ភ្នំពេញ ៖ នៅត្រឹមដើមឆ្នាំ២០២២ខាងមុខនេះ សម្រាប់តែការផ្គត់ផ្គង់លំនៅដ្ឋានផ្ទាល់ដីត្រូវបានគេជឿជាក់ថា នឹងមានកំណើនច្រើនជាងឆ្នាំ២០២០កន្លទៅនោះទៀត ព្រោះគិតត្រឹមត្រីមាសទី៣ ឆ្នាំ២០២១ មានគម្រោងអភិវឌ្ឍន៍បុរីថ្មីៗចំនួន២២គម្រោងបានចាប់ដំណើរសាងសង់បន្ថែមពីលើគម្រោងចាស់ដែលមានស្រាប់ ហើយការប្រកួតប្រជែងគ្នាដើម្បីទទួលបានចំណែកទីផ្សារក៏នឹងកើតមានផងដែរ។
ជាមួយនឹងភាពរីកចម្រើន និងកើនឡើងនូវចំនួនការផ្គត់ផ្គង់លំនៅដ្ឋានបែបទាន់សម័យនៅដើមឆ្នាំ២០២២ខាងមុខនេះ លោកឧកញ៉ា ម៉ាន់ ច័ន្ទឌី នាយកប្រតិបត្តិក្រុមហ៊ុន IQI Cambodia និងជាអ្នកអភិវឌ្ឍន៍ក្នុងវិស័យលំនោដ្ឋានបានបង្ហាញពីការសាទរនូវភាពល្អប្រសើរប្រសើរនៃវិស័យមួយនេះ។
លោកឧកញ៉ា ម៉ាន់ ច័ន្ទឌី បានមានប្រសាសន៍ប្រាប់ AMS ថា វត្តមានថ្មី និងសកម្មភាពសាងសង់យ៉ាងមមាញឹករបស់គម្រោងអភិវឌ្ឍន៍លំនៅដ្ឋានទាំង២២ដូចបានលើកឡើងខាងលើនេះវាគឺជាសញ្ញាមួយបង្ហាញពីភាពល្អប្រសើរ និងរីកចម្រើននៃវិស័យលំនៅដ្ឋាន ដែលភាគច្រើនជាការវិនិយោគដោយផ្ទាល់នៅក្នុងស្រុកច្រើនជាងទុនវិនិយោគពីបរទេស។
លោកឧកញ៉ាបានបញ្ជាក់ថា ៖
«ជាធម្មតា នៅពេលដែលមានការចូលរួមអភិវឌ្ឍន៍នៅក្នុងវិស័យតែមួយខច្រើនគ្នា ឬច្រើនក្រុមហ៊ុន គឺបានបង្កើតឲ្យមានការប្រកួតប្រជែងគ្នានៅលើទីផ្សាររួម ដើម្បីអាចទទួលបានចំណែកអតិថិជនគោលដៅរបស់ខ្លួន»
លោកឧកញ៉ា ម៉ាន់ ច័ន្ទឌី បានមានប្រសាសន៍បន្តទៀតថា ៖
«ទោះខ្ញុំជាអ្នកអភិវឌ្ឍន៍គម្រោងលំនៅដ្ឋានក៏ដោយ ខ្ញុំគាំទ្រឲ្យមានការប្រកួតប្រជែងគ្នា ព្រោះការប្រកួតប្រជែងគ្នាបានបង្កើតឲ្យមានផលប្រយោជន៍ និងមានផលល្អដល់វិស័យសំណង់នៅកម្ពុជា ជាពិសេសអតិថិជនអាចទទលបានលំនៅដ្ឋានល្អស្អាត មានគុណភាពខ្ពស់សម្រាប់រស់នៅប្រកបដោយផាសុកភាព និងមានតម្លៃសមរម្យ»
ជាមួយនឹងការលើកឡើងខាងលើនេះ អ្នកអភិវឌ្ឍន៍នៅក្នុងវិស័យលំនៅដ្ឋានកម្រិតមធ្យមរូបនេះបានប្រាប់ឲ្យដឹងផងដែរថា ការប្រកួតប្រជែងពីសំណាក់ក្រុមហ៊ុនភ្នាក់ងារ ឬក្រុមហ៊ុនដែលជាអ្នកអភិវឌ្ឍន៍បានផ្តល់ប្រយោជន៍ជាច្រើន ដែលក្រៅពីចូលរួមលើកកម្ពស់គុណភាពសំណង់នៅកម្ពុជាឲ្យកាន់តែមានភាពល្អប្រសើរ ស្របតាមស្តង់ដារសំណង់ ថែមទាំងបានផ្តល់នូវភាពងាយស្រួល ក៏ដូចជាប្រយោជន៍ដល់អតិថិជនផងដែរ។
ផលប្រយោជន៍បន្ថែមទាំងអស់នោះរួមមានដូចជា ការបញ្ចុះតម្លៃលំនៅដ្ឋាន ការបន្ថែមជូននូវសម្ភារៈប្រើប្រាស់នៅក្នុងលំនៅដ្ឋានថ្មី ក៏ដូចជាការព្យាយាមធ្វើឲ្យគម្រោងលំនៅដ្ឋានមានភាពស្រស់ស្អាត ទាន់សម័យ និងទាក់ទាញ ហើយអ្វីដែលកាន់តែពិសេសជាងនេះទៅទៀតនោះ គឺការផ្តល់ជូននូវលក្ខខណ្ឌបង់ប្រាក់មានភាពបត់បែន និងងាយស្រួល ទាំងការបង់ផ្ទាល់ជាមួយក្រុមហ៊ុនអភិវឌ្ឍន៍ ក៏ដូចជាបង់ជាមួយធនាគារដែលជាដៃគូសហការជាមួយក្រុមហ៊ុនផងដែរ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧អាជីវកម្មបរិយាបន្ន VinaSamex ជួយសម្រួលជីវភាពប្រជាជនក្រីក្រនៅខេត្តភាគខាងជើងនៃប្រទេសវៀតណាម
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 29/03/2024
អាជីវកម្មបរិយាបន្ន VinaSamex កំពុងជួយជីវភាពប្រជាជនក្រីក្រនៅខេត្តភាគខាងជើងនៃប្រទេសវៀតណាមឱ្យមានលទ្ធភាពធូរធាជាងមុន
My Dream Home ធរុកិច្ចបរិយាបន្នបង្កើតឡើងដើម្បីបំពេញក្តីសុបិនពលរដ្ឋដែលមានជីវភាពខ្វះខាតអាចសាងសង់ផ្ទះផ្ទាល់ខ្លួន
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 29/03/2024
My Dream Home ជាអ្នកជំនាញផលិតឥដ្ឋបរិស្ថាន ឬ Eco-brick ដែលមានតម្លៃទាប ងាយស្រួលប្រើប្រាស់ និងពុំចាំបាច់មានជំនាញក្នុងការងារជាជាងសំណង់ឡើយ