សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ម៉ាស៊ីនមួយចំនួនដែលជាផ្នែកដ៏សំខាន់បំផុតរបស់ឧស្សាហកម្មបច្ចេកវិទ្យា ត្រូវបានគេផលិតនៅរោងចក្រមួយជាប់នឹងចំការពោតស្ថិតនៅក្នុងប្រទេសហូឡង់។ រដ្ឋាភិបាលសហរដ្ឋអាមេរិក កំពុងព្យាយាមធ្វើយ៉ាងកុំឱ្យម៉ាស៊ីនទាំងនេះធ្លាក់ចូលក្នុងដៃរបស់ប្រទេសចិនដែលកំពុងមានតម្រូវការចាំបាច់។
ទីក្រុងប៉េកាំងបានបញ្ជាទិញទៅរដ្ឋាភិបាលហូឡង់ក្នុងការអនុញ្ញាតឱ្យក្រុមហ៊ុនចិនទិញម៉ាស៊ីនផលិតបន្ទះឈីបជំនាន់ថ្មីរបស់ក្រុមហ៊ុនហូឡង់ ASML Holding តាមរយៈបច្ចេកវិទ្យា extreme ultraviolet lithography ។ ម៉ាស៊ីននេះមានទម្ងន់ជាង ១៨០ តោន ត្រូវបានប្រើប្រាស់ដោយក្រុមហ៊ុនបច្ចេកវិទ្យាធំៗជាច្រើន រួមមានក្រុមហ៊ុនអាមេរិក Intel Corp, ក្រុមហ៊ុនកូរ៉េខាងត្បូង Samsung Electronics និងក្រុមហ៊ុនផ្គត់ផ្គង់ឈានមុខគេរបស់ក្រុមហ៊ុន Apple Inc គឺក្រុមហ៊ុន Taiwan Semiconductor Manufacturing (TSMC) ដើម្បីផលិតបន្ទះឈីបគ្រប់បែបយ៉ាងសម្រាប់ប្រើក្នុងទូរស័ព្ទស្មាតហ្វូន និងកុំព្យូទ័រជំនាន់ថ្មី។
ប្រទេសចិនចង់ទិញម៉ាស៊ីនដែលមានតម្លៃ ១៥០ លានដុល្លារនេះ សម្រាប់ក្រុមហ៊ុនផលិតបន្ទះឈីបក្នុងស្រុក ដើម្បីផ្គត់ផ្គង់ក្រុមហ៊ុនទូរស័ព្ទស្មាតហ្វូនដ៏ល្បីឈ្មោះរបស់ Huawei និងក្រុមហ៊ុនបច្ចេកវិទ្យាចិនផ្សេងទៀត ក្នុងបំណងកាត់បន្ថយការពឹងផ្អែកលើអ្នកផ្គត់ផ្គង់បរទេស។ ប៉ុន្តែ ក្រុមហ៊ុន ASML របស់ហូឡង់ មិនទាន់បានយល់ព្រមធ្វើការលក់ម៉ាស៊ីនរបស់ពួកគេដល់ក្រុមហ៊ុនណាមួយមកពីប្រទេសចិននៅឡើយនោះទេ ពីព្រោះប្រទេសហូឡង់ដែលស្ថិតក្រោមសម្ពាធពីសហរដ្ឋអាមេរិក គឺកំពុងដកហូតអាជ្ញាប័ណ្ណរបស់ក្រុមហ៊ុន ASML ក្នុងការនាំចេញទៅកាន់ប្រទេសចិន ។
យោងតាមមន្ត្រីសហរដ្ឋអាមេរិកបានឱ្យដឹងថា រដ្ឋបាលលោក Biden បានស្នើសុំរដ្ឋាភិបាលរឹតបន្ទឹងការលក់នេះ ដោយសារតែមានការព្រួយបារម្ភអំពីសន្តិសុខជាតិ។ ជាមួយគ្នានេះ ទីក្រុងវ៉ាស៊ីនតោនបានកំណត់យកក្រុមហ៊ុនចិនធំៗដូចជា ក្រុមហ៊ុន Huawei ជាដើមថា បានគំរាមកំហែងដល់សន្តិសុខជាតិរបស់អាមេរិក ហើយក៏បានព្យាយាមបញ្ចុះបញ្ចូលសម្ព័ន្ធមិត្តបរទេសរបស់ខ្លួនដទៃទៀតឱ្យរឹតបន្ដឹងលើការប្រើប្រាស់ឧបករណ៍របស់ក្រុមហ៊ុន Huawei ផងដែរ ដោយលើកមូលហេតុអំពីការព្រួយបារម្ភចារកម្ម ដែលក្រុមហ៊ុន Huawei ធ្លាប់បានបដិសេធហើយថាជាការចោទប្រកាន់ដែលគ្មានមូលដ្ឋាន។
លោក Peter Wennink នាយកប្រតិបត្តិនៃក្រុមហ៊ុន ASML បាននិយាយថា ការរឹតត្បិតលើការនាំចេញរបស់ហូរឡង់អាចនឹងបង្កផលប៉ះពាល់ដល់ក្រុមហ៊ុនខ្លាំង។ លោកបាននិយាយនៅក្នុងសេចក្ដីថ្លែងការណ៍មួយថា ៖
«នៅពេលនិយាយអំពីបញ្ហាសន្តិសុខជាតិជាក់លាក់ ការត្រួតពិនិត្យលើការនាំចេញគឺជាវិធានការណ៍ត្រឹមត្រូវ។ បើទោះជាយ៉ាងនេះក៏ដោយ យោងតាមផ្នែកមួយនៃយុទ្ធសាស្ត្រជាតិទូលំទូលាយលើភាពជាអ្នកដឹកនាំការផលិតបន្ទះឈីប រដ្ឋាភិបាលចាំបាច់ត្រូវពិចារណាអំពីវិធានការទាំងនេះ ប្រសិនបើប្រើប្រាស់ហួសកម្រិតពេក ក៏អាចបន្ថយនវានុត្តន៍ក្នុងរយៈពេលមធ្យមដោយកាត់បន្ថយការស្រាវជ្រាវ និងអភិវឌ្ឍន៍»
លោកបាននិយាយទៀតថា ក្នុងរយៈពេលខ្លី និងមធ្យម ការគ្រប់គ្រងលើការនាំចេញយ៉ាងទូលំទូលាយនឹងកាត់បន្ថយសមត្ថភាពផលិតបន្ទះឈីបរបស់ពិភពលោក ដែលកាន់តែធ្វើឱ្យបញ្ហាខ្សែសង្វាក់ផ្គត់ផ្គង់កាន់តែធ្ងន់ធ្ងរឡើង។ ជាក់ស្ដែង មិនដល់មួយខែផង បន្ទាប់ពីការចូលកាន់តំណែងរបស់លោក Biden ទីប្រឹក្សាសន្តិសុខជាតិរបស់លោកគឺលោក Jake Sullivan បាននិយាយជាមួយសមភាគីហូឡង់អំពីអ្វីដែលសេតវិមានបានពិពណ៌នាថាជាកិច្ចសហប្រតិបត្តិការយ៉ាងជិតស្និទ្ធរវាងប្រទេសទាំងពីរលើបញ្ហានេះ៕
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ទទួលផលពីអាជីវកម្មបរិយាបន្ន សហគមន៍កសិកម្មមួយអាចផ្គត់ផ្គង់បន្លែបានជាង១តោន ក្នុងមួយខែ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 19/04/2024
អាជីវកម្មបរិយាបន្ន គឺជាប្រភេទអាជីវកម្មគំរូថ្មីមួយដែលអាចផ្ដល់អត្ថប្រយោជន៍ជាច្រើនដល់អ្នកពាក់ព័ន្ធ និងអាចជំរុញសេដ្ឋកិច្ចទាំងក្នុងសហគមន៍ និងប្រទេសជាតិមួយ។
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
e-Choupal ជាវេទិកាអនឡាញធំបំផុតនៅឥណ្ឌាជួយនាំចេញកសិផលដោយផ្ទាល់ពីកសិករក្រីក្ររាប់លាននាក់
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
e-Choupal គែជាច្រកនាំចេញកសិផលដ៏ធំបំផុតមួយរបស់ឥណ្ឌាតាមរយៈបណ្តាញអ៊ិនធឺណេតដោយគិតមកដល់ពេលនេះមានកសិករក្រីក្រប្រមាណជា៤លាននាក់កំពុងអាស្រ័យផល
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content