fbpx

អង្គការសុខភាពពិភពលោកទទួលស្គាល់ប្រសិទ្ធភាពវ៉ាក់សាំង Sinovac

អ្នកជំនាញអង្គការសុខភាពពិភពលោកបានរកឃើញថាវ៉ាក់សាំងការពារជំងឺកូវីដ-19 ដែលផលិតដោយក្រុមហ៊ុន Sinovac Biotech របស់ប្រទេសចិន ពិត​ជាមានប្រសិទ្ធភាពក្នុងការទប់ស្កាត់ជំងឺកូវីដ-19 ចំពោះមនុស្សពេញវ័យអាយុក្រោម60ឆ្នាំពិតមែន ប៉ុន្តែនៅខ្វះទិន្នន័យគុណភាពស្តីពីហានិភ័យ​នៃផល​ប៉ះពាល់​ធ្ងន់ធ្ងរ។

ស្ថាប័នជំនាញខាងប្រឹក្សាយុទ្ធសាស្ត្រ (SAGE) របស់អង្គការសុខភាពពិភពលោកបានពិនិត្យពីការសាកល្បងដំណាក់កាលទី3នៅក្នុងប្រទេសចិន ប្រេស៊ីល ឈីលី ឥណ្ឌូណេស៊ី និងប្រទេសទួរគី អំពីវ៉ាក់សាំង CoronaVac របស់ក្រុមហ៊ុន Sinovac ។

ការវាយតម្លៃនេះធ្វើឡើងភ្លាមៗបន្ទាប់ពីក្រុមអ្នកជំនាញរបស់ SAGE បានបង្ហាញពីទំនុកចិត្ត​ទាប ចំពោះទិន្នន័យដែលផ្តល់ដោយក្រុមហ៊ុនផលិតឱសថចិនមួយទៀតឈ្មោះ Sinopharm លើវ៉ាក់​សាំងកូវីដរបស់ខ្លួន ទាក់ទងនឹងហានិភ័យនៃផលប៉ះពាល់ធ្ងន់ធ្ងរចំពោះអ្នកជំងឺមួយចំនួន ក៏ប៉ុន្តែក្រុម​អ្នកជំនាញ មានជំនឿចិត្តទៅលើសមត្ថភាពរបស់វ៉ាក់សាំងនេះក្នុងការការពារការឆ្លងមេរោគ។

ស្ថាប័នជំនាញខាងប្រឹក្សាយុទ្ធសាស្ត្របានបញ្ជាក់នៅក្នុងការវាយតម្លៃមួយដែលត្រូវបាន​ផ្សព្វផ្សាយលើគេហទំព័ររបស់ WHO ថា «យើងមានទំនុកចិត្តថា វ៉ាក់សាំង CoronaVac ចំនួន2ដូស គឺ មានប្រសិទ្ធភាពខ្ពស់ ក្នុងការការពារជំងឺកូវីដ-19 ចំពោះមនុស្សពេញវ័យអាយុចាប់ពី18​ដល់59ឆ្នាំ»។

SAGE ក៏បានលើកឡើងពីគម្លាតភស្តុតាងនៃសុវត្ថិភាពក្នុងការមានផ្ទៃពោះ និងសុវត្ថិភាពការពារចំពោះមនុស្សវ័យចំណាស់ អ្នកដែលមានជំងឺរ៉ាំរ៉ៃ និងការវាយតម្លៃករណីមានប្រតិកម្មដែរផង។

ជំនួយការអគ្គនាយក WHO លោកស្រី Mariangela Simao បានមានប្រសាសន៍នៅក្នុងសន្និ​សីទ​សារព័ត៌មានរបស់ WHO ថា៖

“គណៈកម្មការ​ឯករាជ្យរបស់ស្ថាប័ននេះបានជួបប្រជុំគ្នា និងវាយតម្លៃវ៉ាក់សាំង Sinopharm និងវ៉ាក់សាំង Sinovac ដែលផលិតនៅប្រទេសចិន ។ ដូច្នេះនៅចុងសប្តាហ៍នេះ យើងក៏បានធ្វើការវាយតម្លៃចុងក្រោយលើវ៉ាក់​សាំងទាំង2 នេះ។ វាមានសារៈសំខាន់ខ្លាំងណាស់ដែលយើងទទួលបានវ៉ាក់សាំង ដែល​​ត្រូវបានបង្ហាញថាមានសុវត្ថិភាព និងប្រសិទ្ធ​ភាព ចូលទៅក្នុងទីផ្សារពិភពលោកនាពេលបច្ចុប្បន្ន​នេះ ​ដើម្បីឱ្យមានវ៉ាក់សាំងកាន់តែច្រើនក្នុងការផ្គត់ផ្គង់”

លោកស្រីបញ្ជាក់ថាយើងមានបញ្ហាជាមួយនឹងការផ្គត់ផ្គង់ពីប្រទេសឥណ្ឌា។ យើងមាន​បញ្ហា​ជាមួយក្រុមហ៊ុនផលិតវ៉ាក់សាំងផ្សេងៗគ្នា ជាមួយនឹងកង្វះខាតសារធាតុផលិត។ ដូច្នេះយើងត្រូវ​ការ​វ៉ាក់សាំងបន្ថែមទៀតដើម្បីចូលមកទីផ្សារ។ វ៉ាក់សាំង គឺជារឿងចាំបាច់ត្រូវប្រើប្រាស់ជាបន្ទាន់ដោយ WHO សម្រាប់លទ្ធកម្មអន្តរជាតិ ។

គួរបញ្ជាក់ថា គិតត្រឹមពេលនេះ WHO បានអនុម័តប្រើប្រាស់ជាបន្ទាន់នូវវ៉ាក់សាំងការពារជំងឺកូវីដ-19 ដូចជា វ៉ាក់សាំង Pfizer-BioNTech វ៉ាក់សាំង AstraZeneca វ៉ាក់សាំង Johnson & John​son និងវ៉ាក់សាំង Moderna ជាដើម។ ដោយឡែក វ៉ាក់សាំង Sinovac ត្រូវបានអនុញ្ញាតឱ្យ​ប្រើប្រាស់​នៅក្នុងប្រទេសចំនួន32 ហើយ ជាមួយនឹងការចែកចាយចំនួន260លានដូស៕

ព្រឹត្តិការណ៍, អត្ថបទពាណិជ្ជកម្ម

កម្ពុជាទទួលបានចំណែកនៃជំនួយក្នុងគម្រោងប្រឆាំងការប្រែប្រួលអាកាសធាតុរបស់អង្គការសហប្រជាជាតិ

នុងចំណោមប្រទេសចំនួន 8 រួមទាំងប្រទេសកម្ពុជាផងដែរនោះ នឹងទទួលបានការជំរុញលើកទឹកចិត្តកិច្ចខិតខំរបស់ខ្លួនក្នុងការប្រយុទ្ធប្រឆាំងទៅនឹងការប្រែប្រួលអាកាសធាតុ និងទប់ស្កាត់
ព្រឹត្តិការណ៍, អចលនទ្រព្យ

គម្រោងយក្សរបស់ម៉ាឡេស៊ី និងក្រុមហ៊ុនចិនតម្លៃជិត២ពាន់លានដុល្លារត្រូវបានលុបចោល

គម្រោងសាងសង់ដ៏មហិមារនៃស្ថានីយ៍ផ្លូវដែកល្បឿនលឿនតភ្ជាប់ពីប្រទេសម៉ាឡេស៊ីទៅកាន់ប្រទេសសិង្ហបុរី ដែលមានតម្លៃជិត២ពាន់លានដុល្លារត្រូវបានប្រកាសលុបចោលវិញ…..
ព្រឹត្តិការណ៍, ហិរញ្ញវត្ថុ

ស្វែងយល់ពីក្រុមហ៊ុនធំៗទាំង7 ដែលកំពុងបោះលក់ភាគហ៊ុននៅផ្សារមូលបត្រកម្ពុជា

រាជរដ្ឋាភិបាល​កម្ពុជាបាន​បង្កើតក្រុមហ៊ុន​ផ្សារមូលបត្រ​កម្ពុជា (CSX) ដោយកិច្ចសហប្រតិបត្តិការណ៍ជាមួយ​ក្រុមហ៊ុន​ផ្សារមូលបត្រ​កូរ៉េ​ កាលពី​ខែវិច្ឆិកា ឆ្នាំ 2006។ ភារកិច្ច​ចម្បង​របស់​ក្រុមហ៊ុន​ផ្សារមូលបត្រ​កម្ពុជា គឺ​ដើម្បី​បង្កើត និង​ដាក់​ឲ្យ​…
ព្រឹត្តិការណ៍, អាជីវកម្មថ្មី និងនវានុវត្ត

កសិករជំនាញ ផលិតជីធម្មជាតិសម្រាប់ដាំដំណាំ និងសារធាតុបំប៉នការចិញ្ចឹមសត្វឲ្យឆាប់ធំធាត់

ការប្រើជីធម្មជាតិទៅលើការដាំដុះ គឺមានប្រសិទ្ធភាពខ្ពស់ អាចជួយបង្កើនទិន្នផលដំណាំ កែប្រែស្ថានភាពដីបានល្អ បន្សាបជាតិពុលក្នុងដី ហើយផលដំណាំក៏អាចលក់បានក្នុងតម្លៃថ្លៃនៅលើទីផ្សារ
ព្រឹត្តិការណ៍, អចលនទ្រព្យ

អ្នកជំនាញ ៖ បញ្ហាកូវីដនៅកម្ពុជាបច្ចុប្បន្ន នៅមិនទាន់អាចធ្វើឱ្យទីផ្សារអចលនទ្រព្យជាប់គាំងនោះទេ

បើទោះជាវិបត្តិនៃជំងឺកូវីដនៅបន្តអូសបន្លាយរាតត្បាតនាពេលបច្ចុប្បន្ននេះក៏ដោយ ប៉ុន្តែសម្រាប់ទីផ្សារអចលនទ្រព្យនៅតែបន្តមានសកម្មភាព ពោលគឺមិនទាន់ឈានដល់ចំណុចជាប់គាំង
ព្រឹត្តិការណ៍, ហិរញ្ញវត្ថុ

ស្វែងយល់ពីសេវាធនាគារចល័ត (Mobile banking)

សេវាធនាគារចល័ត(Mobile banking)សំដៅលើការប្រើប្រាស់ទូរសព្ទចល័តដើម្បីធ្វើប្រតិបត្តិការហិរញ្ញវត្ថុ។ បច្ចុប្បន្ន សេវាធនាគារនេះកាន់តែងាយស្រួលជាមួយនឹងការអភិវឌ្ឍន៍កម្មវិធី
ព្រឹត្តិការណ៍, សេដ្ឋកិច្ច

កម្ពុជាជំរុញឱ្យ IMF បន្តគាំទ្រប្រទេសសមាជិកអាស៊ានកំឡុងពេលនៃការងើបឡើងវិញនៃសេដ្ឋកិច្ច

ថ្នាក់ដឹកនាំជាន់ខ្ពស់ធនាគារជាតិនៃកម្ពុជាបានបង្ហាញពីការគាំទ្រ ជាមួយនឹងការជំរុញឲ្យ IMF បន្តការគាំទ្រដល់បណ្តាប្រទេសដែលជាសមាជិកអាស៊ានក្នុងកំឡុងពេលនៃការងើប
ព្រឹត្តិការណ៍, អចលនទ្រព្យ

ការវិនិយោគអចលនទ្រព្យនៅសិង្ហបុរីកើនឡើង១២៧ ភាគរយសម្រាប់ត្រីមាសទី២

បន្តភាពវិជ្ជមានកាលពីត្រីមាសទី១ សម្រាប់ត្រីមាសទី២ ឆ្នាំ២០២១នេះ ទំហំវិនិយោគក្នុងទីផ្សារអចលនទ្រព្យនៅសិង្ហបុរី មានកំណើនកើនឡើងរហូតដល់ប្រមាណ ១២៧ភាគរយ….
ព្រឹត្តិការណ៍, អត្ថបទពាណិជ្ជកម្ម

សម្ដេច ហ៊ុន សែន សម្រេចបង្កើតគណៈកម្មធិការបច្ចេកទេសអន្តរក្រសួង រៀបចំគោលនយោបាយដីធ្លី ដើម្បីអភិវឌ្ឍខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណង

សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្រេចចេញអនុក្រឹត្យបង្កើតគណៈកម្មធិការបច្ចេកទេសអន្តរក្រសួង រៀបចំគោលនយោបាយដីធ្លី ដើម្បីអភិវឌ្ឍ…….
ព្រឹត្តិការណ៍, អចលនទ្រព្យ

វិស័យអចលនទ្រព្យវៀតណាមនៅតែខ្លាំងទោះស្ថិតក្នុងស្ថានភាពប្រឈមនាពេលបច្ចុប្បន្ន

ប្រទេសវៀតណាមបាននឹងទទួលវត្តមានវិនិយោគិនអន្តរជាតិថ្មីៗជាច្រើនដែលសម្រុកចូលបណ្តាក់ទុនវិនិយោគលើគ្រប់វិស័យ ដែលក្នុងនោះវិស័យអចលនទ្រព្យមានភាព

AMS ECONOMY
@amseconomy