សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សិង្ហបុរី ៖ PropertyGuru ក្រុមហ៊ុនអចលនទ្រព្យដ៏ធំរបស់សិង្ហបុរីកាលពីថ្ងៃចុងសប្តាហ៍កន្លងទៅនេះបានប្រកាសបញ្ចូលគ្នាជាមួយនឹងក្រុមហ៊ុនប្រឹក្សាជំនួញ និងអាជីវកម្មរបស់ហុងកុង Bridgetown 2 Holdings ដែលបច្ចុប្បន្នកំពុងស្ថិតនៅក្នុងបញ្ជីរបស់ Nasdaq ដែលជាក្រុមហ៊ុនលំដាប់អន្តរជាតិ។
ការរួមបញ្ចូលគ្នារវាងក្រុមហ៊ុនអចលនទ្រព្យលំដាប់យក្ស ដែលមានកំពូលមហាសេដ្ឋីខ្ទង់ពាន់លានដុល្លារនៅឈរពីក្រោយគឺលោក Richard Li និងលោក Peter Thiel ត្រូវបាន PropertyGuru ដែលជាក្រុមហ៊ុនអចលនទ្រព្យអនឡាញនាំមុខគេនៅទីផ្សារសិង្ហបុរីបញ្ជាក់ថា គឺធ្វើឡើងដើម្បីត្រៀមខ្លួនឲ្យបានរួចរាល់ជាមុននៅពេលដែលទីផ្សារអចលនទ្រព្យក្នុងតំបន់អាស៊ីអាគ្នេយ៍នឹងស្ទុះងើបឡើងវិញនាពេលខាងមុខនេះ។
ក្រុមហ៊ុនថ្មីដែលកើតក្រោយការបញ្ចូលគ្នានេះនឹងមានតម្លៃរហូតទៅដល់ ១,៧៨ ពាន់លានដុល្លារ ដែលនឹងត្រូវដាក់បញ្ចូលទៅក្នុងទីផ្សារដោះដូរភាគហ៊ុនរបស់ទីក្រុងញូវយ៉ក New York Stock Exchange ផងដែរ ខណៈដែល PropertyGuru នឹងទទួលបានប្រាក់ចំណូលប្រមាណជា ៤៣១ លានដុល្លារពីដំណើរការនេះហើយក្នុងនោះ ២៩៩ លានដុល្លារ ត្រូវបានផ្តល់ដោយផ្ទាល់ពី Bridgetown 2 ។
ក្រៅពីនោះប្រាក់បម្រុងផ្សេងមួយចំនួនទៀត ក៏បានមកពីការបញ្ចូលគ្នារវាងក្រុមអ្នកវិនិយោគមួយចំនួនទៀតដូចជា Baillie Gifford, Naya, REA Group, Akaris Global Partners និងក្រុមហ៊ុនដ៏ធំមួយរបស់ម៉ាឡេស៊ីដែលសរុបជាទឹកប្រាក់ប្រមាណជា ១០០ លានដុល្លារ។ លើសពីនេះ REA Group បានសម្រេចចិត្តបន្ថែមប្រាក់វិនិយោគរបស់ខ្លួនប្រមាណជា ៣២ លានដុល្លារបន្ថែមទៀត ដោយតាមផែនការដំណើរការបញ្ចូលគ្នានេះនឹងត្រូវបញ្ចប់នៅក្នុងត្រីមាសទី៤ នៃឆ្នាំ ២០២១ នេះ ឬអាចនៅដើមឆ្នាំ២០២២ខាងមុខ៕
គួរឲ្យដឹងដែរថា PropertyGuru ត្រូវបានបង្កើតឡើងកាលពីឆ្នាំ២០០៧ ហើយបច្ចុប្បន្នកំពុងក្លាយទៅជាទីផ្សារអចលនទ្រព្យអនឡាញដ៏ធំមួយនៅក្នុងតំបន់ជាមួយនឹងបញ្ជីអចលនទ្រព្យដល់ទៅ ២,៨ លាននៅលើវេបសាយរបស់ខ្លួន និងធ្លាប់បានសម្រេចការលក់ជាមួយនឹងអ្នកទិញប្រមាណជា ៣៧ លាននាក់ ខណៈដែលភ្នាក់ងារនៃអ្នកលក់ជាប្រចាំប្រមាណជា ៤៩ ០០០នាក់ មានប្រភពមកពីប្រទេសឥណ្ឌូនេស៊ី ម៉ាឡេស៊ី សិង្ហបុរី ថៃ និងវៀតណាមផងដែរ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
Doi Kham ក្រុមហ៊ុនធុរកិច្ចបរិយាបន្នថៃផ្តោតសំខាន់ជួយគាំទ្រជីវភាពក្រុមកុលសម្ព័ន្ធភ្នំ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Doi Kham បានជួយគាំទ្រដល់ក្រុមពលរដ្ឋកុលសម្ព័ន្ធជាច្រើនរយពាន់គ្រួសារតាមរយៈការទទួលទិញគ្រាប់កាហ្វេដែលមានគុណភាពខ្ពស់ដោយផ្ទាល់ពីសហគមន៍ទាំងនេះ
Kukula Solar ធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍ក្រីក្រ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 25/04/2024
គំរូអាជីវកម្មបរិយាបន្នរបស់ Kukula Solar គឺការធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍មូលដ្ឋាន ដើម្បីជំរុញការធ្វើទីផ្សារផលិតផលពន្លឺព្រះអាទិត្យ និងផ្តល់ការគាំទ្របន្ថែមដូចជាការជួសជុល និងសេវាកម្មអតិថិជនក្នុងសហគមន៍របស់ពួកគេ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content