ភ្នំពេញ – ក្រសួងអប់រំ យុវជន និងកីឡា សហការជាមួយភ្នាក់ងារប្រតិបត្តិការអន្តជាតិកូរ៉េ (KOICA) ប្រចាំនៅកម្ពុជា បានប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ផ្នែកបច្ចេកវិទ្យាព័ត៌មាន ដោយសិក្សានៅប្រទេសកូរ៉េ សម្រាប់បុគ្គលិកអប់រំ គ្រូឧទ្ទេស និងគ្រូបង្រៀនចំនួន១៥កន្លែង ។
បេក្ខជនត្រូវមានលក្ខខណ្ឌដូចជា មានសញ្ជាតិខ្មែរ មានអាយុក្រោម៤៥ឆ្នាំ (គិតត្រឹមថ្ងៃទី២៦ ខែវិច្ឆិកា ឆ្នាំ២០២១) ។ មានសញ្ញាបត្រ ICT ឬវិទ្យាសាស្ត្រកុំព្យូទ័រ ឬសញ្ញាបត្រដែលមានតម្លៃសមមូលត្រូវនឹងមុខវិជ្ជាដែលត្រូវជ្រើសរើស មានបទេពិសោធន៍ក្នុងការអប់រំគ្រូបង្រៀនយ៉ាងតិច២ឆ្នាំ ។ មានចំណេះដឹងក្នុងភាសាអង់គ្លេសបានល្អ មានសុខភាព កាយសម្បទា និងសតិបញ្ញាល្អ ។ បេក្ខជនដែលទទួលបានអាហារូបករណ៍សិក្សាទាំង១៥រូបនឹងសិក្សានៅសាកលវិទ្យាល័យជាតិអប់រំកូរ៉េ (Korea National University of Education:KNUKE) នៃប្រទេសកូរ៉េ ។ រយៈពេលសិក្សា១៧ខែ ចាប់ពីខែកុម្ភះ ឆ្នាំ២០២២ ដល់ខែមិថុនា ឆ្នាំ២០២៣ ។
ជាមួយគ្នានេះ បេក្ខជន-បេក្ខនារី ដែលត្រូវផ្ដល់អាទិភាពរួមមាន ជាបុគ្គលិកកំពុងបម្រើការងារនៅអង្គភាពរដ្ឋបាលកណ្ដាល (នាយកដ្ឋានបណ្ដុះបណ្ដាល និងវិក្រឹតការនាយកដ្ឋានអភិវឌ្ឍកម្មវិធីសិក្សា និងនាយកដ្ឋានបច្ចេកវិទ្យាព័ត៌មាន) កំពុងបម្រើការងារនៅតាមគ្រឹះស្ថានសាធារណៈក្រោមឱវាទក្រសួងអប់រំ ។
ក្រោយបញ្ចប់ការសិក្សាបេក្ខជនអាហារូបករណ៍ចំនួន០៣រូបត្រូវទៅបម្រើការងារនៅនាយកដ្ឋានពន្ធបណ្ដុះបណ្ដាល និងវិក្រឹត នាយកដ្ឋានអភិវឌ្ឍកម្មវិធីសិក្សា និងនាយកដ្ឋានបច្ចេកវិទ្យាព័ត៌មាន និង១២រូបទៀតត្រូវទៅបម្រើការងារនៅមជ្ឈមណ្ឌលគរុកោសល្យភូមិភាគខេត្តកណ្ដាល កំពង់ចាម ព្រៃវែង និងតាកែវ ។ បេក្ខជនជាស្ត្រី-បុគ្គលិកអប់រំដែលរស់នៅក្នុងតំបន់ខេត្តគោលដៅខាងលើ ត្រូវបានផ្ដល់អាទិភាព ។
គួរបញ្ជាក់ដែរថាក្នុងអំឡុងពេលសិក្សាបេក្ខជននឹងទទួលបានការផ្ដល់អាហារូបករណ៍ពីរដ្ឋាភិបាលកូរ៉េរួមមាន ប្រាក់អាហារូបករណ៍ ថ្លៃផ្គត់ផ្គង់អាហារ ការស្នាក់នៅ និងថ្លៃធ្វើដំណើរទៅមកកម្ពុជា-កូរ៉េ ។
សម្រាប់បេក្ខជនដែលមានចំណាប់អារម្មណ៍អាហារូបករណ៍នេះ សូមធ្វើការស្វែងរកពាក្យសុំចុះឈ្មោះនៅលើគេហទំព័រផ្លូវការរបស់ក្រសួងអប់រំ យុវជន និងកីឡា (www.facebook.com/moeys.gov.com.kh ) ក្រោយបំពេញពាក្យរួចផ្ញើទៅកាន់នាយកដ្ឋានបណ្ដុះបណ្ដាល និងវិក្រឹតការ តាមរយៈប្រព័ន្ធអនឡាញTelegram លេខ ០៨៦ ៧៧៥ ២៨៥ ដោយរៀបចំជាទម្រង់PDF ។ ចាប់ទទួលពាក្យចាប់ពីថ្ងៃផ្សាយដំណឹងនេះរហូតដល់ថ្ងៃទី២៦ ខែវិច្ឆិកា ឆ្នាំ២០២១ វេលាម៉ោង១៧:០០ល្ងាច ៕
ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។
របាយការណ៍ថ្មី
មើលទាំងអស់ ➧គន្លឹះគ្រប់គ្រងពេល ២៤ម៉ោងផ្ទាល់ខ្លួនបានត្រឹមត្រូវ បញ្ជៀសទំនាស់និងបង្កើនគុណភាពជីវិត
បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ
• 15/12/2023
មនុស្សមានទំនាស់ពីរប្រភេទ គឺទំនាស់ក្នុងខ្លួន និងទំនាស់ក្រៅខ្លួន ។ ទំនាស់ក្នុងខ្លួនជាអាកប្បកិរិយាទាស់ទែងនឹងឥរិយាបថ ...
ព័ត៌មានទូទៅ
មើលទាំងអស់ ➧អាហារូបករណ៍អាស៊ានសិស្សថ្នាក់វិទ្យាល័យសម្រាប់ប្រទេសកម្ពុជា-សឹង្ហបុរី ឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 13/02/2024
ឱកាសសិក្សាអាហារូបករណ៍អាស៊ានសម្រាប់សិស្សវិទ្យាល័យសិក្សានៅប្រទេសសឹង្ហបុរីឆ្នាំសិក្សា២០២៤។ អាហារូបករណ៍ផ្ដល់ជូនសម្រាប់សិស្សកម្ពុជាដែលកំពុង...
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យព្រុយណេដារូសាឡាម ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 21/04/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់សម្រាប់សាធារណជនទាំងពីរភេទនៅសាកលវិទ្យាល័យព្រុយណេដារូសាឡាម នៃប្រទេសព្រុយណេឆ្នាំសិក្សា២០២៣-២០២៤ ...
ឱកាសសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់មុនបណ្ឌិតនៅប្រទេសសឹង្ហបុរីឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 06/02/2024
ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យល្បីៗនៅប្រទេសសឹង្ហបុរីរយៈពេល៤ឆ្នាំ សម្រាប់ឆ្នាំសិក្សា២០២៤។...
អាហារូបករណ៍រៀនជំនាញបច្ចេកទេស និងវិជ្ជាជីវៈ ៧៤០កន្លែង នៅវិទ្យាស្ថានពហុបច្ចេកទេសខេត្តព្រៃវែង
ព័ត៌មានអាហារូបករណ៍, ព្រឹត្តិការណ៍
• 24/11/2023
វិទ្យាស្ថានពហុបច្ចេកទេសខេត្តព្រៃវែង ប្រកាសផ្តល់អាហារូបករណ៍១០០ភាគរយ ដល់សិស្ស និស្សិតរៀនជំនាញបច្ចេកទេស និងវិជ្ជាជីវៈ សម្រាប់ឆ្នាំសិក្សា២០២៣-២០២៤ ចំនួន ៧៤០នាក់។
ឱកាសអាហារូបករណ៍ជំនាញវិជ្ជាជីវៈនៅវិទ្យាស្ថានពហុបច្ចេកទេសភូមិភាគតេជោសែនបាត់ដំបង ចំនួន៥១០កន្លែង
ព័ត៌មានអាហារូបករណ៍, ព្រឹត្តិការណ៍
• 12/03/2024
វិទ្យាស្ថានពហុបច្ចេកទេសភូមិភាគតេជោសែនបាត់ដំបង ប្រកាសផ្តល់អាហាររូបករណ៍សិក្សាជំនាញវិជ្ជាជីវៈ ចំនួន៥១០កន្លែង សម្រាប់យុវជន យុវនារីដែលមកពីគ្រួសារក្រីក្រ គ្រួសារងាយរងហានិភ័យ...
ឱកាសសិក្សាថ្នាក់បរិញ្ញាបត្រជាន់ខ្ពស់នៅ Yenching Academy ប្រទេសចិនឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 28/09/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅ Peking University ពីកម្មវិធី Yenching Scholarship 2024 នៃប្រទេសចិនក្នុងឆ្នាំសិក្សា២០២៤...
អាហារូបករណ៍សាច់ប្រាក់ពីកម្មវិធីអាហារូបករណ៍ មេយប៊ែង កម្ពុជា ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 28/03/2024
ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍របស់ធនាគារ មេយប៊ែង កម្ពុជា(Maybank Cambodia) ឆ្នាំសិក្សា ២០២៤-២០២៥។...
មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប ជ្រើសរើសសិក្ខាកាម៦០០នាក់ រៀនជំនាញបច្ចេកទេសឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 14/12/2023
មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប បានប្រកាសផ្តល់អាហារូបករណ៍សិក្សាជំនាញបច្ចេកទេស និងវិជ្ជាជីវៈឥតគិតថ្លៃ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ សរុបចំនួន ៦០០នាក់។
ឱកាសសិក្សាថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Oxford Pershing Sqaure Graduate ២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 13/09/2023
ឱកាសសិក្សាថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Oxford ចក្រភពអង់គ្លេសពីកម្មវិធីអាហារូបករណ៍ Oxford Pershing Sqaure Graduate Scholarship ២០២៤-២០២៥ ។...