ភ្នំពេញ- ក្រោយបញ្ចប់ការសិក្សាថ្នាក់បរិញ្ញាបត្រជំនាញអគ្គិសនី និងជំនាញសេដ្ឋកិច្ចពីសាកលវិទ្យាល័យពីរផ្សេងគ្នា បច្ចុប្បន្ន កញ្ញា ហោ សិរីរតនា កំពុងសិក្សាថ្នាក់បរិញ្ញាបត្រជាន់ខ្ពស់នៅសាកលវិទ្យាល័យជាតិគ្រប់គ្រង ជំនាញសេដ្ឋកិច្ច និងជាបុគ្គលិកបម្រើការងារនៅក្នុងក្រុមហ៊ុនឯកជនមួយកន្លែង, កាលពីពេលថ្មីៗនេះ កញ្ញាទើបតែបានជាប់អាហារូបករណ៍ទៅសិក្សានៅប្រទេសអេស្ប៉ាញរយៈពេល៤ខែ ។
កញ្ញា ហោ សិរីរតនា បានរៀបរាប់ថា អាហារូបករណ៍ដែលកញ្ញាបានជាប់នេះ គឺជាកម្មវិធី Exchange Program របស់សាកលវិទ្យាល័យជាតិគ្រប់គ្រង សហការណ៍ជាមួយសាកលវិទ្យាល័យ Vigo ប្រទេសអេស្ប៉ាញ ដោយផ្ដោតលើការធ្វើការសិក្សាស្រាវជ្រាវ សម្រាប់និស្សិត បុគ្គលិក និងសាស្រ្តាចារ្យនៅសាកលវិទ្យាល័យជាតិគ្រប់គ្រងតែប៉ុណ្ណោះ ។ កម្មវិធីនេះ ជាជំនួយរបស់រដ្ឋាភិបាល នៃសហភាពអឺរ៉ុបដែលមានឈ្មោះថា Erasmus+ and European Solidarity Corps ជាមួយសាកលវិទ្យាល័យ Vigo នៃប្រទេសអេស្ប៉ាញ សម្រាប់ឆ្នាំសិក្សា២០២២ ។
ជាមួយស្នាមញញឹមដែលមានថ្ពាល់ខួច កញ្ញា រតនា បានបញ្ជាក់ថា ដើម្បីទទួលបានអាហារូបករណ៍នេះ បេក្ខជនត្រូវមានឯកសារភ្ជាប់ជាមួយ ប្រវត្តិរូបសង្ខេប, Motivation letter, សញ្ញាបត្រមធ្យមសិក្សាទុតិយភូមិ, សញ្ញាបត្របរិញ្ញាបត្រ និង លិខិត Study plan ។ យ៉ាងណាមិញចំណុចដែលសំខាន់ក្នុងការដាក់ពាក្យអាហារូបករណ៍នេះ គឺការពិនិត្យមើលប្រវត្តិសិក្សារបស់បេក្ខជនផ្ទាល់តាមរយៈប្រវត្តិរូបសង្ខេប សញ្ញាបត្រមធ្យមសិក្សា ព្រឹត្តិបត្រពិន្ទុ ការសរសេរលិខិត Motivation letter ឬ Study Plan ។ លើសពីនេះការពិនិត្យលើលិខិត Motivation letter ឬ study plan និងកម្រិតភាសាអង់គ្លេសជារឿងដែលសំខាន់ ព្រោះវាជាចំណុចដែលអ្នកអាចបង្ហាញពីគោលបំណង និងគោលដៅនាពេលអនាគតរបស់អ្នកក្នុងការអភិវឌ្ឍន៍ខ្លួនឯងដើម្បីប្រទេសជាតិ ឱ្យគណកម្មការជ្រើសរើសបានដឹងពីបេក្ខភាព ។
តាមពិតទៅ មុនទទួលបានអាហារូបករណ៍ទៅសិក្សារយៈពេលខ្លីនៅប្រទេសអេស្ប៉ាញ កញ្ញា រតនា ក៏ធ្លាប់បោះបង់ការប្រឡងអាហារូបករណ៍ទៅប្រទេសចិនផងដែរក្នុងអំឡុងពេលសិក្សាថ្នាក់បរិញ្ញាបត្រឆ្នាំទី២ ដែលជាជំនួយផ្ទាល់របស់អគ្គិសនីកម្ពុជា ព្រោះតែស្ដាយការសិក្សាជំនាញសេដ្ឋកិច្ច ។ ហើយរហូតមកដល់ពេលនេះទើបកញ្ញាមានឱកាសដាក់ពាក្យអាហារូបករណ៍ បើទោះបីជាមានរយៈពេលខ្លី ប៉ុន្តែវាធ្វើឱ្យកញ្ញាទទួលបានបទពិសោធន៍ថ្មីៗ ។
យុវតីវ័យ២៣ឆ្នាំរូបនេះបន្ថែមថា ការសម្រេចចិត្តដាក់ពាក្យអាហារូបករណ៍ Exchange Program ទៅសាកលវិទ្យាល័យ Vigo នៃប្រទេសអេស្ប៉ាញនេះព្រោះកញ្ញាយល់ឃើញថា បណ្ដាប្រទេសនៅតំបន់អឺរ៉ុបក៏ដូចជាប្រទេសអេស្ប៉ាញភាគច្រើនជាប្រទេសដែលមានសេដ្ឋកិច្ចរីកចម្រើន ឬហៅបានថាប្រទេសអភិវឌ្ឍ ដូចនេះកញ្ញាចង់ដឹងពីដំណើរការ និងគោលនយោបាយសេដ្ឋកិច្ចរបស់គេ ។ លើសពីនេះអាចឱ្យកញ្ញាយកមកវិភាគពីភាពខុសគ្នារបស់ប្រទេសកម្ពុជា និងប្រទេសអេស្ប៉ាញ និងយុទ្ធសាស្រ្តក្នុងការបំពេញចន្លោះ ឬកង្វះខាតដើម្បីឱ្យសេដ្ឋកិច្ចកម្ពុជាក្លាយទៅជាសេដ្ឋកិច្ចអភិវឌ្ឍន៍ ។
មានស្រុកកំណើតនៅខេត្តពោធិ៍សាត់ កញ្ញា ហោ សិរីរតនា បន្តថា សម្រាប់អាហារូបករណ៍នេះ និស្សិតនឹងទទួលបានការឧបត្ថម្ភមួយចំនួនរួមមាន ការធ្វើ Visa, សំបុត្រយន្តហោះ, ការបង់ថ្លៃសិក្សា, ប្រាក់ឧបត្ថម្ភជារៀងរាល់ខែច្រើនជាង៩០០ដុល្លារក្នុងមួយខែ ។ ហើយពេលនេះ កញ្ញា និងនិស្សិតម្នាក់ទៀតបានត្រៀមខ្លួនរួចរាល់ហើយក្នុងការចេញដំណើរទៅសិក្សានៅក្នុងចុងខែមករា ឆ្នាំ២០២២ និងចូលរៀននៅដើមខែកុម្ភះខាងមុខ ។
ជាមួយគ្នានេះ កញ្ញាសង្ឃឹមថា រយៈពេល៤ខែនៅប្រទេសអេស្ប៉ាញនឹងក្លាយជាបទពិសោធន៍ ក៏ដូចជាមេរៀនដើម្បីឱ្យកញ្ញាអាចយកមកបញ្ចប់ការសិក្សាថ្នាក់អនុបណ្ឌិតសេដ្ឋកិច្ចនៅប្រទេសកម្ពុជាបានដោយជោគជ័យ ។ ហើយកញ្ញាសង្ឃឹមថា សម្រាប់ការទៅស្រាវជ្រាវនៅទីនោះនឹងអាចក្លាយជាឯកសារតម្កល់ទុកសម្រាប់និស្សិតជំនាន់ក្រោយៗ ក៏ដូចជាអាចប្រើប្រាស់ជាប្រយោជន៍ក្នុងការជួយជម្រុញដល់វិស័យសិក្សាស្រាវជ្រាវខាងផ្នែកសេដ្ឋកិច្ចជូនប្រទេសកម្ពុជាយើងផ្ទាល់ផងដែរ។
ជាចុងក្រោយកញ្ញា រតនា បានផ្តល់អនុសាសន៍ដល់និស្សិតគ្រប់រូប សូមកុំបោះបង់ក្ដីស្រមៃរបស់ខ្លួន និងមានភាពភ័យខ្លាចក្នុងការដាក់ពាក្យអាហារូបករណ៍ទៅសិក្សានៅបរទេស បើទោះបីជាលទ្ធផលបែបណា ក៏វាជាបទពិសោធន៍ ។ ជាមួយគ្នាកញ្ញាសង្ឃឹមថា ទៅថ្ងៃខាងមុខនឹងមាននិស្សិតខ្មែរកាន់តែច្រើនឈរនៅលើថ្នាក់អន្តរជាតិតំណាងប្រទេសកម្ពុជាឱ្យអន្តរជាតិស្គាល់ពីសក្ដានុពលរបស់កម្ពុជាកាន់តែច្បាស់ ហើយនិស្សិតទាំងអស់វិលត្រឡប់មកជួយអភិវឌ្ឍន៍ និងចូលរួមសង្គមដើម្បីការរីកចម្រើនទៅថ្ងៃអនាគត ៕
ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។
របាយការណ៍ថ្មី
មើលទាំងអស់ ➧គន្លឹះគ្រប់គ្រងពេល ២៤ម៉ោងផ្ទាល់ខ្លួនបានត្រឹមត្រូវ បញ្ជៀសទំនាស់និងបង្កើនគុណភាពជីវិត
បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ
• 15/12/2023
មនុស្សមានទំនាស់ពីរប្រភេទ គឺទំនាស់ក្នុងខ្លួន និងទំនាស់ក្រៅខ្លួន ។ ទំនាស់ក្នុងខ្លួនជាអាកប្បកិរិយាទាស់ទែងនឹងឥរិយាបថ ...
ព័ត៌មានទូទៅ
មើលទាំងអស់ ➧អាហារូបករណ៍៥០កន្លែងទៅសិក្សានៅប្រទេសឥណ្ឌា សម្រាប់ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 28/03/2023
កម្មវិធីអាហារូបករណ៍ ICCR Scholarships បានប្រកាសផ្តល់អាហារូបករណ៍ចំនួន៥០កន្លែងសម្រាប់សិស្សនិស្សិតកម្ពុជា ទៅសិក្សានៅប្រទេសឥណ្ឌា ...
ឱកាសសិក្សាថ្នាក់បរិញ្ញាបត្រជាន់ខ្ពស់នៅ Yenching Academy ប្រទេសចិនឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 28/09/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅ Peking University ពីកម្មវិធី Yenching Scholarship 2024 នៃប្រទេសចិនក្នុងឆ្នាំសិក្សា២០២៤...
ឱកាសទទួលបានអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ China Three Gorges
ព័ត៌មានអាហារូបករណ៍, ព្រឹត្តិការណ៍
• 07/04/2023
សាកលវិទ្យាល័យ China Three Gorges នៃប្រទេសចិន បានប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ ចំនួន០៥...
អាហារូបករណ៍សាច់ប្រាក់ពី Education First Cambodia សម្រាប់និស្សិតស្រីរយៈពេល៣ឆ្នាំ
ព័ត៌មានអាហារូបករណ៍, ព្រឹត្តិការណ៍
• 11/10/2023
ឱកាសទទួលបានអាហារូបករណ៍សាច់ប្រាក់រយៈពេល៣ឆ្នាំពី Education First Cambodia ផ្ដល់សម្រាប់សិស្សស្រីកំពុងសិក្សាឆ្នាំទី២នៃឆ្នាំសិក្សា២០២៣-២០២៤ ។ អាហារូបករណ៍ផ្ដល់ជូនសម្រាប់និស្សិតកំពុងសិក្សានៅ...
អាហារូបករណ៍សាច់ប្រាក់ពីមូលនិធីព្រីនស៍ នៃអាហារូបករណ៍ ចេន ហ្សី ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 17/01/2024
ឱកាសទទួលបានអាហារូបករណ៍សាច់ប្រាក់ពីមូលនិធីព្រីនស៍សម្រាប់អាហារូបករណ៍ ចេន ហ្សី ជំនាន់ទី៣ ឆ្នាំសិក្សា២០២៤។ អាហារូបករណ៍ផ្ដល់ជូនពីមូនិធីព្រីនស៍ ដែលមានការចូល...
ឱកាសសិក្សាអាហារូបករណ៍ថ្នាក់បរិញ្ញាបត្រ៣០កន្លែងនៅសាកលវិទ្យាល័យសៅសអ៉ីសថ៍អេយសៀខេត្តសៀមរាប ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 04/12/2023
កម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិប្រកាសផ្ដល់អាហារូបករណ៍ដល់សិស្ស-និស្សិតទូទាំងប្រទេសឱ្យសិក្សាថ្នាក់បរិញ្ញាបត្រ សិក្សានៅសាកលវិទ្យាល័យ សៅសអ៉ីសថ៍...
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យវិទ្យាសាស្ត្រ និងបច្ចេកវិទ្យាប៉េកាំងឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 27/02/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យវិទ្យាសាស្ត្រ និងបច្ចេកវិទ្យាប៉េកាំងសម្រាប់ឆ្នាំសិក្សា២០២៤។ អាហារូបករណ៍ ...
ក្រសួងអប់រំជ្រើសរើសនិស្សិត ១២០នាក់ ទៅសិក្សាថ្នាក់ក្រោយឧត្តមសិក្សា និងបរិញ្ញាបត្រ នៅប្រទេសវៀតណាម ក្នុងឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 14/03/2024
យោងទៅលើអនុស្សរណៈ នៃកិច្ចព្រមព្រៀងស្តីពីកិច្ចសហប្រតិបត្តិការអប់រំ រវាងក្រសួងអប់រំ យុវជន និងកីឡា នៃព្រះរាជាណាចក្រកម្ពុជា និងក្រសួងអប់រំ បណ្តុះបណ្តាល នៃសាធារណរដ្ឋសង្គមនិយមវៀតណាម...