បរទេស៖ វៀតណាមត្រូវបានគេទទួលស្គាល់ថាជាប្រទេសដែលផលិត និងនាំចេញស្រូវអង្ករធំបំផុតមួយរបស់ទីផ្សារសាកលលោក ប៉ុន្តែបញ្ហាប្រឈមមួយចំនួនកំពុងធ្វើឲ្យកសិករវៀតណាមជួបប្រទះនឹងការគំរាមកំហែងជារៀងរាល់ឆ្នាំ ដោយសារតែការជ្រៀតចូលនៃកម្រិតទឹកសមុទ្រនៅក្នុងប្រភពទឹកសាប និងផ្ទៃដីដាំស្រូវភាគច្រើនដែលវៀតណាមប្រើប្រាស់គឺជាបញ្ហាដ៏ស្មុគ្រស្មាញជាយូរណាស់មកហើយពីព្រោះថាវៀតណាមមានទីតាំងស្ថិតនៅក្បែរទៅនឹងសណ្តរដីទន្លេមេគង្គដែលមានទំនាបបំផុត។
ទោះបីជានៅអំឡុងពេលរដូវប្រាំងក្តី ទឹកសមុទ្រដែលមានជាតិអំបិលបានជ្រៀតចូលទៅដល់វាលស្រែរបស់កសិករ និងបំផ្លិចបំផ្លាញដំណាំស្រូវរបស់ពួកគេផងដែរ មានន័យថាកំណើនកំពស់ទឹកសមុទ្ររបស់ពិភពលោកនៅពេលបច្ចុប្បន្ន និងបន្តទៅពេលអនាគតនឹងក្លាយទៅជាគ្រោះកាន់តែធ្ងន់ធ្ងរសម្រាប់ប្រជាកសិករវៀតណាម និងវិស័យកសិកម្មរបស់ខ្លួនជាមិនខាន។
ជាកិច្ចខំប្រឹងប្រែងដោះស្រាយ និងឆ្លើយតបចំពោះមហន្តរាយនេះ រដ្ឋាភិបាលនៃប្រទេសវៀតណាមក្រោមគម្រោងជំនួយដោយអង្គការមូលនិធិអន្តរជាតិសម្រាប់កិច្ចការងារអភវិឌ្ឍកសិកម្មឬ IFAD បានឈានទៅដល់ការសម្រេចចិត្តរួមគ្នាក្នុងការអនុញ្ញាតឲ្យមានការប្រើប្រាស់នូវកម្មវិធីទូរស័ព្ទ (APP) មួយដែលខ្លួនរំពឹងទុកថានឹងអាចជួយសង្គ្រោះដល់ដំណាំស្រូវរបស់កសិករវៀតណាមបានយ៉ាងល្អប្រសើរ។
កម្មវិធីទូរស័ព្ទ ឬ App នេះមានសមត្ថភាពពិសេសផ្តោតទៅលើកិច្ចការងារគ្រប់គ្រងកម្រិតជាតិប្រៃនៅក្នុងទឹក ហើយតាមរយៈទិន្នន័យដែលវាអាចប្រមូលបានទាំងនោះនឹងអាចបញ្ចូនទៅដល់កសិករវៀតណាមដើម្បីធ្វើការសម្រេចចិត្តក្នុងការបូមទឹកសាបបន្ថែមចូលទៅក្នុងវាលស្រែរបស់ពួកគេ ឬក៏អត់។
ជាធម្មតានៅពេលដែលជាតិប្រៃដែលមាននៅក្នុងទឹកខ្ពស់ពេកនោះវានឹងធ្វើឲ្យមានផលប៉ះពាល់ជាអវិជ្ជមានចំពោះការលូតលាស់នៃឬសរបស់ដំណាំស្រូវ ឬអាចធ្វើឲ្យស្រូវទាំងអស់ខូចខាតទាំងស្រុងតែម្តង។ ជាច្រើនជំនាន់មកហើយកសិករវៀតណាមបានប្រើប្រាស់វិធីសាស្ត្របុរាណមួយគឺតាមរយៈការយកទឹកដែលមាននៅក្នុងស្រែរបស់ពួកគេមកភ្លក្សដើម្បីកំណត់ជាតិប្រៃ។
យោងតាមការបញ្ជាក់របស់ IFAD គិតមកដល់បច្ចុប្បន្ននេះមានកសិករវៀតណាមជាង 50,000គ្រួសារមកហើយដែលកំពុងតែធ្វើការប្រើប្រាស់កម្មវិធីដែលឥតគិតថ្លៃមួយនេះ ហើយវាត្រូវបានគេចាត់ទុកថាជាតំណាក់កាលសាកល្បងនៅឡើយ៕
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧ក្រុមហ៊ុន លីហ៊្វូដ សឺវីស ចាប់ដៃជាមួយក្រុមហ៊ុន យូនីលឹវើ ខេមបូឌា ដើម្បីលើកកម្ពស់ការផ្តល់ជូនផលិតផលនៅកម្ពុជា
ព្រឹត្តិការណ៍, អត្ថបទពាណិជ្ជកម្ម
• 28/03/2024
ក្រុមហ៊ុន លីហ៊្វូដ សឺវីស ចាប់ដៃជាមួយក្រុមហ៊ុន យូនីលឹវើ ខេមបូឌា ដើម្បីលើកកម្ពស់ការផ្តល់ជូនផលិតផលនៅកម្ពុជា
អាជីវកម្មបរិយាបន្នចំនួន ៤ ដែលជួយដល់កសិករខ្នាតតូចនៅប្រទេសឥណ្ឌា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 28/03/2024
ស្របពេលដែលអាជីវកម្មបរិយាបន្នបន្តរីកចម្រើន និងច្នៃប្រឌិត ពួកគេមិនត្រឹមតែលើកកំពស់កសិករប៉ុណ្ណោះទេ ប៉ុន្តែថែមទាំងអាចជួយត្រួសត្រាយសម្រាប់កសិកម្មឥណ្ឌាផងដែរ