ភ្នំពេញ៖ តាមការគ្រោងទុករបស់ក្រសួងអប់រំ យុវជន និងកីឡា ទិវាជាតិអំណានលើកទី6 ចាប់ផ្តើមប្រព្រឹត្តទៅនៅថ្ងៃព្រហស្បត្តិ៍ ទី11 ខែមីនានេះ ក្រោមប្រធានបទ “អំណានក្នុងបរិបទកូវីដ-19”។ ទិវាអំណានឆ្នាំនេះធ្វើឡើងតាមប្រព័ន្ធអនឡាញ (កម្មវិធី Zoom)ក្នុងបរិបទចូលរួមទប់ស្កាត់ការរីករាលដាលនៃជំងឺកូវីដ-19 ស្របតាមសេចក្ដីណែនាំរបស់ក្រសួងសុខាភិបាល។ កម្មវិធីនីមួយៗក្នុងទិវាជាតិអំណាននឹងផ្សាយផ្ទាល់តាមគេហទំព័រ Facebook ផ្លូវការរបស់ក្រសួងរំ (MoEYS Cambodia)។
ឯកឧត្តម រស់ សុវាចា អ្នកនាំពាក្យក្រសួងអប់រំ យុវជន និងកីឡា មានប្រសាសន៍ថា ការរៀបចំទិវាជាតិអំណានក្នុងស្ថានភាពកូវីដ-19 ក្នុងន័យពង្រឹងគុណភាពអប់រំ បណ្ដុះទម្លាប់អាន លើកកម្ពស់ការតែងនិពន្ធ និងការសូត្រកំណាព្យជាដើម។ បន្ថែមពីនេះ ឯកឧត្តមបានបញ្ជាក់ថា ទិវាជាតិអំណានផ្ដល់ឱកាសដល់យុវជនបញ្ចេញទេពកោសល្យ ឬស្នាដៃរបស់ខ្លួនដើម្បីបង្ហាញពីសមត្ថភាពសិក្សាស្រាវជ្រាវ ក៏ដូចជាចូលរួមអបអរសាទរទិវាជាតិអំណានកុំឱ្យបាត់បង់ទោះបីស្ថិតក្នុងការរីករាលនៃជម្ងឺកូវីដ-19 ក៏ដោយ។
ទិវាជាតិអំណាននឹងលើកយកប្រធានបទចំនួនបីមកពិភាក្សា រួមមាន អំណាននិងយុវជន, អំណាននិងជីវិត, អំណាននិងកុមារ ដែលវាគ្មិនត្រូវបានជ្រើសរើសពីក្រុមអ្នកនិពន្ធ អ្នកចូលចិត្តអាន អ្នកជោគជ័យលើការអាន អ្នកជំនាញអប់រំកុមារ និងមាតាបិតាសិស្ស។ ក្នុងនោះក៏មានបាឋកថាស្រាវជ្រាវស្តីពី “អក្សរសិល្ប៍ និងភាសាខ្មែរសម័យកណ្តាល តាមរយៈសិលាចារឹកនគរវត្ត” ការបកស្រាយប្រធានបទ “តម្លៃអក្សរសិល្ប៍នៃរឿងរាមកេរ្តិ៍ក្នុងសង្គមខ្មែរ” បទបង្ហាញស្តីពី “ស្ថានភាពបណ្ណាល័យនៅសាលាបឋមសិក្សាក្នុងប្រទេសកម្ពុជា” ព្រមទាំងមានកម្មវិធីសំណួរ-ចម្លើយផងដែរ។
សូមបញ្ជាក់ថា ក្រសួងអប់រំ យុវជន និងកីឡា ប្រារព្ធទិវាជាតិអំណាន ក្នុងបំណងរួមចំណែកការពារ និងពង្រឹងវប្បធម៌ អរិយធម៌ខ្មែរ និងលើកកម្ពស់ការសិក្សាពេញមួយជីវិតសម្រាប់សិស្ស និស្សិត មន្រ្តីរាជការ ប្រជាជនគ្រប់រូបក្នុងប្រទេសកម្ពុជា និងរក្សាគុណតម្លៃកេរ្ដិ៍ដំណែលរបស់មនុស្សជាតិ៕
កញ្ញា វ៉ាន គីមសល់ ជាអ្នករាយការណ៍ព័ត៌មានអប់រំឱ្យបណ្ដាញសារព័ត៌មាន AMS Education ។
ពានរង្វាន់, ព្រឹត្តិការណ៍, យុវជនឆ្នើម
យុវជន៣រូបបានក្លាយទៅជាជើងឯងអំណាន ក្រោយពីចូលរួមប្រកួតប្រជែងអានជាមួយយុវជនជិត១រយនាក់ នៅក្នុងកម្មវិធីប្រកួតប្រជែងអាន ដែលរៀបចំឡើងដោយយុទ្ធនាការសៀវភៅមួយសហគមន៍មួយ…
ព័ត៌មានជាតិ, ព្រឹត្តិការណ៍
កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យទូទាំងប្រទេសចំនួន ១,៥លាននាក់ ត្រូវប្រកាសដាក់ឱ្យអនុវត្តជាផ្លូវការកាលពី…
ព័ត៌មានអន្តរជាតិ, ព្រឹត្តិការណ៍
វេទិកាសេដ្ឋកិច្ចពិភពលោក បានបង្ហាញនូវ គោលគំនិតមូលដ្ឋានចំនួន ៥ ដែលអ្នកបង្កើតគោលនយោបាយ និងអ្នកដឹកនាំក្នុងវិស័យអប់រំ អាចរៀបចំកម្លាំងពលកម្មសម្រាប់អនាគត ព្រមទាំងអាចទាញយកប្រយោជន៍ពីបញ្ញាសិប្បនិម្មិត…
ព័ត៌មានអន្តរជាតិ, ព្រឹត្តិការណ៍
មិនថាមនុស្សវ័យចំណាស់ ចូលរៀននៅមហាវិទ្យាល័យ ដើម្បីតែទទួលបានសញ្ញាបត្រ ឬគ្រាន់តែដើម្បីអភិវឌ្ឍខ្លួននោះទេ វត្តមានរបស់គាត់នៅក្នុងបរិវេណសាលាផ្ដល់នូវអត្ថប្រយោជន៍ជាច្រើន ដល់សហគមន៍ទាំងមូល។
ចំណេះជីវិត, ព្រឹត្តិការណ៍
ក្នុងបរិបទបច្ចុប្បន្ននេះ មានកត្តាច្រើនយ៉ាងដែលអាចឆកទាញយកថាមពលពីក្នុងរាងកាយបានយ៉ាងលឿន តាមរយៈការចុចស្រ្គីនទូរស័ព្ទចុះឡើងៗ …..
ជំនាញ, ព្រឹត្តិការណ៍
សមត្ថភាពសម្របខ្លួនទៅនឹងបរិយាកាសការងារ ដែលប្រែលប្រួលរហ័ស និងមានទំនាក់ទំនងល្អជាមួយមិត្តរួមការងារ គឺជាចំណុចទាក់ទាញ ដែលក្រុមហ៊ុនចង់បានពីបុគ្គលិក។
ព័ត៌មានជាតិ, ព្រឹត្តិការណ៍
អំឡុងពេល៤ថ្ងៃ នៃពិធីបុណ្យចូលឆ្នាំថ្មីប្រពៃណីខ្មែរ ពោលគឺពីថ្ងៃទី១៣ ដល់ថ្ងៃទី១៦ ខែមេសា ឆ្នាំ២០២៤ មានករណីគ្រោះថ្នាក់ចរាចរណ៍កើតឡើងសរុប៦០ករណី ដោយបណ្តាលឱ្យមនុស្សស្លាប់សរុបចំនួន ៣៩នាក់…
ទេពកោសល្យ, ព្រឹត្តិការណ៍
យុវជនមួយក្រុមដែលមកពីសាកលវិទ្យាល័យផ្សេងគ្នា បានរួមគ្នាបង្កើតគម្រោងប្រព័ន្ធចម្រោះទឹកភ្លៀង ដែលគេឱ្យឈ្មោះថា Rain Filtration System ក្នុងការបំប្លែងទឹកភ្លៀងទៅជាទឹកស្អាតដែលមានសុវត្ថិភាពសម្រាប់…
ព័ត៌មានជាតិ, ព្រឹត្តិការណ៍
ការប្រឡងប្រជែងជ្រើសរើសគ្រូបង្រៀនអនុវិទ្យាល័យ គ្រោងនឹងប្រព្រឹត្តទៅនៅដើមខែក្រោយនេះ ដោយមានបេក្ខជនដាក់ពាក្យប្រឡងសរុបចំនួន ៣៣ ៣១៤នាក់ ខណៈដែលការជ្រើសរើសមានចំនួន ៤៤១កន្លែង។
ចំណេះជីវិត, ព្រឹត្តិការណ៍
ការពង្រឹងសមត្ថភាពផ្ទាល់ខ្លួន ឬអាជីពវិជ្ជាជីវៈ ការវិនិយោគចំពោះខ្លួនឯងជារឿងទីមួយ ដែលត្រូវធ្វើ។ ក្នុងស្ថានភាពខ្លះមនុស្សបានគិតថា ការរកលុយបន្ថែមឱ្យបានច្រើន ឬទិញឡានថ្មី …..