fbpx

យល់ដឹងពីភាពខុសគ្នារវាង “ធនាគារដីធ្លី” និងការទិញដីទុកលក់យកចំណេញ

អ្នកជំនាញផ្នែកសេដ្ឋកិច្ច ហិរញ្ញវត្ថុ និងអចលនទ្រព្យកម្ពុជា លោក ង៉ែត ជូ បានលើកឡើងថា មានការយល់ច្រឡំឱ្យតែទិញដីទុករយៈពេលវែងដើម្បីលក់​យក​ចំណេញនោះហៅថាធនាគារដីធ្លី។ និយាយក្នុងន័យបច្ចេកទេស ការធ្វើធនាគារដីធ្លីខុសពីការទិញដីទុកយកចំណេញធម្មតា។ ចំណុចសំខាន់​នៃធនាគារ​ដី​ធ្លីគឺអ្នកវិនិយោគមានយុទ្ធសាស្ត្រ និងផែនការហិរញ្ញវត្ថុច្បាស់លាស់ណាស់។

លោកបានបញ្ជាក់ថា ធនាគារដីធ្លី គឺមានភាពខុសគ្នាពីការទិញដីទុកលក់យកចំណេញ ព្រោះការទិញដីទុកលក់យកចំណេញ ឱ្យតែមាន​លុយទិញដីទុក​គឺ​គ្រប់​គ្រាន់ ប៉ុន្តែសម្រាប់ធនាគារដីធ្លីចាំបាច់ត្រូវការផែនការជាច្រើនបន្ថែមពីលើការដែលមានលុយ។

មុនពេលគេចាប់ផ្តើមអនុវត្ត ឬចាប់ផ្តើមធ្វើធនាគារដីធ្លីគឺគេត្រូវពិចារណានូវចំណុចសំខាន់ៗដូចខាងក្រោមនេះជាមុនសិន ៖

១) ផ្តោតលើភូមិសាស្ត្រដែលមានសក្តានុពល (Focus on Strategic Location)៖ ផ្តោតលើភូមិសាស្ត្រដែលមានសក្តានុពលជាក់លាក់ណាមួយ​ដូចជា​តំបន់ជាយក្រុងដែលសកម្មភាពពង្រីកក្រុងអាចទៅដល់ក្នុងរយៈពេល10ទៅ15ឆ្នាំក្រោយ។ អ្នកវិនិយោគធម្មតាចិត្តរេ ហើយមិនមានការផ្តោតលើ​ភូមិសាស្ត្រ​ណាមួយជាក់លាក់នោះទេ។ ពួកគេសម្រេចចិត្តជ្រើសរើសទីតាំងវិនិយោគតាមការអូសទាញ​បញ្ចុះ​បញ្ចូលរបស់មិត្តភក្តិ ឬបងប្អូន។ល។

២) មានផែនការចាកចេញ និងគោលបំណងជាក់លាក់(Have Specific Purposes and Exit Strategy)៖ មុននឹងសម្រេចចិត្តវិនិយោគ អ្នកវិនិយោគ​ធនាគារដីធ្លីតែងកំណត់ថា តើដីដែលខ្លួនចង់វិនិយោគគឺវិនិយោគដើម្បីអ្វី? ដូចជាដើម្បីសាងសង់រោងចក្រ ឃ្លាំង សង់​លំនៅដ្ឋាន សង់ជារមណីយដ្ឋាន សង់ជាអាគារពាណិជ្ជកម្ម សង់ទីតាំងដាក់តាំងលក់ទំនិញ (showroom)។ល។ ការវិនិយោគបែបនេះទាមទារ​ឱ្យ​អ្នក​វិនិយោគពិនិត្យល្អិតល្អន់អំពីទីតាំង ទំហំផ្លូវ ទំហំ និងរាងដី កំពស់ និងសណ្ឋានដី ហេដ្ឋារចនាសម្ពន្ធ័នានាដូចជាប្រពន្ធ័គមនាគមន៍សំរាប់ការដឹកជញ្ជូន ការ​ភ្ជាប់​បណ្តាញទឹក ភ្លើង។ល។ គំនិតទាំងអស់នេះ ធ្វើឱ្យការសម្រេចចិត្តវិនិយោគរបស់អ្នកវិនិយោគធនាគារដីធ្លីខុសពីអ្នកទិញដីទុកលក់យកចំណេញធម្មតា។ អ្នកទិញដីទុកលក់យក​ចំណេញ​ធម្មតាច្រើនគិតខ្លាំងតែអំពីតម្លៃដីមួយមុខដោយមិនបានគិតអំពីគោលបំណង ឬមុខងារដែលអាចប្រើប្រាស់ដីបាននោះទេ។ អញ្ចឹងហើយបានជា​ភាគច្រើន​ដីរបស់អ្នកទិញទុកលក់យកចំណេញធម្មតាជាច្រើនលក់មិនងាយចេញ។

៣) មានផែនការហិរញ្ញវត្ថុដើម្បីគាំទ្រយុទ្ធសាស្ត្រនៃការវិនិយោគ (Have Concrete Financial Plan)៖ អ្នកវិនិយោគធនាគារដីធ្លីមិនមានសំពាធ​ហិរញ្ញវត្ថុត្រូវលក់ដីឡៃឡុងដើម្បីដោះស្រាយបញ្ហាបំណុល ឬចំណាយសំរាប់ជីវភាពរស់នៅនោះទេ។ ពួកគេមាន​ផែនការហិរញ្ញវត្ថុច្បាស់លាស់ និងដឹង​ថា​ពេល​ណាគួរចាកចេញពីការវិនិយោគ (when to exit from their investments) ឬអាច​បង្វែរដីដែល​បាន​វិនិយោគរួចឱ្យ​ទៅជាជម្រើស​ផ្សេងៗ​ក្នុងការ​បង្កើតជារំហូរសាច់ប្រាក់តាមគោលបំណងនៃការវិនិយោគ និងតាមអ្វីដែលបានកំណត់ក្នុងចំណុចទី2ខាងលើ។

និយាយជារួមអ្នកវិនិយោគធនាគារដីធ្លីមានយុទ្ធសាស្ត្រ និងផែនការហិរញ្ញវត្ថុច្បាស់លាស់ មានវិធីទប់ទល់ និងបញ្ជៀសនូវហានិភ័យ ពោលគឺមិនពឹងផ្អែក​លើ​ការ​ទិញដីទុកលក់ឱ្យអ្នកដទៃតែមួយមុខនោះទេ៕

ព្រឹត្តិការណ៍, អត្ថបទពាណិជ្ជកម្ម

គម្រោងវិនិយោគអភិវឌ្ឍន៍ទេសចរណ៍ធម្មជាតិខ្នាតតូចជិត ២០០គម្រោងកំពុងគ្រប់គ្រងដោយក្រសួងបរិស្ថាន

ផ្អែកតាមការផ្សព្វផ្សាយរបស់ក្រសួងព័ត៌មានបានឲ្យដឹងថា បច្ចុប្បន្នក្រសួងបរិស្ថានបាន និងកំពុងគ្រប់គ្រងគម្រោងវិនិយោគអភិវឌ្ឍន៍ទេសចរណ៍​ធម្មជាតិ​ខ្នាតតូច (ទំហំដី…
ព្រឹត្តិការណ៍, អចលនទ្រព្យ

Forbes ៖ ទីផ្សារអចលនទ្រព្យប្រទេសវៀតណាមនៅដើមឆមាស ទី២ ឆ្នាំ២០២១នៅតែដំណើរការល្អជាធម្មតា

នៅដើមឆមាសទី១ ឆ្នាំ២០២១នេះ វិស័យអចលនទ្រព្យនៅក្នុងប្រទេសវៀតណាមនៅតែបន្តមានភាពវិជ្ជមានដដែល
ព្រឹត្តិការណ៍, សេដ្ឋកិច្ច

រដ្ឋាភិបាលនៅតែត្រូវការពឹងផ្អែកលើវិស័យកសិកម្មជាចម្បងសម្រាប់សេដ្ឋកិច្ច

រាជរដ្ឋាភិបាលកម្ពុជា បានកំណត់ និងចាត់ទុកវិស័យកសិកម្មជាផ្នែកមួយយ៉ាងសំខាន់ក្នុងការជួយទ្រទ្រង់កំណើនសេដ្ឋកិច្ចជាតិ
ជំនួញ, ព្រឹត្តិការណ៍

ប្រជាសហគមន៍ជិត១០០០គ្រួសារ ចាប់មុខរបរចិញ្ចឹមសត្វជំនួសឲ្យការបរបាញ់

យ៉ាងហោចណាស់ប្រជាសហគមន៍ជិត១០០០គ្រួសារបានងាកមកចាប់មុខរបរថ្មីដោយការចិញ្ចឹមសត្វ ជំនួសឲ្យការបរបាញ់សត្វព្រៃដែលជាមុខរបរចាស់របស់ខ្លួន ដើម្បីចូលរួមអភិវក្ស
ព្រឹត្តិការណ៍, អចលនទ្រព្យ

ផ្សារទំនើបលក់រាយ (Mart) ជាទិសដៅថ្មីនៃការវិនិយោគនៅកម្ពុជា

កម្ពុជា បានក្លាយជាគោលដៅថ្មីនៃការវិនិយោគទៅលើទីផ្សារទំនើបខ្នាតតូច ឬហៅថា Mart ដែលកំពុងរីកដុះដាលគួរឲ្យកត់សម្គាល់ ដែលក្នុងនោះវត្តមានផ្សារ 7Eleven និង Big C ក៏បង្ហាញវត្តមាន
ព្រឹត្តិការណ៍, សេដ្ឋកិច្ច

សមាគមវារីវប្បករនៅកម្ពុជាស្នើរដ្ឋាភិបាលរឹតបណ្តឹងការនាំចូលត្រី ដើម្បីដោះស្រាយផលលំបាកអ្នកចិញ្ចឹម

បើទោះជារាជរដ្ឋាភិបាលកម្ពុជាបានសម្រេចអនុញ្ញាតឱ្យមានការធ្វើចរាចរណ៍ ជួយសម្រួលដល់ការដឹកជញ្ជូននានានៅទូទាំងប្រទេសឡើងវិញយ៉ាងណា​ក៏​ដោយ ភាពប្រឈមទៅនឹងការខាតបង់…
ព្រឹត្តិការណ៍, សេដ្ឋកិច្ច, អចលនទ្រព្យ

អ្នកអភិវឌ្ឍន៍អចលនទ្រព្យថៃប្រើយុទ្ធសាស្ត្រថ្មីដើម្បីបង្កើនប្រតិបត្តិការទិញលក់

អ្នកអភិវឌ្ឍន៍ក្នុងវិស័យអចលនទ្រព្យរបស់ថៃបានប្រើយុទ្ធសាស្ត្រថ្មីនៃការទិញលក់តាមរយៈការប្រើប្រាស់រូបិយបណ្ណអេឡិចត្រូនិក ដើម្បីពង្រឹងទីផ្សារឲ្យបានរឹងមាំ….
ព្រឹត្តិការណ៍, សេដ្ឋកិច្ច, អចលនទ្រព្យ

ស្វែងយល់លម្អិតពីគោលដៅ និងឆន្ទៈក្រុមហ៊ុនអភិវឌ្ឍន៍ទីក្រុងរាមដែលជាគម្រោងដ៏ធំជាងគេនៅកម្ពុជា

គម្រោងអភិវឌ្ឍន៍មួយនេះមានទំហំទឹកប្រាក់ 16ពាន់លានដុល្លារ ដឹកនាំសាងសង់ដោយក្រុមហ៊ុនអភិវឌ្ឍន៍អចលនទ្រព្យកម្ពុជា(Canopy Sands Development) ហើយវានឹង…
ជំនួញ, ព្រឹត្តិការណ៍

យុវតីខ្មែរប្រែពីការងារ Design មកបង្កើតម៉ាកសម្លៀកបំពាក់នារី ដាក់លក់តាម Onlineបានរាប់ម៉ឺនឈុត

ថ្មីៗនេះទីផ្សារលក់ទំនិញតាម Online ជាពិសេសគ្រឿងក្រអូប គ្រឿងសម្អាងជាដើមតែងទទួលបានការពេញនិយមយ៉ាងក្រាស់ក្រែល ថែមទាំងមានដំណាងចែកចាយជាច្រើនទៀតផង។
ព្រឹត្តិការណ៍, សេដ្ឋកិច្ច

អ្នកស្រាវជ្រាវសេដ្ឋកិច្ច ៖ ការចូលរួមទិញផលិតផលក្នុងស្រុកនឹងជួយបង្កើនកំណើនសេដ្ឋកិច្ចជាតិ

អ្នកស្រាវជ្រាវសេដ្ឋកិច្ចនៅកម្ពុជាបានលើកឡើងថា ការចូលរួមគ្នាទិញផលិតផលក្នុងស្រុកនឹងចូលរួមចំណែកជួយបង្កើនកំណើនសេដ្ឋកិច្ចជាតិ តាមរយៈការបង្កើតការងារក្នុង

AMS ECONOMY
@amseconomy