សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ចំណេះដឹង ៖ លោក Warren Buffett និងលោក Charlie Munger គឺជាមិត្តភ័ក្តដ៏ជិតស្និទ្ធជាមួយគ្នាអស់រយៈពេលជាង ៦០ ឆ្នាំមកហើយ ហើយបច្ចុប្បន្ននេះក៏បានក្លាយជាកំពូលមហាសដ្ឋីដែលមានទ្រព្យសម្បត្តិរាប់ពាន់លានដុល្លារដូចគ្នា។
ក្នុងនាមជាដៃគូអាជីវកម្មដ៏ស្មោះត្រង់គិតចាប់តាំងតែពីឆ្នាំ១៩៧៨ រហូតមក បុរសទាំង២នាក់នេះបានកសាងនូវក្រុមហ៊ុនធំៗលំដាប់ពិភពលោកផ្នែកវិនិយោគដ៏រឹងម៉ាំបំផុតគឺ Berkshire Hathaway ដែលបច្ចុប្បន្នមានទំហំទុនសរុបរហូតទៅដល់ ៦៣០ ពាន់លានដុល្លារ។ យ៉ាងណាក៏ដោយ បើទោះជាស្ថិតក្នុងវ័យ ៩០ឆ្នាំទៅហើយក្ដី និងក្លាយជាកំពូលមហាសេដ្ឋីក៏ដោយ ក៏បុរសទាំង២នេះ បានលើកឡើងថាលុយដែលពួកគេរកបានទាំងនោះគឺមិនមែនជាអ្វីដែលពួកគាត់ចង់បានពិតប្រាកដនោះទេ។
«ពួកយើងបានបង្កើតលុយជាច្រើនរួចមកហើយ ប៉ុន្តែទ្រព្យទាំងអស់នោះគឺមិនមែនជាអ្វីដែលយើងចង់បាននោះទេ។ គោលបំណងដ៏ធំបំផុតដែលពួកយើងចង់បានពិតប្រាកដនោះគឺពាក្យថា”ឯករាជ្យភាព»
លោក Buffett បានថ្លែងទៅកាន់ក្រុមអ្នកកាសែតរបស់ CNBC កាលពីសប្តាហ៍កន្លងទៅថ្មីៗនេះថា៖
លោកបន្តពន្យល់ពាក្យថា “ឯករាជ្យ” ដែលលោក និងមិត្តភ័ក្តរបស់ខ្លួនគឺលោក Munger តែងតែប្រាថ្នាចង់បាននោះ គឺជាសេរីភាពនៃការជ្រើសរើសដៃគូណាមួយសម្រាប់កិច្ចការងារប្រចាំថ្ងៃ មិនថាទាំងអាជីវកម្ម ឬជីវិតឯកជនរស់នៅនោះទេ។ នេះគឺជារឿងដ៏អស្ចារ្យមួយប្រសិនបើអ្នកអាចធ្វើនូវអ្វីដែលចង់ធ្វើនៅក្នុងជីវិតខ្លួនឯងដោយមានការដៃគូជីវិតម្នាក់ក្នុងការសហការគ្នា និងមានចិត្តគំនិតដូចគ្នា ទាំងការប្តេជ្ញាចិត្ត និងគំនិត ដែលគហៅថា Luxuries of life ឬជីវិតរស់នៅដ៏មានក្ដីសុខ និងពេញលេញបំផុត។
ភាពជោគជ័យរបស់ក្រុមហ៊ុន Berkshire បានឆ្លុះបញ្ចាំងទៅនឹងអ្វីដែលលោក Buffett និងលោក Munger បានចំណាយពេលរួមគ្នាអស់ជាច្រើនទសវត្សរ៍ ទាំងគោលការណ៍វិនិយោគដូចគ្នា ការជ្រើសរើសបុគ្គលិក ការជ្រើសរើសម្ចាស់ភាគហ៊ុន ហើយបានបន្តធ្វើការងារបែបនេះជាមួយគ្នាយ៉ាងជិតស្និទ្ធបំផុតរហូតមកដល់ពេលបច្ចុប្បន្ន។
«ប្រសិនបើអ្នករាប់អានមិត្តអាក្រក់ម្នាក់នោះវានឹងបង្កឲ្យអ្នកទៅជាបញ្ហាជាមិនខាន ប៉ុន្តែជាសំណាងល្អណាស់សម្រាប់លោក និងលោក Munger ដែលមានមិត្តភាពជាង ៦០ឆ្នាំកន្លងមកនេះ គឺជាមិត្តភាពដ៏អស្ចារ្យបំផុត Luxury Friend ។ សេរីភាពគឺជារឿងសំខាន់ជាងទ្រព្យសម្បត្តិទាំងអស់ ទោះបីជាផ្ទះដែលតម្លៃថ្លៃ មានរថយន្តទំនើបជាច្រើនគ្រឿងយ៉ាងណាក៏ដោយក៏មិនអាចប្រៀបតម្លៃស្មើបានឡើយ»
លោក Buffett បាននិយាយបន្ថែមទៀតថា ៖
នៅក្នុងបទសម្ភាសន៍ដដែលបុរសទាំង២នាក់នេះបានធ្វើការលើកសរសើរនូវភាពស្មោះត្រង់ និងភាពយល់ចិត្តគ្នាទៅលើការងារជាច្រើនដែលខ្លួនបានធ្វើរួមគ្នា ដោយក្នុងនោះសូម្បីតែការសម្រេចចិត្តបរិច្ចាគជូនអង្គការសប្បុរសធម៌ផងដែរ ដែលមានទំហំលុយរហូតដល់ទៅរាប់ពាន់ដុល្លារកាលពីពេលកន្លងទៅ ហើយការបរិច្ចាកនឹងនៅតែមានជាបន្តបន្ទាប់ទៀតនៅថ្ងៃខាងមុខនេះ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សម្តេចធិបតី ហ៊ុន ម៉ាណែត ចាត់ទុកនវានុវត្តន៍ឌីជីថល ជាចលករដ៏សំខាន់ក្នុងដំណើរការអភិវឌ្ឍសង្គម-សេដ្ឋកិច្ច
ព្រឹត្តិការណ៍, អាជីវកម្មថ្មី និងនវានុវត្ត
• 22/04/2024
សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានចាត់ទុកនវានុវត្តន៍ឌីជីថល ជាចលករដ៏សំខាន់ក្នុងដំណើរការអភិវឌ្ឍសង្គម និងសេដ្ឋកិច្ចជាតិ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content