ភ្នំពេញ៖ ព្រឹត្តិការណ៍ប្រកួតសិស្សឆ្នើមទូទាំងប្រទេសលើកទី១ ការសិក្សាដោយការបង្កើតគម្រោង “បំណងប្រាថ្នា” នៅក្នុងឆ្នាំ២០២១នេះ បានរកឃើញនូវ សិស្សឆ្នើមចំនួន៤ក្រុម ដែលមានសក្ដានុពលភាព៤ផ្នែករៀងគ្នា។
បេក្ខជន៤ក្រុម ដែលបានទទួលជ័យលាភីពានរង្វាន់ “បំណងប្រាថ្នា” រួមមាន៖
១. ពានរង្វាន់ “បំណងប្រាថ្នា” នៃគុណតម្លៃផ្នែកមនុស្សជាតិ សិល្បៈ ប្រវត្តិសាស្រ្ត និងសង្គមសាស្រ្ត (Humanity, Art, History, and Social Science) បានទៅគម្រោង របៀបរៀនដែលយោងតាមរបៀបដែលខួរក្បាលដំណើរការព័ត៌មាន ដែលរៀបចំដោយសិស្ស ញ៉េប បុញ្ញឬទ្ធិ និងអ៊ឺង ឈូងឆាវ មកពីកម្មវិធី E2STEM វិទ្យាល័យព្រះយុគន្ធរ។
២. ពានរង្វាន់ “បំណងប្រាថ្នា” នៃគុណតម្លៃផ្នែកបច្ចេកវិទ្យាឌីជីថល ព័ត៌មានវិទ្យា វិទ្យាសាស្រ្តកុំព្យូទ័រ និងទូរគមនាគមន៍ (Digital Technology, Informatics, Computer Science, Telecommunication) បានទៅគម្រោង ប្រព័ន្ធក្រេឌីត Credit ការពារបរិស្ថាននិងសង្គមកម្ពុជា ដែលរៀបចំដោយសិស្ស ឡុង សុផារិទ្ធិ និង វឌ្ឍនៈ ពេជ្ជបញ្ញាខន្តី មកពីសាលារៀនអន្តរជាតិផារ៉ាហ្គន សិស្សលឹម តារាម៉ូនិក និងលឹម តារាម៉ានិត មកពីសាលារៀនហូមអហ្វខ្មែរ និងសិស្ស អ៊ុង ស្រីពេជ្រ មកពីសាលារៀនអន្តរជាតិ អាយ ស៊ី អេស ។
៣. ពានរង្វាន់ “បំណងប្រាថ្នា” នៃគុណតម្លៃផ្នែកវិទ្យាសាស្រ្តជីវិត បរិស្ថាន ធម្មជាតិ និងភូមិសាស្រ្ត (Life Science, Environment, Nature, Geography) បានទៅគម្រោង រុក្ខជាតិជំនាន់ថ្មី (Glowing Plants) ដែលរៀបចំដោយសិស្ស ព្រាប សុភា, យឺន នីកា និង តាន់ រតនៈទេវី មកពីកម្មវិធីសាលារៀនជំនាន់ថ្មីនៃវិទ្យាល័យព្រះស៊ីសុវត្ថិ ។
៤. ពានរង្វាន់ “បំណងប្រាថ្នា” នៃគុណតម្លៃផ្នែកវិទ្យាសាស្រ្ត បច្ចេកវិទ្យា វិស្វកម្ម និងគណិតសាស្រ្ត (Science, Technology, Engineering, Math) បានទៅគម្រោង ការប្រើប្រាស់សមីការឌីផេរ៉ង់ស្យែលបង្កើតជាម៉ូឌែលគណិតវិទ្យាដើម្បីព្យាករណ៍ និងបកស្រាយទៅលើការរាតត្បាតនៃ ជំងឺកូវីដ១៩នៅកម្ពុជា ដែលរៀបចំដោយសិស្ស ងួន ធារឡាយ ដារេត សុវិទ្យា ជា ដូរ៉ា ប៉ែន កុលបុត្រ និង ចាន់ សុម៉ានិត មកពីកម្មវិធីសាលារៀនជំនាន់ថ្មីនៃវិទ្យាល័យព្រះស៊ីសុវត្ថិ ។
គួរជម្រាបជូនថា គួរជំរាបជូនថា ការប្រកួតសិស្សឆ្នើមទូទាំងប្រទេសលើកទី១ ៖ ការសិក្សាដោយការបង្កើតគម្រោង “បំណងប្រាថ្នា” គឺជាការប្រកួតតាមបែបការសិក្សាដោយការបង្កើតគម្រោង លើកដំបូងបំផុត សម្រាប់សិស្សានុសិស្សពីថ្នាក់ទី៧ ដល់ទី១២ មកពីគ្រឹះស្ថានសិក្សារដ្ឋនិងឯកជនទូទាំងប្រទេស។
ព្រឹត្តិការណ៍ “បំណងប្រាថ្នា” មានគោលដៅសំខាន់ចំនួន ៣ ៖
១. លើកកម្ពស់ការរៀនរបស់សិស្សដោយវិធីសាស្រ្តរៀនបែបថ្មី គឺការរៀនតាមបែបសហការ ការរៀនដោយការត្រិះរិះពិចារណា ការរៀនដោយការដោះស្រាយបញ្ហា និងការរៀនដោយការបង្កើតគម្រោង។
២. គាំទ្រដល់សិស្សក្នុងការសម្រេចបានដល់កម្រិតកំពូលនៃពុទ្ធិសម្បទា ដែលទទួលបានពីការមេរៀននីមួយៗនៅក្នុងកម្មវិធីសិក្សាជាតិ ដោយយកទៅបង្កើតជាគម្រោង។
៣. លើកទឹកចិត្តដល់ការចែករំលែក ការពិភាក្សា ការកែលម្អ និងការដកស្រង់បទពិសោធក្នុងចំណោមសិស្សានុសិស្ស នូវស្នាដៃលទ្ធផលគម្រោងដែលពួកគេបង្កើតបាន៕
កញ្ញា វ៉ាន គីមសល់ ជាអ្នករាយការណ៍ព័ត៌មានអប់រំឱ្យបណ្ដាញសារព័ត៌មាន AMS Education ។
របាយការណ៍ថ្មី
មើលទាំងអស់ ➧គន្លឹះគ្រប់គ្រងពេល ២៤ម៉ោងផ្ទាល់ខ្លួនបានត្រឹមត្រូវ បញ្ជៀសទំនាស់និងបង្កើនគុណភាពជីវិត
បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ
• 15/12/2023
មនុស្សមានទំនាស់ពីរប្រភេទ គឺទំនាស់ក្នុងខ្លួន និងទំនាស់ក្រៅខ្លួន ។ ទំនាស់ក្នុងខ្លួនជាអាកប្បកិរិយាទាស់ទែងនឹងឥរិយាបថ ...
ព័ត៌មានទូទៅ
មើលទាំងអស់ ➧ក្រសួងអប់រំជ្រើសរើសនិស្សិតចូលសិក្សាថ្នាក់បរិញ្ញាបត្រជាន់ខ្ពស់គ្រប់គ្រងអប់រំជំនាន់ទី១២
ព័ត៌មានអាហារូបករណ៍, ព្រឹត្តិការណ៍
• 12/06/2023
ក្រសួងអប់រំ យុវជន និងកីឡាប្រកាសជ្រើសរើសនិស្សិតសិក្សាថ្នាក់បរិញ្ញាបត្រជាន់ខ្ពស់ផ្នែកគ្រប់គ្រងអប់រំជំនាន់ទី១២ ឆ្នាំសិក្សា២០២៣-២០២៤ ។ ការប្រឡង...
កម្មវិធីអាហារូបករណ៍ Fulbright ប្រកាសផ្តល់អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតសម្រាប់ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 17/02/2023
អាហារូបករណ៍ Fulbright កំពុងប្រកាសផ្ដល់អាហារូបករណ៍សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសិក្សានៅសហរដ្ឋអាមេរិក...
ឱកាសសិក្សាជំនាញ TVET ឥតគិតថ្លៃចំនួន ២១០កន្លែងនៅវិទ្យាស្ថានពហុបច្ចេកទេសតេជោសែន
ព័ត៌មានអាហារូបករណ៍, ព្រឹត្តិការណ៍
• 28/04/2023
ក្រោមគម្រោងកម្មវិធីធ្វើទំនើបកម្មប្រព័ន្ធអប់រំបណ្តុះបណ្តាលបច្ចេកទេស និងវិជ្ជាជីវៈឆ្នាំ២០២៣ វិទ្យាស្ថានជាតិពហុបច្ចេកទេសតេជោសែន ដែលជាគ្រឹះស្ថានអប់រំបណ្តុះបណ្តាល...
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យវិទ្យាសាស្ត្រ និងបច្ចេកវិទ្យាប៉េកាំងឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 27/02/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យវិទ្យាសាស្ត្រ និងបច្ចេកវិទ្យាប៉េកាំងសម្រាប់ឆ្នាំសិក្សា២០២៤។ អាហារូបករណ៍ ...
វិទ្យាស្ថានជាតិពាណិជ្ជសាស្រ្តផ្តល់អាហារូបករណ៍ សិក្សាជំនាញក្នុងវិស័យធុរកិច្ច និងព័ត៌មានវិទ្យា ដោយឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 22/04/2024
វិទ្យាស្ថានជាតិពាណិជ្ជសាស្រ្ត បានប្រកាសផ្តល់អាហារូបករណ៍ជាច្រើនកន្លែងដល់យុវជន ដែលមានបំណងចង់សិក្សាជំនាញក្នុងវិស័យធុរកិច្ច និងព័ត៌មានវិទ្យា។
ឱកាសសិក្សាជំនាញបច្ចេកទេស និងវិជ្ជាជីវៈ ឥតគិតថ្លៃពីវិទ្យាស្ថានពហុបច្ចេកទេសខេត្តព្រះសីហនុ
ព័ត៌មានអាហារូបករណ៍, ព្រឹត្តិការណ៍
• 12/12/2023
វិទ្យាស្ថានបច្ចេកទេសខេត្តព្រះសីហនុ បានប្រកាសផ្តល់អាហារូបករណ៍ ១០០ភាគរយ សម្រាប់វគ្គសិក្សាកម្រិតសញ្ញាបត្របច្ចេកទេស និងវិជ្ជាជីវៈ ១ (C1) ដោយសិក្សារយៈពេល៤ខែ ដោយឥតគិតថ្លៃ។
ឱកាសសិក្សាអាហារូបករណ៍កម្រិតវិស្វករនៅវិទ្យាស្ថានបច្ចេកវិទ្យាកម្ពុជារាជធានីភ្នំពេញ និងខេត្តត្បូងឃ្មុំ
ព័ត៌មានអាហារូបករណ៍, ព្រឹត្តិការណ៍
• 12/12/2023
គណៈកម្មាធិការអាហារូបករណ៍សិស្ស-និស្សិតក្រីក្រសម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិតប្រកាសផ្ដល់អាហារូបករណ៍សិក្សាកម្រិតវិស្វករនៅ...