ភ្នំពេញ – នាយកដ្ឋានប្រែប្រួលអាកាសធាតុ នៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព សហការជាមួយវិទ្យាស្ថានបច្ចេកវិទ្យាកម្ពុជា (ITC) ដោយគាំទ្រពីកម្មវិធីសម្ព័ន្ធភាពប្រែប្រួលអាកាសធាតុកម្ពុជា (CCCA) និងមូលនិធិអាស៊ី-អឺរ៉ុបសម្រាប់អ្នកដឹកនាំវ័យក្មេង បានរៀបចំ «កម្មវិធីដាំដើមឈើសាមគ្គី និងការគ្រប់គ្រងសំណល់ក្នុងបរិវេណគ្រឹះស្ថានឧត្តមសិក្សារវាងយុវជនអាស៊ី-អឺរ៉ុប និងវិទ្យាស្ថានបច្ចេកវិទ្យាកម្ពុជា» ។ កម្មវិធីនេះធ្វើឡើងក្រោមអធិបតិដោយ ឯកឧត្តមបណ្ឌិត អ៊ុ រម្យណី អគ្គនាយកនៃវិទ្យាស្ថានបច្ចេកវិទ្យាកម្ពុជា និងលោកបណ្ឌិត ហាក់ ម៉ៅ ប្រធាននាយកដ្ឋានប្រែប្រួលអាកាសធាតុ តំណាងយុវជនអាស៊ី-អឺរ៉ុប ចំនួន ៦០រូប កាលពីថ្ងៃអង្គារ៍ (៣០ វិច្ឆិកា)។
នៅក្នុងកម្មវិធីដាំដើមឈើសាមគ្គីនោះ មានកូនឈើចំនួន១៣ដើមត្រូវបានដាក់ដាំក្នុងបរិវេណវិទ្យាស្ថាន ក្នុងនោះ១២ដើមតំណាងឱ្យយុវជនអាស៊ី-អឺរ៉ុបចំនួន ១២រូបមកពី៨ប្រទេស និង១ដើមតំណាងឱ្យវិទ្យាស្ថានបច្ចេកវិទ្យាកម្ពុជានិងមូលនិធិអាស៊ី-អឺរ៉ុប ។ ពិធីនេះធ្វើឡើងជាយុទ្ធនាការលើកកម្ពស់ការយល់ដឹងអំពីការប្រមូលនិងការគ្រប់គ្រងសំណល់តាមរយៈការដើរប្រមូលសំរាមក្នុងបរិវេណវិទ្យាស្ថាន និងការញែកសំណល់ជាក់ស្តែងទៅតាមប្រភេទ ព្រមទាំងសួរសំណួរទាក់ទងការប្រែប្រួលអាកាសធាតុ និងការគ្រប់គ្រងសំណល់ផងដែរ ។
លោកបណ្ឌិត ហាក់ ម៉ៅ ប្រធាននាយកដ្ឋានប្រែប្រួលអាកាសធាតុ មានប្រសាសន៍ថា ដោយមានការចាត់តាំងពីឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន លោកបានចូលរួម «វគ្គបណ្តុះបណ្តាលអ្នកដឹកនាំវ័យក្មេងនៃមូលនិធិអាស៊ី-អឺរ៉ុបលើកទី៤» ចាប់តាំងពីពាក់កណ្តាលឆ្នាំ២០២០ ។ លើសពីនេះ ដើម្បីបញ្ចប់វគ្គបណ្តុះបណ្តាលនេះ លោកបានរៀបចំសំណើគម្រោងស្តីពី «គ្រឹះស្ថានឧត្តមសិក្សាសម្រាប់ការឆ្លើយតបនឹងអាកាសធាតុតាមរយៈការគ្រប់គ្រងសំណល់និងការដាំដើមឈើ» ដែលជាផ្នែកមួយនៃសកម្មភាពឆ្លើយតបនឹងអាកាសធាតុ (SDG13)។
ប្រធាននាយកដ្ឋានប្រែប្រួលអាកាសធាតុ បញ្ជាក់បន្តថា កម្មវិធីដាំដើមឈើសាមគ្គី និងការគ្រប់គ្រងសំណល់ក្នុងបរិវេណគ្រឹះស្ថានឧត្តមសិក្សារវាងយុវជនអាស៊ី-អឺរ៉ុប និងវិទ្យាស្ថាន ITC បានបង្ហាញពីការចូលរួមរបស់គ្រឹះស្ថានឧត្តមសិក្សាក្នុងការកសាងធនធានមនុស្ស ផ្សព្វផ្សាយ និងលើកកម្ពស់ចំណេះដឹងដល់សាធារណជន ជាពិសេសយុវជនសំដៅកែប្រែឥរិយាបថជាវិជ្ជមាន និងការទទួលខុសត្រូវចំពោះការប្រែប្រួលអាកាសធាតុ ដែលជាឱកាសសិក្សាស្វែងយល់ និងផ្សារភ្ជាប់យុវជនឱ្យបន្តមានការពិភាក្សាអំពីចក្ខុវិស័យរួមគ្នាដើម្បីរួមចំណែកដល់ការអភិវឌ្ឍប្រកបដោយចីរភាព ។
ឯកឧត្តមបណ្ឌិត អ៊ុម រម្យណី អគ្គនាយកនៃវិទ្យាស្ថានបច្ចេកវិទ្យាកម្ពុជា មានប្រសាសន៍ថា វិទ្យាស្ថាន ITC កំពុងដើរតួនាទីយ៉ាងសំខាន់ក្នុងកិច្ចគាំពារបរិស្ថាន តាមរយៈការងារសិក្សាស្រាវជ្រាវ ការកសាងសមត្ថភាព ចំណេះដឹង ជាពិសេសការបណ្តុះបណ្តាលសីលធម៌ក្នុងការស្រលាញ់បរិស្ថាន ដើម្បីចូលរួមដោះស្រាយបញ្ហានានារួមមានការប្រែប្រួលអាកាសធាតុជាដើម។
អគ្គនាយកនៃវិទ្យាស្ថានបច្ចេកវិទ្យាកម្ពុជា បញ្ជាក់បន្តថា ក្រៅពីការបណ្តុះបណ្តាលធនធានមនុស្សលើវិស័យបច្ចេកវិទ្យា វិទ្យាស្ថាន ITC ក៏មានចក្ខុវិស័យក្នុងការលើកកម្ពស់បរិស្ថាន កិច្ចសហការជាមួយស្ថាប័ននានា តាមរយៈការបង្កើតទីធ្លាបៃតង ហេដ្ឋារចនាសម្ព័ន្ធដែលមានមេត្រីភាពបរិស្ថាន និងធន់នឹងការប្រែប្រួលអាកាសធាតុ ។
គួរជម្រាបជូនថា កម្មវិធីដាំដើមឈើសាមគ្គីនៅបរិវេណវិទ្យាស្ថាន ITC ជាព្រឹត្តិការលើកទី២ បន្ទាប់ពីការដាំដើមឈើលើកទី១ នៅបរិវេណមុខប្រាសាទអង្គវត្តខេត្តសៀមរាប កាលពីថ្ងៃទី១៨ ខែវិច្ឆិកា ឆ្នាំ២០២១កន្លងទៅ ក្រោមអធិបតីភាព ឯកឧត្តម ហ៊ុន ម៉ានី ប្រធាន ស.ស.យ.ក. ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ឯកឧត្តម ទៀ សីហា អភិបាលខេត្តសៀមរាប ថ្នាក់ដឹកនាំ ក្រសួងស្ថាប័ន អាជ្ញាធរខេត្ត តំណាងស្ថានទូត និងយុវជនមួយចំនួន ២០០នាក់៕
កញ្ញា វ៉ាន គីមសល់ ជាអ្នករាយការណ៍ព័ត៌មានអប់រំឱ្យបណ្ដាញសារព័ត៌មាន AMS Education ។
របាយការណ៍ថ្មី
មើលទាំងអស់ ➧គន្លឹះគ្រប់គ្រងពេល ២៤ម៉ោងផ្ទាល់ខ្លួនបានត្រឹមត្រូវ បញ្ជៀសទំនាស់និងបង្កើនគុណភាពជីវិត
បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ
• 15/12/2023
មនុស្សមានទំនាស់ពីរប្រភេទ គឺទំនាស់ក្នុងខ្លួន និងទំនាស់ក្រៅខ្លួន ។ ទំនាស់ក្នុងខ្លួនជាអាកប្បកិរិយាទាស់ទែងនឹងឥរិយាបថ ...
មាតិកាលើប្រព័ន្ធបណ្តាញសង្គមជះឥទ្ធិពលដល់ការអប់រំកុមារ និងយុវជន
បទយកការណ៍, ព័ត៌មានជាតិ និងអន្តរជាតិ
• 15/09/2023
ប្រព័ន្ធផ្សព្វផ្សាយសង្គម (Social Media) កំពុងក្លាយជាមធ្យោបាយផ្តល់និងទទួលព័ត៌មាន ព្រមទាំងផ្តល់ការកម្សាន្តដ៏ពេញនិយមនាពេលបច្ចុប្បន្ន ។ ប្រព័ន្ធផ្សព្វផ្សាយសង្គមមានសម្បូរបែប .....
ព័ត៌មានទូទៅ
មើលទាំងអស់ ➧ក្រសួងអប់រំប្រឡងជ្រើសរើសគ្រូបង្រៀនទៅសិក្សាអាហារូបករណ៍ Teacher Training Students នៅប្រទេសជប៉ុនឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 22/01/2024
ក្រសួងអប់រំ យុវជន និងកីឡា ប្រកាសប្រឡងជ្រើសរើសគ្រូបង្រៀនដែលកំពុងបង្រៀននៅតាមសាលាបឋមសិក្សា មធ្យមសិក្សា និងសាលាគរុកោសល្យទៅសិក្សាអាហារូបករណ៍នៃកម្មវិធី Teacher...
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Loughborough នៃចក្រភពអង់គ្លេស
ព័ត៌មានអាហារូបករណ៍, ព្រឹត្តិការណ៍
• 26/03/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់ក្រោយបរិញ្ញាបត្រនៅសាកលវិទ្យាល័យ Loughborough នៃចក្រភពអង់គ្លេស....
ឱកាសសិក្សាអាហារូបករណ៍៧៥% នៅសាកលវិទ្យាល័យអន្តរជាតិអាល្លឺម៉ង់ ប្រទេសអាល្លឺម៉ង់ឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 29/09/2023
ឱកាសសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត នៅសាកលវិទ្យាល័យអន្តរជាតិនៅប្រទេសអាល្លឺម៉ង់នៃប្រទេសអាល្លឺម៉ង់ឆ្នាំសិក្សា២០២៤ ។ ......
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាលាជាតិផែនការ និងស្ថិតិឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 12/02/2024
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ចំនួន២០កន្លែងនៅសាលាជាតិផែនការ និងស្ថិតិសម្រាប់ឆ្នាំសិក្សា២០២៤-២០២៥។ អាហារូបករណ៍...
វិទ្យាស្ថានពហុបច្ចេកទេសខេត្តកំពង់ឆ្នាំង ផ្តល់អាហារូបករណ៍៤៥កន្លែង សម្រាប់ជំនាញជួសជុលកុំព្យូទ័រ និងរចនាក្រាហ្វិច
ព័ត៌មានអាហារូបករណ៍, ព្រឹត្តិការណ៍
• 22/05/2023
ក្រោមថវិកាគម្រោងទ្រទ្រង់គ្រឹះស្ថានជំហាន១ ឆ្នាំ២០២៣ វិទ្យាស្ថានពហុបច្ចេកទេសខេត្តកំពង់ឆ្នាំងប្រកាសជ្រើសរើសសិស្សសិក្សាជំនាញបច្ចេកទេសដោយឥតគិតថ្លៃចំនួន ៤៥នាក់។...
ឱកាសសិក្សាជំនាញបច្ចេកទេសឥតបង់ថ្លៃ នៅវិទ្យាស្ថានពហុបច្ចេកទេសភូមិភាគតេជោសែនបាត់ដំបង
ព័ត៌មានអាហារូបករណ៍, ព្រឹត្តិការណ៍
• 26/12/2023
កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ប្រកាសជ្រើសរើសសិក្ខាកាមចូលសិក្សាជំនាញបច្ចេកទេសជាច្រើនកន្លែង នៅវិទ្យាស្ថាន...
អាហារូបករណ៍ថ្នាក់បរិញ្ញាបត្រនៅសាកលវិទ្យាល័យគៀងយ៉ាងប្រទេសវៀតណាមឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 28/04/2023
ភ្នំពេញ - សាកលវិទ្យាល័យគៀងយ៉ាង នៃប្រទេសវៀតណាម បានប្រកាសផ្ដល់អាហារូបករណ៍ថ្នាក់បរិញ្ញាបត្រដល់និស្សិតកម្ពុជាដែលកំពុងសិក្សានៅសាកលវិទ្យាល័យភូមិន្ទភ្នំពេញ...
ឱកាសសិក្សាថ្នាក់បរិញ្ញាបត្រជាន់ខ្ពស់ពីកម្មវិធី Youth of Excellence Scheme of China ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 21/02/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធី Youth of Excellence Scheme of China (YES China) នៅវិទ្យាស្ថានបច្ចេកវិទ្យា Harbin ...
វិទ្យាស្ថានអភិវឌ្ឍន៍វិទ្យាសាស្ត្រ និងបច្ចេកវិទ្យាកម្រិតខ្ពស់ផ្ដល់អាហារូបករណ៍រយៈពេលខ្លីផ្នែកព័ត៌មានវិទ្យា៥០កន្លែង
ព័ត៌មានអាហារូបករណ៍, ព្រឹត្តិការណ៍
• 09/05/2023
វិទ្យាស្ថានអភិវឌ្ឍន៍វិទ្យាសាស្ត្រ និងបច្ចេកវិទ្យាកម្រិតខ្ពស់ប្រកាសជ្រើសរើសនិស្សិតឱ្យសិក្សាអាហារូបករណ៍ចំនួន៥០កន្លែងឆ្នាំសិក្សា២០២៣ ។ អាហារូបករណ៍សិក្សារយៈពេល៤ខែ...