យុវជនជនជាតិដើមភាគតិចចង់បានចំនួនកូត្តាអាហារូបករណ៍ជាក់លាក់ និងកន្លែងស្នាក់នៅរាជធានីភ្នំពេញ

ភ្នំពេញ៖ បន្តការសិក្សាថ្នាក់ឧត្តមសិក្សានៅរាជធានីភ្នំពេញ ជាគោល​បំ​ណ​ង​របស់​យុវ​ជ​ន​ជ​ន​ជា​តិ​ដើម​ភាគ​តិច​នានៅ​កម្ពុជា​ពេល​បច្ចុ​ប្បន្ន បន្ទាប់ពីពួកគេ​បានបញ្ចប់​ការ​សិក្សាថ្នាក់វិទ្យាល័យ។ ប៉ុន្តែមធ្យោបាយសិក្សា លទ្ធភាពរស់នៅ និងការចំណា​​យ​ផ្សេងៗ​ក្នុង​ពេ​ល​សិក្សានៅទី​ក្រុង​ជាកង្វល់​ចម្បង​ដែល​យុវជនជនជាតិដើមភាគតិចកំពុងជួបប្រទះ បើទោះ​បីពួក​គេ​ភាគ​ច្រើន​ទទួល​បាន​អាហា​រូបក​រណ៍​សម្រាប់​បង់ថ្លៃសិក្សានៅតាមគ្រឹៈស្ថានសិក្សា។ អាហារូបករណ៍ទាំងនេះ ហាក់មិនទាន់ជួយសម្រាលបន្ទុកចំណាយពេញលេញសម្រាប់យុវជនជនជាតិដើមភាគតិចឡើយ។ នេះ​ជា​ការ​យល់ឃើញ​របស់​លោក រិទ្ធី វីរៈ និងជាប្រធាន​កម្មវិធី​នៃស​មាគម​យុវជន​ជន​ជាតិ​ដើម​ភាគ​តិច​កម្ពុជា ។  ​

លោក រិទ្ធី វីរៈ ប្រធានកម្មវិធីនៃសមាគមយុវជនជនជាតិដើមភាគតិចកម្ពុជា ​(CIYA) មានប្រសាសន៍ថា យុវជនជនជាតិដើមភាគតិចភាគច្រើនមានបំណងបន្តការសិក្សានៅថ្នាក់ឧត្តមសិក្សា ប៉ុន្តែពុំមានអាហារូបករណ៍ជាក់លាក់និងកន្លែងស្នាក់នៅបន្តការសិក្សា។ មូលហេតុនេះបណ្តាលឱ្យនិស្សិតជនជាតិដើមភាគតិចមួយចំនួនត្រូវស្វែងរកអាហារូបករណ៍រៀនដោយខ្លួនឯង ឬការងារក្រៅម៉ោងដើម្បីទទួលបានថវិកាគាំទ្រលើការសិក្សា ការចំណាយប្រចាំថ្ងៃ និងសម្រួលដល់ជីវភាពគ្រួសាររបស់ពួកគេ។ ចំណែកនិស្សិតទទួលបានអាហារូបករណ៍មួយចំនួន តែងជួបបញ្ហាជីវភាពខ្វះខាតជារឿយៗ ព្រមទាំងបោះបង់ការសិក្សាផងដែរ។

យុវជនជនជាតិដើមភាគតិចគ្រឹង មកពីខេត្តរតនគិរីរូបនេះ បានបញ្ជាក់ទៀតថា សិស្សជនជាតិដើមភាគតិចដែលបានបញ្ចប់សញ្ញាបត្រមធ្យមសិក្សាទុតិយភូមិ មានពីចិតសិបទៅប៉ែតសិបភាគរយចង់បន្តការសិស្សានៅថ្នាក់ឧត្តមសិក្សា ប៉ុន្តែជាក់ស្ដែងមានតែប្រាំភាគរយប៉ុណ្ណោះដែលបានបន្តការសិក្សាតាមរយៈអាហារូបករណ៍ទូទៅ។ លោកថាចំនួននេះមានការកើនឡើងពីមួយឆ្នាំទៅមួយឆ្នាំ តែបើប្រៀបធៀបជនជាតិដើមភាគតិចដែលបានបញ្ចប់ការសិក្សាថ្នាក់ឧត្តមសិក្សានៅមានចំនួនតិចតួចនៅឡើយ។

“សិស្សជនជាតិដើមភាគតិចមិនអាចបន្តរៀននៅថ្នាក់ឧត្តមសិក្សាបានដោយសារបញ្ហាជីវភាពខ្វះខាត ខ្វះការជំរុញលើកទឹកចិត្តឱ្យបន្តការសិក្សា ពុំទទួលបានព័ត៌មានអាហារូបករណ៍ ការរៀបការនៅវ័យក្មេង មួយចំនួននៅមានការរើសអើងលើជនជាតិដើមភាគតិច និងបញ្ហាជាច្រើនទៀតកើតមាននៅក្នុងសហគមន៍ជនជាតិដើមភាគតិច”

លោក រិទ្ធី វីរៈ

បច្ចុប្បន្នសមាគមយុវជនជនជាតិដើមភាគតិចកម្ពុជា កំពុងគាំទ្រដល់និស្សិតជនជាតិដើមភាគតិចមកពីបណ្តាខេត្តនានាឱ្យទទួលបានការសិក្សាបានចំនួន ៥៤នាក់ ក្នុងនោះស្រីមាន២៤នាក់ ដោយផ្ដល់កន្លែងស្នាក់នៅ និងមាននិស្សិតកំពុងបន្តការសិក្សាថ្នាក់បរិញ្ញាបត្របច្ចុប្បន្ននៅភ្នំពេញជាងមានចំនួន១០០នាក់។ និស្សិតទាំងនោះកំពុងសិក្សាជំនាញផ្នែកច្បាប់ រដ្ឋបាលសាធារណៈ គណនេយ្យ ព័ត៌មានវិទ្យា អក្សរសាស្រ្ដខ្មែរ អក្សរសាស្រ្ដអង់គ្លេស អភិវឌ្ឍជនបទ កសិកម្ម និងជំនាញគ្រូបង្រៀនជាដើម។

លោក ហាយ៉ិ រូយុទ្ធ ជនជាតិដើមភាគតិចគ្រឹង កំពុងសិក្សាផ្នែកវិទ្យាសាស្រ្ដកសិកម្មឆ្នាំទី៤ នៅសាកលវិទ្យាល័យភូមិន្ទកសិកម្ម និងស្នាក់នៅសមាគមយុវជនជនជាតិដើមភាគតិចកម្ពុជា បាននិយាយថា នៅស្រុកភូមិដែលលោករស់នៅប្រជាជនភាគច្រើនប្រកបរបរធ្វើស្រែចម្ការតាមបែបប្រពៃណី ហើយលោកមានបំណងចាប់យកជំនាញវិទ្យាសាស្រ្ដកសិកម្មទៅជួយ​អ​ភិ​វឌ្ឍកសិកម្មនៅស្រុកភូមិឱ្យមានលក្ខណៈទំនើប និងជួយដល់ប្រជាសហគមន៍។

“ខ្ញុំមានគំនិតចង់យកជំនាញវិទ្យាសាស្រ្ដកសិកម្មក្រោយរៀនចប់ទៅអភិវឌ្ឍភូមិស្រុកលើផ្នែកដាំដុះតាមបែបទំនើបនឹងគេ និងណែនាំប្រជាជនឱ្យចេះបង្កើនទិន្នផលលក់នៅលើទីផ្សារ ប៉ុន្តែខ្ញុំត្រូវពង្រឹងសមត្ថភាពបន្ថែមទៀត ដោយស្វែងរកការងារធ្វើដើម្បីត្រៀមថវិកាសម្រាប់ការសិក្សាផង និងទុកអនុវត្តគម្រោងកសិកម្មផង”

លោក ហាយ៉ិ រូយុទ្ធ

សម្រាប់លោក រិទ្ធី វីរៈ ក៏ដូចជាសមាគមយុវជនជនជាតិដើមភាគតិចកម្ពុជា យល់ឃើញថា ប្រសិនបើក្រសួងអប់រំ យុវជន និងកីឡា ផ្តល់ចំនួនកូត្តាអាហារូបករណ៍ និងអន្តេរវាសិកដ្ឋានជាក់លាក់ជាអាទិភាពដល់​សិស្ស​ជន​ជាតិ​ដើម​ភាគ​តិច នោះពួកគេនឹងមានឱកាសបន្តការសិក្សាបានពេញលេញនៅថ្នាក់ឧត្តមសិក្សា។ អាហារូបករណ៍ទូទៅដែលក្រសួងផ្តល់ឱ្យកន្លងទៅ នៅមិនទាន់គ្រប់តាមតំរូវការជាក់ស្តែង និងមិនទាន់កំណត់កូត្តាជាក់លាក់សម្រាប់សិស្សនិស្សិតជនជាតិដើមភាគតិចនៅ​ឡើ​យ​។

ជុំវិញការងារលើកម្ពស់ការអប់រំសម្រាប់សិស្សជនជាតិដើមភាគតិចនៅកម្ពុជា ក្រសួងអភិវឌ្ឍន៍ជនបទមានគោលនយោបាយជាតិស្តីពីការអភិវឌ្ឍសហគមន៍ជនជាតិដើមភាគតិច បា​នអនុម័តក្នុងឆ្នាំ២០០៩ នៅផ្នែកវិស័យអប់រំ និងបណ្តុះបណ្តាលវិជ្ជាជីវៈ ចំណុចទី២.២ បានចែងថា “រដ្ឋរៀបចំឱ្យមានប្រព័ន្ធអប់រំពេញលេញ និងឯកភាពសមស្របទៅតាមតម្រូវការនៃជនជាតិដើមភាគតិច ដើម្បីបង្កើតបាននូវកាលានុវត្តភាពអប់រំមួយសមស្របសម្រាប់កុមារ យុវជន យុវនារី ប្រជាពលរដ្ឋជនជាតិដើមភាគតិច។ រដ្ឋបង្កើនការយកចិត្តទុកដាក់ទៅលើការសិក្សារបស់ជនជាតិដើមភាគតិចតាមរយៈកម្មវិធីសម្ភាររូបវន្ត កំណែទម្រង់កម្មវិធីសិក្សាដែលមានប្រយោជន៍ដល់សង្គម ផ្តល់អន្តេវាសិកដ្ឋាន អាហារូបករណ៍ក្នុងការសិក្សា ផ្តល់ប្រាក់ឧបត្ថម្ភ និងពង្រាយគ្រូឱ្យទៅបង្រៀននៅកន្លែងខ្វះគ្រូ និងគ្មានគ្រូ ដើម្បីឱ្យពួកគាត់បានបន្តការសិក្សានៅសាលាមធ្យមសិក្សា សាលាបណ្តុះបណ្តាលវិជ្ជាជីវៈ និងឧត្តមសិក្សា

ឆ្លើតតបនឹងការលើកឡើងនេះ ឯកឧត្តម រស់ សុវាចា អ្នកនាំពាក្យក្រសួងអប់រំ យុវជន និងកីឡា មានប្រសាសន៍ថា ជាទូទៅរៀងរាល់ឆ្នាំបន្ទាប់ពីប្រកាសលទ្ធផលប្រឡងសញ្ញាបត្រមធ្យ​ម​សិក្សាទុ​តិយភូមិ នាយកដ្ឋានឧត្តមសិក្សារបស់ក្រសួងអប់រំ យុវជន និងកីឡា មានភារកិច្ចរៀបចំដំណើរការជ្រើសរើស និងការប្រឡងជ្រើសរើសនិស្សិតអាហារូបករណ៍រដ្ឋឱ្យចូលរៀននៅតាមគ្រឹះស្ថានឧត្តមសិក្សារដ្ឋ និងឯកជននៅទូទាំងប្រទេស។ អាហារូបករណ៍ទាំងនោះត្រូវបានបែងចែកលើគោលការណ៍អាទិភាព មានដូចជាសិស្សពូកែទូទៅ សិស្សនារី សិស្សក្រីក្រ សិស្សមកពីតំបន់ជួបការលំបាក សិស្សពូកែទូទាំងប្រទេសផ្នែកគណិតវិទ្យា រូបវិទ្យា និងភាសាខ្មែរ និងសិស្សមានពិការភាព។

ឯកឧត្តមបន្តថា ក្រសួងអប់រំ យុវជន និងកីឡា ផ្សព្វផ្សាយជាសាធារណ: និងលើកទឹកចិត្តសិស្ស-និស្សិតស្តីពីឱកាសអាហារូបករណ៍ជាតិ តំបន់ និងអន្តរជាតិតាមយន្តការដែលមានស្រាប់របស់ក្រសួងអប់រំ យុវជន និងកីឡា ដែលសហការណ៍ជាមួយក្រសួង-ស្ថាប័ន គ្រប់គ្រឹះស្ថានសិក្សាពាក់ពន្ធ័ ជាពិសេសគ្រឹះស្ថានឧត្តមសិក្សាក្នុងប្រទេសកម្ពុជា និងប្រទេសជាមិត្ត។ ឱកាសអាហារូបករណ៍មានផ្សព្វផ្សាយជូនតាមយន្តការផ្សេងៗ ដូចជាបណ្តាញសង្គមហ្វេសប៊ុកផ្លូវការរបស់ក្រសួងអប់រំ យុវជន និងកីឡា ជាដើម។

សូមជម្រាបថា ជុំវិញការងារលើកម្ពស់ជីវភាពរស់នៅរបស់ជនជាតិដើមភាគតិចនៅកម្ពុជា ក្រសួងអភិវឌ្ឍន៍ជនបទមានគោលនយោបាយជាតិស្តីពីការអភិវឌ្ឍសហគមន៍ជនជាតិដើមភាគតិច បានអនុម័តក្នុងឆ្នាំ២០០៩។ ការបង្កើតគោលនយោបាយនេះ ដើម្បីកែលម្អជីវភាពរស់នៅរបស់សហគមន៍ជនជាតិដើមភាគតិច និងលើកកម្ពស់គុណភាពនៃជីវិតឱ្យកាន់តែប្រសើរ តាមរយៈការអភិវឌ្ឍច្រើនវិស័យ រួមមានវប្បធម៌ ការអប់រំ និងការបណ្តុះបណ្តាលវិជ្ជាជីវៈផងដែរ៕ ​


របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រជាន់ខ្ពស់ចំនួន១០កន្លែង​ នៅវិទ្យាស្ថានបច្ចេកវិទ្យាកម្ពុជា

ព័ត៌មានអាហារូបករណ៍, ព្រឹត្តិការណ៍

• 10/08/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅវិទ្យាស្ថានបច្ចេកវិទ្យាកម្ពុជាចំនួន១០កន្លែង​ ពីកម្មវិធីអាហារូបករណ៍ EDC-AFD-EU ។​ អាហារូបករណ៍ផ្ដល់ជូនការសិក្សារយៈពេល ២ឆ្នាំ ឬ៣ឆ្នាំតាមមុនជំនាញ ...

អាហារូបករណ៍ ស សុខា ១០០កន្លែងនៅសាកលវិទ្យាល័យអាយអាយស៊ី នៃបច្ចេកទេស ឆ្នាំ២០២២-២០២៣

ព័ត៌មានអាហារូបករណ៍, ព្រឹត្តិការណ៍

• 18/01/2023

ឱកាសទទួលបានអាហារូបករណ៍សម្រាប់​សិក្សាថ្នាក់បរិញ្ញាបត្រនៅសាកលវិទ្យាល័យអាយអាយស៊ី នៃបច្ចេកទេស ចំនួន១០០កន្លែង សម្រាប់ឆ្នាំសិក្សា២០២២-២០២៣...

វិទ្យាស្ថានជាតិកសិកម្មព្រែកលៀបផ្ដល់អាហារូបករណ៍ថ្នាក់បរិញ្ញាបត្រ១០០០កន្លែងសម្រាប់ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 05/01/2023

វិទ្យាស្ថានជាតិកសិកម្មព្រែកលៀបបាន​ប្រកាស​ផ្ដល់អាហារូបករណ៍១០០%ថ្នាក់បរិញ្ញាបត្រចំនួន១០០០កន្លែងសម្រាប់សិស្សទើបបញ្ចប់មធ្យមសិក្សាទុតិយភូមិ...

អាហារូបករណ៍ ៥០% ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យធនធានមនុស្ស

ព័ត៌មានអាហារូបករណ៍, ព្រឹត្តិការណ៍

• 03/01/2024

ឱកាសទទួលបានអាហារូបករណ៍៥០% សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យធនធានមនុស្សសម្រាប់ឆ្នាំសិក្សា២០២៣-២០២៤។ អាហារូបករណ៍...

អាហារូបករណ៍ថ្នាក់ភាសាមួយឆ្នាំនៅ CAM-ASEAN សម្រាប់សិស្សបញ្ចប់ថ្នាក់ទី១២ ឆ្នាំ២០២២ និង២០២៣

ព័ត៌មានអាហារូបករណ៍, ព្រឹត្តិការណ៍

• 10/01/2024

វិទ្យាស្ថានអន្តរជាតិCAM-ASEAN បន្តផ្ដល់អាហារូបករណ៍សិក្សាថ្នាក់ភាសាចិន និងភាសាអង់គ្លេសមួយឆ្នាំសម្រាប់សិស្សដែលទើបតែបញ្ចប់ថ្នាក់ទី១២ក្នុងឆ្នាំ...

វិទ្យាស្ថានពហុបច្ចេកទេសភូមិភាគតេជោសែនបាត់ដំបង ផ្តល់អាហារូបករណ៍សម្រាប់សិក្សាជំនាញបច្ចេកទេស និង​វិជ្ជាជីវៈ ចំនួន ៦៣៣០នាក់

ព័ត៌មានអាហារូបករណ៍, ព្រឹត្តិការណ៍

• 17/11/2023

ជាឱកាសល្អសម្រាប់ យុវជន យុវតី សិស្ស និស្សិត ដែលចង់សិក្សាជំនាញបច្ចេកទេស និង​វិជ្ជាជីវៈ ពេលនេះ វិទ្យាស្ថានពហុបច្ចេកទេស​ភូមិភាគតេជោសែនបាត់ដំបង ...

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Khalifa សហព័ន្ធអារ៉ាប់រួម ឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 24/01/2024

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Khalifa នៃសហព័ន្ធអារ៉ាប់រួម ឆ្នាំសិក្សា២០២៤ ​។ អាហា​រូបករណ៍​ផ្ដល់ជូនសម្រាប់និស្សិតអន្តរជាតិទូទាំងពិភពលោកដោយ...

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Muhammadiyah Surakarta ប្រទេសឥណ្ឌូនេស៊ីឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 09/06/2023

កម្មវិធីអាហារូបករណ៍ UMS International Priority Scholarship (IPS) 2023 ផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិតសិក្សានៅសាកលវិទ្យាល័យ...

ឱកាសសិក្សាអាហារូបករណ៍១៥០កន្លែង នៅបណ្ឌិតសភាបច្ចេកវិទ្យាឌីជីថលកម្ពុជាឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 13/11/2023

បណ្ឌិតសភាបច្ចេកវិទ្យាឌីជីថលកម្ពុជាប្រកាសប្រលងជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជំនាញឯកទេសនានាចំនួន១៥០កន្លែងក្នុងឆ្នាំសិក្សា២០២៣-២០២៤។ អាហារូបករណ៍....