fbpx

វិភាគ ៖ អាមេរិកដកខ្លួនចេញ ហើយបើកដៃឲ្យចិនចូលស្តារសេដ្ឋកិច្ចអាហ្គានីស្ថាន

កាប៊ុល ៖ សង្គ្រាមដ៏រាំរ៉ៃ និងយូរបំផុតរបស់សហរដ្ឋអាមេរិកនៅក្នុងទឹកដីនៃប្រទេសអាហ្គានីស្ថានត្រូវបានគេមើលឃើញថាបានឈានមកដល់ទីបញ្ចប់ ប៉ុន្តែបើនិយាយអំពីលទ្ធផលវិញគឺហាក់ដូចជាមិនមានបានការអ្វីជាដំកំភួនសោះនោះទេ ទាំងសន្តិភាពក៏មិនមាន ហើយលើសពីនេះ តាលីបង់ក៏កំពុងបន្តវាយលុកទៅកាន់តំបន់ជាច្រើនទៀតនៅក្នុងប្រទេសដដែល។,

ស្ថានភាពសន្តិសុខមិនទាន់ច្បាស់លាស់ ដំណើរការសន្តិភាពក្នុងស្រុកមិនទាន់មានភាពប្រាកដប្រជា ប៉ុន្តែរដ្ឋាភិបាលអាហ្គានីស្ថាននឹងត្រូវទទួលបានសិទ្ធិយ៉ាងពេញលេញក្នុងការទទួលខុសត្រូវ និងធ្វើជាម្ចាស់ការលើខ្លួនឯងទាំងស្រុងខុសកាលពី២០ឆ្នាំមុន។

តើការចាកចេញរបស់អាមេរិកលើកនេះនឹងធ្វើឲ្យចំណេញដល់អាហ្គានីស្ថាន ឬខាតបង់ ខណៈដែលមិនទាន់បានប៉ុន្មានផង ចិនអាចនឹងចូលខ្លួនមកដើរតួជំនួសយ៉ាងលឿនបំផុតនៅអាហ្គានីស្ថាន ដោយមិនប្រើប្រាស់កម្លាំងយោធានោះទេ ហើយអាចមានភាពល្អប្រសើរដល់សេដ្ឋកិច្ចរបស់អាហ្គានីស្ថានទៅវិញ។

តើចិននឹងក្លាយទៅជាអ្នកជួយសង្គ្រោះដល់កិច្ចការងារស្តារសេដ្ឋកិច្ចអាហ្គានីស្ថានដែរឬទេ?

ចុងក្រោយភ្លាមៗនេះ ក្រោយអាមេរិក និងកងទ័ពបរទេសបានចាកចេញពីអាហ្គានីស្ថានទៅហើយនោះ ចិន តាមរយៈរដ្ឋមន្ត្រីក្រសួងការបរទេស លោក Wang Yi បានចាប់ផ្តើមមានសកម្មភាពភ្លាមៗផងដែរ ដោយក្នុងនោះមានដូចជាការអំពាវនាវសុំឲ្យកិច្ចការងារជាបន្ទាន់ក្នុងការបញ្ចៀសសង្គ្រាមស៊ីវិលនៅក្នុងប្រទេសនិងស្នើឲ្យមានតុចរចាសន្តិភាព Intra-Afghan ឡើងវិញ ព្រមទាំងបង្ហាញពីគោលជំហបង្កើតផែនការដោះស្រាយបញ្ហានយោបាយរួមគ្នាផងដែរ។

រូបភាពខាងលើនេះអាចឲ្យយើងមើលឃើញបានថា ចិនកំពុងចាប់ផ្តើមលូកដៃបន្តិចម្តងៗទៅក្នុងកិច្ចការងារជួយគាំទ្រដល់រដ្ឋាភិបាលទីក្រុងកាប៊ុល ហើយប្រសិនបើទទួលបានលទ្ធផលល្អណាមួយនោះ ចិននឹងបង្កើនសកម្មភាពកាន់តែច្រើននៅអាហ្គានីស្ថានជាមិនខាន មិនខុសពីអ្វីដែលខ្លួនបានខិតខំប្រឹងប្រែងកន្លងដើម្បីបង្កើនឥទ្ធិពលនៅតាមបណ្តាប្រទេសនានានៅអាហ្វ្រិក អាស៊ី និងអឺរ៉ុបនោះទេ។

អ្វីជាភាពខ្លាំង និង​ឱកាសរបស់ចិនដើម្បីចូលរួមជួយស្តារសេដ្ឋកិច្ចរបស់អាហ្គានីស្ថាន?

មិនត្រឹមតែជាប្រទេសជិតខាងដែលមិនសូវមានភាពរកាំរកូសជាមួយគ្នានាពេលកន្លងមកនោះទេ យុទ្ធសាស្ត្រភាពជាដៃគូរវាងចិន និងអាហ្គានីស្ថានក៏តែងតែត្រូវបានប្រទេសទាំងពីរបន្តលើកកម្ពស់រហូតមកទោះបីជាមានវត្តមានរបស់អាមេរិកក្តី។

លោក Wang ធ្លាប់បាននិយាយដែរថា ចិនបានត្រៀមខ្លួនរួចរាល់ និងមានការប្តេជ្ញាចិត្តក្នុងការធ្វើការក្នុងកម្រិតដ៏ខ្ពស់មួយជាមួយគ្នាដើម្បីផ្ញើសារនេះទៅកាន់ពិភពលោកអំពីសញ្ញាវិជ្ជមានដែលនឹងអាចកើតឡើងចំពោះសន្តិភាពនៅអាហ្គានីស្ថាន។ ចិនក៏ចាប់ផ្តើមអនុវត្តការងារគាំទ្រសេដ្ឋកិច្ចបច្ចេកវិទ្យាដល់អាហ្គានីស្ថានផងដែរក្នុងពេលស្របគ្នានេះ។ លោក Wang Yi ក៏បានបញ្ជាក់ដែរថា អង្គភាពកិច្ចសហប្រតិបត្តិការសៀងហៃដែលហៅកាត់ថា SCO ដែលជាអង្គភាពពាក់កណ្តាលរដ្ឋនោះនឹងក្លាយទៅជាឧបករណ៍ដំណោះស្រាយមួយដែលមានប្រសិទ្ធភាពសម្រាប់អាហ្គានីស្ថានអាចយកទៅប្រើប្រាស់បាននៅក្នុងបញ្ហាជម្លោះនានា ជាពិសេសគឺសេដ្ឋកិច្ច។

ក្រៅពីនោះចិនក៏បានចាប់យកឱកាសក្នុងការផ្តល់ជំនួយបែបវ៉ាក់សាំងការទូតផងដែរ ដោយក្នុងនោះចិនបានសន្យាថានឹងជួយដល់អាហ្គានីស្ថាន ជាពិសេសការឧបត្ថម្ភគាំទ្រដោយវ៉ាក់សាំងជូនប្រទេសមួយនេះរហូតដល់ពេលដែលអាចយកឈ្នះទៅលើការប្រយុទ្ធប្រឆាំងទៅនឹងវិរុសកូវីដទាំងស្រុងផងដែរ។

យ៉ាងណាក៏ដោយបើទោះជាស្ថិតនៅក្នុងតំណាក់កាលចាប់ផ្តើមក្តី ប៉ុន្តែផ្អែកតាមការមើលឃើញរបស់អ្នកជំនាញ រួមជាមួយនឹងការផ្សព្វផ្សាយរបស់បណ្តាញសារព័ត៌មានអន្តរជាតិជាច្រើនសុទ្ធតែបានបង្ហាញពីភាពជឿជាក់ថា មហាយក្សចិននឹងក្លាយខ្លួនទៅជាតួអង្គមួយដ៏ធំ និងសំខាន់បំផុតនៅក្នុងកិច្ចការងារស្តារសេដ្ឋកិច្ចប្រទេសអាហ្គានីស្ថានឡើងវិញនៅក្រោយបញ្ចប់ទៅនៃសម័យសង្គ្រាមដោយយោធាបរទេស៕


ព្រឹត្តិការណ៍, សេដ្ឋកិច្ច

វិស័យកាត់ដេរនៅមីយ៉ាន់ម៉ា បន្តផលប៉ះពាល់កាន់តែធ្ងន់ធ្ងរ

មកទល់ពេលបច្ចុប្បន្ននេះ បញ្ហាវិបត្តិនយោបាយដ៏រ៉ាំរ៉ៃព្រមទាំងបញ្ហាវិបត្តិកូវីដផងនោះ កំពុងជម្រុញឲ្យសេដ្ឋកិច្ចប្រទេសមីយ៉ាន់ម៉ា កាន់តែធ្លាក់ដុនដាបខ្លាំង។
ជំនួញ, ព្រឹត្តិការណ៍

សមាគមចិញ្ចឹមសត្វកម្ពុជា បញ្ជាក់ពីតម្រូវការទីផ្សារ និងការផ្គត់ផ្គង់សាច់មាន់នៅក្នុងស្រុក

ប្រធានសមាគមចិញ្ចឹមសត្វកម្ពុជា បានបង្ហាញពីការគាំទ្រទៅលើចំណាត់ការរបស់ក្រសួងកសិកម្មក្នុងការកាត់បន្ថយការនាំចូលមាន់រស់ ខណៈដែលលទ្ធភាពនៃការចិញ្ចឹម និងផ្គត់ផ្គង់ក្នុងស្រុកកើន
ជំនួញ, ព្រឹត្តិការណ៍

ពុទ្ធបរិស័ទគួររៀបសាដក់ខ្លួនឯងជៀសវាងទំនិញផុតកាលកំណត់ និងខូចគុណភាពដែលបង្វិលពីផ្សារទៅវត្ត

នៅក្នុងរដូវកាលបុណ្យភ្ជុំបិណ្ឌនេះ ពុទ្ធបរិស័ទគម្បីទិញទំនិញ និងផលិតផលនានារៀបចំជាសាដក់សម្រាប់យកទៅប្រគេនព្រះសង្ឃដោយខ្លួនឯង ជៀសវាងទិញសាដក់ដែលដាក់ទំនិញខូចគុណភាព….
ជំនួញ, ព្រឹត្តិការណ៍

គ្រំចំពុះទាកោះកុងចាប់ផ្តើមបង្ហាញវត្តមាននៅទីផ្សារទំនើប និងជួយបង្កើនចំណូលដល់ប្រជាសហគមន៍

គ្រំចំពុះទាដែលមានប្រភពមកពីកោះកុងចាប់ផ្តើមមានវត្តមាននៅលើទីផ្សារទំនើបម៉ាក្រូ ដើម្បីចូលរួមជាជម្រើសមុខម្ហូបថ្មីសម្រាប់អ្នកចូលចិត្តអាហារសមុទ្រ និងបង្កើនចំណូលសម្រាប់
ព្រឹត្តិការណ៍, អាជីវកម្មថ្មី និងនវានុវត្ត

អ្នកខេត្តពោធិ៍សាត់ផ្តល់ពិសោធន៍ពីការដាំដើមក្រូចពោធិ៍សាត់ទទួលបានផលល្អ

ជាការចែករំលែកនូវចំណេះដឹង និងបទពិសោធន៍ផ្ទាល់ខ្លួនលើការដាំដុះក្រូចពោធិ៍សាត់ដែលកំពុងមានទីផ្សារទូលាយ ជាមួយនឹងការរៀបរាប់ចាប់ពីការជីករណ្តៅដាំ ការថែទាំ រហូតដល់ពេល
ព្រឹត្តិការណ៍, ហិរញ្ញវត្ថុ

ម្ចាស់អាជីវកម្មបែប SMEs អាចស្វែងរកកម្ចីបាន២របៀប ជាមួយអត្រាការប្រាក់ទាប

ម្ចាស់អាជីវកម្មខ្នាតតូច និងមធ្យមអាចរកបាននូវកម្ចីពីរប្រភេទ គឺកម្ចីពីធនាគារ SME និងកម្ចីពីសារជីវកម្មធានាឥណទានកម្ពុជា ជាមួយនឹងការប្រាក់ពី ៦% -៧.៥% ទៅតាមវិស័យ
ព្រឹត្តិការណ៍, អាជីវកម្មថ្មី និងនវានុវត្ត

សម្ដេចតេជោ ហ៊ុន សែន នឹងអញ្ជើញថ្លែងសុន្ទរកថាតំណាងជាតិនៅក្នុងកិច្ចពិភាក្សានៃមហាសន្និបាតអង្គការ សហប្រជាជាតិលើកទី៧៦

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នឹងអញ្ជើញថ្លែងសុន្ទរកថាតំណាងជាតិ នៅក្នុងកិច្ចពិភាក្សាទូទៅនៃមហាសន្និបាតអង្គការ សហប្រជាជាតិ
ព្រឹត្តិការណ៍, អចលនទ្រព្យ

យល់ដឹង ៖ អចលនទ្រព្យ ៤ ប្រភេទដែលកំពុងពេញនិយមវិនិយោគ និងទទួលបានចំណេញនៅកម្ពុជា

អចលនទ្រព្យចំនួន ៤ ប្រភេទក្នុងចំណោមប្រភេទអចលនទ្រព្យផ្សេងទៀត បាននឹងកំពុងពេញនិយមក្នុងការវិនិយោគ និងអភិវឌ្ឍយ៉ាងខ្លាំងនៅក្នុងប្រទេសកម្ពុជា និងមានឱកាស
ព្រឹត្តិការណ៍, សេដ្ឋកិច្ច

ព័ត៌មានខ្លះៗអំពីកិច្ចប្រជុំមហាសន្និបាតអង្គការសហប្រជាជាតិលើកទី៧៦ដែលកំពុងប្រព្រឹត្តនៅអាមេរិក

សម័យប្រជុំលើកទី ៧៦ នៃមហាសន្និបាតអង្គការសហប្រជាជាតិ ឬហៅកាត់ថា (UNGA 76) ត្រូវបានប្រកាសបើកជាផ្លូវការកាលពីថ្ងៃអង្គារទី១៤ ខែកញ្ញា ឆ្នាំ២០២១កន្លងទៅ
ជំនួញ, ព្រឹត្តិការណ៍

ផលិតផលខ្មែរចាប់ផ្តើមអនុវត្តធ្វើទីផ្សារថ្មីតាមប្រព័ន្ធឌីជីថលលើការនាំចេញ

មន្ត្រីជាន់ខ្ពស់ក្រសួងពាណិជ្ជកម្មបានអះអាងថា ក្រសួងពាណិជ្ជកម្ម គាំទ្រពេញទំហឹងចំពោះបេសកកម្មនាំចេញផលិតផលខ្មែរទៅកាន់ទីផ្សារថ្មីតាមប្រព័ន្ធឌីជីថលនៅតំបន់មជ្ឈឹមបូព៌ា

AMS ECONOMY
@amseconomy