fbpx

១៣០ ឆ្នាំទៅហើយហេតុអ្វីអាជីវកម្មរបស់ Coca Cola នៅតែជាស្លាកយីហោភេសជ្ជៈដ៏រឹងមាំ និងល្បីបំផុត

ចំណេះដឹង ៖ អស់រយៈពេលជាង ១៣០ ឆ្នាំទៅហើយដែលភេសជ្ជៈកូកាកូឡា  (Coca Cola)  បានចាប់កំណើតដំបូងនៅអាមេរិក ហើយក្រុមហ៊ុនជាផ្លូវការគឺបានដំណើរនៅថ្ងៃទី២៩ ខែមករាឆ្នាំ ១៨៩៥ ។

គិតចាប់រាប់ពីភេសជ្ជៈដំបូងគេ ឬយើងហៅថា Coca Cola Original រហូតមកដល់ពេលបច្ចុប្បន្ននេះក្រុមហ៊ុនបានបង្កើត និងទិញយកស្លាកយីហោភេសជ្ជៈបន្ថែមទៀតរហូតទៅដល់ ២០០ ប្រភេទមក ហើយជាមធ្យមភេសជ្ជៈរបស់ខ្លួនប្រមាណជា ១,៩ ពាន់លានដប និងកំប៉ុងត្រូវបានលក់ចេញជារៀងរាល់ថ្ងៃត្រូវបានគ្រប់គ្នាទទួលស្គាល់ថាជាក្រុមហ៊ុនភេសជ្ជៈដែលមានចំណែកទីផ្សារធំជាងគេបំផុតលើលោកជាច្រើនទសវត្សរ៍មកហើយ។

លើសពីនេះរយៈពេលចុងក្រោយនេះក្រុមហ៊ុនក៏បានចាប់ផ្តើមវិនិយោគទៅលើភេសជ្ជៈមានជាតិអាកុលជាលើកដំបូងផងដែរនៅក្នុងទីផ្សារអាមេរិកដែលមានឈ្មោះថា Topo Chico និងក៏ដូចជាវិនិយោគទៅលើភេសជ្ជៈប៉ូវថាមពលបែបកីឡា  Body Armor ព្រមទាំងយីហោកាហ្វេ Costa ទៀតផងដែរ។

ហើយបើទោះបីជាបញ្ហារាតត្បាតនូវវីរុសកូវីដបានកំពុងតែធ្វើឲ្យក្រុមហ៊ុនអាជីវកម្មជាច្រើនបានបាត់បង់ប្រាក់ចំណូល  ឬបិទទ្វារក្តី  ប៉ុន្តែ Coca Cola នៅតែអាចមើលឃើញកំណើនប្រាក់ចំណេញរបស់ខ្លួនដល់ទៅ ៥ ភាគរយសម្រាប់ឆ្នាំ ២០២០  កន្លងទៅនេះ ឬប្រមាណជា ៩ ពាន់លានដុល្លារ។

អស់រយៈពេលជាយូរមកហើយបែបនេះតើហេតុអ្វី Coca Cola នៅតែមានឈ្មោះជាយីហោភេសជ្ជៈល្បីបំផុតលើលោកព្រមទាំងមានស្ថិរភាពអាជីវកម្មខ្លាំងបែបនេះ?

សម្រាប់ទីផ្សារបច្ចុប្បន្ន Coca Cola គឺជាអ្នកកាន់កាប់ទីផ្សារភេសជ្ជៈពិភពលោកដល់ទៅ ៤៤ ភាគរយ  ប៉ុន្តែក្រុមហ៊ុនមិនដែលផ្អាក ឬកាត់បន្ថយវិធីសាស្ត្រក្នុងការផ្សព្វផ្សាយពាណិជ្ជកម្មឡើយ។ ប្រវត្តិរបស់ Coca Cola បានផ្ទុះនៅក្នុងទីផ្សារក៏ដោយសារតែការផ្សព្វផ្សាយពាណិជ្ជកម្មដែរ។

កាលពីឆ្នាំ ១៩៧១ ត្រូវបានគេចងចាំថាបានបង្កើតការផ្សព្វផ្សាយពាណិជ្ជកម្មមួយដែលបានធ្វើឲ្យទីផ្សាររបស់ខ្លួនផ្ទុះខ្លាំងមែនទែនដែលគ្រានោះចម្រៀងមួយបទដែលត្រូវបានក្រុមហ៊ុនបង្កើត និងមានចំណងជើងថា Buy the World a Coke និងក្រោយមកប៉ុន្មានឆ្នាំជាមួយនឹងបទចម្រៀងបំផ្ទុះទីផ្សារម្តងទៀតដែលមានចំណងជើងថា I’d Like to Teach the World to Singជាដើម។

ប្រើប្រាស់វិធីទីផ្សារជ្រៀតចូលទីផ្សារក្រៅស្រុកមុនគេ និងខ្លាំងជាងគេ។ កាលពីឆ្នាំ ១៩០៦ ក្រុមហ៊ុនបានសម្រេចចិត្តបង្កើតទីផ្សារក្រៅស្រុកជាលើកដំបូងរបស់ខ្លួនចូលទៅក្នុងប្រទេសបាណាម៉ាដែលមានន័យថាវាជាបទពិសោធន៌ជាង ១០០ ឆ្នាំរួចទៅហើយរបស់ខ្លួននៅក្នុងទីផ្សារបរទេស។ ក្រៅពីនោះនៅឆ្នាំ ១៩២០ ក្រុមហ៊ុនបានប្រើប្រាស់វិធីសាស្ត្រទីផ្សារខ្នាតយក្សដូចជាការបង្កើតក្រុមហ៊ុនក្រោមចំណុះថ្មីមួយសម្រាប់កិច្ចការងារសហប្រតិបត្តិការនិងនាំចេញ Coca-Cola Export Corporation ដែលគ្រានោះជោគជ័យដ៏ធំរបស់វាគឺការចូលរួមជាដៃគូឧបត្ថម្ភធំបំផុតរបស់កម្មវិធីប្រកួតកីឡាករអូឡាំពិកនៅក្នុងទីក្រុង Amsterdam របស់ហូឡង់។

ក្រៅពីនោះក៏នៅមានកត្តាធំជាច្រើនទៀតដូចជាការកសាងយីហោ Branding ជាដើមក៏សុទ្ធតែបានជួយឲ្យទីផ្សាររបស់ Coca Cola មិនងាយនឹងប៉ះពាល់នោះដែរទោះបីជាមានដៃគូប្រកួតប្រជែងធំៗជាច្រើនក្តី។ តាមរយៈការបញ្ជ្រាបអត្ថន័យនៃការស្មោះត្រង់ចំពោះអតិថិជនហើយនោះ Coca Cola ក៏បានព្យាយាមពន្យល់អំពីអត្ថន័យនៃភាពរីករាយជាលក្ខណៈគ្រួសារមិត្តភ័ក្ត និងក្រុមការងារធ្វើការងារផងដោយមានរួមបញ្ចូលវត្តមានរបស់ផលិតផល Coca Colaជាដើម។ ជាចុងក្រោយកត្តាដែលធ្វើឲ្យ Coca Cola នៅតែនាំមុខគេនៅលើទីផ្សារនិងមិនងាយរងប៉ះពាល់ទោះបីជាមានវិបត្តិសេដ្ឋកិច្ចពិភពលោកក្តីនោះក៏ពីព្រោះតែផលិតផលនេះបានជ្រួតជ្រៀបនៅគ្រប់ទីផ្សារទាំងអស់របស់ពិភពលោករួចទៅហើយដូចនេះបើទោះបីជាតំបន់មួយអាចរកប៉ះពាល់តែតំបន់ផ្សេងទៀតអាចនឹងទទួលបានផលចំណេញកប់ក្តោងទៅវិញ៕


ព្រឹត្តិការណ៍

វឌ្ឍនភាព ៖ គម្រោងសាងសង់ផ្លូវក្រវាត់ក្រុងព្រះសីហនុសម្រេចបានជាង៤០ភាគរយ

គម្រោងសាងសង់ផ្លូវក្រវាត់ក្រុងព្រះសីហនុ សម្រេចបានជាង ៤០ភាគរយ លឿនជាងផែនការ ជាមួយនឹងសកម្មភាពការងារយ៉ាងសកម្ម ដើម្បីឈានទៅដល់ការបញ្ចប់
ព្រឹត្តិការណ៍, សេដ្ឋកិច្ច

វិនិយោគិនចិនបានបោះទុនវិនិយោគជាង ២៧ ពាន់លានដុល្លារនៅកម្ពុជា

វិនិយោគចិនបានបណ្តាក់ទុនវិនិយោគសរុបប្រមាណជាង ២៧ ពាន់លានដុល្លារអាមេរិកនៅកម្ពុជា គិត ខណៈច្បាប់វិនិយោគត្រូវបានដាក់ឲ្យអនុវត្ត និងរំពឹងថាអាចទាក់ទាញវិនិយោគិនចិន
ព្រឹត្តិការណ៍, ហិរញ្ញវត្ថុ

ស្វែងយល់ពីធនាគារវិនិយោគហេដ្ឋារចនាសម្ព័ន្ធអាស៊ី (AIIB)

ធនាគារវិនិយោគហេដ្ឋារចនាសម្ព័ន្ធអាស៊ី ដែលបានបង្កើតនៅឆ្នាំ ២០១៦ (AIIB) គឺជាធនាគារអភិវឌ្ឍន៍ពហុភាគីដែលមានបេសកកម្មផ្តល់ហិរញ្ញប្បទានដល់ការកសាងហេដ្ឋារចនាសម្ព័ន្ធ
ព្រឹត្តិការណ៍, សេដ្ឋកិច្ច

មន្ត្រីជាន់ខ្ពស់ក្រសួងបរិស្ថាន ៖ សំណល់សំរាមក៏មានតម្លៃជាសេដ្ឋកិច្ច ប្រសិនបើយើងយកទៅកែច្នៃ

មន្ត្រីជាន់ខ្ពស់ក្រសួងបរិស្ថានបានអះអាងថា សំណល់សំរាមក៏មានតម្លៃជាសេដ្ឋកិច្ចដែរ ប្រសិនបើយើងចេះញែកតាមប្រភេទ និងយកទៅកែច្នៃ ឲ្យក្លាយរបស់ដែលមានប្រយោជន៍
ព្រឹត្តិការណ៍, អាជីវកម្មថ្មី និងនវានុវត្ត

ពលរដ្ឋនៅតំបន់ទីបេមានចំនួនតិច ប៉ុន្តែអាចផលិតថាមពលអគ្គិសនីបានជិត៩ពាន់លានគីឡូវ៉ាត់ម៉ោង

ក្រុមហ៊ុនរដ្ឋទទួលបន្ទុកកិច្ចការងារអគ្គិសនីជាតិ The Tibet Electric Power Co., Ltd របស់ទីបេ បានបាននាំចេញថាមពលអគ្គិសនីទៅបរទេសបានរហូតទៅដល់ ៨,៩៨ពាន់លានគីឡូវ៉ាត់
ជំនួញ, ព្រឹត្តិការណ៍

ភាគហ៊ុនវិនិយោគគម្រោងកសិកម្មនៃ BRI កើនឡើងលើសពី ១៧ពាន់លានដុល្លារអាមេរិក

ភាគហ៊ុនវិនិយោគរបស់ប្រទេសក្នុងបណ្តាប្រទេសនៃគម្រោង BRI បានកើនលើសពី ១៧ពាន់លានដុល្លារអាមេរិកបន្ទាប់ពីបានដំណើរការអស់រយៈពេល៨ឆ្នាំ
ព្រឹត្តិការណ៍, សេដ្ឋកិច្ច

អគ្គនាយកដ្ឋានគយ និងរដ្ឋាករកម្ពុជារំលឹកម្ចាស់រថយន្ដអត់ពន្ធត្រូវបង់ពន្ធឱ្យបានរួសរាន់

អគ្គនាយកដ្ឋានគយ និងរដ្ឋាករកម្ពុជា បានក្រើនរំលឹកសាជាថ្មីដល់ម្ចាស់រថយន្ដអត់ពន្ធទាំងអស់ ត្រូវរួសរាន់មកបង់ពន្ធឱ្យបានមុនដំណាច់ខែធ្នូ ឆ្នាំ២០២១នេះ ដើម្បីទទួល
ព្រឹត្តិការណ៍, ហិរញ្ញវត្ថុ

ព្រឹទ្ធសភាឯកភាពទាំងស្រុងលើសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២

ប្រធានព្រឹទ្ធសភានៃព្រះរាជាណាចក្រកម្ពុជាបានពិនិត្យ និងឯកភាពទាំងស្រុងលើសេចក្តីព្រាងច្បាប់ដោយឥតកែប្រែជាមួយនឹងសំឡេងគាំទ្រចំនួន
ព្រឹត្តិការណ៍, អចលនទ្រព្យ

ខេត្តព្រះសីហនុ និងសៀមរាប ជាគោលដៅទេសចរណ៍ឈានមុខគេនៅកម្ពុជា

ខេត្តព្រះសីហនុ និងខេត្តសៀមរាប បានក្លាយជាគោលដៅទេសចរណ៍ និងសេដ្ឋកិច្ចយ៉ាងសំខាន់ និងឈានមុខគេនៅកម្ពុជា ក្រោយការខិតខំអភិវឌ្ឍន៍សំណាក់រាជរដ្ឋាភិបាលកម្ពុជា
ព្រឹត្តិការណ៍, អាជីវកម្មថ្មី និងនវានុវត្ត

បន្ទប់ទឹកចល័ត The Throne រូបរាងតូចតែផ្តល់ប្រយោជន៍ច្រើនដល់មនុស្ស និងបរិស្ថាន

The Throne គឺជាបន្ទប់ទឹកអនាម័យ ឬបង្គន់ចល័តដែលមានរូបរាងតូចច្រឡឹង ដែលអាចជួយកែប្រែរបៀបរស់នៅប្រចាំថ្ងៃរបស់មនុស្សនៅពេលបច្ចុប្បន្ននេះ និងបន្តទៅថ្ងៃអនាគត

AMS ECONOMY
@amseconomy