ភ្នំពេញ – ជំងឺផ្លូវចិត្តមានប្រភេទនិងស្ថានភាពខុសៗគ្នា មានដូចជាជំងឺថប់បារម្ភ ជំងឺធ្លាក់ទឹកចិត្ត វិបល្លាសផ្លូវចិត្តប្រែប្រួលខ្ពស់ទាប វិបល្លាសនៃបុគ្គលិកលក្ខណៈ និងវិបល្លាសនៃការបរិភោគជាដើម ។ ជំងឺថប់បារម្ភ (Anxiety Disorder) ជាផ្នែកមួយនៃជំងឺធ្លាក់ទឹកចិត្ត កើតឡើងដោយសារកត្តាសង្គម កត្តាជីវសាស្រ្ត និងកត្តាចិត្តសាស្រ្ត ។ នេះបើតាមលោកវេជ្ជបណ្ឌិត យឹម សុបុត្រា ឯកទេសវិកលវិទ្យា និងជានាយកមន្ទីរសម្រាកព្យាបាលផ្លូវចិត្តសាន់រ៉ាយ ។
លោកវេជ្ជបណ្ឌិត យឹម សុបុត្រា បានមានប្រសាសន៍ថា ជំងឺថប់បារម្ភកើតឡើងដោយមូលហេតុបីចម្បង រួមមាន កត្តាសង្គម កត្តាជីវសាស្រ្ត កត្តាចិត្តសាស្រ្ត។ មនុស្សដែលងាយកើតជំងឺនេះដោយសារតែអ្នកប្រើប្រាស់គ្រឿងស្រវឹង គ្រឿងញៀន និងញ៉ាំថ្នាំច្រើន ។ ជំងឺថប់បារម្ភបណ្តាលមកពីអាការៈបេះដូងដើរញាប់ ប៉ុន្តែវាមិនមែនជាជំងឺបេះដូងនោះទេ ហើយចង្វាក់បេះដូងដើរញាប់នេះ វាមិនអាចឱ្យអ្នកជំងឺស្លាប់ឡើយ ។
“ជំងឺថប់បារម្ភកើតឡើងលើបុគ្គលមិនប្រកាន់វ័យឡើយ ! ប៉ុន្តែស្រ្តីអាចប្រឈមខ្ពស់ជាងបុរសរហូតដល់ទៅពីរដង ដោយសារស្ត្រីអាចងាយភ័យព្រួយជាងបុរស អមដោយកត្តាសង្គម កត្តាជីវសាស្រ្ត និងកត្តាចិត្តសាស្រ្ត”
លោកវេជ្ជបណ្ឌិត យឹម សុបុត្រា
លោកវេជបណ្ឌិត យឹម សុបុត្រា បានពន្យល់ថា ជំងឺថប់បារម្ភកើតឡើងពីកត្តាសង្គម ដោយសារមនុស្សទទួលព័ត៌មាននានានៅក្នុងបណ្ដាញសង្គម និងបញ្ហាដែលរស់នៅប្រចាំថ្ងៃទាំងរឿងសប្បាយចិត្ត និងពិបាកចិត្តធ្វើឱ្យមនុស្សឆាប់តក់ស្លុត និងមានបារម្ភខ្លាំងទៅលើបញ្ហាជីវិត ។
ចំណែកកត្តាជីវសាស្រ្ត សំដៅទៅលើកត្តាគីមីលើសរីរាង្គកាយ ដូចជាការប្រើប្រាស់គ្រឿងញៀន ការពិសារគ្រឿងស្រវឹង និងការប្រើប្រាស់ថ្នាំពេទ្យច្រើនជាដើម ។ កត្តាជីវសាស្រ្តនេះក៏ផ្អែកទៅសរីរាង្គកាយនៅពេលដែលមនុស្សមានជំងឺផ្លូវកាយនានា ធ្វើឱ្យមនុស្សគិតច្រើន ភ័យព្រួយ និងខ្វាយខ្វល់ទើបបណ្ដាលឱ្យមានជំងឺថប់បារម្ភ ។ ដោឡែកកត្តាចិត្តសាស្រ្តផ្ដោតទៅលើមនុស្សដែលឆាប់ប៉ះពាល់ទៅដល់អារម្មណ៍ និងប៉ះពាល់ផ្លូវចិត្តដែលបណ្ដាលឱ្យផ្លូវចិត្តទន់ខ្សោយ ។
ទន្ទឹមគ្នានេះ លោកវេជ្ជបណ្ឌិតបានបញ្ជាក់បន្ថែមថា ជំងឺថប់បារម្ភបណ្តាលមកពីកត្តាអាការៈរាងកាយ និងកត្តាអាការៈផ្លូវចិត្តរបស់មនុស្ស ។ កត្តារាងកាយ បុគ្គលតែងឈឺក្បាល ស្រវាំងភ្នែក បេះដូងដើរញាប់ ដង្ហើមខ្លី ចុកឆ្អល់ក្រពះ តឹងទ្រូង និងមានអារម្មណ៍អស់កម្លាំងជាដើម ។ ចំណែកត្តាផ្លូវចិត្ត បុគ្គលតែងព្រួយបារម្ភ អន្ទះសារ ភ័យខ្លាច ភាពតានតឹងសាច់ដុំ តានតឹងចិត្ត អស់កម្លាំង ខ្លាច សុបិនអាក្រក់ និងធ្វើឱ្យមនុស្សភ័យខ្លាចសេចក្តីស្លាប់ជាដើម ។
វេជ្ជបណ្ឌិតជំនាញរូបនេះ មានប្រសាសន៍បន្តថា ប្រសិនមនុស្សម្នាក់មានជំងឺថប់បារម្ភ ហើយមិនព្រមព្យាបាល នោះវានឹងបម្លែងខ្លួនទៅជាជំងឺធ្លាក់ទឹកចិត្ត ហើយអាចធ្ងន់ធ្ងររហូតគ្រោះថ្នាក់ដល់អាយុជីវិត ។ ជំងឺថប់បារម្ភ អាចព្យាបាលបានតាមពីររបៀបដោយប្រើប្រាស់ថ្នាំ និងព្យាបានដោយមិនប្រើប្រាស់ថ្នាំ ។ ការព្យាបាលដោយមិនប្រើថ្នាំ អ្នកជំងឺត្រូវសម្រាកឱ្យបានគ្រប់គ្រាន់ ប្រើវិធីបន្ធូរអារម្មណ៍ ធ្វើសមាធិ ហាត់ប្រាណ ចំណែកឯការព្យាបាលដោយប្រើប្រាស់ថ្នាំប្រឆាំងនឹងជំងឺថប់អារម្មណ៍តាមរយៈការប្រឹក្សាផ្ទាល់ជាមួយអ្នកជំនាញសុខភាពផ្លូវចិត្ត ។
គួរបញ្ជាក់ថា ជំងឺថប់បារម្ភ ក៏ដូចជាជំងឺផ្សេងទៀតដែរ តម្រូវឱ្យមនុស្សចេះគ្រប់គ្រងស្ថានភាពជំងឺ ការគាំទ្រដ៏ត្រឹមត្រូវ និងប្រឹងប្រែងជំនះតាមរយៈជំនួយនានា។ បើសិនជានរណាម្នាក់មានជំងឺនេះត្រូវផ្ដល់ការគាំទ្រ និងជួបប្រឹក្សាជាមួយវេជ្ជបណ្ឌិតឱ្យបានត្រឹមត្រូវ ៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍ថ្មី
មើលទាំងអស់ ➧គន្លឹះគ្រប់គ្រងពេល ២៤ម៉ោងផ្ទាល់ខ្លួនបានត្រឹមត្រូវ បញ្ជៀសទំនាស់និងបង្កើនគុណភាពជីវិត
បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ
• 15/12/2023
មនុស្សមានទំនាស់ពីរប្រភេទ គឺទំនាស់ក្នុងខ្លួន និងទំនាស់ក្រៅខ្លួន ។ ទំនាស់ក្នុងខ្លួនជាអាកប្បកិរិយាទាស់ទែងនឹងឥរិយាបថ ...
មាតិកាលើប្រព័ន្ធបណ្តាញសង្គមជះឥទ្ធិពលដល់ការអប់រំកុមារ និងយុវជន
បទយកការណ៍, ព័ត៌មានជាតិ និងអន្តរជាតិ
• 15/09/2023
ប្រព័ន្ធផ្សព្វផ្សាយសង្គម (Social Media) កំពុងក្លាយជាមធ្យោបាយផ្តល់និងទទួលព័ត៌មាន ព្រមទាំងផ្តល់ការកម្សាន្តដ៏ពេញនិយមនាពេលបច្ចុប្បន្ន ។ ប្រព័ន្ធផ្សព្វផ្សាយសង្គមមានសម្បូរបែប .....
ព័ត៌មានទូទៅ
មើលទាំងអស់ ➧ក្រសួងអប់រំប្រឡងជ្រើសរើសគ្រូបង្រៀនទៅសិក្សាអាហារូបករណ៍ Teacher Training Students នៅប្រទេសជប៉ុនឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 22/01/2024
ក្រសួងអប់រំ យុវជន និងកីឡា ប្រកាសប្រឡងជ្រើសរើសគ្រូបង្រៀនដែលកំពុងបង្រៀននៅតាមសាលាបឋមសិក្សា មធ្យមសិក្សា និងសាលាគរុកោសល្យទៅសិក្សាអាហារូបករណ៍នៃកម្មវិធី Teacher...
ជ្រើសរើសនិស្សិតសម្រាប់ស្នាក់នៅក្នុងអន្តេវាសិកដ្ឋានពីសហគមន៍សេចក្ដីអំណរអន្តរជាតិ
ព័ត៌មានអាហារូបករណ៍, ព្រឹត្តិការណ៍
• 02/11/2023
សហគមន៍សេចក្ដីអំណរអន្តរជាតិ ឬហៅកាត់ JIFA ប្រកាសជ្រើសរើសនិស្សិតសម្រាប់ស្នាក់នៅអន្តេវាសិកដ្ឋានជាច្រើនរូប។ ការជ្រើសរើសនិស្សិតស្នាក់នៅ...
សាកលវិទ្យាល័យភូមិន្ទភ្នំពេញជ្រើសរើសនិស្សិតអាហារូបករណ៍ថ្នាក់បរិញ្ញាបត្រជាន់ខ្ពស់ផ្នែកគីមី
ព័ត៌មានអាហារូបករណ៍, ព្រឹត្តិការណ៍
• 25/01/2023
សាកលវិទ្យាល័យភូមិន្ទភ្នំពេញប្រកាសប្រឡងជ្រើសរើសនិស្សិតអាហារូបករណ៍ថ្នាក់បរិញ្ញាបត្រជាន់ខ្ពស់ផ្នែកគីមីជំនាន់ទី៣ សម្រាប់ឆ្នាំសិក្សា២០២២-២០២៣ ។...
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Hubei ប្រទេសចិន
ព័ត៌មានអាហារូបករណ៍, ព្រឹត្តិការណ៍
• 29/12/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីអាហារូបករណ៍រដ្ឋាភិបាលចិននៅសាកលវិទ្យាល័យ Hubei ឆ្នាំសិក្សា២០២៤។ ...
អាហារូបករណ៍សិក្សាវិស្វកម្មឌីហ្សាញ 3D Design & 3D Printing ជាមួយ ស.ស.យ.ក រាជធានីភ្នំពេញ និង STEAMING Cambodia
ព័ត៌មានអាហារូបករណ៍, ព្រឹត្តិការណ៍
• 01/09/2023
ជាឱកាសសម្រាប់ប្អូនៗជាសិស្សថ្នាក់ទី៩ ដល់និស្សិតមហាវិទ្យាល័យ (ពិសេសប្អូនៗដែលចង់រៀនខាងមេកានិក) ពេលនេះ មានការផ្តល់អាហារូបករណ៍សម្រាប់ការសិក្សាវិស្វកម្មឌីហ្សាញ 3D Design & 3D Printing ...
អាហារូបករណ៍មូលនិធិ Matsumae International ថ្នាក់ស្រាវជ្រាវនៅប្រទេសជប៉ុនឆ្នាំ២០២៣
ព័ត៌មានអាហារូបករណ៍, ព្រឹត្តិការណ៍
• 14/03/2023
កម្មវិធីអាហារូបករណ៍ Matsumae International នៃប្រទេសជប៉ុនប្រកាសផ្ដល់អាហារូបករណ៍សិក្សាថ្នាក់ស្រាវជ្រាវតាមរយៈកម្មវិធីមូលនិធី...
អាហារូបករណ៍២៥កន្លែងសម្រាប់ព្រះសង្ឃកម្ពុជាសិក្សាថ្នាក់បរិញ្ញាបត្រនៅពុទ្ធិកមហាវិទ្យាល័យសឹង្ហបុរី
ព័ត៌មានអាហារូបករណ៍, ព្រឹត្តិការណ៍
• 02/01/2024
ពុទ្ធិកមហាវិទ្យាល័យប្រកាសផ្ដល់អាហារូបករណ៍ដល់សមណ:សិស្សដែរមានបំណង់សិក្សានៅផ្នែកសិក្សាព្រះពុទ្ធសាសនាចំនួន២៥កន្លែងនៅសាកលពុទ្ធិកសាកលវិទ្យាសឹង្ហបុរីសម្រាប់ឆ្នាំ...
ឱកាសសិក្សាជំនាញ AI ពីកម្មវិធី Google Course Artificial Intelligence 2024 តាមរយៈ Online
ព័ត៌មានអាហារូបករណ៍, ព្រឹត្តិការណ៍
• 01/02/2024
កម្មវិធី Google Course Artificial Intelligence 2024 ផ្ដល់ការសិក្សាអំពី Artificial Intelligence(AI) សម្រាប់ឆ្នាំសិក្សា២០២៤ ។ ការសិក្សាវគ្គខ្លីនេះផ្ដល់...
អាហារូបករណ៍ថ្នាក់វេជ្ជបណ្ឌិតនៅសាកលវិទ្យាល័យ International University of Health and Welfare ប្រទេសជប៉ុន
ព័ត៌មានអាហារូបករណ៍, ព្រឹត្តិការណ៍
• 03/05/2023
សាកលវិទ្យាល័យ International University of Health and Welfare ប្រទេសជប៉ុនប្រកាសជ្រើសរើសនិស្សិតឆ្នាំមូលដ្ឋាន និងឆ្នាំទី២ផ្នែកវេជ្ជសាស្ត្រនៃសាកលវិទ្យាល័យវិទ្យាសាស្ត្រ...