ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ មនុស្សម្នាក់ៗមានរបៀបគិតផ្សេងៗគ្នា ហើយលទ្ធផលនៃការគិតក៏ខុសគ្នាដែរ អាស្រ័យលើស្ថានភាព ចំណេះដឹង និងបទពិសោធដែលធ្លាប់ឆ្លងកាត់ក្នុងជីវិត។ ទាក់ទងនឹងដំណើរនៃការគិតនេះ សុភាសិតខ្មែរមួយឃ្លាក៏បានពោលដែរថា “គិតមុននឹងគូ” មានន័យថាគិតឱ្យបានល្អិតល្អន់មុននឹងសម្រេចធ្វើសកម្មភាព។ ជុំវិញវិធីប្រើប្រាស់សិល្បៈគំនិតនេះ អ្នកស្រី គីម ស៊ីដដាវីស មានប្រសាសន៍តាមរយៈបណ្ដាយសង្គម DAILY PLUS Learning ថា “អនាគតរបស់អ្នកបែបណា អាស្រ័យទៅលើការគិតរបស់អ្នកបែបនោះ”។
អ្នកស្រី គីម ស៊ីដដាវីស ជាគ្រូបង្រៀនមុខវិជ្ជាជំនាញនៃការគ្រប់គ្រង នៅសាកលវិទ្យាល័យភូមិន្ទភ្នំពេញ បានលើកឡើងថា ៖
“នៅពេលដែលអ្នកមានរបៀបគិតបែបណា នោះអ្នកនឹងបញ្ចេញនូវឥតរិយាបថបែបហ្នឹង ! ហើយនៅពេលអ្នកបញ្ចេញឥរិយាបថបែបហ្នឹង អ្នកនឹងទទួលបានលទ្ធផលអីចឹងដូចគ្នា។ មនុស្សគ្រប់គ្នាគួរតែត្រូវដឹងថាខ្លួនឯងមានពិធីគិតរបៀបណា ព្រោះពាក់ព័ន្ធជាមួយវិធីគិតគេបែងចែកជាពីរប្រភេទ ផ្នត់គំនិតបែបថេរ (Fixed Mindset) និងផ្នត់គំនិតបែបរីកចម្រើន (Growth Mindset)”
អ្នកស្រី គីម ស៊ីដដាវីស
អ្នកស្រីបានបន្តពន្យល់ថា មនុស្សដែលមានផ្នត់គំនិតថេរ ឬ Fixed Mindset ជាបុគ្គលដែលជឿថាអ្នកណាក៏ដោយដែលអាចធ្វើអ្វីបានលុះត្រាតែអ្នកនោះ មានជំនាញពីកំណើត បើគ្មានជំនាញពីកំណើតនោះទេពួកគេមិនអាចធ្វើរឿងអ្វីមួយបានឡើយ។ មួយវិញទៀតមនុស្សបែបនេះតែងតែគិតថារឿងអ្វីដែលថ្មីៗជារឿងមួយដែលមិនគួរសាកល្បងនោះទេ បើសាកល្បងទៅវាអាចមិនល្អ ឬអាចនឹងបរាជ័យ។
ដោយឡែក ផ្នត់គំនិតរីកចម្រើនវិញ ឬ Growth Mindset អ្នកស្រី ស៊ីដាវីស បានពន្យល់ថា “ពួកគាត់ជាបុគ្គដែលចូលចិត្តសាកល្បងអ្វីថ្មី ធ្វើរឿងដែលមិនធ្លាប់ធ្វើ ហ៊ានប្រឈមជាមួយបញ្ហា ហ៊ានជំនៈឧបសគ្គ និងហ៊ានដោះស្រាយនៅចំពោះមុខ”។ អ្នកស្រីបានបញ្ជាកថា មនុស្សទាំងពីរប្រភេទនេះមិនមានលក្ខណៈដូចគ្នានោះទេ សូម្បីតែឥរិយាបថដែលពួកគេបង្ហាញមកខុសគ្នា និងលទ្ធផលដែលពួកគេទទួលបានក៏ខុសគ្នាផងដែរ។
ឆ្លើយនឹងសំណួរថា តើធ្វើបែបណាទើបអាចកែប្រែផ្នត់គំនិតខ្លួនឯងឱ្យទទួលបានលទ្ធផលល្អ? អ្នកស្រីបានបញ្ជាក់ចំណុចនេះថា៖
“មុននឹងចង់កែប្រែផ្នត់គំនិតរបស់ខ្លួនឯង ពួកគេត្រូវដឹងថាខ្លួនស្ថិតនៅក្នុងផ្នត់គំនិតបែបណា។ បើពួកគេស្ថិតនៅក្នុងផ្នត់គំនិតបែបផ្នត់គំនិតថេរ (Fixed Mindset) ពួកគេត្រូវកែប្រែទាំងស្រុងតែម្ដង ប៉ុន្តែបើស្ថិតនៅក្នុងផ្នត់គំនិតរីកចម្រើន (Growth Mindset) អាចមិនចាំបាច់ផ្លាស់ប្ដូរនោះទេ គ្រាន់តែបន្តធ្វើវាឱ្យបានល្អប្រសើរជាងមុនគឺគ្រប់គ្រាន់ហើយ”
អ្នកស្រី គីម ស៊ីដដាវីស
អ្នកស្រី គីម ស៊ីដដាវីស បញ្ជាក់បន្ថែមថា យុវជនត្រូវស្វែងរកបុគ្គលជានិមិត្តរូបផ្ទាល់ខ្លួន (Idol) រួចផ្តលើសិក្សាអំពីរបៀបគិតរបស់បុគ្គលនោះ ឥរិយាបថ និងលទ្ធផល។ លើសពីនេះ យុវជនគួរកំណត់គោលដៅខ្លួនេងឱ្យបានច្បាស់លាស់ ដឹងថាខ្លួនឯងចង់បានអ្វី ចង់ឱ្យជីវិតរបស់ខ្លួនឯងក្លាយទៅជាបន្ទាប់ ហើយចង់ឱ្យខ្លួនឯងក្លាយជាអ្នកណានៅក្នុងរយៈពេលពីរឆ្នាំ ប្រាំឆ្នាំ និងដប់ឆ្នាំខាងមុខ។
“ត្រូវកំណត់គោលដៅខ្លួនឯងឱ្យបានច្បាស់ ទើបអាចទទួលបានលទ្ធផលសម្រេច។ ម៉្យាងវិញទៀត ពួកគេគួរតែផ្លាស់ប្ដូរសកម្មភាពធ្វើជាប្រចាំថ្ងៃ ដោយយើងអាចប្ដូរម្ដងបន្តិចៗ មិនយូរនោះទេវានឹងអាចផ្លាស់ប្ដូរមកជាល្អតែម្ដង”
អ្នកស្រី គីម ស៊ីដដាវីស
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍សំខាន់
ព័ត៌មានទូទៅ
ការរចនាអាគារបែប «biophilic» អាចពង្រឹងគុណភាពជីវិតសម្រាប់អ្នកមានបញ្ហាប្រព័ន្ធប្រសាទ (neurodivergent)
សាលាអន្តរជាតិដ៏មានកិត្យានុភាពចំនួនប្រាំបីក្នុងប្រទេសកម្ពុជា ទទួលបានអាជ្ញាបណ្ណពីអាជ្ញាធរគ្រប់គ្រងស្តង់ដា និងកម្មវិធីសិក្សារបស់នាយកដ្ឋានអប់រំរដ្ឋអូស្រ្តាលីខាងលិច ក្នុងការប្រើប្រាស់កម្មវិធីសិក្សាអប់រំចំណេះទូទៅស្តង់ដារដ្ឋអូស្ត្រាលីជាផ្លូវការនៅក្នុងប្រទេសកម្ពុជា
ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ ឆ្នាំនេះ ធ្វើឡើងក្រោមប្រធានបទ «រៀនឱ្យចប់ ឱ្យចេះ ឱ្យមានការងារ»
ចូលរួមធ្វើឱ្យបរិស្ថានល្អ ជួយជំរុញសុខភាពផ្លូវចិត្តកាន់តែប្រសើរ
វិទ្យាស្ថានពហុបច្ចេកទេសភូមិភាគតេជោសែនឦសាន ជ្រើសរើសយុវជនចូលរៀនជំនាញ TVET
វិទ្យាស្ថានពហុបច្ចេកទេសភូមិភាគតេជោសែនសៀមរាប ផ្តល់អាហារូបករណ៍ដល់យុវជន២៤០នាក់
Code for Girls បន្តផ្ដល់ចំណេះដឹងសរសេរកូដនៅសាលារៀនក្នុងខេត្តស្ទឹងត្រែង ជួយសិស្សងាកមកចាប់អារម្មណ៍បច្ចេកវិទ្យា
វិទ្យាស្ថានជាតិអប់រំ ដាក់បញ្ចូលស្តង់ដាសាលាមធ្យមសិក្សាសាធារណៈគំរូទៅក្នុងកម្មវិធីបណ្តុះបណ្តាលគ្រូបង្រៀន
ទម្លាប់រស់នៅវិជ្ជមាន ជាចំណែកនាំឱ្យមានសុខភាពល្អ និងអាយុវែង
ឧកញ៉ា ប៉ិច បូឡែន ៖ ការចូលរួមរបស់ឪពុកម្តាយជាមួយសាលារៀន ជួយឱ្យកូនៗទទួលបានការអភិវឌ្ឍពេញលេញ
កម្មវិធីពិសេសរបស់ AMS EDUCATION
ព័ត៌មានសង្ខេប
