ភ្នំពេញ៖ នៅក្នុងគ្រួសារឪពុកម្ដាយជាបុគ្គលគម្រូដំបូងបំផុតដែលកូនៗងាយយកតម្រាប់តាម។ កាតព្វកិច្ចរបស់ឪពុកម្ដាយ ឬអ្នកថែទាំងកុមារ ត្រូវផ្ដល់ការយកចិត្តទុកដាក់ ការថែទាំ ការការពារ ការផ្ដល់ក្ដីស្រឡាញ់ ការផ្ដល់ចំណីអាហារ និងការអប់រំកូន។ ទង្វើ ឬសកម្មភាពដែលឪពុកម្ដាយប្រព្រឹត្តត្រូវមានទំនួលខុសត្រូវ និងជៀសវាងទង្វើមិនល្អដែលនាំឱ្យកូនប្រព្រឹត្តតាម។
លោកស្រី ភេ សុផាន់នី ជាគ្រូបង្រៀនសាលាបឋមសិក្សារកា នៅខេត្តកណ្ដាល មានប្រសាសន៍ថា ក្មេងប្រៀបដូចជាក្រដាស់ស បើឥរិយាបទ ឬទង្វើរបស់ឪពុកម្ដាយបែបណាកូន ឬកុមារងាយនឹងចាប់យកបានបំផុត។
លោកស្រីបានបន្ថែមទៀតថា៖
“កាលណាឪពុកម្ដាយប្រើប្រាស់អំពើហិង្សា ឈ្លោះប្រកែកគ្នា ប្រើពាក្យសម្ដីមិនសមរម្យ អាចធ្វើឱ្យកូន ឬកុមារចូលចិត្តឈ្លោះប្រកែកគ្នា មានកាយវិការនិងការនិយាយស្ដីមិនសមរម្យ បើឪពុកម្ដាយបង្ហាញទង្វើល្អ អប់រំកូននោះកូនក៏មានសណ្ដាប់ធ្នាប់ល្អទៅតាមនោះដែរ”
ចំណែក លោក ឡេង វិទូ ជាសាស្រ្ដចារ្យភាសាអង់គ្លេស បានឱ្យដឹងដែរថា ឪពុកម្ដាយត្រូវដើរតួជាគម្រូល្អដល់កូន បង្រៀនកូនពីរបៀបរបបនិយាយស្ដី ការរស់នៅ ការធ្វើអនាម័យ ដោយអនុវត្តជាមួយកូនជាប្រចាំ នោះកូននឹងចងចាំពីវិធីសាស្រ្ដទាំងអស់នេះ ហើយយកទៅអនុវត្តតាមក្នុងដំណើរជីវិតរបស់ពួកគេ។
លោកសាស្រ្ដចារ្យ ឡេង វិទូ បានបញ្ជាក់ថា ៖
“ឪពុកម្ដាយមិនត្រឹមតែជាគម្រូសម្រាប់កូននោះទេ តែអាចដើរតួជាមិត្តភក្ដិរបស់កូនក្នុងការពិភាក្សាឱ្យយោបល់ក្នុងការធ្វើអ្វីមួយជាគូ ឬជាក្រុមដែលជួយឱ្យកូនកាន់តែមានភាពស្និទ្នស្នាលជាមួយឪពុកម្ដាយតាមរយៈឥរិយាបទល្អៗដែលឪពុកម្ដាយប្រព្រឹត្តចំពោះកូន ជួយឱ្យកូនទទួលបានការអប់រំល្អ និងចេះរៀបចំជីវិតរស់នៅរបស់ពួកគេបានល្អទៅថ្ងៃអនាគតបាន”
គួររំលឹកថា ការអប់រំកូនតាមបែបវិជ្ជមាន ម្តាយឪពុកគួរជៀសវាងស្រែកគំហក ជេរប្រមាថដល់កូន ឬកុមារ ជាពិសេសការប្រៀបធៀបកូន ឬកុមារទៅកុមារផ្សេងទៀត ដោយបែរមកពិភាក្សា សួរបញ្ជាក់ និងពន្យល់ហេតុផលដល់កូន ដើម្បីឱ្យគាត់បានដឹងពីគោលបំណងរបស់ឪពុកម្តាយ អាណាព្យាបាល ឬអ្នកថែទាំ។ នេះបើតាមសៀវភៅរបស់ក្រសួងកិច្ចការនារីស្ដីពីរបៀបចិញ្ចឹមកូនតាមបែបវិជ្ជមាន៕
កញ្ញា វ៉ាន គីមសល់ ជាអ្នករាយការណ៍ព័ត៌មានអប់រំឱ្យបណ្ដាញសារព័ត៌មាន AMS Education ។
ព្រឹត្តិការណ៍, អប់រំកុមារតូច
បណ្ណាល័យនៅផ្ទះ ពិតជាមានសារៈសំខាន់ក្នុងការបង្កើនភាពស្និទ្ធស្នាលក្នុងគ្រួសារ បង្កើតបរិយាកាសរីករាយឱ្យកូនៗចូលចិត្តអាន និងចង់រៀនតាំងពីតូច។ ទន្ទឹមគ្នានេះ អ្នកស្រី ចាន់ ភ័ត្រា ជានាយិការង នៃអនុវិទ្យាល័យ…
ព័ត៌មានជាតិ, ព្រឹត្តិការណ៍
ក្រសួងការងារ និងបណ្តុះបណ្តាលវិជ្ជាជីវៈបានឱ្យដឹងថា បច្ចុប្បន្ននេះ កម្ពុជាកំពុងមានតម្រូវការកម្លាំងពលកម្មសរុបចំនួន ៤៧ ៧១៧កន្លែង សម្រាប់វិស័យចំនួន៣ គឺ វិស័យឧស្សាហកម្ម, សេវាកម្ម និងកសិកម្ម។
ជំនាញ, ព្រឹត្តិការណ៍
ជំនាញកុំព្យូទ័រ ឬ ការសិក្សាពីផ្សេងៗរបស់កុំព្យូទ័រជាតម្រូវចាំបាច់ និងមានទីផ្សារខ្ពស់នៅក្នុងប្រទេសកម្ពុជានាពេលបច្ចុប្បន្ន និងពេលអនាគត។ …
ចំណេះជីវិត, ព្រឹត្តិការណ៍
មតិកែលម្អ គឺជាឧបករណ៍មានឥទ្ធិពលក្នុងការបង្កើនសមត្ថភាពត្រិះរិះពិចារណា។ តាមរយៈការទទួលយកមតិកែលម្អ អ្នកអាចកំណត់ចំណុច ដែលអ្នកត្រូវកែប្រែ និងអភិវឌ្ឍ ហើយអាចប្រឈមមុខនឹងបញ្ហាជាមួយនឹងភាពធន់។
ព័ត៌មានអាហារូបករណ៍, ព្រឹត្តិការណ៍
វិទ្យាស្ថានជាតិវិជ្ជាជីវៈខេត្តបាត់ដំបង បានប្រកាសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ដែលមានបំណងចង់រៀនជំនាញវិជ្ជាជីវៈ ឱ្យប្រញាប់ចុះឈ្មោះចូលរៀន ដោយក្នុងឆ្នាំ២០២៣-២០២៤នេះ…
ព័ត៌មានអាហារូបករណ៍, ព្រឹត្តិការណ៍
វិទ្យាស្ថានពហុបច្ចេកទេសខេត្តកំពង់ស្ពឺ បានប្រកាសពីការជ្រើសរើសយុវជនរហូតដល់ចំនួន ៥៧០នាក់ ដើម្បីចូលរៀនជំនាញបច្ចេកទេស និងវិជ្ជាជីវៈ១ កម្មវិធី ១.៥លាននាក់ជំហានទី២ ដែលនឹងចាប់ផ្តើមនៅពាក់កណ្តាល…
ចំណេះជីវិត, ព្រឹត្តិការណ៍
ការស្រាវជ្រាវបង្ហាញថា មនុស្សដែលមានបញ្ហាប្រព័ន្ធប្រសាទ អាចពង្រឹងសុខភាពផ្លូវអារម្មណ៍ និងការចូលរួមក្នុងសង្គមបាន តាមរយៈការរស់នៅជាមួយធម្មជាតិ។
ព័ត៌មានជាតិ, ព្រឹត្តិការណ៍
កាលពីថ្មីៗនេះ តាមរយៈស្ថានទូតអូស្ត្រាលីប្រចាំកម្ពុជា អាជ្ញាធរគ្រប់គ្រងស្តង់ដា និងកម្មវិធីសិក្សារបស់នាយកដ្ឋានអប់រំរដ្ឋអូស្រ្តាលីខាងលិច បានប្រគល់វិញ្ញាបនបត្រទទួលស្គាល់កម្មវិធីសិក្សាស្តង់ដាអូស្រ្តាលីទៅដល់…
ព័ត៌មានជាតិ, ព្រឹត្តិការណ៍
រាជរដ្ឋាភិបាលកម្ពុជាបានកំណត់យកថ្ងៃទី១៥ ខែមិថុនា ជារៀងរាល់ឆ្នាំ ជាទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ ក្នុងគោលបំណងដើម្បីលើកកម្ពស់ការអប់រំបណ្តុះបណ្តាលបច្ចេកទេស និងវិជ្ជាជីវៈ…
ចំណេះជីវិត, ព្រឹត្តិការណ៍
បម្រែបម្រួលអាកាសធាតុ ជាចំណែកសំខាន់មួយប៉ះពាល់មកកាន់យើងទាំងអស់គ្នា គ្រោះមហន្តរាយដែលបង្កដោយគ្រោះថ្នាក់នៃបរិយាកាសនេះបានកើតមានពីមួយពេល ទៅមួយពេល…..