fbpx

កម្មវិធីស្វ័យសិក្សា MoEYS E-Learning មានអ្នកទាញយកប្រើប្រាស់ចំនួន ២៤ម៉ឺននាក់

ភ្នំពេញ – រហូតដល់ចុងខែកញ្ញានេះ គិតត្រឹមរយៈពេល ៥ខែបន្ទាប់ពីដាក់ឱ្យប្រើប្រាស់ជាសាធារណៈ កម្មវិធីស្វ័យសិក្សា MoEYS E-Learning មានអ្នកទាញយកប្រើប្រាស់ចំនួន ២៤ម៉ឺននាក់ ។ នេះបើតាមការបញ្ជាក់របស់រដ្ឋមន្ត្រីក្រសួងអប់រំ យុវជន និងកីឡា ក្នុងសន្និសីទសារព័ត៌មានស្តីពីកម្មវិធីស្វ័យសិក្សា MoEYS E-Learning ប្រាំខែបន្ទាប់ពីការដាក់ឱ្យប្រើប្រាស់ជាសាធារណៈ រៀបចំដោយក្រសួងអប់រំ យុវជន និងកីឡា និងសហភាពសហព័ន្ធយុវជនកម្ពុជានៅវិទ្យាល័យព្រះស៊ីសុវត្ថិ រាជធានីភ្នំពេញ ។

ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា មានប្រសាសន៍ថា MoEYS E-Learning App ជាប្រព័ន្ធសិក្សាតាមបែបអេឡិចត្រូនិកដែលក្រសួងអប់រំបានដាក់ឱ្យប្រើប្រាស់ដើម្បីចូលរួមចំណែកពង្រឹងសមត្ថភាពសិស្ស និងកសាងធនធានសិក្សាកាន់តែសម្បូរបែប ។ ឯកឧត្តមបណ្ឌិតសភាចារ្យ មានប្រសាសន៍បន្តថា សិស្សមានឱកាសប្រើប្រាស់ App MoEYS E-Learning ដើម្បីយកទៅពង្រឹងចំណេះដឹង ត្រៀមខ្លួនឱ្យបានរួចជាស្រេចដើម្បីប្រឡងសញ្ញាបត្រ ហើយគ្រូបង្រៀនអាចប្រើប្រាស់ដើម្បីបង្កើនបំណិនវិជ្ជាជីវៈបន្ថែមទៀតលើជំនាញរបស់ខ្លួន ។

ទន្ទឹមគ្នានេះឯកឧត្តមរដ្ឋមន្ត្រីក្រសួងអប់រំ យុវជន និងកីឡា បានបន្ថែមថា ក្រសួងអប់រំបានប្រកាសផ្អាកដំណើរការសាលារៀនបណ្ដោះអាសន្ន និងបានដាក់ចេញជាគោលនយោបាយលើកកម្ពស់ការអប់រំតាមបែបឌីជីថល ហើយកម្មវិធីសិក្សាអេឡិចត្រូនិច្ចនេះរួមចំណែកបង្កើតធនធាន និងបង្កើតជាប្រព័ន្ធអប់រំឌីជីថលមួយ ដើម្បីជួយឱ្យសិស្សានុសិស្សមានបំណិនផ្នែកឌីជីថល និងចូលរួមចំណែកដោះស្រាយបញ្ហាចំពោះមុខ និងការខ្វះខាតឯកសារសិក្សានានាផងដែរ ។

“យើងបានជ្រើសរើសលោកគ្រូអ្នកគ្រូល្បីៗ ដែលជាគ្រូល្អដើម្បីថតជាវីដេអូហើយដាក់ចូលទៅក្នុងកម្មវិធី MoEYS E-Learning ជាគោលដៅដែលក្រសួងអប់រំបានដាក់ចេញថ្មីសម្រាប់វិស័យអប់រំ គឺការផ្ដល់ឱកាសឱ្យសិសិស្សានុសិស្សបន្តការសិក្សា និងធ្វើស្វ័យសិក្សា ជួយដល់បុគ្គលិកអប់រំ ការពារអាយុជីវិតរបស់សិស្សានុសិស្ស និងមាតាបិតាសិស្សផងដែរ”

ឯកឧត្តមបណ្ឌិតសភាចារ្យ ហង់ជួន ណារ៉ុន

ស្របគ្នានេះដែរ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា មានប្រសាសន៍ថា ឯកឧត្តមអរគុណដល់រដ្ឋមន្រ្តីក្រសួងអប់រំដែលតែងតែគាំទ្រដល់សហភាពសហព័ន្ធយុវជនកម្ពុជា បានសហការដោយស្អិតតរមួត លើវិស័យអប់រំ​ និងបណ្តុះបណ្តាលសមត្ថភាព​ បំណិនជីវិត ​គំនិតច្នៃប្រឌិត កំណែទម្រង់វិស័យ​អប់រំ​នៅកម្ពុជាចាប់តាំងពីឆ្នាំ២០១៤ ។ ឯកឧត្តមបានលើកឡើងថា ជាក់ស្តែងដូចជា​ការរៀបចំវគ្គបំប៉នថ្នាក់ទី១២ ដើម្បីពង្រឹងសមត្ថភាពការត្រៀមប្រឡងមធ្យមសិក្សាទុតិយភូមិ ការចូលរួមសង្កេតការការប្រឡងបាក់ឌុប និងកិច្ចសហការដទៃទៀត ។

“យើងសង្ឃឹមថា App MoEYS E-Learning នេះ ជាការចូលរួមចំណែកគាំទ្រកំណែទម្រង់វិស័យអប់រំ និងសមស្រមទៅនឹងបរិបទឱស្សាហកម្ម៤.០ ក្រោមកិច្ចពិភាក្សាជាមួយរដ្ឋមន្រ្តីក្រសួងអប់រំ និងក្រុមបច្ចេកទេសដើម្បីបង្កើតឱ្យមានមាតិកាApp សម្រាប់ជាមធ្យោបាយដល់ការសិក្សារបស់សិស្សានុសិស្សបើទោះជាស្ថិតក្នុងបរិបទកូវីដ-១៩ ក៏ដោយ”

ប្រសាសន៍ ឯកឧត្តម ហ៊ុន ម៉ានី

ប្រធានសហភាពសហព័ន្ធយុវជនកម្ពុជា បញ្ជាក់បន្ថែមថា អ្នកទាញយក App MoEYS E-Learning ទៅប្រើប្រាស់មានចំនួន ២៤ម៉ឺននាក់ វីដេអូ និងមានតិកា មានអ្នកចូលរួមទស្សនារហូតដល់ ២លាននាក់ ហើយអត្រាចូលទៅសិក្សាជារៀងរាល់ថ្ងៃមានចំនួន ៧ពាន់នាក់ ហើយបច្ចុប្បន្ននេះ មានអ្នកចុះឈ្មោះ ២៥ខេត្តក្រុងទូទាំងប្រទេសកម្ពុជា ។

ឯកឧត្តមបញ្ជាក់បន្ថែមថា ការបង្កើត App MoEYS E-Learning នេះ ក្រោមការគិតគូរយ៉ាងល្អិតល្អន់ជាមួយរដ្ឋមន្រ្តីក្រសួងអប់រំទៅលើបញ្ហាប្រឈមទាក់ទងបញ្ហាអ៊ីនធឺណិត និងការខ្វះខាតទូរស័ព្ទស្មាតហ្វូនពីភាពខុសគ្នារវាងទីប្រជុំជន និងទីជនបទ ។ ឯកឧត្តមបន្តថា វីដេអូសិក្សា និងសៀវភៅ សិស្សអាចទាញយកមកប្រើប្រាស់​ពេលមិនមានអ៊ីធឺណេត​ ។ លើសពីនេះ អ្នកប្រើប្រាស់អាចប្រើច្រើនគណនីផ្សេងគ្នាលើទូរស័ព្ទតែមួយ ហើយឯកសារមេរៀនសិស្សក៏ អាចទាញយកទុកមើលនៅពេលក្រោយបាន ។

គួរបញ្ជាក់ផងដែរថា កម្មវិធីស្វ័យសិក្សា MoEYS E-Learning បង្កើតឡើងដោយក្រសួងអប់រំ យុវជន និងកីឡា បានសហការជាមួយសហភាពសហព័ន្ធយុវជនកម្ពុជា ។ កម្មវិធីនេះ បានបង្កើតឡើងដើម្បីគាំទ្រដល់ដំណើរការអប់រំតាមបែបស្វ័យសិក្សាសម្រាប់សិស្សានុសិស្សនៅគ្រប់ភូមិសិក្សា និងគ្រប់កម្រិតសិក្សា គ្រប់ពេលវេលា និងទីកន្លែងដែលសមប្រកប ។ សិស្សានុសិស្សអាចទទួលបានព័ត៌មានសំខាន់ៗ វីដេអូមេរៀនពីថ្នាក់ទី១ ដល់ថ្នាក់ទី១២ មានកម្រងសៀវភៅ និងឯកសារសិក្សា លំហាត់សាកល្បងសមត្ថភាព រួមជាមួយមុខងារល្អៗជាច្រើនទៀត ៕


ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

៧ចំណុច បង្ហាញថាអ្នកជាសិស្សមានវិន័យក្នុងការសិក្សា

សិស្សមានវិន័យក្នុងការសិក្សា អាចអភិវឌ្ឍសមត្ថភាព ចំណេះដឹងសិក្សារបស់ខ្លួនឱ្យទទួលបានលទ្ធផលកាន់តែល្អប្រសើរ ។
ព័ត៌មានអាហារូបករណ៍, ព្រឹត្តិការណ៍

រដ្ឋាភិបាលចិនផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់សម្រាប់មន្ត្រីកម្ពុជា

ភ្នំពេញ- កម្មវិធីអាហារូបករណ៍ MOFCOM នៃរដ្ឋាភិបាលចិនឆ្នាំសិក្សា២០២១បានបើកឱ្យមន្ត្រីកម្ពុជាធ្វើការដាក់ពាក្យចាប់ពីថ្ងៃនេះចំនួន៣៨កន្លែងរយៈពេល២ និង៣ឆ្នាំ ។
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

អ្នកស្រី ហួត សុជាតា៖ អំណានជាបំណិនដ៏សំខាន់ពុំអាចខ្វះបានសម្រាប់កុមារគ្រប់រូប

ភ្នំពេញ៖ ដើម្បីអភិវឌ្ឍផ្នែកបញ្ញាស្មារតីដល់កុមារ ការអាន ជាគន្លឹះសំខាន់មួយដែលមិនអាចខ្វះបានសម្រាប់កុមារ ព្រោះនៅពេលដែលកុមារចាប់ផ្ដើមចេះអាន ពួកគេទទួលបាននូវ
ព្រឹត្តិការណ៍, យុវជនឆ្នើម, អាហារូបករណ៍

លោក គៀវ ម៉េងគ័ង ចែករំលែកបទពិសោធន៍ដើម្បីទទួលបានអាហារូបករណ៍ទៅសិក្សានៅប្រទេសឥណ្ឌា

លោក គៀវ ម៉េងគ័ង ជាអតីតនិស្សិតអាហារូបករណ៍ថ្នាក់បរិញ្ញាបត្រជាន់ខ្ពស់ជំនាញប្រវត្តិវិទ្យា នៃសាកលវិទ្យាល័យ Delhi ។ លោកបានចែករំលែកបទពិសោធន៍ថា ដើម្បីជាប់អាហារូបករណ៍
ព័ត៌មានជាតិ និងអន្តរជាតិ, ព្រឹត្តិការណ៍

រឿងល្អ៤យ៉ាង ដែលសិស្សទទួលបានពីសាលារៀនមានវិន័យអប់រំបែបវិជ្ជមាន

ភ្នំពេញ៖ វិន័យអប់រំបែបវិជ្ជមាននៅតាមសាលារៀន គឺជាស្វ័យវិន័យរបស់គ្រូបង្រៀនដែលមានផលវិជ្ជមានទៅលើការអភិវឌ្ឍសមត្ថភាពសិក្សារបស់សិស្ស ។
ចំណេះជីវិត, ព្រឹត្តិការណ៍

លោកវេជ្ជបណ្ឌិត ឈឹម សុធារ៉ា៖ អាការៈដកដង្ហើមញាប់ជារោគសញ្ញានៃជំងឺផ្លូវចិត្ត ប៉ុន្តែមិនបណ្ដាលឱ្យអ្នកស្លាប់ទេ

ប្រសិនបើអ្នកមានអារម្មណ៍ថា ដកដង្ហើមញាប់ ការដកដង្ហើមផុតៗ ឬដកដង្ហើមមិនដល់គ្នា ទាំងនេះអាចចាត់ទុកថា អ្នកអាចនឹងមានជំងឺផ្លូវចិត្ត ប៉ុន្តែវាមិនបណ្តាលឲ្យអ្នករងគ្រោះដល់
ព្រឹត្តិការណ៍, អប់រំកុមារតូច

Parent’s changing unintentional mistake in educating children

All children unlikely commit violence in their life, if parents, schools and communities educate them non-violently. And children do not need a violent-educating method as well.
ព្រឹត្តិការណ៍, អប់រំកុមារតូច

ម្តាយឪពុកផ្លាស់ប្តូរកំហុសអប់រំកូនដោយអចេតនា

ភ្នំពេញ – ទំនងកុមារគ្រប់រូបមិនអាចប្រព្រឹត្តិអំពើហិង្សាបានទេនៅក្នុងដំណើរជីវិតរបស់ពួកគេ ប្រសិនបើម្តាយឪពុក សាលារៀន និងសហគមន៍បានអប់រំ
ទេពកោសល្យ, ព្រឹត្តិការណ៍, យុវជនឆ្នើម

បេក្ខជន៥រូបនឹងបន្តទៅវគ្គផ្ដាច់ព្រ័ត្រ ក្នុងកម្មវិធីប្រកួតនិយាយសាធារណៈស្តីពីការលើកកម្ពស់សុខភាពសាធារណៈ

ក្នុងកម្មវិធីប្រកួតនិយាយជាសាធារណៈលើប្រធានបទ “ហេតុអ្វីបានជាកម្ពុជាចាំបាច់ត្រូវដំឡើងពន្ធថ្នាំជក់?” កាលពីពេលថ្មីៗនេះ គេបានរកឃើញបេក្ខជន ៥រូបនឹងបន្តទៅ
ព័ត៌មានអាហារូបករណ៍, ព្រឹត្តិការណ៍

រដ្ឋាភិបាលជប៉ុនផ្ដល់អាហារូបករណ៍ MEXT Titech ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ឆ្នាំសិក្សា២០២២

រដ្ឋាភិបាលជប៉ុនផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតឆ្នាំសិក្សា២០២២សម្រាប់និស្សិតឆ្នើមអន្តរជាតិដែលមានក្ដីស្រមៃចង់បន្តការសិក្សានៅប្រទេសជប៉ុន ។

AMS EDUCATION
@amseducation