ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
“សមាធិជាដំណើរតាំងស៊ប់មាំនៃចិត្ត ការចុះចិត្តស៊ប់ឬស្លុងចិត្តក្នុងគន្លងអារម្មណ៍ដែលរំពឹង ឬអាចនិយាយបានថាដំណើរនឹករំពឹងស្លុងចិត្ត”
នេះបើតាមនិយមន័យ “សមាធិ” ពន្យល់នៅក្នុងវចនានុក្រមខ្មែរដោយព្រះសង្ឃរាជ ជួន ណាត ។ បច្ចុប្បន្នការបដិបត្តិសមាធិ បានក្លាយជាវិធីសាស្ត្រមួយជួយជំរុញបង្កើតថាមពលចិត្តមនុស្សឱ្យរឹងមាំ បង្កើនប្រសិទ្ធភាពនៃការគិត និងធ្វើឱ្យគុណភាពជីវិតកាន់តែប្រសើរ។ បដិបត្តិសមាធិមិនប្រកាន់ភាពជាអ្នកបួស វ័យក្មេងឬចាស់ ភេទស្ត្រីឬបុរសឡើយ គ្រប់គ្នាសុទ្ធតែអាចនិងធ្វើបាននៅគ្រប់ទីកន្លែង។ ការបដិបត្តិសមាធិម្តងហើយម្តងទៀត នោះនឹងក្លាយជាទម្លាប់ដ៏ក្នុងជីវភាពនៅរស់ប្រចាំថ្ងៃ។
កញ្ញា សុខ សុធារ៉ា ជាអ្នកបដិបត្តិសមាធិម្នាក់យល់ថា សមាធិជាវិធីសាស្ត្រមួយដែលជួយឱ្យចិត្តស្ងប់ រាងកាយមានថាមពលពេញលេញ និងជម្រះរាល់មន្ទិលសៅហ្មងទាំងពួង ដោយសារធម្មជាតិរបស់ចិត្តដែលញាប់ញ័រ។
“ពេលបដិបត្តិសមាធិ ខ្ញុំរកឃើញរបកគំហើញខ្លួនឯងទាំងការអភិវឌ្ឍន៍ស្មារតី ចិត្ត គំនិត និងបញ្ញា ពេលហ្នឹងទទួលបានសុខុមាលភាពសុខភាពផ្លូវចិត្ត ផ្លូវកាយ និងគុណភាពជីវិតពេញបរិបូរណ៍”
អ្នកបដិបត្តិសមាធិរូបនេះ ពណ៌នាពន្យល់បន្តថា
“តាមរយៈសមាធិជួយឱ្យខ្ញុំផ្តោតអារម្មណ៍ធ្វើការងារបានល្អ និងមានប្រសិទ្ធភាព ពេលខ្លះយើងមានគំនិតច្នៃប្រឌិតខ្ពស់ក្នុងការងារ មានទំនាក់ទំនងល្អជាមួយក្រុមការងារ ដោយសារចិត្តស្ងប់ អារម្មណ៍ល្អ…”
សុធារ៉ា ចាប់ផ្តើមសមាធិដំបូងនៅរវាងឆ្នាំ 2018 បន្ទាប់ពីបានឃើញបងស្រីជីដូនមួយបង្ហោះរូបភាពអង្គុយសមាធិនៅលើបណ្តាញសង្គម។ រៀនសមាធិផង ស្វែងរកព័ត៌មានបន្ថែមពីគុណសម្បត្តិនៃការធ្វើសមាធិផង ទាំងនេះជាមូលហេតុចម្បងដែលជំរុញឱ្យសុធារ៉ាសម្រេចលទ្ធផលសមាធិបានលឿនរហ័ស។ សុធារ៉ា បានរៀបរាប់ថា សមាធិបានបង្រៀនឱ្យចិត្តព្រមរស់រានមានជីវិតក្នុងពេលបច្ចុប្បន្នតាមរយៈសតិរលឹកដឹងទាន់លំហូរដកដង្ហើមចេញចូលក្នុងកាយ បំបាត់ភាពភ័យខ្លាច ហើយបោះបង់រឿងរ៉ាវអវិជ្ជមានទាំងបច្ចុប្បន្ននិងអនាគត។
កញ្ញា សុខ សុធារ៉ា បច្ចុប្បន្នជាបុគ្គលិកបម្រើការងារក្រុមហ៊ុនឯកជនមួយ នៅរាជធានីភ្នំពេញ។ រយៈពេលបីឆ្នាំកន្លងទៅក្នុងបទពិសោធសមាធិ សុធារ៉ា ចំណាយពេលកន្លះម៉ោង ទៅមួយម៉ោងរៀងរាល់ថ្ងៃនៅពេលព្រឹក ដើម្បីបដិបត្តិសមាធិមុនពេលចេញទៅប្រាស្រ័យការងារខាងក្រៅ។
“ពេលព្រឹកធ្វើសមាធិម្តង… មុនពេលចូលគេងយើងគួរតែសមាធិម្តងទៀត ដើម្បីដុសខាត់សម្អាតចិត្ត ឬអារម្មណ៍មិនល្អដែលតោងជាប់នៅពេលថ្ងៃ ហើយដំណេកក៏លង់លក់ស្រួល។ ដើម្បីសមាធិជោគជ័យយើងគួរតែហ្វឹកហាត់ចម្រើនសតិរឿយៗ តាមរយៈឥរិយាបថទាំងបួន រួមមានដេក ដើរ ឈរ អង្គុយ ដោយរលឹកដឹងតាមខ្យល់ដកដង្ហើមចេញចូលក្នុងកាយ”
សូមបញ្ជាក់ថា សមាធិមានឥទ្ធិពលមកពីព្រះពុទ្ធសាសនា។ ការសមាធិនេះ មានការគាំទ្រច្រើនពីអ្នកវេជ្ជសាស្ត្រនិងវិទ្យាសាស្ត្រ ដោយសារមានគុណប្រយោជន៍សម្រាប់សុខភាព។ ការធ្វើសមាធិបានល្អ អាចពន្យាភាពចាស់ទ្រុឌទ្រោមនៃខួរក្បាល និងជួយឱ្យខួរក្បាលមានសមត្ថភាពកាន់តែប្រសើរឡើង កាត់បន្ថយអារម្មណ៍តានតឹងឬស្ត្រេស និងសម្រួលដំណេកបានយ៉ាងល្អ។
“សមាធិបានលទ្ធផលល្អប្រសើរ ទាមទារឱ្យបុគ្គលអនុវត្តសមាធិដោយសេចក្តីព្យាយាម អត់ធ្មត់ នោះនឹងជំរុញឱ្យសមាធិមានកម្លាំង ព្រមទាំងជោគជ័យក្នុងកិច្ចប្រតិបត្តិ”
កញ្ញា សុខ សុធារ៉ា
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍សំខាន់
ព័ត៌មានទូទៅ
បទពិសោធន៍ឪពុកម្ដាយ ៖ រៀបចំបណ្ណាល័យនៅផ្ទះរួមចំណែកបណ្ដុះទម្លាប់អានរបស់កូន
ក្រសួងការងារប្រកាសពីតម្រូវការកម្លាំងពលកម្មជាង៤ម៉ឺន៧ពាន់កន្លែង សម្រាប់វិស័យចំនួន៣
លោក គឹម សុរ៉ន ចាប់ជំនាញកុំព្យូទ័រ និងរចនាក្រាហ្វិក ក្នុងមហិច្ឆតាចែករំលែកចំណេះដឹងបន្តដល់កុមារនៅសហគមន៍
មតិកែលម្អ គឺជាមូលដ្ឋានគ្រឹះ នៃការពង្រឹងសមត្ថភាពត្រិះរិះពិចារណា (Critical thinking)
វិទ្យាស្ថានជាតិវិជ្ជាជីវៈបាត់ដំបង ផ្តល់អាហារូបករណ៍ដល់យុវជន៣៦០នាក់រៀនជំនាញបច្ចេកទេសឥតគិតថ្លៃ
វិទ្យាស្ថានពហុបច្ចេកទេសខេត្តកំពង់ស្ពឺ ជ្រើសរើសយុវជន៥៧០នាក់ ចូលរៀនជំនាញបច្ចេកទេស និងវិជ្ជាជីវៈ
ការរចនាអាគារបែប «biophilic» អាចពង្រឹងគុណភាពជីវិតសម្រាប់អ្នកមានបញ្ហាប្រព័ន្ធប្រសាទ (neurodivergent)
សាលាអន្តរជាតិដ៏មានកិត្យានុភាពចំនួនប្រាំបីក្នុងប្រទេសកម្ពុជា ទទួលបានអាជ្ញាបណ្ណពីអាជ្ញាធរគ្រប់គ្រងស្តង់ដា និងកម្មវិធីសិក្សារបស់នាយកដ្ឋានអប់រំរដ្ឋអូស្រ្តាលីខាងលិច ក្នុងការប្រើប្រាស់កម្មវិធីសិក្សាអប់រំចំណេះទូទៅស្តង់ដារដ្ឋអូស្ត្រាលីជាផ្លូវការនៅក្នុងប្រទេសកម្ពុជា
ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ ឆ្នាំនេះ ធ្វើឡើងក្រោមប្រធានបទ «រៀនឱ្យចប់ ឱ្យចេះ ឱ្យមានការងារ»
ចូលរួមធ្វើឱ្យបរិស្ថានល្អ ជួយជំរុញសុខភាពផ្លូវចិត្តកាន់តែប្រសើរ
កម្មវិធីពិសេសរបស់ AMS EDUCATION
ព័ត៌មានសង្ខេប
