សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ចំណេះដឹង ៖ គ្រាន់តែនិយាយពីឈ្មោះរថយន្ត Rolls Royce ភ្លាមនោះអ្នកនឹងនឹកគិតក្នុងចិត្តថា វាជាប្រភេទរថយន្តដែលមានភាពប្រណីត និងទំនើបបំផុត មានតម្លៃថ្លៃខ្លាំងបំផុតបើធៀបទៅនឹងរថយន្តទូទៅដែលធ្វើដំណើរនៅលើផ្លូវរួមគ្នា ហើយក៏ត្រូវបានគេជឿជាកថា ក៏ជារថយន្តដែលប្រើប្រាស់សម្រាប់តែអ្នកសម្បូរទ្រព្យលំដាប់ជាឧកញ៉ា ឬមហាសេដ្ឋីប៉ុណ្ណោះ។
យ៉ាងណាក៏ដោយ តើអ្នកធ្លាប់បានដឹងច្បាស់ពីលក្ខណៈពិសេសអ្វីខ្លះរបស់រថយន្តលំដាប់មហាសេដ្ឋីប្រភេទនេះ ដែលជំរុញឲ្យមានតម្លៃរហូតដល់ខ្ទង់លានដុល្លារក្នុងមួយគ្រឿងនោះ? ខាងក្រោមនេះជាចំណុចសំខាន់ និងជាលក្ខណៈពិសេសខ្លះៗដែលមានភាពទំនើបខុសប្លែកពីរថយន្តទូទៅ ៖
– មួយក្នុងចំណោមកត្តាសំខាន់បំផុតដែលនាំឲ្យតម្លៃរបស់ Rolls Royce មានកម្រិតខ្ពស់ខ្លាំងបែបនេះ គឺបច្ចេកទេសលាបថ្នាំ និងពណ៌របស់រថយន្ត។ អតិថិជនអាចធ្វើការជ្រើសរើសគំរូពណ៌តាមចំណូលចិត្តរហូតដល់ទៅ 44,000ជម្រើស លើសពីនោះ អតិថិជនក៏អាចបង្កើតពណ៌ណាមួយផ្សេងទៀតដោយខ្លួនឯង ដែលវានឹងក្លាយទៅជាពណ៌កម្មសិទ្ធិផ្តាច់មុខរបស់អតិថិជនពីក្រុមហ៊ុនថែមទៀតផង។
– រថយន្ត Rolls Royce មានស្បែកដែលប្រើប្រាស់សម្រាប់ការរចនានៅក្នុងរថយន្តដល់ទៅ 23 ជម្រើសព្រមទាំងជម្រើសផ្សេងណាមួយផ្សេងទៀតដែលអាចធ្វើឡើងទៅតាមតម្រូវការរបស់អតិថិជន។ កិច្ចការងារផលិតរថយន្តធ្វើឡើងដោយដៃសុទ្ធសាធ ហើយវាគឺអាស្រ័យទៅតាមការចង់បានរបស់អតិថិជនទាំងចំពោះមុខងារទំនើបរបស់វា និងការរចនាឌីហ្សាញផ្នែកខាងក្នុងផងដែរ ប៉ុន្តែបើទោះបីជារថយន្តដែលក្រុមហ៊ុនផលិតកន្លងមកអាចមានមុខងារ និងភាពខុសគ្នាខ្លះនៃបច្ចេកវិទ្យាក្តី ប៉ុន្តែគិតមកដល់ពេលនេះក្រុមហ៊ុនមិនដែលទទួលបានបញ្ហាពីការប្រើប្រាស់រថយន្តទាំងនោះ ហើយត្រូវបានបញ្ជូនវាមកវិញនោះទេ។
– រថយន្ត Rolls Royce នីមួយៗបានបំពាកជាមួយនឹងឧបករណ៍ការពារសម្លេងដែលមានទំងន់រហូតទៅដល់ 300 ផោន ឬប្រមាណជា 136 គីឡូក្រាម ដោយក្នុងនោះសូម្បីតែកង់រថយន្តក៏ត្រូវបានផលិតយ៉ាងពិសេសផងដែរ ដើម្បីអាចកាត់បន្ថយសម្លេងកកិតពេលធ្វើដំណើរនៅលើផ្លូវ ដែលកាន់តែផ្តល់ភាពងាយស្រួល និងផាសុកភាពហួសពីការរំពឹងទុក។
– ឧបករណ៍គ្រប់គ្រង និងបញ្ជាត្រូវបានរចនាឡើងអាស្រ័យទៅនឹងតម្រូវការអតិថិជនដូចគ្នា។ បើនិយាយទៅវាដូចជាសារមន្ទីរនៃសិល្បៈមួយយ៉ាងដូច្នេះដែរ ពេលដែលយើងចូលទៅដល់នៅខាងក្នុងរថយន្តព្រមទាំងបច្ចេកវិទ្យាទាំងអស់ដែលវាមាន។ ទាំងគុណភាព និងការរចនាឌីហ្សាញ កើតចេញពីការធ្វើឡើងដោយដៃ 100 ភាគរយ។ តាមរយៈសមិទ្ធកម្មទាំងអស់នេះ Rolls Royce ត្រូវបានគេមើលឃើញថា នៅតែជាក្រុមហ៊ុនផលិតរថយន្តប្រណីត ទំនើប និងអស្ចារ្យបំផុត ដែលហាក់នៅមិនទាន់មានក្រុមហ៊ុនផលិតរថយន្តណាអាចប្រជែងទីផ្សារបែបនេះបាននៅឡើយ។
គួរបញ្ជាក់ថា គិតត្រឹមឆ្នាំ2019 ក្រុមហ៊ុន Roll Royce អាចលក់បានក្នុងអត្រាកើនឡើងដល់ទៅ 25ភាគរយ ពោលគឺស្មើនឹងប្រមាណ 5,152 គ្រឿង ហើយគិតជាមធ្យមទៅលើអាយុរបស់ម្ចាស់រថយន្ត Rolls Royce ទាំងអស់លើពិភពលោកភាគច្រើនគឺជាក្រុមមនុស្សដែលកើតនៅចន្លោះពីទសវត្សរ៍ឆ្នាំ1940-1950 ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ទទួលផលពីអាជីវកម្មបរិយាបន្ន សហគមន៍កសិកម្មមួយអាចផ្គត់ផ្គង់បន្លែបានជាង១តោន ក្នុងមួយខែ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 19/04/2024
អាជីវកម្មបរិយាបន្ន គឺជាប្រភេទអាជីវកម្មគំរូថ្មីមួយដែលអាចផ្ដល់អត្ថប្រយោជន៍ជាច្រើនដល់អ្នកពាក់ព័ន្ធ និងអាចជំរុញសេដ្ឋកិច្ចទាំងក្នុងសហគមន៍ និងប្រទេសជាតិមួយ។
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
e-Choupal ជាវេទិកាអនឡាញធំបំផុតនៅឥណ្ឌាជួយនាំចេញកសិផលដោយផ្ទាល់ពីកសិករក្រីក្ររាប់លាននាក់
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
e-Choupal គែជាច្រកនាំចេញកសិផលដ៏ធំបំផុតមួយរបស់ឥណ្ឌាតាមរយៈបណ្តាញអ៊ិនធឺណេតដោយគិតមកដល់ពេលនេះមានកសិករក្រីក្រប្រមាណជា៤លាននាក់កំពុងអាស្រ័យផល
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content