fbpx

គន្លឹះសំខាន់ៗចំនួន២ ក្នុងការទិញផ្ទះដោយបង់រំលស់មិនមានហានិភ័យ

ភ្នំពេញ ៖ ជាប្រទេសដែលកំពុងអភិវឌ្ឍន៍ ប៉ុន្តែសន្ទុះនៃការទិញអចលនទ្រព្យរបស់ប្រជាជនកម្ពុជានាប៉ុន្មានឆ្នាំចុងក្រោយនេះ បានបង្កើនសន្ទុះយ៉ាងលឿនស្របទៅនឹងកំណើននៃគម្រោងអភិវឌ្ឍន៍ជាបន្តបន្ទាប់ប្រៀបដូចបណ្តាប្រទេសអភិវឌ្ឍន៍នៅក្នុងតំបន់ ខណៈដែលតម្រូវការភាគច្រើនគឺសំដៅរកប្រភេទលំនៅឋានដែលមានតម្លៃមធ្យម និងតម្លៃខ្ពស់។

ជាមួយនឹងកំណើននៃតម្រូវការទិញលំនៅឋានកាលពីពេលកន្លងទៅថ្មីៗ ក៏ដូចជានៅពេលបច្ចុប្បន្ននេះ ភាគច្រើនជាការអនុវត្តទីផ្សារដោយរូបមន្តបង់រំលស់ជាមួយក្រុមហ៊ុនអភិវឌ្ឍន៍ ឬជាមួយបណ្តាធនាគារជាដៃគូប្រចាំខែដោយការចំណាយបន្ថែមទៅលើអត្រាការប្រាក់ដែលបានព្រមព្រៀងព្រាងគ្នា។ ប៉ុន្តែអ្វីដែលជាចំណុចសំខាន់ និងតែងបង្កជាបញ្ហាក្រោយការទិញលំនៅឋានដោយការបង់រំលស់របស់អតិថិជន គឺការមិនចេះគ្រប់គ្រង និងបែងចែកចរន្តសាច់ប្រាក់របស់ខ្លួន។

លោក ង៉ែត ជូន អ្នក​វិភាគ​សេដ្ឋកិច្ច និង​ជា​ទីប្រឹក្សា​ហិរញ្ញវត្ថុក្រុមហ៊ុន EMC បានលើកឡើងថា មិនថាចំពោះការវិនិយោគ ការទិញទ្រព្យដោយបង់រំលស់នោះទេ ការចេះគ្រប់គ្រង និងបែងចែកចំណែកថវិកាដែលជាចរន្តសាច់ប្រាក់នៅក្នុងជីវភាពគ្រួសារគឺជារឿងដ៏សំខាន់បំផុត។

«ការបង្កើនទ្រព្យដោយបំណុលអាចជារឿងល្អ ហើយក៏អាចជារឿងអាក្រក់បានដែរ ប្រសិនបើយើងមិនចេះគ្រប់គ្រងវាឲ្យបានច្បាស់លាស់»

លោកបានមានប្រសាសន៍ថា ៖

អ្នកជំនាញរូបនេះបានបន្តថា មុនពេលសម្រេចចិត្តទិញលំនៅឋានដោយការបង់ររំលស់ត្រូវតែពិនិត្យចំណុចសំខាន់ៗចំនួន២ក្នុងចំណោមចំណុចផ្សេងៗទៀតដើម្បីអាចដឹងច្បាស់លាស់ពីលទ្ធភាពគ្រប់គ្រាន់ក្នុងការទិញដើម្បីជៀសវាងនូវហានិភ័យផ្សេងៗដែលអាចកើតមានឡើង។

«ដើម្បីឲ្យមានសុវត្ថិភាពក្នុងការទិញលំនៅឋាន គឺទី១ បើសិនជាយើងខ្ចីប្រាក់ធនាគារមិនបានទេគឺកុំទិញ។ មានន័យថា ធនាគារ គេមានបច្ចេកទេសរបស់គេក្នុងការវាយតម្លៃហិរញ្ញវត្ថុរបស់យើង ព្រោះតែគេមិនចង់បានអតិថិជនដែលមានហានិភ័យបញ្ចូលនៅក្នុងផលបត្រឥណទានគេនោះទេ។ ហេតុនេះ យើងអាចពឹងផ្អែកលើហេតុផលរបស់ធនាគារក្នុងការសម្រេចចិត្តបាន»

លោក ង៉ែត ជូ បានមានប្រសាសន៍ថា ៖

«គន្លឹះទី២ អ្នកទិញមិនគួរបង់រំលស់លើសពី ៣០ភាគរយនៃប្រាក់ចំណូលប្រចាំខែរបស់ខ្លួននោះទេ។ មានន័យថា អ្នកទិញគួរគិតគូរពីការដកទុកប្រាក់ខ្លះសម្រាប់បម្រុងនៅពេលមានបញ្ហា ជាពិសេសនៅក្នុងដំណាក់កាលដែលសេដ្ឋកិច្ចជាប់គាំងនេះ បុគ្គលិកក្រុមហ៊ុនប្រឈមមុខនឹងការកាត់បន្ថយប្រាក់ខែ ៥០ភាគរយ។ ក្នុងករណីមានបញ្ហានេះកើតឡើង យ៉ាងហោចណាស់ក៏នៅសល់ ២០ភាគរយសម្រាប់ប្រើប្រាស់ប្រចាំថ្ងៃដែរ»

លោកបន្តថា ៖

បន្ថែមពីលើគន្លឹះសំខាន់ៗទាំង២ខាងលើនេះ អ្នកជំនាញផ្នែកសេដ្ឋកិច្ច និងហិរញ្ញវត្ថុ លោក ង៉ែត ជូ បានបញ្ជាក់ឲ្យដឹងថា តម្លៃលំនៅឋានដែលទិញគឺមិនគួរលើសពីសមត្ថភាពឡើយ ពោលគឺមិនគួរលើសពី៣ឆ្នាំនៃប្រាក់ចំណូលទេ។ ជាឧទាហរណ៍ បើចំណូលប្រចាំឆ្នាំរបស់អ្នកទិញម្នាក់រកបានត្រឹម ២ម៉ឺនដុល្លារ អ្នកនោះគួរទិញលំនៅឋានដែលមានតម្លៃត្រឹម ៦ ម៉ឺនដុល្លាបានហើយ។

ជាការបារម្ភដែលប្រជាពលរដ្ឋកម្ពុជាសព្វថ្ងៃមិនសូវមានចំណេះដឹងផ្នែកហិរញ្ញវត្ថុ ប៉ុន្តែបែរជាហ៊ានបង់រំលស់លំនៅឋានប្រណីតក្នុងតម្លៃខ្ពស់យកមកធ្វើជាកម្មសិទ្ធិរបស់ខ្លួន។ ជាដំណោះស្រាយមួយដ៏ល្អគឺពួកគេអាចចំណាយប្រាក់បន្តិចបន្តួចក្នុងការពិគ្រោះយោបល់ជាមួយអ្នកជំនាញផ្នែកអចលនទ្រព្យណា មួយដើម្បីជៀសវាងការខាតបង់ក្នុងទំហំធំនៅថ្ងៃក្រោយ ឬអាចសាកអនុវត្តន៍នូវគន្លឹះទាំង២ ដូចការលើកឡើងខាងលើនេះបានដោយខ្លួនឯងបានតែម្ដង៕


ព្រឹត្តិការណ៍, អាជីវកម្មថ្មី និងនវានុវត្ត

សិង្ហបុរីបង្ហាញពីមហិច្ឆិតាប្រើប្រាស់រ៉ូបូតយោធា ដើម្បីការពារសុវត្ថិភាព និងសន្តិសុខជាតិ

នៅក្នុងផែនការចុងក្រោយរបស់ប្រទេសសិង្ហបុរី កំពុងពិចារណាក្នុងការបង្កើតអង្គភាពថ្មីមួយដែលនឹងត្រូវប្រើប្រាស់ម៉ាស៊ីនរ៉ូបូតចល័ត ដើម្បីបម្រើក្នុងវិស័យការពារជាតិ និងសុវត្ថិភាពសង្គមឲ្យ
ព្រឹត្តិការណ៍, សេដ្ឋកិច្ច

៤ចំណុចបង្កឱ្យការនាំចេញអង្កររបស់កម្ពុជាទៅកាន់ទីផ្សារអន្តរជាតិធ្លាក់ចុះ

ការនាំចេញអង្ករកម្ពុជាឆ្ពោះទៅកាន់ទីផ្សារអន្តរជាតិគិត្រឹមត្រីមាសទី៣នៃឆ្នាំ២០២១មានការធ្លាក់ចុះគួរឲ្យកត់សម្គាល់ ដែលបណ្តាលមកពីកត្តាប្រឈមធំៗចំនួន៤ កើតឡើងព្រមគ្នា
ព្រឹត្តិការណ៍, ហិរញ្ញវត្ថុ

ធនាគារកូរ៉េដ៏ធំទិញភាគហ៊ុននៅសល់ក្នុងគ្រឹះស្ថានមីក្រូហិរញ្ញវត្ថុប្រាសាក់ ខណៈកម្ពុជាឈរនៅលេខ១សម្រាប់អាជីវកម្មរបស់ក្រុមហ៊ុនហិរញ្ញវត្ថុកូរ៉េ

ធនាគារដ៏ធំរបស់កូរ៉េខាងត្បូង បានទិញភាគហ៊ុនដែលនៅសល់ទាំងអស់របស់គ្រឹះស្ថានមីក្រូហិរញ្ញវត្ថុប្រាសាក់ ដើម្បីកាន់កាប់ទាំងស្រុងលើគ្រឹះស្ថានទទួលប្រាក់បញ្ញើមីក្រូហិរញ្ញវត្ថុធំជាងគេ
ព្រឹត្តិការណ៍, អចលនទ្រព្យ

រដ្ឋាភិបាលពន្លឿនការអភិវឌ្ឍក្រុងព្រះសីហនុឱ្យក្លាយជាទីក្រុងដ៏សំខាន់មួយនៅក្នុងតំបន់អាស៊ីអាគ្នេយ៍

រដ្ឋាភិបាលបានកំណត់គោលដៅអភិវឌ្ឍន៍ប្រែក្លាយក្រុងព្រះសីហនុទៅជាទីក្រុងដ៏សំខាន់មួយនៅក្នុងតំបន់អាស៊ីអាគ្នេយ៍ ដោយជ្រើសយកវិទ្យាស្ថាន UPDIS ធ្វើជាដៃគូអភិវឌ្ឍន៍ និងអនុវត្ត
ព្រឹត្តិការណ៍, អាជីវកម្មថ្មី និងនវានុវត្ត

ពីកំទេចឈើធ្វើផ្ទះដែលនៅសល់គ្មានប្រយោជន៍ ច្នៃជាវត្ថុប្រើប្រាស់ច្រើនមុខតាមរយៈបច្ចេកវិទ្យា 3D

កំទេចឈើដែលសល់ពីការធ្វើផ្ទះ ឬសំណល់ឈើចាស់ៗដែលគ្មានប្រយោជន៍ ត្រូវបានក្រុមជំនាញផ្នែកបច្ចេកវិទ្យា 3D ប្រមូលយកទៅកែច្នៃផលិតជាឧបករណ៍ប្រើប្រាស់ និងគ្រឿងលម្អបានយ៉ាង
ព្រឹត្តិការណ៍, សេដ្ឋកិច្ច

CDC ៖ លុយរាប់ទ្រីលានដុល្លារកំពុងរង់ចាំការប្រើប្រាស់ដើម្បីជំរុញឱ្យការវិនិយោគផ្ទាល់ពីបរទេសងើបឡើងវិញ

សម្រាប់ប្រទេសកម្ពុជា បានបង្ហាញពីការប្តេជ្ញាចិត្តយ៉ាងមុតមាំក្នុងការលើកកម្ពស់ចីរភាពនៅក្នុងច្បាប់វិនិយោគថ្មី ដែលមានតម្លៃសរុបរហូតដល់រាប់ទ្រីលានដុល្លារ
ព្រឹត្តិការណ៍, សេដ្ឋកិច្ច

តម្លៃជ្រូករស់បន្តធ្លាក់ថ្លៃ ខណៈការចិញ្ចឹមជ្រូកក្នុងស្រុកអាចរងនូវផលប៉ះពាល់ពីប្រទេសជិតខាង

បើទោះជារាជរដ្ឋាភិបាល តាមរយៈក្រសួងកសិកម្ម និងសមត្ថកិច្ចពាក់ព័ន្ធបានព្យាយាមទប់ស្កាត់ការនាំជ្រូករស់ចូលពីប្រទេសជិតខាង ប៉ុន្តែភាពប្រឈមរបស់អ្នកចិញ្ចឹមជ្រូកក្នុងស្រុក
ជំនួញ, ព្រឹត្តិការណ៍

ម្ចាស់សិប្បកម្មកែច្នៃគ្រាប់ស្វាយចន្ទីនាំគ្នានិយាយពីគោលបំណងផលិតគ្រាប់ស្វាយចន្ទីសម្រាប់នាំចេញទៅកាន់ទីផ្សារ

បណ្តាម្ចាស់សិប្បកម្មផលិត និងកែច្នៃគ្រាប់ស្វាយចន្ទីជាច្រើនបានបង្ហាញពីគោលបំណងនៃការផលិតសម្រាប់ផ្គត់ផ្គង់ទីផ្សារ ខណៈដែលរដ្ឋាភិបាលកំពុងស្វែងរកកាអនុម័តគោលនយោបាយ
ព្រឹត្តិការណ៍, សេដ្ឋកិច្ច

សេដ្ឋកិច្ចនៅកម្ពុជាអាចនឹងងើបវិញក្នុងល្បឿនលឿននៅដើមឆ្នាំក្រោយ

ស្របទៅនឹងផែនការនៃការបើប្រទេស ក៏ដូចជាសេដ្ឋកិច្ចឡើងវិញលើគ្រប់វិស័យក្នុងពេលដ៏ខ្លីខាងមុខនេះ បណ្តាអ្នកវិនិយោគ និងអភិវឌ្ឍន៍បានគាំទ្រ និងមានជំនឿចិត្តថា សេដ្ឋកិច្ចនឹងល្អប្រសើរ
ព្រឹត្តិការណ៍, ហិរញ្ញវត្ថុ

ជម្រើសល្អទាំង៧សម្រាប់ទុកលុយរបស់អ្នកនៅក្រៅធនាគារ

ក្រៅពីធនាគារដែលជាទីតាំងមានសុវត្ថិភាពខ្ពស់ក្នុងការរក្សាទុកប្រាក់ លោកអ្នកក៏អាចមានជម្រើសផ្សេងៗចំនួន៧ទៀត ដែលមានសុវត្ថិភាពខ្ពស់

AMS ECONOMY
@amseconomy