fbpx

ម្ចាស់ពានរង្វាន់លេខ១ អក្សរសិល្ប៍ពុទ្ធសាសនបណ្ឌិត្យ ៖ ចង់អភិវឌ្ឍខ្លួនឱ្យប្រសើរ ត្រូវហ៊ានប្រឈមនឹងបញ្ហាលំបាក

ភ្នំពេញ – ស្នាដៃប្រលោមលោកខ្លីចំណងជើង «មិននឹកស្មានសោះ» របស់កញ្ញា ទ្រី ស្រីលក្ខ និស្សិតសិក្សាថ្នាក់បរិញ្ញាបត្រអក្សរសាស្រ្តខ្មែរឆ្នាំទី៤ បានទទួល​ជ័​យ​​លាភីលេខ១ និងក្លាយជាម្ចាស់ពានរង្វាន់អក្សរសិល្ប៍ពុទ្ធសាសនបណ្ឌិត្យ លើកទី៤ ឆ្នាំ២០២១ ។ ស្នាដៃជ័យលាភីឆ្នើមនេះបានបង្ហាញតម្លៃអប់រំដល់មនុស្សនៅ​ក្នុងសង្គមសព្វថ្ងៃ កុំឱ្យធ្វេសប្រហែសចំពោះសុខភាព ជាពិសេសប្រុងប្រយ័ត្នជានិច្ចអំឡុងពេលនៃការរាតត្បាតជំងឺផ្លូវដង្ហើមកូវីដ-១៩ ។

ម្ចាស់ជ័យលាភីពានរង្វាន់អក្សរសិល្ប៍វ័យ ២១ឆ្នាំរូបនេះ បានបង្ហាញបទពិសោធន៍ផ្ទាល់ខ្លួនថា ទម្រាំបញ្ចប់សំណេររឿងខ្លីដើម្បីចូលរួមប្រកួតប្រជែង កញ្ញាត្រូវជម្នះរឿងរ៉ាវលំបាកក្នុងសំណេរជាច្រើន ពិសេសគំនិតស្មុកស្មាញនៅក្នុងដំណាក់កាលតែងនិពន្ធ ។ តាមរយៈបទពិសោធន៍នេះ កញ្ញាយល់ថា បំណាច់ចង់អភិវឌ្ឍខ្លួនឱ្យប្រសើរលើកិច្ចការសំណេរ និងសម្រេចបំណងប្រាថ្នាផ្ទាល់ក្នុងនាមជាអ្នកនិពន្ធ ត្រូវហ៊ានប្រឈមមុខនឹងការលំបាកជាច្រើន ។

កញ្ញា ទ្រី ស្រីលក្ខ បានឱ្យដឹងថា គិតចាប់ពីពេលចាប់ផ្ដើមសរសេររឿងរហូតដល់បញ្ចប់រឿងកញ្ញាចំណាយរយៈពេលប្រហែលពីរខែជាង ហើយនៅពេលខ្លះ​ការតែងនិពន្ធជួបគំនិតស្មុគស្មាញ សរសេរមិនចេញក៏សម្រេចចិត្តទុកចោល ប៉ុន្តែនៅពេលមានអារម្មណ៍ល្អឡើងវិញ ទើបកញ្ញាចាប់ផ្ដើមតែងរឿងបន្ត ។

“ខ្ញុំមិនធ្លាប់គិតថាស្នាដៃខ្ញុំទទួលបានជ័យលាភីលេខ១ អីទេ ប៉ុន្តែជឿជាក់ថាស្នាដៃរឿងខ្លីនេះនឹងទាក់ទាញទឹកចិត្តនិងគំនិតគណៈកម្មការ ព្រោះរឿងនេះខ្ញុំព្យា​យាម​សរសេរប្រលោមចិត្តអ្នកអាន បង្កប់គំនិតអប់រំដើម្បីឱ្យអ្នកអានរំភើប និងទទួលបានប្រយោជន៍សម្រាប់ជីវិតលើសពីការកម្សាន្ត”

កញ្ញា ទ្រី ស្រីលក្ខ

និស្សិតអក្សរសាស្ត្រខ្មែរ នៃសាកលវិទ្យាល័យភូមិន្ទភ្នំពេញរូបនេះ បានបន្តថា កញ្ញាមិនខ្វាយខ្វល់ច្រើនពីចំណាត់ថ្នាក់ប្រកួតប្រជែងឡើយ ប៉ុន្តែកសាងភាពក្លាហាន និងបង្កើនទំនុកចិត្តលើខ្លួនឯងជាអ្វីដែលត្រូវធ្វើឱ្យបានល្អបំផុត ។ យុវជនត្រូវក្លាហានធ្វើអ្វីដែលជាបំណងប្រាថ្នា និងហ៊ានទទួលស្គាល់ការពិតទោះជាទទួលបានលទ្ធផលបែបណាក៏ដោយ ព្រោះលទ្ធផលដែលទទួលបាននឹងបង្វឹកមនុស្សឱ្យកាន់តែខ្លាំងឡើង ហើយត្រូវចាកចេញពីភាពងាយស្រួល ហ៊ានប្រឈមនឹងបញ្ហាលំបាក ។ នេះជាការបញ្ជាក់បន្ថែមរបស់កញ្ញា ទ្រី ស្រីលក្ខ ។

ងាកមកនិយាយពីបទពិសោធន៍ការងារតែងនិពន្ធវិញ បច្ចុប្បន្ន ទ្រី ស្រីលក្ខ ជាអ្នកសរសេរអត្ថបទ និងជាអ្នកនិពន្ធឯករាជ្យម្នាក់ ។ កញ្ញាបន្ថែមថា ប្រសិនយុវជ​ន​ស្រឡាញ់ការងារតែងនិពន្ធ ត្រូវព្យាយាមសិក្សាស្រាវជ្រាវរកឱ្យឃើញចំណុចខ្លាំងរបស់ខ្លួនឯង ចាប់ផ្ដើមសរសេរសាច់រឿងមួយដែលខ្លួនពេញចិត្ត កែសម្រួលខ្លួនឯងជាបន្តបន្ទាប់ ព្រមទាំងស្វែងរកអ្នកនិពន្ធរៀមច្បងឱ្យជួយពិនិត្យស្នាដៃ និងយកស្នាដៃឱ្យមិត្តភក្ដិដែលចូលចិត្តអានជួយផ្ដល់មតិយោបល់ ។

នេះជាសម្រង់ខ្លឹមសារលើកទឹកចិត្តផ្ទាល់ខ្លួនរបស់កញ្ញា ទ្រី ស្រីលក្ខ ៖ “ភាពរីកចម្រើនប្រៀបដូចជាការធ្វើដំណើរលើផ្លូវមួយ បើយើងដើរទៅមុខ យើងនិងផ្លាស់ទីចេញពីកន្លែងដើម” ។

កញ្ញា ទ្រី ស្រីលក្ខ ធ្លាប់ជានិស្សិតផ្លាស់ប្ដូរបទពិសោធន៍សិក្សាទៅប្រទេសជប៉ុនឆ្នាំ២០១៨-២០១៩ តាមរយៈកម្មវិធីផ្លាស់ប្ដូរបទពិសោធន៍សិក្សារបស់សាកលវិទ្យាល័យតូខ្យូ និងសាកលវិទ្យាល័យភូមិន្ទភ្នំពេញ ។ លើសពីនេះកញ្ញាក៏ជាម្ចាស់ស្នាដៃប្រលោមលោក ចំណងជើង “និស្សិតស្រី” ផងដែរ ។

គួររំលឹកថា កម្មវិធីប្រកួតពានរង្វាន់អក្សរសិល្ប៍ពុទ្ធសាសនបណ្ឌិត្យលើកទី៤ ប្រចាំឆ្នាំ២០២១ កញ្ញា ទ្រី ស្រីលក្ខ បានទទួលជ័យលាភីលេខ១ ផ្នែកប្រលោ​ម​លោ​ក​ខ្លីសា្នដៃ «មិននឹកស្មានសោះ» លោក កែវ សេងរដ្ឋា ទទួលជ័យលាភីលេខ២ ផ្នែករឿងប្រលោមលោកខ្លី និងជ័យលាភីលេខ១ ផ្នែកតែងកំណាព្យរឿង និងជ័យលាភីលេខ៣ បានទៅអ្នកស្រី អ៊ុច ថាវី ជាមួយស្នាដៃរឿង «វង្វេង» ៕


ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

វិធី៥យ៉ាង ជួយសិស្សានុសិស្សទទួលលទ្ធផលល្អក្នុងការសិក្សា

សិស្សនិស្សិតគ្រប់រូបតែងតែរំពឹងចង់ឱ្យការសិក្សារបស់ខ្លួនល្អប្រសើរ ដោយឆាប់យល់ ឆាប់ចាំ, ដូច្នេះ តើមានវិធីបែបណា ទើបរៀនឆាប់យល់ ឆាប់ចាំ ?
ព្រឹត្តិការណ៍, យុវជនឆ្នើម

កញ្ញា លឹម លីឆាយ ៖ ជម្នះឧបសគ្គជីវិតស្រ្ដីនិងក្មេងស្រីត្រូវពង្រឹងទំនុកចិត្តលើខ្លួនឯង

ភ្នំពេញ – ផ្តើមពីយុវតីមានភាពក្លាហាននិងមានគោលជំហររឹងមាំនៅក្នុងដំណើរជីវិត កញ្ញា លឺម លីឆាយ បានជួយលើកទឹកស្រ្តី និងក្មេងស្រីជាច្រើនឱ្យជឿជាក់លើសមត្ថភាពរបស់ខ្លួន ។
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

និស្សិតកសិកម្មកម្ពុជា ២០០នាក់ត្រៀមទៅរៀនកសិកម្មនៅអុីស្រាអែល

ភ្នំពេញ – និស្សិតសាកលវិទ្យាល័យភូមិន្ទកសិកម្មចំនួន ២០០នាក់ នឹងចេញដំណើរទៅហាត់ការរយ:ពេល ១១ខែ នៅប្រទេសអ៊ីស្រាអែល សម្រាប់ឆ្នាំសិក្សា ២០២១-២០២២
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

តើពលករកម្ពុជាគួរត្រៀមខ្លួនយ៉ាងដូចម្តេច មុនសម្រេចចិត្តចេញទៅធ្វើការងារនៅក្រៅប្រទេស?

ភ្នំពេញ – របាយការណ៍របស់ក្រសួងការងារ បានបង្ហាញថា បច្ចុប្បន្នមានពលករកម្ពុជាប្រមាណជាង ១លាននាក់កំពុងបម្រើការងារនៅក្រៅប្រទេស ក្នុងនោះ ជាង ៩០ភាគរយកំពុងធ្វើការនៅ
ព្រឹត្តិការណ៍, យុវជនឆ្នើម, អាហារូបករណ៍

លោក ថុន ថានុន ចែករំលែកបទពិសោធន៍ហាត់ការងារនៅប្រទេសអុីស្រាអែលរយៈពេលមួយឆ្នាំ

ភ្នំពេញ-ការសិក្សាបណ្ដើរ ធ្វើការបណ្ដើរជាឱកាសទទួលបានការហ្វឹកហាត់ និងពង្រឹងសម្ថភាពខ្លួនឯងឱ្យទទួលបានបទពិសោធន៍ក្នុងជំនាញសិក្សានិងការងារក្នុងពេលតែមួយ ។
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

វិទ្យាស្ថានពហុបច្ចេកទេសខេត្តកំពង់ចាម ជ្រើសរើសសិស្សចូលរៀនវគ្គបណ្ដុះបណ្ដាលបច្ចេកទេសឥតបង់ថ្លៃសិក្សា

វិទ្យាស្ថានពហុបច្ចេកទេសខេត្តកំពង់ចាម នឹងរៀបចំបើកវគ្គបណ្តុះបណ្តាលបច្ចេកទេស និងវិជ្ជាជីវៈ រយៈពេល៤ខែ ដោយឥតបង់ថ្លៃ សម្រាប់សិក្ខាកាមចំនួន ៤៥នាក់។
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

រាជរដ្ឋាភិបាលអំពាវនាវដល់ភាគីពាក់ព័ន្ធចូលរួមការកាត់បន្ថយហានិភ័យគ្រោះមហន្តរាយ

ក្នុងឱកាសទិវាជាតិគ្រប់គ្រងគ្រោះមហន្តរាយ ក្រោមប្រធានបទ “បង្កើនការត្រៀមបង្ការហានិភ័យគ្រោះមហន្តរាយ ដើម្បីភូមិ ឃុំមានសុវត្ថិភាព និងភាពធន់” ប្រមុខរាជរដ្ឋាភិបាលកម្ពុជា
ព្រឹត្តិការណ៍, អប់រំកុមារតូច

អ្នកជំនាញ ៖ មូលដ្ឋាននៃការអប់រំកុមារចាប់ផ្តើមពីឪពុកម្តាយ

ភ្នំពេញ – ម្ដាយឪពុក និងសាលារៀនសុទ្ធសឹងជាតួអង្គសំខាន់មិនអាចខ្វះបានក្នុងការអប់រំកុមារ ដោយក្នុងនោះ ឪពុកម្ដាយផ្តល់ការអប់រំខាងកិរិយា ចំណែកឯសាលាជាអ្នកផ្ដល់ចំណេះវិជ្ជា
ព័ត៌មានអាហារូបករណ៍, ព្រឹត្តិការណ៍

អាហារូបករណ៍ Eiffel Excellence 2022 ផ្ដល់ឱកាសសិក្សាថ្នាក់អនុបណ្ឌិត និងបណ្ឌិតនៅប្រទេសបារាំង

អាហារូបរកណ៍- Eiffel Excellence Scholarship ២០២២ ផ្ដល់អាហារូបករណ៍សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសម្រាប់និស្សិតអរន្តជាតិជាច្រើនកន្លែង។
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

សហគមន៍អ្នកគណិតវិទ្យាកម្ពុជារៀបចំកម្មវិធីប្រឡងគណិតវិទ្យាអូឡាំព្យាដអាមេរិកកាំង ឆ្នាំ២០២១

ភ្នំពេញ- សហគមន៍អ្នកគណិតវិទ្យាកម្ពុជា រៀបចំការប្រឡងគ្រប់កម្រិតថ្នាក់ American Mathematics Olympiad (AMO) ចាប់ពីថ្នាក់ទី២ ដល់ថ្នាក់ទី១២ តាមរយៈប្រព័ន្ធអ៊ីនធឺណិត។

AMS EDUCATION
@amseducation