ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ ដ្បិតផលប៉ះពាល់កូវីដ-១៩ លើការរស់នៅប្រចាំថ្ងៃជារឿងអាក្រក់ក៏ពិតមែន ប៉ុន្តែតាមរយៈឥទ្ធិពលរបស់វាក៏បានបង្រៀនមនុស្សឱ្យយកចិត្តទុកដាក់សុខភាពកាន់តែខ្លាំង ពិសេសសម្របខ្លួនរស់នៅក្នុងសភាពធម្មតាតាមបែបគន្លងថ្មី។ អ្វីៗត្រូវបានផ្លាស់ប្តូរសូម្បីតែរបៀបរៀន របៀបបង្រៀន និងកម្មវីធីសិក្សា។ ទន្ទឹមគ្នានេះ កូវីដ-១៩ ក៏ជាឱកាសដែលគ្រូបង្រៀននៅតាមបណ្តាខេត្តពង្រឹងសមត្ថភាពប្រើប្រាស់បច្ចេកវិទ្យាសិក្សាពីចម្ងាយផងដែរ។
រៀនបណ្តើរ បង្រៀនសិស្សនៅលើប្រព័ន្ធឌីជីថលបណ្តើរ (Digital) មានដូចជា Telegram, Zoom, Google meet, ជាដើម ជាអ្វីដែលថ្មីសម្រាប់គ្រូបង្រៀននៅតាមបណ្តាខេត្តកំពុងអនុវត្តក្នុងដំណាក់កាលក្រសួងអប់រំ យុវជន និងកីឡា តម្រូវឱ្យសាលារៀនរៀបចំកម្មវិធីបង្រៀនសិស្សពីចម្ងាយ ដោយសារស្ថានភាពកូវីដ-១៩ កំពុងរីករាលដាលជាសកល។ ការប្រើប្រាស់បច្ចេកវិទ្យាទាំងអស់នេះ ជាអ្វីដែលពួកគាត់មិនធ្លាប់បានជួបសោះពីមុនមក។
លោក ប៉ាង ចាន់ ជាគ្រូបង្រៀនគណិតវិទ្យាថ្នាក់ទី៩ នៃវិទ្យាល័យជា ស៊ីម ត្បែងមានជ័យ ខេត្តព្រះវិហារ ចែករំលែកបទពិសោធន៍ផ្ទាល់ខ្លួនថា បង្រៀនសិស្សតាមអនឡាញជារបៀបបង្រៀនបែបថ្មី និងងាយស្រួលសម្រាប់លោក។ លោកបន្តថា ៖
“ដំបូងឡើយខ្ញុំគិតថាប្រហែលជាទៅមិនរួចទេ ព្រោះមិនធ្លាប់បង្រៀនពីចម្ងាយ ហើយមិនធ្លាប់ប្រើកម្មវិធីសិក្សាតាមបែបឌីជីថលទៀត មានទូរសព្ទបានត្រឹមតែខល (call) ទៅវិញទៅមក។ តែបន្ទាប់ពីសាកល្បងនិងរៀនស្វែងយល់ពីរបៀបប្រើប្រាស់កម្មវិធីខ្លះៗ អាចផ្ញើមេរៀន ដាក់លំហាត់ និងអាចថតជាវីដេអូពន្យល់ទៅកូនសិស្សតាមថ្នាក់នីមួយៗ ឃើញថាងាយស្រួលជាងពេលដែលលោកគ្រូបានចាប់ផ្ដើមធ្វើវាដំបូង…”
លោក ខៀវ សេរីយ៉ា គ្រូបង្រៀនមុខវិជ្ជាគណិតវិទ្យាកម្រិតវិទ្យាល័យ មានបទពិសោធន៍ជាង ២០ឆ្នាំ ក៏មានប្រសាសន៍ដែរថា បង្រៀនសិស្សតាមអនឡាញជាបទពិសោធន៍ថ្មី ហើយលំបាកសម្រាប់លោក។
លោក ខៀវ សេរីយ៉ា មានប្រសាសន៍បន្តថា
“មិនដឹងម៉េច ! ធ្វើមេរៀនថតវីដេអូឱ្យកូនសិស្ស វីដេអូទីមួយមើលទៅដូចឆ្គងៗ មានកំហុសបច្ចេកខ្លះតែបន្ទាប់មកអាចកែប្រែបានច្រើនគួរសមដែរ។ ខ្ញុំអាចរៀនពីរបៀបប្រើប្រាស់ Zoom និង Telegram បានល្អនិងស្រួលជាងមុន”
ទោះបីវិធីសាស្ត្ររៀននិងបង្រៀនតាមបច្ចេកទេសអនឡាញងាយស្រួលនិងមានសុវត្ថិភាពក៏ពិតមែន ប៉ុន្តែលោក លោក ខៀវ សេរីយ៉ា យល់ថា ការបង្រៀនតាមប្រព័ន្ធអនឡាញហាក់មិនសូវមានប្រសិទ្ធភាពដល់សិស្សប៉ុន្មាននោះទេ ដោយសារលទ្ធភាពនិងការចូលរួមពីសិស្សានុសិស្សនៅមានកម្រិត។ ក្នុងស្ថានភាពកូវីដ-១៩ មានតែមធ្យោបាយបង្រៀនតាមអនឡាញទេ ជាជម្រើសល្អបំផុតជួយសិស្សឱ្យបន្តការសិក្សារបស់គេ។
ផ្ទុយពីមើលឃើញថា ការបង្រៀនសិស្សតាមប្រព័ន្ធអនឡាញជាឧបសគ្គលំបាកសម្រាប់គ្រូ លោកស្រី ងួន មុយគាង គ្រូបង្រៀននៅសាលារៀនជំនាន់ថ្មី នៃវិទ្យាល័យសម្តេចមហាធម្មពោធិសាល ជា ស៊ីម ព្រែកអញ្ចាញ ខេត្តកណ្តាល ក៏យល់ឃើញដែរថា ការប្រើប្រាស់បច្ចេកវិទ្យាបង្រៀនសិស្សតាមកម្មវិធីអនឡាញមិនពិបាកសម្រាប់គ្រូនៅសាលាជំនាន់ថ្មីឡើយ ផ្ទុយទៅវិញការចូលរួមរបស់សិស្សានុសិស្សនៅមានកម្រិតជាបញ្ហាធំសម្រាប់ដំណើរការរៀននិងបង្រៀននៅពេលនេះ។
លោកស្រី ងួន មុយគាង
“ប្រហែលសិស្សមួយចំនួនខ្វះលទ្ធភាពរៀនតាមអនឡាញ បញ្ហាអ៊ីធឺណេតរអាក់រអួល មជ្ឈដ្ឋានជុំវិញខ្លួនទាន់គាំទ្រ សិស្សខ្វះការលើកទឹកចិត្តពីម្តាយឪពុកតែម្តង… ក្មេងៗភាគច្រើនបណ្តោយពេលវេលាចោលច្រើន បើគ្រប់ផ្នែកពាក់ព័ន្ធយកចិត្តទុកដាក់ខ្លាំងជាងនេះបន្តិច នោះនឹងមិនមានបញ្ហាអ្វីនោះទេ”
គួរបញ្ជាក់ថា កាលពីថ្ងៃទី២០ ខែមីនា ឆ្នាំ២០២១ ក្រសួងអប់រំ យុវជន និងកីឡា បានសម្រេចផ្អាកដំណើរការគ្រឹះស្ថានសិក្សាសាធារណៈ និងឯកជនគ្រប់កម្រិតជាបណ្តោះអាសន្ននៅទូទាំងប្រទេស ដោយសារបង្ការកុំឱ្យមានការចម្លងកូវីដ-១៩ ចូលក្នុងសហគមន៍ទ្រង់ទ្រាយកាន់តែធំ ហើយនៅក្នុងដំណាក់ផ្អាកដំណើរការគ្រឹះស្ថានសិក្សាកន្លងទៅ ក្រសួងអប់រំតែងលើកទឹកចិត្តដល់គ្រឹះស្ថានសិក្សាទាំងអស់ត្រូវបន្តដំណើរការបង្រៀន និងរៀនតាមប្រព័ន្ធអេឡិចត្រូនិក៕
គួរបញ្ជាក់ថា កាលពីថ្ងៃទី២០ ខែមីនា ឆ្នាំ២០២១ ក្រសួងអប់រំ យុវជន និងកីឡា បានសម្រេចផ្អាកដំណើរការគ្រឹះស្ថានសិក្សាសាធារណៈ និងឯកជនគ្រប់កម្រិតជាបណ្តោះអាសន្ននៅទូទាំងប្រទេស ដោយសារបង្ការកុំឱ្យមានការចម្លងកូវីដ-១៩ ចូលក្នុងសហគមន៍ទ្រង់ទ្រាយកាន់តែធំ ហើយនៅក្នុងដំណាក់ផ្អាកដំណើរការគ្រឹះស្ថានសិក្សាកន្លងទៅ ក្រសួងអប់រំតែងលើកទឹកចិត្តដល់គ្រឹះស្ថានសិក្សាទាំងអស់ត្រូវបន្តដំណើរការបង្រៀន និងរៀនតាមប្រព័ន្ធអេឡិចត្រូនិក៕
ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។
របាយការណ៍សំខាន់
ព័ត៌មានទូទៅ
ការរចនាអាគារបែប «biophilic» អាចពង្រឹងគុណភាពជីវិតសម្រាប់អ្នកមានបញ្ហាប្រព័ន្ធប្រសាទ (neurodivergent)
សាលាអន្តរជាតិដ៏មានកិត្យានុភាពចំនួនប្រាំបីក្នុងប្រទេសកម្ពុជា ទទួលបានអាជ្ញាបណ្ណពីអាជ្ញាធរគ្រប់គ្រងស្តង់ដា និងកម្មវិធីសិក្សារបស់នាយកដ្ឋានអប់រំរដ្ឋអូស្រ្តាលីខាងលិច ក្នុងការប្រើប្រាស់កម្មវិធីសិក្សាអប់រំចំណេះទូទៅស្តង់ដារដ្ឋអូស្ត្រាលីជាផ្លូវការនៅក្នុងប្រទេសកម្ពុជា
ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ ឆ្នាំនេះ ធ្វើឡើងក្រោមប្រធានបទ «រៀនឱ្យចប់ ឱ្យចេះ ឱ្យមានការងារ»
ចូលរួមធ្វើឱ្យបរិស្ថានល្អ ជួយជំរុញសុខភាពផ្លូវចិត្តកាន់តែប្រសើរ
វិទ្យាស្ថានពហុបច្ចេកទេសភូមិភាគតេជោសែនឦសាន ជ្រើសរើសយុវជនចូលរៀនជំនាញ TVET
វិទ្យាស្ថានពហុបច្ចេកទេសភូមិភាគតេជោសែនសៀមរាប ផ្តល់អាហារូបករណ៍ដល់យុវជន២៤០នាក់
Code for Girls បន្តផ្ដល់ចំណេះដឹងសរសេរកូដនៅសាលារៀនក្នុងខេត្តស្ទឹងត្រែង ជួយសិស្សងាកមកចាប់អារម្មណ៍បច្ចេកវិទ្យា
វិទ្យាស្ថានជាតិអប់រំ ដាក់បញ្ចូលស្តង់ដាសាលាមធ្យមសិក្សាសាធារណៈគំរូទៅក្នុងកម្មវិធីបណ្តុះបណ្តាលគ្រូបង្រៀន
ទម្លាប់រស់នៅវិជ្ជមាន ជាចំណែកនាំឱ្យមានសុខភាពល្អ និងអាយុវែង
ឧកញ៉ា ប៉ិច បូឡែន ៖ ការចូលរួមរបស់ឪពុកម្តាយជាមួយសាលារៀន ជួយឱ្យកូនៗទទួលបានការអភិវឌ្ឍពេញលេញ
កម្មវិធីពិសេសរបស់ AMS EDUCATION
ព័ត៌មានសង្ខេប
