន ក្នុងមួយខែ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 19/04/2024
អាជីវកម្មបរិយាបន្ន គឺជាប្រភេទអាជីវកម្មគំរូថ្មីមួយដែលអាចផ្ដល់អត្ថប្រយោជន៍ជាច្រើនដល់អ្នកពាក់ព័ន្ធ និងអាចជំរុញសេដ្ឋកិច្ចទាំងក្នុងសហគមន៍ និងប្រទេសជាតិមួយ។
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
e-Choupal ជាវេទិកាអនឡាញធំបំផុតនៅឥណ្ឌាជួយនាំចេញកសិផលដោយផ្ទាល់ពីកសិករក្រីក្ររាប់លាននាក់
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
e-Choupal គែជាច្រកនាំចេញកសិផលដ៏ធំបំផុតមួយរបស់ឥណ្ឌាតាមរយៈបណ្តាញអ៊ិនធឺណេតដោយគិតមកដល់ពេលនេះមានកសិករក្រីក្រប្រមាណជា៤លាននាក់កំពុងអាស្រ័យផល