fbpx

ក្រុមហ៊ុនប្រេងឥន្ធនៈ Total ផ្អាកការទូទាត់ជាសាច់ប្រាក់ឲ្យក្រុមហ៊ុនរបស់យោធាមីយ៉ាន់ម៉ា

បរទេស ៖ គិតត្រឹមថ្ងៃពុធម្សិលមិញនេះរដ្ឋាភិបាលយោធានៃប្រទេសមីយ៉ាន់ម៉ាត្រូវបានគេដឹងថានឹងបាត់បង់ប្រភពចំណូលដ៏ធំមួយទៀតហើយពីសំណាក់ក្រុមហ៊ុនប្រេងឥន្ធនៈបារាំង Total ក្រោយពេលដែលក្រុមហ៊ុននេះបានប្រកាសផ្អាកក្នុងការទូទាត់ភាគលាភជាសាច់លុយក្នុងគ្រាដែលចលាចលក្នុងប្រទេសនៅមិនទាន់មានភាពធូរស្រាលនៅឡើយនោះ។

ក្រុមហ៊ុនប្រេងឥន្ធនៈកម្រិតយក្សរបស់ប្រទេសបារាំង Total ត្រូវបានគេដឹងថាទទួលរងនូវសម្ពាធយ៉ាងខ្លាំងពីសំណាក់ក្រុមអ្នកគាំទ្រប្រជាធិបតេយ្យដែលបន្តការទាមទារសុំឲ្យមានការបញ្ចប់រាល់ការផ្តល់ ឬទំនាក់ទំនងជាហិរញ្ញវត្ថុទាំងអស់ជាមួយនឹងរដ្ឋាភិបាលយោធាពោលប្រទេសមីយ៉ាន់ម៉ា គិតចាប់តាំងពីពេលដែលមានរដ្ឋប្រហារកើតឡើងកាលពីអំឡុងខែកុម្ភៈរហូតមក ហើយជាបន្តបន្ទាប់បានឈានទៅដល់ការបង្ក្រាបដ៏ឃោរឃៅទៅលើក្រុមអ្នកទាមទារបណ្តាលឲ្យមនុស្សប្រមាណជាជាង 800 នាក់បាត់បង់ជីវិត។

ក្រុមហ៊ុន Total បានចេញសេចក្តីថ្លែងការណ៍ថា ការសម្រេចចិត្តផ្អាកនូវការទូទាត់ជាសាច់ប្រាក់នេះត្រូវបានធ្វើឡើងក្រោយកិច្ចប្រជុំកាលពីថ្ងៃទី12 ខែឧសភាកន្លងទៅជាមួយនឹងម្ចាស់ភាគហ៊ុនធំរបស់ក្រុមហ៊ុន MGTC ដែលជាក្រុមហ៊ុនគ្រប់គ្រងទៅលើបំពង់បង្ហូរហ្គាសរវាងរោងចក្រជីកយកឧស្ម័នហ្គាស Yadana ទៅកាន់ប្រទេសថៃនោះ។

សំណើសុំឲ្យផ្អាកការទូទាត់ហរិញ្ញវត្ថុជាលុយសុទ្ធនេះត្រូវបានធ្វើឡើងដោយផ្ទាល់ពីក្រុមហ៊ុន Total ក្នុងនាមជាម្ចាស់ភាគហ៊ុនរបស់ MGTC ចំនួន 31 ភាគរយខណៈដែលក្រុមហ៊ុនអាមេរិក Chevron មានហ៊ុននៅទីនេះប្រមាណជា 28 ភាគរយ ក្រៅពីនោះនៅមានក្រុមហ៊ុនថៃ PTTEP ភាគហ៊ុនចំនួន 25 ភាគរយ និងក្រុមហ៊ុនរដ្ឋរបស់មីយ៉ាន់ម៉ា MOGE ស្ថិតនៅក្រោមការគ្រប់គ្រងដោយរដ្ឋាភិបាលយោធាជាអ្នកកាន់កាប់ហ៊ុនចំនួន 15 ភាគរយ។

គួរឲ្យដឹងដែរថា ជារៀងរាល់ឆ្នាំក្រុមហ៊ុនរដ្ឋ MOGE មួយនេះអាចរកបានប្រាក់ចំណូលពីការលក់ហ្គាសធម្មជាតិប្រមាណជា 1,000 លានដុល្លារ។

ក្រៅពីភាគលាភខាងលើនេះ ក្រុមហ៊ុន Total ក៏ជាអ្នកបង់ពន្ធដ៏ធំមួយរបស់មីយ៉ាន់ម៉ាផងដែរ ដោយកាលពីឆ្នាំ2019 ខ្លួនបានទូទាត់ពន្ធជូនរដ្ឋាភិបាលមីយ៉ាន់ម៉ាប្រមាណជា 230 លានដុល្លារ ហើយក្នុងឆ្នាំ2020 មានប្រមាណជា 176 លានដុល្លារ៕


ព្រឹត្តិការណ៍, អចលនទ្រព្យ

ទីផ្សារការិយាល័យជួលនឹងកើនឡើងវិញក្រោយរដ្ឋាភិបាលបើកសេដ្ឋកិច្ច

យ៉ាងយូរនៅត្រឹមដើមឆ្នាំ២០២២ ទីផ្សារ និងការផ្គត់ផ្គង់អគារការិយាល័យជួលនៅកម្ពុជា នឹងមានការកើនឡើង ខណៈតម្រូវការជួលនឹងមានកំណើន បន្ទាប់ពីរាជរដ្ឋាភិបាលបើកសេដ្ឋ
ព្រឹត្តិការណ៍, សេដ្ឋកិច្ច

JICA ផ្តល់ថវិកា ៥៨ លានដុល្លារអាមេរិកសម្រាប់ផ្គត់ផ្គង់ទឹកស្អាតនៅសៀមរាប

រដ្ឋាភិបាលជប៉ុន តាមរយៈអង្គការ JICA បានផ្តល់ជំនួយដល់រាជរដ្ឋភិបាលកម្ពុជាសម្រាប់គម្រោងពង្រីកសមត្ថភាពផ្គត់ផ្គង់ទឹកស្អាតសៀមរាបចំនួន ៦
ព្រឹត្តិការណ៍, សេដ្ឋកិច្ច

រាជរដ្ឋាភិបាលគ្រោងវិភាជន៍ថវិការហូតប្រមាណ ១,៥៥៧ លានដុល្លារអាមេរិកសម្រាប់ឆ្នាំ២០២១

រាជរដ្ឋាភិបាលកម្ពុជា បានបង្កើនខ្ទង់ចំណាយវិភាជន៍ថវិការដែលអាចកើនដល់ប្រមាណ ១ ៥៥៧លានដុល្លារ ជាមួយនឹងការត្រៀមសម្រាប់ឆ្នាំ២០២២
ព្រឹត្តិការណ៍, សេដ្ឋកិច្ច

អ្នកវិភាគ ៖ តម្លៃប្រេងឆៅលើទីផ្សារសកលលោកអាចនឹងឡើងថ្លៃដល់ ១០០ដុល្លារក្នុង១បារ៉ែល

ខណៈដែលបណ្តាប្រទេសនានានៅលើសាកលលោកកំពុងព្យាយាមងើបឡើងវិញពីវិបត្តិសេដ្ឋកិច្ចជាបណ្តើរៗនោះ តម្លៃប្រេងឆៅនៅលើទីផ្សារជាសាកលកំពុងកើនឡើងនូវតម្លៃយ៉ាងខ្ពស់មិន
ព្រឹត្តិការណ៍, អាជីវកម្មថ្មី និងនវានុវត្ត

របកគំហើញ ៖ រោងចក្រដ៏ធំបំផុត និងលើកដំបូងលើពិភពលោកអាចទាញយកកាបូនិចទៅចាក់ចោលនៅក្រោមដីបាន

ប្រទេសអ៊ីស្លង់ បានបង្កើតរោងចក្រធំជាងគេបំផុតលើពិភពលោក ដែលមានជំនាញក្នុងការកម្ចាត់ឧស្ម័នកាបូនិច (CO2) ចេញពីបរិយាកាស និងស្រូបយកទៅកប់ចោលនៅក្រោមដីបាន
ជំនួញ, ព្រឹត្តិការណ៍

ស្ត្រីខ្មែរក្នុងសហគមន៍មួយ នៅបន្តស្នាដៃកែច្នៃដើមក្រចៅធ្វើជាសម្ភារប្រើប្រាស់ និងដាក់លក់លើទីផ្សារ

ស្ត្រីមួយក្រុម ភាគច្រើនមានវ័យចំណាស់បាននាំគ្នាបន្តអាជីព និងជំនាញក្នុងនាមជាអ្នកផលិតសម្ភារប្រើប្រាស់ និងគ្រឿងតុបតែងលម្អធ្វើឡើងដោយដៃ ដែលកែច្នៃពីដើមក្រចៅសម្រាប់ដាក់
ព្រឹត្តិការណ៍, ហិរញ្ញវត្ថុ

វិស័យធានារ៉ាប់រងនៅកម្ពុជា សង្ឃឹមថានឹងមានកំណើន ១០ភាគរយ នៅត្រឹមដំណាច់ឆ្នាំ២០២១

កាលពីឆ្នាំ២០២០ វិស័យធានារ៉ាប់រងកម្ពុជា បានរក្សាកំណើនវិជ្ជមានប្រមាណ ៨ភាគរយ ហើយនៅឆ្នាំ២០២១នេះ រំពឹងថានៅតែមានភាពល្អប្រសើរជាមួយនឹងការទទួលបានកំណើនប្រមាណ ១០ភាគរយ
ព្រឹត្តិការណ៍, អចលនទ្រព្យ

លោកឧកញ៉ា ម៉ាន់ ច័ន្ទឌី គាំទ្រឲ្យមានការប្រកួតប្រជែងទីផ្សារលំនៅដ្ឋានកាន់តែខ្លាំងនៅដើមឆ្នាំក្រោយ

លោកឧកញ៉ា ម៉ាន់ ច័ន្ទឌី ដែលជាអ្នកអភិវឌ្ឍន៍លំនៅដ្ឋានបានគាំទ្រឲ្យមានការប្រកួតប្រជែងគ្នា ព្រោះការប្រកួតប្រជែងគ្នាបានបង្កើតឲ្យមានផលប្រយោជន៍ និងមានផលល្អដល់វិស័យ
ជំនួញ, ព្រឹត្តិការណ៍

ឲ្យតែមានគំនិត លក់នំខ្មែរត្រឹមតែមួយថាស ក៏អាចចិញ្ចឹមចៅកំព្រា៤នាក់ឱ្យរៀនសូត្របានគ្រប់គ្នា

ស្ត្រីវ័យចំណាស់ម្នាក់មានវ័យ៦៨ឆ្នាំ កំពុងតស៊ូជាមួយមុខរបរវេចនំអន្សមលក់ ដើម្បីទទួលបានកម្រៃគ្រាន់ចិញ្ចឹមជីវិត និងត្រូវចិញ្ចឹមចៅកំព្រារហូតដល់៤នាក់ទៀត
ព្រឹត្តិការណ៍, ហិរញ្ញវត្ថុ

«សេវាប៊េងកាសួរេន» កំពុងផ្តល់ភាពងាយស្រួលដល់សាធារណជនក្នុងការទទួលបានសេវាធានារ៉ាប់រង

ធនាគារជាតិនៃកម្ពុជាបានអនុញ្ញាតឲ្យធនាគារចំនួន ២២ និងគ្រឹះស្ថានមីក្រូហិរញ្ញវត្ថុចំនួន ៤ ផ្តល់សេវា ប៊េងកាសួរេន តាមរយៈម៉ូលឌែលណែនាំអតិថិជន តាមរយៈម៉ូលឌែលភ្នាក់ងារ

AMS ECONOMY
@amseconomy