fbpx

និស្សិតកសិកម្មកម្ពុជា ២០០នាក់ត្រៀមទៅរៀនកសិកម្មនៅអុីស្រាអែល

ភ្នំពេញ – និស្សិតវិទ្យាស្ថានជាតិកសិកម្មព្រែកលៀបចំនួន២០០នាក់ នឹងចេញដំណើរទៅហាត់ការកសិកម្មរយ:ពេល ១១ខែ សម្រាប់ឆ្នាំសិក្សា២០២១-២០២២ នៅប្រទេសអ៊ីស្រាអែល ។ នេះបើតាមឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងពិធីសំណេះសំណាលជាមួយនិស្សិតផ្ទាល់ចំនួន ១០នាក់តំណាងឱ្យនិស្សិត ២០០នាក់ (តាមប្រព័ន្ធអនឡាញ Zoom) មកពី វិទ្យាស្ថានជាតិកសិកម្មព្រែកលៀប កាលពីថ្ងៃទី១៣ ខែតុលា ឆ្នាំ២០២១ កន្លងទៅ ។ ដោយវិទ្យាស្ថានជាតិកសិកម្មព្រែកលៀប សហការណ៍ជាមួយគ្រឹះស្ថាន ខេមា មីក្រូហិរញ្ញវត្ថុ​ លីមីតធីត ដើម្បីជួយសម្របសម្រួលជីវភាពនិស្សិតដែលបានជាប់ឈ្មោះទៅបន្តការសិក្សានៅប្រទេសអីស្រាអ៊ែលលើការចំណាយដំបូង ដូច្នេះគ្រឹះស្ថាន ខេមា មីក្រូហិរញ្ញវត្ថុ​ លីមីតធីត បានផ្ដល់ឥណទានខ្នាតតូចបំផុត ដែលមានទំហំកម្ចី ឥណទានរហូតដល់ ២,០០០ ដុល្លារ។

ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ មានប្រសាសន៍ថា តាមរយៈកិច្ចសហប្រតិបត្តិការរបស់វិទ្យាស្ថានជាតិកសិកម្មព្រែកលៀបជាមួយក្រុមហ៊ុន Agrostudie បានផ្តល់ឱកាសឱ្យនិស្សិតឆ្នាំទី៣ បានទៅចូលរួមធ្វើកម្មសិក្សានៅប្រទេសអ៊ីស្រាអែលដើម្បីដកស្រង់ ផ្លាស់ប្តូរបទពិសោធន៍ទាំងទ្រឹស្តី និងការអនុវត្តជាក់ស្តែងក្នុងថ្នាក់ ក្នុងមន្ទីរពិសោធន៍ និងនៅកសិដ្ឋានផ្ទាល់ ។

ឯកឧត្តម វេង សាខុន បានបញ្ជាក់បន្តថា និស្សិតហាត់ការទាំងអស់នឹងទទួលបានឱកាសល្អសម្រាប់អភិវឌ្ឍសមត្ថភាពខ្លួនតាមរយ:ការសិក្សាទ្រឹស្តី និងហាត់ការផ្ទាល់នៅក្នុងមន្ទីរពិសោ​ធ​ន៍​ រោងចក្រកែច្នៃ ចម្ការបន្លែ ផ្លែឈើ និងពូជដំណាំ ថ្នាលពិសោធន៍ និងកសិដ្ឋានទំនើបៗដែលពាក់ព័ន្ធនឹងវិស័យកសិកម្មតែម្តង ។

“និស្សិតត្រូវខិតខំរៀនសូត្រទាំងទ្រឹស្តី និងប្រតិបត្តិ ចែករំលែកបទពិសោធន៍ ប្រកាន់ខ្ជាប់នូវក្បួនច្បាប់ វិន័យ សីលធម៌ វប្បធម៌ ប្រពៃណី ទំនៀមទម្លាប់ អំណត់អត់ធន់ ដើម្បីអភិវឌ្ឍ និងកសាងខ្លួនឯងឱ្យក្លាយជានិស្សិតឆ្នើម និងជួយសង្គមជាតិក្រោយពីត្រឡប់មកមាតុភូមិវិញ”

ឯកឧត្តម វេង សាខុន

តាមរបាយការណ៍របស់ឯកឧត្តម ង៉ោ ប៉ុនថាន សាកលវិទ្យាធិការនៃ វិទ្យាស្ថានជាតិកសិកម្មព្រែកលៀប បានឱ្យដឹងថា កម្មវិធីហាត់ការនៅប្រទេសអ៊ីស្រាអែល វិទ្យាស្ថានជាតិកសិកម្មព្រែកលៀបបានធ្វើសហប្រតិបត្តិការជាមួយក្រុមហ៊ុន Agrostudies លើការបណ្តុះបណ្តាលធនធានមនុស្សផ្នែកកសិកម្មតាំងពីឆ្នាំ២០០៨ ក្នុងគោលបំណងលើកកម្ពស់ការអប់រំទាំងផ្នែកទ្រឹស្តី និងការអនុវត្តផ្ទាល់ដល់និស្សិតសម្រាប់រយៈពេល១១ខែ ហើយកិច្ចសហប្រតិបត្តិការនេះមានអាយុ ១៤ឆ្នាំ សរុបទាំង ១៤ជំនាន់ វិទ្យាស្ថានជាតិកសិកម្មព្រែកលៀបបានបញ្ជូននិស្សិតចំនួន ១៤៦៩នាក់ ។

តាមការបញ្ជាក់របស់ឯកឧត្តមសាកលវិទ្យាធិការ និស្សិតដែលនឹងទៅហាត់ការនៅប្រទេសអ៊ីស្រាអ៊ែលឆ្នាំនេះ រួមមាន វិទ្យាស្ថានជាតិកសិកម្មព្រែកលៀបមាននិស្សិតចំនួន ១៦៥នាក់ ស្រី ៦៦ វិទ្យាស្ថានជាតិកសិកម្មកំពង់ចាមមាននិស្សិតចំនួន ១៨នាក់ សាកលវិទ្យាល័យស្វាយរៀងមាននិស្សិតចំនួន ១១នាក់ ស្រី៤នាក់ និងសាកលវិទ្យាល័យហេង សំរិន ត្បូងឃ្មុំមាននិស្សិតចំនួន ៦នាក់ សរុបចំនួន ២០០នាក់ ។

សូមជម្រាបថា ការហាត់ការផ្ដោតលើមុខវិជ្ជា រួមមាន ស្តង់ដារកសិកម្មអន្តរជាតិ សេដ្ឋកិច្ចកសិកម្ម ការការពារដំណាំ គម្រោងស្រាវជ្រាវ អភិរក្សធនធានដី មូលដ្ឋានគ្រឹះនៃប្រព័ន្ធស្រោចស្រពបែបទំនើប បច្ចេកទេសក្រោយពេលប្រមូលផលបន្លែ និងផ្លែឈើ ការធ្វើកសិកម្មឈើហូបផ្លែ និង និរន្តរភាពកសិកម្ម ។ ចំណែកឯជំនាញដែលបានអនុវត្តនៅកសិដ្ឋានរួមមាន ការចិញ្ចឹមមាន់ សាកវប្បកម្ម ការប្រមូលផលនិងការវេចខ្ចប់ ដំណាំផ្កា ការបណ្តុះផ្សិត និងគ្រាប់ពូជ ៕


ចំណេះជីវិត, ព្រឹត្តិការណ៍

ក្រសួងអប់រំបង្ហាញឆន្ទៈមុតមាំក្នុងការលើកកម្ពស់សុខុមាលភាពសិស្សានុសិស្ស

ភ្នំពេញ៖ ក្រសួងអប់រំ យុវជន និងកីឡា យកចិត្តទុកដាក់កម្រិតខ្ពស់លើករណីសុខភាពផ្លូវចិត្តរបស់អ្នកសិក្សា បុគ្គលិកអប់រំ និងគ្រប់ភាគីពាក់ព័ន្ធទាំងអស់។ លើសពីនេះការអប់រំចំណេះ
ព័ត៌មានជាតិ និងអន្តរជាតិ, ព្រឹត្តិការណ៍

ស.ស.យ.ក រាជធានីភ្នំពេញ ជំរុញចលនាបរិស្ថានមេត្រីនៅតាមសាលារៀន

សហភាពសហព័ន្ធយុវជនកម្ពុជា រាជធានីភ្នំពេញ (ស.ស.យ.ក) ដោយ​មាន​ការ​គាំទ្រពីក្រសួងបរិស្ថាន បានជំរុញចលនាបំផុសសិស្សានុសិស្ស និងលោកគ្រូអ្នកគ្រូ នៅតាមគ្រឹះស្ថានសិក្សា…
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

ក្រសួងអប់រំណែនាំបទប្បញ្ញត្តិ៥ចំណុច សម្រាប់បេក្ខជនប្រឡងសញ្ញាបត្រមធ្យមសិក្សាទុតិយភូមិ

ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប នឹងប្រព្រឹត្តិទៅរយៈពេលពីរថ្ងៃ ចាប់ពីថ្ងៃទី២៧-២៨ ខែធ្នូ ឆ្នាំ២០២១ខាងមុខ ។ ទន្ទឹមគ្នានេះ នៅមុនថ្ងៃប្រឡងមួយថ្ងៃបេក្ខជន…
ព្រឹត្តិការណ៍, អប់រំកុមារតូច

កុមារ៤ប្រភេទ ចាំបាច់ត្រូវថែទាំ និងយកចិតទុកដាក់ជាពិសេស

កុមារគឺជា​វ័យ​មួយ​ដែល​តម្រូវ​ឱ្យ​មានការ​យកចិត្តទុកដាក់ពី​សំណាក់ឪពុកម្តាយ ឬ​អាណាព្យាបាល ហើយ​ក្នុងនោះ​មានកុមារ៤​ប្រភេទ គឺ​រឹតតែ​ចាំបាច់​ត្រូវ​យកចិត្ត​ទុកដាក់​មើលថែជាពិសេស​…
ចំណេះជីវិត, ព្រឹត្តិការណ៍

អ្នកជំនាញផ្លូវចិត្តចង់ឱ្យមានការប្រឹក្សាយោបល់ផ្លូវចិត្តនៅតាមសាលារៀន

សុខភាពផ្លូវចិត្តជាផ្នែកមួយដ៏សំខាន់សម្រាប់មនុស្សគ្រប់គ្នា ជាពិសេសនោះគឺសម្រាប់សិស្សានុសិស្ស ។ នៅវ័យជំទង់ស្ថិតក្នុងការសិក្សា សិស្សានុសិស្សមានបញ្ហាចាក់ស្រេសជាច្រើន…
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

និស្សិតកម្ពុជា១០០នាក់ ទទួលបានអាហារូបករណ៍ទេពកោសល្យឌីជីថលតេជោ

និស្សិតកម្ពុជាចំនួន១០០នាក់ ទទួលបានអាហារូបករណ៍ទេពកោសល្យឌីជីថលតេជោ និងអាហារូបករណ៍អាទិភាពនារី ជំនាន់ទី៧ សិក្សារយៈពេល៤ឆ្នាំ …
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

រដ្ឋមន្រ្តីក្រសួងអប់រំ ៖ យុវជនត្រូវមានជំនាញសតវត្សរ៍ទី២១ ដើម្បីជោគជ័យក្នុងអាជីព

ភ្នំពេញ- ជំនាញសតវត្សរ៍ទី២១ ជាជំនាញដែលមានសារៈសំខាន់ជួយពង្រឹង និងអភិវឌ្ឍសមត្ថភាពយុវជន ដើម្បីទទួលបានជោគជ័យក្នុងអាជីពការងារនាសម័យបច្ចេកវិទ្យាទំនើប
ព័ត៌មានអាហារូបករណ៍, ព្រឹត្តិការណ៍

រដ្ឋាភិបាលថៃផ្ដល់អាហារូបករណ៍ថ្នាក់អនុបណ្ឌិត និងថ្នាក់បណ្ឌិតជាច្រើនកន្លែង សម្រាប់ឆ្នាំសិក្សា២០២២

ភ្នំពេញ – សម្រាប់និស្សិតកម្ពុជាដែលចង់បន្តការសិក្សាលើជំនាញ វិទ្យាសាស្រ្ត វិស្វកម្ម ជីវវិទ្យា ព័ត៌មានវិទ្យា ព្រមទាំងជំនាញមួយចំនួនទៀត នៅប្រទេសថៃ ពេលនេះឱកាសល្អបានមកដល់ហើយ
ទេពកោសល្យ, ព្រឹត្តិការណ៍, យុវជនឆ្នើម

៥ចំណុចជួយសិស្សទី១២ប្រឡងគណិតវិទ្យាបាននិទ្ទេសល្អ

នៅសល់ពេលមិនដល់មួយខែទៀតឡើយ ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នឹងចូលមកដល់ក្នុងពេលឆាប់ៗខាងមុខនេះ ដែលសិស្សានុសិស្សជាបេក្ខជនប្រឡងទាំង
ព័ត៌មានអាហារូបករណ៍, ព្រឹត្តិការណ៍, យុវជនឆ្នើម

កញ្ញា សំភា នារីលក្ខណ៍ ៖ យុវជនគួរចាប់យកឱកាសដែលខ្លួនមាននិងស្រឡាញ់ ព្រោះឱកាសតែងផ្ដល់សម្រាប់អ្នកដែលព្យាយាម

ភ្នំពេញ- សិក្សាជំនាញវគ្គខ្លីបន្ថែមពីការសិក្សានៅមហាវិទ្យាល័យជាចំណុចសំខាន់មួយដែលសិស្ស-និស្សិត គួរស្វែងយល់ព្រោះវាជាកត្តា ឱកាសដែលជម្រុញ បន្ថែមការយល់ដឹង និងបទពិសោធន៍ ។

AMS EDUCATION
@amseducation