ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ អ្នកជំនាញសុខភាពនៃអង្គការចលនាដើម្បីសុខភាពកម្ពុជា (CMH) បានអះអាងថា ចាប់ពីថ្ងៃទី០១ ខែសីហាខាងមុខតទៅ រូបភាពសារព្រមានសុខភាពគ្រោះថ្នាក់បណ្តាលមកពីជក់បារីនៅលើកញ្ចប់បារីនឹងផ្លាស់ប្តូររូបភាពថ្មី ដើម្បីចូលរួមរំលឹកដាស់តឿនប្រជាជនឱ្យកាត់បន្ថយការជក់បារី ព្រមទាំងអាចកាត់បន្ថយអត្រាស្លាប់ដោយសារជំងឺកូវីដ-១៩។ ប្រសិនបើបុគ្គលនោះឆ្លងជំងឺកូវីដ-១៩ អ្នកជក់បារីអាចនឹងគ្រោះថ្នាក់ដល់អាយុជីវិតខ្ពស់ជាងអ្នកមិនជក់បារី ហើយសារព្រមានជារូបភាពថ្មីនេះនឹងចូលរួមលុបបំបាត់ផ្សែងបារីចេញពីគ្រួសារនីមួយៗនៅកម្ពុជា។ នេះជាការបញ្ជាក់របស់លោកវេជ្ជបណ្ឌិត មុំ គង់ នាយកប្រតិបត្តិអង្គការចលនាដើម្បីសុខភាពកម្ពុជា នៅថ្ងៃទី២៣ ខែកក្កដានេះ។
លោកវេជ្ជបណ្ឌិត មុំ គង់ នាយកប្រតិបត្តិអង្គការចលនាដើម្បីសុខភាពកម្ពុជា មានប្រសាសន៍បន្តថា សារព្រមានសុខភាពជារូបភាពលើកញ្ចប់បារីបានអនុវត្តដាក់លើកញ្ចប់ផលិតផលបារីទាំងអស់កាលពីឆ្នាំ២០១៦ ហើយរយៈពេលពីរឆ្នាំម្តងនឹងផ្លាស់ប្តូរសាររូបភាពថ្មីៗបង្ហាញទៅកាន់សាធារណជនពីប្រភេទជំងឺផ្សេងៗបង្កឡើងដោយសារជក់បារី។ ក្រសួងសុខាភិបាលតម្រូវឱ្យក្រុមហ៊ុនអាជីវកម្មថ្នាំជក់ទាំងអស់ផ្លាស់ប្តូរររូបភាពសារអប់រំសុខភាពលើកញ្ចប់បារី។
លោកវេជ្ជបណ្ឌិតបានបញ្ជាក់ថា ការរឹតបន្តឹងការបោះពុម្ពសារព្រមានសុខភាពជារូបភាពលើកញ្ចប់បារីឱ្យបានទៀងទាត់ជំរុញអ្នកជក់បារីឱ្យផ្ដាច់បារី បង្ការស្រី្ត យុវជន និងកុមារ កុំឱ្យចាប់ផ្ដើមជក់បារី។ ការផ្ដាច់បារីរបស់ប្រជាពលរដ្ឋ រួមចំណែកជាមួយរដ្ឋាភិបាលក្នុងការទប់ស្កាត់ការរីករាលដាលនៃជំងឺកូវីដ១៩ ដោយសារអ្នកជក់បារីបង្កើនឱកាសការឆ្លងជំងឺនេះកាន់តែខ្លាំង ហើយនឹងប្រឈមគ្រោះថ្នាក់ធ្ងន់ធ្ងរជាងអ្នកមិនជក់។
លោកវេជ្ជបណ្ឌិត មុំ គង់ នាយកប្រតិបត្តិអង្គការចលនាដើម្បីសុខភាពកម្ពុជា
“សារអប់រំសុខភាពលើកញ្ចប់បារី ជាវិធានអប់រំសុខភាពមានប្រសិទ្ធិភាពបំផុតទៅកាន់ប្រជាជនរស់នៅគ្រប់តំបន់ទាំងអស់ ហើយទីណាមានកន្លែងលក់បារី ទីនោះមានសារអប់រំសុខភាព ពីព្រោះសារអប់រំជារូបភាពបានបោះពុម្ពនៅលើកញ្ចប់បារីជាស្រេច”
ស្របនឹងការលើកឡើងខាងលើការសិក្សាស្រាវជ្រាវវិទ្យាសាស្រ្តជាច្រើនបង្ហាញថា ការដាក់សារព្រមានសុខភាពជារូបភាពលើកញ្ចប់ផលិតផលថ្នាំជក់ជាវិធានការអប់រំមានប្រសិទ្ធភាពខ្ពស់។ ជាក់ស្ដែងការសិក្សានៅប្រទេសថៃ កាលពីឆ្នាំ២០១៨ អំពីប្រសិទ្ធភាពនៃសារព្រមានសុខភាពជារូបភាពមានទំហំ ៨៥ភាគរយនៃកញ្ចប់បារី បានបង្ហាញថា រូបភាពព្រមានសុខភាពធំៗនៅលើកញ្ចប់បារីមានប្រសិទ្ធភាពខ្ពស់ក្នុងការបង្កើនភាពភ័យខ្លាចដល់អ្នកជក់បារី ទប់ស្កាត់កំណើនអ្នកជក់បារីថ្មីៗ និងធ្វើឱ្យអ្នកជក់បារីមានបំណងផ្ដាច់បារី។
តាមការសិក្សារបស់អង្គការចលនាដើម្បីសុខភាពកម្ពុជា បានឱ្យដឹងថា បច្ចុប្បន្នឥទ្ធិពលនៃផ្សែងបារីបណ្តាលឱ្យប្រជាជនកម្ពុជាស្លាប់ជាមធ្យម ៤០នាក់ក្នុងមួយថ្ងៃដោយផ្ទាល់និងដោយប្រយោល ហើយសរុបជារួមប្រជាជនកម្ពុជា ១ម៉ឺនប្រាំពាន់នាក់ស្លាប់ជារៀងរាល់ឆ្នាំដោយសារឥទ្ធិពលនៃផ្សែងបារី។ សកម្មភាពសប្បុរសធម៌ទាំងអស់របស់ក្រុមហ៊ុនថ្នាំជក់ គ្រាន់តែធ្វើដើម្បីឱ្យល្អមើលប៉ុណ្ណោះទេ ថែមទាំងឆ្លៀតផ្សាយពាណិជ្ជកម្មផលិតផលថ្នាំជក់ទៀត។ ការប្រើប្រាស់ថ្នាំជក់បណ្ដាលឱ្យកម្ពុជាខាតបង់ប្រាក់ ៦៤៩លានដុល្លារសហរដ្ឋមេរិកជារៀងរាល់ឆ្នាំ ដែលស្មើនឹង ៣ភាគរយនៃ GDP របស់កម្ពុជា។ នេះជាការបញ្ជាក់បន្ថែមរបស់នាយកប្រតិបត្តិអង្គការចលនាដើម្បីសុខភាពកម្ពុជា៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍ថ្មី
មើលទាំងអស់ ➧
គន្លឹះគ្រប់គ្រងពេល ២៤ម៉ោងផ្ទាល់ខ្លួនបានត្រឹមត្រូវ បញ្ជៀសទំនាស់និងបង្កើនគុណភាពជីវិត
បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ
• 15/12/2023
មនុស្សមានទំនាស់ពីរប្រភេទ គឺទំនាស់ក្នុងខ្លួន និងទំនាស់ក្រៅខ្លួន ។ ទំនាស់ក្នុងខ្លួនជាអាកប្បកិរិយាទាស់ទែងនឹងឥរិយាបថ ...
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់វេជ្ជបណ្ឌិតនៅសាកលវិទ្យាល័យ International University of Health and Welfare ប្រទេសជប៉ុន
ព័ត៌មានអាហារូបករណ៍, ព្រឹត្តិការណ៍
• 03/05/2023
សាកលវិទ្យាល័យ International University of Health and Welfare ប្រទេសជប៉ុនប្រកាសជ្រើសរើសនិស្សិតឆ្នាំមូលដ្ឋាន និងឆ្នាំទី២ផ្នែកវេជ្ជសាស្ត្រនៃសាកលវិទ្យាល័យវិទ្យាសាស្ត្រ...
ក្រសួងអប់រំផ្តល់អាហារូបករណ៍១០កន្លែង សម្រាប់ថ្នាក់បរិញ្ញាបត្រជាន់ខ្ពស់ផ្នែកវិធីសាស្រ្តបង្រៀនភាសាបារាំងជំនាន់ទី៥
ព័ត៌មានអាហារូបករណ៍, ព្រឹត្តិការណ៍
• 14/06/2023
ក្រសួងអប់រំ យុវជន និងកីឡាប្រកាសជ្រើសរើសនិស្សិតសិក្សាថ្នាក់បរិញ្ញាបត្រជាន់ខ្ពស់ផ្នែកវិធីសាស្ត្របង្រៀនភាសាបារាំងជំនាន់ទី៥ឆ្នាំសិក្សា២០២៣-២០២៤ ។...
អាហារូបករណ៍សិក្សានៅសាកលវិទ្យាល័យ Pisa ប្រទេសអ៊ីតាលីឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 26/04/2023
ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Pisa នៃប្រទេសអ៊ីតាលីឆ្នាំសិក្សា២០២៣ ។ ...
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Khalifa សហព័ន្ធអារ៉ាប់រួម ឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 24/01/2024
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Khalifa នៃសហព័ន្ធអារ៉ាប់រួម ឆ្នាំសិក្សា២០២៤ ។ អាហារូបករណ៍ផ្ដល់ជូនសម្រាប់និស្សិតអន្តរជាតិទូទាំងពិភពលោកដោយ...
ឱកាសសិក្សានៅប្រទេសបារាំង ពីកម្មវិធីអាហារូបករណ៍ Queen Elizabeth Commonwealth ឆ្នាំ២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 11/04/2023
កម្មវិធីអាហារូបករណ៍ Queen Elizabeth Commonwealth កំពុងបើកផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ ...
អាហារូបករណ៍២៥កន្លែងសម្រាប់ព្រះសង្ឃកម្ពុជាសិក្សាថ្នាក់បរិញ្ញាបត្រនៅពុទ្ធិកមហាវិទ្យាល័យសឹង្ហបុរី
ព័ត៌មានអាហារូបករណ៍, ព្រឹត្តិការណ៍
• 02/01/2024
ពុទ្ធិកមហាវិទ្យាល័យប្រកាសផ្ដល់អាហារូបករណ៍ដល់សមណ:សិស្សដែរមានបំណង់សិក្សានៅផ្នែកសិក្សាព្រះពុទ្ធសាសនាចំនួន២៥កន្លែងនៅសាកលពុទ្ធិកសាកលវិទ្យាសឹង្ហបុរីសម្រាប់ឆ្នាំ...
ក្រសួងអប់រំជ្រើសរើសនិស្សិតអាហារូបរកណ៍រដ្ឋាភិបាលចិន៦០កន្លែង សម្រាប់ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 13/12/2023
ក្រសួងអប់រំ យុវជន និងកីឡាប្រកាសប្រឡងជ្រើសរើសសិស្ស-និស្សិតកម្ពុជាទៅសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ចំនួន ៦០កន្លែង ទៅសិក្សាអាហារូបករណ៍...
កម្មវិធីពិសេសរបស់ AMS EDUCATION
ព័ត៌មានសង្ខេប
