ភ្នំពេញ – យុវតី ណុប ពុធលីណា ជាសិស្សថ្នាក់ទី១២ នៃសាលាអីធូស្ទែម រាជធានីភ្នំពេញ និងជាតំណាងក្រុមដែលបានចូលរួមក្នុងកម្មវិធីជជែកដេញដោលយុវជនថ្នាក់ជាតិ ឆ្នាំ២០២១ ត្រឹមវគ្គ៨ក្រុមចុងក្រោយ ។ ទោះបីជាមិនបានឈ្នះទៅកាន់វគ្គបន្តក្តី សម្រាប់ ពុធលីនណា មិនតូចចិត្តឡើយ ត្បិតអីការប្រកួតប្រជែង មានចាញ់ឈ្នះជារឿងធម្មតា ហើយការចូលរួមប្រកួតក៏មិនមែនដើម្បីយកតែជ័យលាភីនោះឡើយ ប៉ុន្តែចូលរួមដើម្បីយកបទពិសោធន៍ពីការការប្រកួតមកអភិវឌ្ឍខ្លួន ។
សម្រាប់យុវតី ពុធលីណា ការចូលរួមប្រកួតជជែកដេញដោលយុវជនថ្នាក់ជាតិឆ្នាំ២០២១កន្លងទៅនេះ គោលបំណងរបស់ លីណា ព្រោះតែចង់ដឹងពីខ្លួនឯងឱ្យកាន់តែច្បាស់ និងចង់សាកល្បងធ្វើអី្វដែលថ្មី ។ លើសពីនេះ បានជជែកដេញដោលជាមួយសិស្សដែលមកពីវិទ្យាល័យផ្សេងៗគ្នា ។
“ថ្វីត្បិតតែនៅក្នុងកម្មវិធីនេះ ខ្ញុំអត់បានទទួលជ័យលាភីពិតមែន ប៉ុន្តែខ្ញុំពេញចិត្តជាមួយលទ្ធផលដែលខ្ញុំទទួលបាន ពីព្រោះនៅក្នុងកម្មវិធីនេះ ខ្ញុំបានយល់ដឹងច្រើន ដូចជា ការធ្វើការងារជាក្រុម ចំណុចខ្សោយ និងចំណុចខ្លាំងរៀងៗខ្លួន”
យុវតី ណុប ពុធលីនណា
សិស្សថ្នាក់ទី១២ នៃសាលាអីធូស្ទែមរូបនេះ បានបន្ថែមថា នៅក្នុងការប្រកួតនោះ នាងទទួលបានបទពិសោធន៍ដូចជា ចំណេះដឹង និងជំនាញជាច្រើន ដើម្បីជួយជំរុញដល់ការសិក្សាឱ្យកាន់តែប្រសើរជាងមុន ។ យុវតីរូបនេះ បន្តថា ក្រោយការប្រកយតនាងបានពង្រឹងចំណុចខ្លាំងរបស់ខ្លួន និងយកទៅចែករំលែកជាមួយសមាជិកដទៃទៀត ។ ហើយចំពោះចំណុចខ្សោយវិញ នាងព្យាយាមអភិវឌ្ឍឱ្យកាន់តែប្រសើរជាងមុន ដូចជា ការរៀនអំពីគ្រូបង្វឹក គ្រូដឹកនាំ សមាជិកក្រុម និងបេក្ខជនមកពីវិទ្យាល័យផ្សេងៗ ។
យុវតីវ័យ១៧ឆ្នាំរូបនេះ បន្ថែមថា បញ្ហាប្រឈមក្នុងការប្រកួតនោះ គឺសមាជិកក្រុមទាំងអស់ត្រូវរៀនសម្របខ្លួនទៅនឹងបរិបទថ្មីដែលមានការឆ្លងរីករាលដាលនៃជំងឺកូវីដ-១៩ ដោយគ្រប់យ៉ាងប្រព្រឹត្តទៅតាមប្រព័ន្ធអនឡាញ ខណៈសមាជិកក្រុមនៅខេត្តផ្សេងៗពីគ្នា ចំណែកសេវាអ៊ីនធឺណិតមានភាពរអាក់រអួល ពិបាកទំនាក់ទំនង ក្នុងការឆ្លើយតបជាមួយគ្នាដោយផ្ទាល់ ។
ទោះយ៉ាងណាក៏ដោយ យុវតី ណុប ពុធលីណា នៅតែប្តេជ្ញាបន្តចូលរួមក្នុងកម្មវិធីជជែកដេញដោល នៅឱកាសក្រោយៗទៀត ហើយក៏លើកទឹកចិត្តយុវជនផ្សេងទៀតឱ្យចូលរួម ព្រោះជាឱកាសមួយដែលអាចឱ្យយុវជនរៀនសូត្របានច្រើនពីមនុស្សជុំវិញខ្លួន និងស្គាល់ខ្លួនឯងកាន់តែច្បាស់ ៕
កញ្ញា វ៉ាន គីមសល់ ជាអ្នករាយការណ៍ព័ត៌មានអប់រំឱ្យបណ្ដាញសារព័ត៌មាន AMS Education ។
របាយការណ៍ថ្មី
មើលទាំងអស់ ➧គន្លឹះគ្រប់គ្រងពេល ២៤ម៉ោងផ្ទាល់ខ្លួនបានត្រឹមត្រូវ បញ្ជៀសទំនាស់និងបង្កើនគុណភាពជីវិត
បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ
• 15/12/2023
មនុស្សមានទំនាស់ពីរប្រភេទ គឺទំនាស់ក្នុងខ្លួន និងទំនាស់ក្រៅខ្លួន ។ ទំនាស់ក្នុងខ្លួនជាអាកប្បកិរិយាទាស់ទែងនឹងឥរិយាបថ ...
ព័ត៌មានទូទៅ
មើលទាំងអស់ ➧ឱកាសអាហារូបករណ៍ទៅសិក្សានៅប្រទេសរុស្ស៊ីចំនួន៤០កន្លែង សម្រាប់ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 23/01/2023
សមាគមនិស្សិតខ្មែរប្រចាំសហព័ន្ធរុស្ស៊ីបានជូនដំណឹងថា ក្នុងឆ្នាំសិក្សា២០២៣នេះ រដ្ឋាភិបាល នៃសហព័ន្ធរុស្ស៊ី នឹងផ្តល់អាហារូបករណ៍ចំនួន ៤០កន្លែងដល់សិស្ស និស្សិត ...
វិទ្យាស្ថានពហុបច្ចេកទេសខេត្តកំពង់ធំ ជ្រើសរើសយុវជនចូលរៀនជំនាញឥតបង់ថ្លៃចំនួន ៥៤០កន្លែង
ព័ត៌មានអាហារូបករណ៍, ព្រឹត្តិការណ៍
• 04/12/2023
វិទ្យាស្ថានពហុបច្ចេកទេសខេត្តកំពង់ធំ បានប្រកាសជ្រើសរើសយុវជន យុវនារី ដែលមកពីគ្រួសារក្រីក្រ និងគ្រួសារងាយរងហានិភ័យឱ្យចូលសិក្សាជំនាញបច្ចេកទេស និងវិជ្ជាជីវៈ ឥតបង់ថ្លៃចំនួន ៥៤០កន្លែង។
អាហារូបករណ៍ថ្នាក់សិក្សា Online វគ្គខ្លីនៅសាកលវិទ្យាល័យ Stanford
ព័ត៌មានអាហារូបករណ៍, ព្រឹត្តិការណ៍
• 18/07/2023
ឱកាសសិក្សាជំនាញវគ្គខ្លីនៃសាកលវិទ្យាល័យ Stanford ពីកម្មវិធីអាហារូបករណ៍ Stanford University Free Online Courses 2023 ដល់និស្សិតបរទេសសម្រាប់ឆ្នាំសិក្សា២០២៣...
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាលាជាតិផែនការ និងស្ថិតិឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 12/02/2024
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ចំនួន២០កន្លែងនៅសាលាជាតិផែនការ និងស្ថិតិសម្រាប់ឆ្នាំសិក្សា២០២៤-២០២៥។ អាហារូបករណ៍...
ឱកាសសិក្សាជំនាញ TVET ឥតគិតថ្លៃចំនួន ២១០កន្លែងនៅវិទ្យាស្ថានពហុបច្ចេកទេសតេជោសែន
ព័ត៌មានអាហារូបករណ៍, ព្រឹត្តិការណ៍
• 28/04/2023
ក្រោមគម្រោងកម្មវិធីធ្វើទំនើបកម្មប្រព័ន្ធអប់រំបណ្តុះបណ្តាលបច្ចេកទេស និងវិជ្ជាជីវៈឆ្នាំ២០២៣ វិទ្យាស្ថានជាតិពហុបច្ចេកទេសតេជោសែន ដែលជាគ្រឹះស្ថានអប់រំបណ្តុះបណ្តាល...
ឱកាសសិក្សាថ្នាក់បរិញ្ញាបត្រ៣០០កន្លែងពីអាហារូបករណ៍ទេពកោសល្យឌីជីថលតេជោឆ្នាំសិក្សា ២០២៤
ព័ត៌មានអាហារូបករណ៍, ព្រឹត្តិការណ៍
• 07/12/2023
ឱកាសទទួលបានអាហារូបករណ៍សិក្សាថ្នាក់បរិញ្ញាបត្រចំនួន៣០០កន្លែងពីកម្មវិធីអាហារូបករណ៍ទេពកោសល្យឌីជីថលតេជោថ្នាក់បរិញ្ញាបត្រឆ្នាំសិក្សា២០២៤ ពីសម្ដេចអគ្គ...
ឱកាសសិក្សានៅសាកលវិទ្យាល័យល្បីៗចំនួន៤ក្នុងប្រទេសសិង្ហបុរី ពីអាហារូបករណ៍ Dr.GOH KENG SWEE
ព័ត៌មានអាហារូបករណ៍, ព្រឹត្តិការណ៍
• 11/01/2023
កម្មវិធីអាហារូបករណ៍ Dr. GOH KENG SWEE ឬហៅកាត់ថា GKS Scholarship ប្រកាសផ្ដល់អាហារូបករណ៍ថ្នាក់បរិញ្ញាបត្រដល់និស្សិតបរទេសឆ្នើម...
អាហារូបករណ៍សម្តេចអគ្គមហាសេនាបតីតេជោ ហ៊ុន សែន ៥០កន្លែងនៅសាកលវិទ្យាល័យភូមិន្ទវិចិត្រសិល្បៈ
ព័ត៌មានអាហារូបករណ៍, ព្រឹត្តិការណ៍
• 20/12/2023
សម្រាប់សិស្ស-និស្សិតដែលមានបំណងចង់សិក្សាជំនាញផ្នែកសិល្បៈ ពេលនេះ គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន នឹងផ្តល់អាហារូបករណ៍...