fbpx

គំនិតច្នៃប្រឌិត ជាជំនាញទន់ប្រើប្រាស់ចំាបាច់ក្នុងការរស់នៅប្រចាំថ្ងៃ

ការអប់រំ ៖ គំនិតច្នៃប្រឌិត ឬជាភាសាអង់គ្លេសហៅថា Creative Idea ជាសមត្ថភាពកើតចេញពីចរឹតលក្ខណៈផ្ទាល់ខ្លួនរបស់បុគ្គលម្នាក់ៗ។ គ្រប់គ្នាសុទ្ធតែមានគំនិតច្នៃប្រឌិត អាចតិចឬច្រើនអាស្រ័យលើទេពកោសល្យនិងសមត្ថភាពរបស់ខ្លួន។ គំនិតច្នៃប្រឌិតប្រើប្រាស់សម្រាប់ដោះស្រាយបញ្ហា និងប្រាស្រ័យទាក់ទងជាមួយមនុស្សជុំវិញខ្លួន ព្រមទាំងពង្រឹងលទ្ធភាពការងាររបស់ខ្លួនឱ្យកាន់តែល្អប្រសើរ។ និយាយឱ្យសាមញ្ញការគិតស្រមើស្រមៃដើម្បីបង្កើតអ្វីមួយថ្មីដែលពុំធ្លាប់មាន ឱ្យលេចចេញជាប្រយោជន៍អ្វីមួយ ក៏អាចចាត់ទុកជាគំនិតច្នៃប្រឌិតដែរ។

តាមបទពិសោធធ្វើការក្នុងវិស័យថតរូប និងផលិតវីដេអូ យុវជន សុង សៀកឡេង បានឱ្យដឹងថា គំនិតច្នៃប្រឌិតកើតឡើងពីអ្វីៗដែលមាននៅជុំវិញខ្លួន រាប់ទាំងការប្រើប្រាស់បណ្ដាញសង្គម ទទួលព័ត៌មានផ្សេងៗ មើលកម្មវិធីច្នៃប្រឌិត Pinterest, Instagram និង​ YouTube ជាដើម។

សៀកឡេង បានបន្តថា ៖

“ពេលខ្លះគំនិតច្នៃប្រឌិតរបស់ខ្ញុំបានមកពីមើលភាពយន្ត ! ខ្ញុំបានចំណាយពេលមើលភាពយន្ត និងស្ដាប់ចម្រៀង ជាពិសេសមើលវីដេអូណាដែលមានគំនិតច្នៃប្រឌិតប្លែកៗស្រាប់ អាចជួយឱ្យខ្ញុំរកនឹកឃើញគំនិតថ្មីៗបាន”។

គំនិតច្នៃប្រឌិត

គំនិតច្នៃប្រឌិតទាមទារឱ្យមនុស្សចេះពិចារណាស៊ីជម្រៅ ឬបង្កើតជាសិល្បៈដោះស្រាយថ្មីៗដែលឆ្លើយតបនឹងបញ្ហាអ្វីមួយជាក់លាក់។ សម្រាប់យុវជន ឈយ ពស៊ាង ជាតន្រ្តីករ និងអ្នកនិពន្ធចម្រៀងម្នាក់ យល់ថា គំនិតច្នៃប្រឌិតក្នុងស្នាដៃសិល្បៈអាចទាក់ទាញចិត្តអ្នកគាំទ្រលឿនរហ័សបំផុត។ ពស៊ាង បានប្រើប្រាស់ទេពកោសល្យផ្ទាល់ខ្លួន គួបផ្សំចំណង់ចំណូលចិត្តមានពីធម្មជាតិ បង្កើតស្នាដៃចម្រៀងក្នុងទម្រង់ចម្រៀងផលិតដោយខ្លួនឯង (Original songs) មានដូចជាបទរាស្រ្តសាមញ្ញ និងបទអង្វរតេជគុណ ជាចម្រៀងសាច់រឿងបែបបុរាណ។

“គំនិតច្នៃប្រឌិតមិនគិតចំពោះតែគំនិតដែលថ្មីអស្ចារ្យពុំធ្លាប់មាននោះទេ តែវាជាការប្រឌិតឡើងនូវអ្វីដែលមានស្រាប់ ការកែច្នៃគំនិតចាស់ ឬគំនិតច្រើនចូលគ្នាបង្កើតជាអ្វីមួយដែលប្លែក ដែលគួរឱ្យចាប់ចិត្ត… ពេលដែលធ្វើអ្វីមួយដែលយើងស្រឡាញ់ នោះយើងនឹងព្យាយាមគិតរិះរកគ្រប់មធ្យោបាយល្អៗ ដើម្បីកែច្នៃអ្វីដែលធ្វើនោះឳ្យកាន់តែល្អជាងមុន”

ឈយ ពស៊ាង

តាមការស្រាវជ្រាវបង្ហាញថា ការ​ស្រមើស្រមៃ​ដាច់​តែឯង ការធ្វើការងារជាក្រុម​ ជា​គន្លឹះ​គោល​នៃ​ការ​ស្វែងរកនិង​បង្កើត​គំនិត​ច្នៃប្រឌិត។ គំនិតថ្មីៗជាច្រើនកើតឡើងនៅពេលដែលអ្នកបង្កើតមានគំនិតបញ្ចូលគ្នា។ ជានិស្សិតឆ្នាំទីពីរនៃសាកលវិទ្យាល័យភូមិន្ទភ្នំពេញ យុវជន ថុន គឹមហេង ក៏យល់ឃើញដែរថា គំនិតច្នៃប្រឌិត មិនត្រឹមតែជួយដល់ការសិក្សាប៉ុណ្ណោះទេ តែថែមទាំងប្រើប្រាស់បានគ្រប់កាលៈទេសៈក្នុងការរស់នៅប្រចាំថ្ងៃ។

គំនិតច្នៃប្រឌិតមាននៅគ្រប់ទីកន្លែង ប៉ុន្តែវាមិនអាចកើតឡើងស្រួលពេកនោះទេ ប្រសិនបើមនុស្សមិនមានមូលដ្ឋានក្នុងការគិតពិចារណា។ ប្រសិនបើសិស្ស-និស្សិតយកចិត្តទុកដាក់ផ្ដោតទៅលើការសិក្សាតែមួយមុខ នោះគំនិតច្នៃប្រឌិតជាច្រើននឹងកើតមានជួយដល់ការសិក្សារបស់ពួកគេ។ ជាក់ស្ដែងដូចជា ការរៀនភាសាបរទេស តម្រូវឱ្យសិស្សទៅរៀននៅសាលា តែបើគាត់មានភាពច្នៃប្រឌិត គាត់អាចរៀនដោយខ្លួនឯង ដូចជាតាមរយៈការមើលវីដេអូ ស្ដាប់ចម្រៀង មើលភាពយន្ត ឬស្តាប់ការសន្ទនាជាភាសាបរទេសនោះជាដើម៕


ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

ឯកឧត្តម សុក ស៊ីផាន់ណា ៖ អភិវឌ្ឍន៍ធនធានមនុស្សជំនាញបច្ចេកវិទ្យា ផ្តើមចេញពីម្តាយឪពុកបណ្តុះនិស្ស័យកុមារ

ភ្នំពេញ – ឯកឧត្តម សុក ស៊ីផាន់ណា ទីប្រឹក្សាជាន់ខ្ពស់រាជរដ្ឋាភិបាលកម្ពុជា យល់ថា ការពង្រឹងធនធានមនុស្សមានជំនាញបច្ចេកវិទ្យា ទាមទារការយកចិត្តទុកដាក់ពីឪពុកម្ដាយ ឬអាណាព្យាបាល
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

ពិព័រណ៍ការងារឆ្នាំ២០២១ នឹងធ្វើតាមអនឡាញដោយផ្ដល់ឱកាសការងារជាង ១ម៉ឺនកន្លែង

ភ្នំពេញ៖ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្ដុះបណ្ដាលវិជ្ជាជីវៈ (MLVT) នឹងរៀបចំពិព័រណ៍ការងារ និងផលិតភាពជាតិអនឡាញ រយៈពេល ២ថ្ងៃ ចាប់ពី
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

វិទ្យាស្ថានជាតិវិជ្ជាជីវៈបាត់ដំបងផ្ដល់អាហារូបករណ៍១០០%ដល់យុវជនរៀនជំនាញបច្ចេកទេស (TVET)

ភ្នំពេញ៖ វិទ្យាស្ថានជាតិវិជ្ជាជីវៈបាត់ដំបង ជាគ្រឹះស្ថានសាធារណៈដែលស្ថិតនៅក្រោមក្រសួងការងារ និងបណ្តុះបណ្តាលវិជ្ជាជីវៈ ផ្ដល់
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

ក្រុម Energific នឹងតំណាងឲ្យប្រទេសកម្ពុជា ទៅចូលរួមប្រកួតរ៉ូបូតអូឡាំព្យាដពិភពលោក

ក្រុម Energific មកពីសាលារៀន E2stem Education ត្រូវគណៈកម្មការ ប្រកាសឲ្យជាប់ជ័យលាភីលេខ១ ក្នុងការប្រកួតប្រជែងរ៉ូបូតអូឡាំព្យាដ ជុំកម្ពុជា សម្រាប់ប្រធានបទ «ថាមពលប៊ត –
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

មហោស្រពអក្សរសិល្ប៍ខ្មែរ លើកទី៤ នឹងប្រារព្ធធ្វើឡើងក្រោមប្រធានបទ “សិល្បៈនៃការបកប្រែអក្សរសិល្ប៍”

មហោស្រពអក្សរសិល្ប៍ខ្មែរ លើកទី៤ នឹងប្រារព្ធជាផ្លូវការក្រោមប្រធានបទ “សិល្បៈនៃការបកប្រែអក្សរសិល្ប៍” ចាប់ពីថ្ងៃទី ២២ ដល់ថ្ងៃទី២៣ ខែតុលា ឆ្នាំ២០២១ តាមរយៈអនឡាញ ។
ព័ត៌មានអាហារូបករណ៍, ព្រឹត្តិការណ៍

វិទ្យាស្ថានបច្ចេកវិទ្យាកំពង់ឈើទាលផ្ដល់អាហារូបករណ៍១០០% សម្រាប់ការសិក្សាថ្នាក់បរិញ្ញាបត្រ និងថ្នាក់បរិញ្ញាត្ររង

វិទ្យស្ថានបច្ចេកវិទ្យាកំពង់ឈើទាលផ្ដល់អាហារូបករណ៍ថ្នាក់បរិញ្ញាបត្រ ថ្នាក់បរិញ្ញាបត្រ(២+២) និងថ្នាក់បរិញ្ញាបត្ររងចំនួន៣៦០កន្លែងសម្រាប់ឆ្នាំសិក្សាថ្មី ។ ស្ថិតក្នុងអាហារូបករណ៍ដែលផ្ដល់ជូន
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

អ្នកស្រី អ៊ុច ថាវី សរសេរសៀវភៅ “កូនស្រី” លើកទឹកចិត្តស្រ្តីតស៊ូជម្នះនឹងផ្នត់គំនិតសង្គម

ភ្នំពេញ – អ្នកនិពន្ធ អ៊ុច ថាវី ចេញស្នាដៃមួយដែលមានចំណងជើងថា “កូនស្រី” ចង់លើកទឹកចិត្តទៅដល់ស្រ្តីគ្រប់រូបឱ្យចេះតស៊ូជម្នះ នឹងផ្នត់គំនិតសង្គមដែលគិតថាស្រ្តីមិនអាចធ្វើអ្វីបាន ដើម្បីឱ្យស្រ្តី ឬកូនស្រីគ្រប់រូបហ៊ានដើរ
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

លោកជំទាវ ហ៊ុន ដានី៖ លើកកម្ពស់ស្ត្រីក្នុងវិស័យទេសចរណ៍រួមចំណែកអភិវឌ្ឍវិស័យទេសចរណ៍ប្រកបដោយចីរភាព និងបរិយាបន្ន

លើកកម្ពស់ស្ត្រីក្នុងវិស័យទេសចរណ៍រួមចំណែកអភិវឌ្ឍវិស័យទេសចរណ៍ប្រកបដោយចីរភាព និងបរិយាបន្ន ។ នេះបើតាមការលើកឡើងរបស់ លោកជំទាវ ហ៊ុន ដានី រដ្ឋលេខាធិការក្រសួង
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

វិទ្យាស្ថានជាតិពហុបច្ចេកទេសអង្គរ ជ្រើសរើសយុវជនបោះបង់ការសិក្សាឲ្យចូលរៀនជំនាញបច្ចេកទេស

សៀមរាប៖ វិទ្យាស្ថានជាតិពហុបច្ចេកទេសអង្គរជ្រើសរើសយុវជន បោះបង់ការសិក្សា ឬសិស្ស និស្សិតបានបញ្ចប់ការសិក្សានៅសាលាចំណេះទូទៅ
ព្រឹត្តិការណ៍, យុវជនឆ្នើម, អាហារូបករណ៍

លោក អុិត សេរីវឌ្ឍនៈ ប្រាប់គន្លឹះដើម្បីទទួលបានអាហារូបករណ៍រដ្ឋាភិបាលចក្រភពអង់គ្លេស

អាហារូបករណ៍រដ្ឋាភិបាលចក្រភពអង់គ្លេស ឬហៅថា Chevening Awards ជាអាហារូបករណ៍ផ្ដល់ជូនដល់សិស្ស-និស្សិតដែលមានផ្នត់គំនិតច្បាស់លាស់

AMS EDUCATION
@amseducation